Тренинг Мұғалім оқушы көзімен

«Мұғалім оқушы көзімен»

Мақсаты: ертегінің баланың сана-сезімін оятып, қиялын қанағаттандыратынын және жаманнан жиреніп, адамгершілікке, имандылыққа тәрбиелейтінін айту және ертегінің балалармен қарым-қатынас жасаудың тиімді құралы екенін ұғындыру. Ертегілерде мейірімділік пен зұлымдықтың, олардың арасындағы қарама-қайшылықтардың, қорқыныш пен әділетсіздіктің болатыны туралы және қиын жолдардан шығу жайлы айтылатынын түсіндіру.

Көрнекілік: слайд, суреттер, ақ парақшалар

Тренингтің барысы:

І. Ұйымдастыру кезеңі

1. Сәлемдесу

2. Шаттық шеңбері

Тренинг жүргізуші шеңбер құруды ұсынады.

• Шеңбер құрып тұра қалайық. Біздің шаттық шеңберіміз қандай керемет. Ол жай шеңбер емес, сиқыры бар шеңбер. Олай болса, іске кірісейік. Осы шеңбердің сиқырлы болуы сіздерге байланысты.

(төрт сурет дайындау)

1. Күліп тұрған адамның суреті

2. Алақан суреті

3. Күннің суреті

4. Жүрек суреті

1. Күлімдеп тұрған адамның суретіне қарап, бір-бірімізге қарап күлейік;

2. Алақан суретіне қарап қолдарымызды қосамыз;

3. Күннің суретіне қарап бір-бірімізге жылы сөз айтамыз;

4. Жүрекке қарап бір-бірімізбен құшақтасамыз;

Сіздерге көп рахмет! Енді әрі қарай жұмысымызға кірісейік.

ІІ. Тапсырма

1. Ертегі дегеніміз не? Қалай түсінесіздер?

Ертегі - бұл ерекше жанр. Ертегі жанры баланың сана- сезімін оятып, жаманнан жирендіріп, адамгершілікке, имандылыққа тәрбиелейді. Сондықтан да бала-бақшада да, отбасында да, мектепте де ертегі әрі білім, әрі тәрбие және ол - балалармен қарым-қатынас жасаудың тиімді құралы. Ертегілер бірнеше ғасырлар бойы ұрпақтан-ұрпаққа беріліп келеді. Ертегілерде балалық дүниетаным үшін маңызды мәселелер қалыптасады. Ертегі ол оқиға желісімен жүріп отырып, ертегі соңында барлығы бақытты болады. Сіздердің бүгінгі ертегілеріңізге солай боларына кәміл сенемін.

2. Экранға назар аударамыз. Экранда бес ертегінің суреті бейнеленген. (Ертегілерді слайдпен көрсету)

Құрметті әріптестер ертегілердің ішіндегі кейіпкерлерін алайық.

• Маша мен аю. Мысалы (Маша ақылды, сұлу. Аю - аңқау, зұлым емес)

• Тазша бала ертегісі (Тазша бала - шешен, тапқыр. Хан - ақымақ, аңғал)

• Бауырсақ ертегісі (Бауырсақ - аңқау, тәтті, жылдам. Түлкі - қу, өтірікші)

• Буратино ертегісі (Буратино - жылдам, жалқау. Мальвина - сұлу, ақылды)

• Қаңбақ шал ертегісі (Қаңбақ шал - желаяқ. Дәу - үлкен, ақымақ)

Екі топқа бөлінейік:

1-топ. Маша, Хан, Түлкі, Буратино, Дәу.

2-топ. Аю, Тазша бала, Мальвина, Бауырсақ, Қаңбақ шал

Тапсырма: Екі топ осы кейіпкерлерді қатыстырып, ғажайып ертегі құрастырамыз. Ертегілердегі кейіпкерлердің бойындағы қасиеттерін сіздер өз ертегілеріңізде көресете білулеріңіз керек. Бір-бірлеріңіздің киімдеріңізді ауыстырып пайдалануларыңызға болады.

3. Ғажайып ертегіні бағалаймыз.

Қай топ ертегіні жақсы көрсете білді? Өз пікірлеріңізді білдіріңіздер (5 минут)

4. «Ғажайып сиқырлы орман» әдістемесі

Тренингке қатысушы екі топқа үлкен форматты қағаз, фломастерлер, түрлі-түсті қалам беріледі.

Топқа қиялдағы сиқырлы орман суретін салу ұсынылады. Тапсырманы орындауға 5 минут уақыт беріледі. Соңында әр топтың қиялын байқауға болады.

«Келесі кездескенше» жаттығуы

Менің қолымдағы күннің суретін көріп тұрсыздар. Ол бүгінгі күнге шуақ шашып, бізге жылулық, қуаныш бақыт әкеледі. Сіздер осы күнді бір-бірлеріңізге беріп, бүгінгі тренингтен алған әсерлеріңізбен бөлісіп, тілектеріңізді арнайсыздар.