Б. Бұлқышев Шығыс ұлына хат

Сабақтың тақырыбы: Баубек Бұлқышев «Шығыс ұлына хат»

Сабақтың мақсаты:

1.Білімділік; жазушы шығармасының эпистолярлық жанрдағы көркем шығарма екенін таныту, көркемдік ерекшелігін талдау. 2.Дамытушылық:оқушылардың шығармашылығын, өздіктерінен ізденуін, танымдық дербестігін арттыру, өзіндік ой-пікірін еркін айтуға дағдыландыру, топпен жұмыс істеуге төселдіру;

3.Тәрбиелік:бабалардың ерлік рухын сезіндіру арқылы азаматтық тәрбие беру, ұлттық намысты қалыптастыру, патриоттық тәрбие беру.

Сабақтың түрі: Аралас сабақ

Типі: Білік пен дағдыны қалыптастыру.

Әдіс-тәсілдері: СТО жобасының стратегиялары («ББҮ» әдісі, «Авторға хат».)

Көрнекілігі: Баубек Бұлқышевтың портреті, «Заман біздікі», «Адамзатқа хат» жинақтары, батырлық, ерлік жайлы мақал-мәтелдер, Ұлы Отан соғысы кездерінен слайдтар.

І.Ұйымдастыру кезеңі. а) оқушылармен амандасу, түгендеу; (кезекші мәліметі).

ә) психологиялық тренинг

Жас еді Баубек жиырмада ғана,

От еді бірақ лапылдап тұрған.

Деуші едік оны жалынды бала,

Корчагин сынды дауылда туған.

(Бейнетаспадан 1941 жылғы қанды оқиға жайындағы сюжетті оқиғалардан үзінді көрсетіліп тұрады. Мұғалім сабақтың мақсатымен таныстырады және сабақтың айдарын мәнерлеп Б.Бұлқышев бейнесіндегі оқушының оқуы)

Сабақтың айдары:

... Менің бұл жазғандарым болашақта

біздің осы ұлы күресімізді зерттеушілердің

қолына түсіп,үлкен істердің кішкене бір

тетігіне тиянақ болуға жараса,менде одан

басқа арман да жоқ,ол зерттеушілер біз осы

арпалыста жүргенде қайғыра да,жылай да,

қуана да,күле де,кектене де білгенімізді ұғынса болғаны.

Сабақтың барысы:

II. Үй тапсырмасын сұрау. Өзіндік іздену-зерттеу жұмысы. (Үш топқа бірдей берілген тапсырмаларын орындау барысында, әр топ өзіне ұпай жинауы тиіс. Жауаптарының дұрыстығына қарай оқушыларға түрлі-түсті медальдар тапсырылады).

Қызғылт түс-өте жақсы жауап бергенге

Көк түс-жақсы

Сары түс-қанағаттанарлық

1. Оқушыларға Б.Бұлқышевтың өмірі мен шығармалары жайлы ізденіп келген мәліметтерін оқу, слайд арқылы көрсетіп, әзірлемелерін қорғау.

2. «Шығыс ұлына хат» туындысынан өздеріне ұнаған үзіндіні жатқа айту.

III. Шығармашылық жұмыс.

А) Стильдік тәсілі.

• Көркемдік шеберлігі қаламгерлік талантынан танылған.

• Авторлық баяндаумен берілген.

• Кейіпкерлерге қаратыла айтылған.

• Қайғысына ортақтастығы әсерлі берілген.

• Саяси-көркем проза

• Ақиқат өмірдің сырлы суреті айқын,оның арқауы-шындығында.

Ә) Ұяшық тапсырмалары

1. Хат кімдерге арналған? Шығыс ұлы кім?

2. Автор Шығыс ұлына дей отырып жалпы кімдерді меңдеп отыр?

3. «Елім-ай» әнінің мәні неде?

4. Хатта қазақтың қандай қасиетті ұлдарының аты аталған? Өздерің олар жайлы не білесіңдер?

5. М.Өтемісұлының өлеңінен алынған үзіндіні хаттан тап?

6. «Өлімнен ұят күшті» деген халық мақалын автор жауынгерлердің мақсат-мүддесімен қалай байланыстырады?

Б) Топпен жұмыс. (Үш топқа тапсырма беру)

І топ.

1. «Өмір-күрес, жеңе біл» мағынасын аш?

2.Б.Бұлқышевқа арнау хат жазу.

ІІ топ

1. «Жастық-жалындаған от» мағынасын аш?

2.Шығыс халқына арнау,үндеу хат жазу.

ІІІ топ

1. Елімнің ертеңі-біздің қолымызда

2.Б.Бұлқышевқа арнау өлеңін жазу немесе хат арқылы автордың өз тұлғасын ашу..

ІV. Электронды оқулықпен жұмыс

Бүгінгі күнгі Қазақстан туралы әңгімелеу

V. Үйге тапсырма. «Ел ертеңі-біздің қолымызда» тақырыбына шығарма жазып келу.

VI. Қорытынды.

«БҮҮ» әдісі бойынша оқушылар алдарындағы үлестірме қағаздарды толтырып, қорытындылайды.

Білемін

Білгім келеді

Үйрендім

Мұғалімнің қорытынды сөзі: -Иә, Баубек қанатты ой иесі, арманшыл жас еді. Ол шат өмірді, жастық дәуренді, қаһарман халықты, жүрекке нұр құйған заманда жыр етті. «Шығыс ұлына хат» еңбегінде туған ел, өскен

жер, дос, жолдасқа, туған-туысқа деген шынайы сүйіспеншілікті көреміз. Баубек Бұлқышев өмірі, оның күресі, шығармашылық еңбегі -барлық жасқа өнеге.

«Жоқ, болмайды, мен өлмен,

Өшпес менде өмір бар.

Өлім мен өмір күресте

Өлімді өмір жеңе алар» деген сөзімен сабақты аяқтаймын.

VIІ. Оқушыларды бағалау. (Әр топ өздерінің жинаған медальдарының санымен топтың ұпайы анықталады.)

Рефлексия. -Сендерге бүгінгі сабақ ұнады ма?..(Смайликпен көрсету)

Түйін. Бәріміз «Соғыс болмасын, бейбіт өмір сүрейік!»-деген тілекпен «Ақ көгершін» әнін орындайық...