Презентация на тему Буклеты. Результат проекта

Дүүргээ: 9-дэ классай һурагша

Доржиева Виктория

Горхоной дунда hургуули

Нойр үргэһэн- һургаалай,

нойтон гүзээн - хэмжүүрэй.

2015 он.

Урданай сэсэн һургаалнууд.

Буряад угсаатан үри хүүгэдтээ эдеэ хоол зоргоорнь худхуулдаггүй, нэгэ сагта хэмтэйгээр эдеэлүүлдэг байгаа.

1. Инсагаалтараа бү эдеэлэ, хүнэй хото дунда ябахада һайн.

2. Эдеэн бүхэн өөрын һайхан үнэртэй, үнгэтэй,амтатай. Эдеэн бүхэниие гамнаха хэрэгтэй.

3. "Садахада сагаан хурьганай һүүл гашуун" гэжэ хоолоо голожо, дэмыдэ хаяжа бү яба, хэшэгээ зайлахаш" гэһэн һургаалай үгэ хэлэгдэдэг һэн.

4. Буряад хүн эдеэлхэдээ сухалаа хүрөөд, дуугархаяа болишодог гэһэн шог ёгто үгэ бии. Энэмнай тиимэ бэшэ, харин ондоо тээшээ һамаарангүй(ном уншажа, телевизор хаража, компьютераар наадажа), һайнаар үлтирүүлжэ, жажалжа эди гэһэн болоно.

5. Эдеэнэйнгээ эгээл һайниие наһатайшуулдаа эдюулэ.

Үтэлһэн хүндэ 3 зөөлэн хэрэгтэй:унтариин , эдеэнэй, үгын.

Эхэ эсэгэеэ, үндэр наһатай түрэлхидөө һайнаар үргэхэ, ямбалха гээшэ буряадуудай гол һургаал.

Дүүргээ: 9-дэ классай һурагша

Доржиева Виктория

Горхоной дунда hургуули

Үлэн хооһоор бэе махабадаа аргалха тухай.

2015 он.

Үлэн хооһон байдалаар бэе махабадаа аргалха гэһэн үйлэ урдын түбэд һргада байгаа. Манайшье буряад -монгол угсаатан энэ арга хэрэглэдэг байгаа.

Арга хэхэ таатай саг.

Зунай сагта үлэн хооһоор байжа болохогүй.

Эгээл һайн, таарамжатай һаранууд: март, апрель, май, октябрь, ноябрь.

Буряад орондомнай таарама арга.

Энэ арга хадаа зүрхэнэй үбшэнтэй гү, али үлүү таргалһан, бэеын тэнхээ һуларһан зондо ехэ туһатай.

Түрүүшын үдэр.

Үглөөнэй 6 сагта 3 грамм зүгын тоһотой бусалһан уһа уугаад, гэр соогуураа аргаахан 3 минута соо гэшхэлхэ, хүнгэн заряадка хэхэдэ болохо. Һүүлдэнь бэеынгээ баруун тала дээрээ хэбтээд, 1 часай туршада унтаха хэрэгтэй. Үдын 13 саг болотор юумэ эдижэ болохогүй.

3 часта үлэтэй эдеэ эдигты, харин мяха эдижэ болохогүй. Хэрбээ 1-2 монсогор мяха эдибэлтнай, бэшэ туһа болохогүй. Эдеэлһэнэй удаа 2-3 минута болоод, 100 грамм бусалһан уһан соо 0,5 грамм имбирь хээд ууха хэрэгтэй. Үдэшын 20 сагта 2 стакан бусалһан уһа уугаад, бэшэ юумэ эдихэгүй.

Хоёрдохи үдэр.

Үглөөнэй 6 сагта лимонтой нэгэ стакан бүлеэн бусалһан уһа уугаад, бэшэ юушье эдихэ, уухагүй, хүдэлмэри, зарядкашье хэхэгүй, сухалаа хүдэлгэжэ болохогүй, бэеынгээ хүсэ шадал гаргахагүй.

Гурбадахи үдэр.

Үглөөнэй 6 сагта 200 грамм һү хөөрүүлээд, 0,7 грамм дабһа, 6 грамм саахар ба 200 грамм уһа нэмээд, 15 минутын туршада уугты. 1 час болоод мяхагүй эдеэ эдихэт. Обедтэ, 13 сагта зүгын тоһотой 200 грамм бусалһан хүйтэн уһа уухат, удаань нэгэ бага шанаһан рис эдихэт. Үдэшын 20 сагта багаханаар түргэн буйлуулагдаһан эдеэ эдихэ.

Энэ арга 3 хоногтол сахиха. Хэрэгтэй гэжэ тоолобол, үшөө хоёр долоо хоноод дабтахада болоно.

Дүүргээ: 9-дэ классай һурагша

Доржиева Виктория

Горхоной дунда hургуули

Түбэд эмшэлгын элдэб зүбшэлнүүд.

2015 он.

Сай ууха хорилтонууд.

1. Ехээр сай оло дахин уужа болохогүй.

2. Үлүү гашуун сай уужа болохогүй.

3. Үни эдеэшүүлһэн сай уужа болохогүй.

4. Үлэн хооһон хотодо сай уужа болохогүй.

5. Һүниндөө сай уужа болохогүй.

6. Эм айгаар даруулжа, уужа болохогүй.

7. Унтахынгаа урда сай уужа болохогүй.

8. Халууржа байхадаа сай уудаггүй.

9. Үхибүүтэй болохоёо байһан эхэнэр ехэ сай уужа болохогүй.

Уһа яагаад уухаб?

1. Түүхэй уһа уужа болохогүй.

2. Тон халуун гү, али сэл хүйтэн уһа уужа болохогүй.

3. Уһа уухадаа яарангүй, аргааханаар ууха хэрэгтэй.

4. Ажал хэжэ хүлэрөөд, тэрэ дары хүйтэн уһа уужа болохогүй.

5. Унтахынгаа урда тээ тон ехээр уһа уужа болохогүй.

6. Бууза болон бүхэлёор мяха эдеэд, хүйтэн уһа уужа болохогүй.

Һү ууха өөрын ёһо гуримууд.

Һүн гээшэ белок болон тоһоор элбэг эдеэнэй зүйл гээшэ. Урдын зон һүн гээшэ ута наһанай ундан гэжэ хэлсэдэг байгаа. Мүн энэ эдеэн баһал өөрын хорюултай.

1. Һү удаан бусалгажа болохогүй, һүн соохи хэрэгтэй бодосууд үгы болошохо.

2. Үлэн хотодо һү уужа болохогүй.

3. Халуун һүн соо саахар хэжэ болохогүй.

4. Хотын элдэб яратай үбшэн, нарин гэдэһэнэй, һэлһэнэй үбшэн болон шуһанай багадалгада һү уужа болохогүй.

5. Элдэб аллергитэй зондо һү уужа болохогүй.

6. Наран доро байһан хууха амһартатай һү уужа болохогүй.