Ана тілі. Ашық сабақ

Сабақтың тақырыбы: Шегіртке мен құмырсқа. Абай

Мақсаты: Оқушыларды мысалды түсініп оқып, ондағы кейіпкерлерге баға беруге,

өзіндік пікір айтуға үйрету, тілін, сөздік қорын, сөйлеу қабілетін дамыту;

.Авторлар жөнінде мәлімет беру.Мысал ұғымын түсіндіру.

Тақырыптың идеясын ашу, еңбекқор, шыдамды болуға үйрету.
Өтілген сабақ пен жаңа сабақты байланыстыру арқылы

шығармашылық ойлау қабілетін дамыту. Адалдыққа, адамгершілікке

еңбексүйгіштікке,қайырымдылыққа тәрбиелеу.

Әдісі: сұрақ-жауап,талдау, түсіндіру,болжау стратегиясы

Көрнекілік: суреттер, сызба, мультимедиялық қондырғы слайдтары,кейіпкерлер

киімі салыстыру кестесі, түртіп алу жүйесі, топтасып ролге ену, негізгі

идеяны суреттеу, сұрақ қою, көрнекілік стратегияларын пайдалану.

Түрі: аралас

Типі:Білім мен іскерлікті жетілдіру

Пән аралық байланыс: дүниетану,қазақ тілі,өмірмен,қоршаған ортамен байланыс,халық/педагогикасын/пайдалану

Сабақтың барысы: І. Ұйымдастыру кезеңі: сабаққа әзірлік

Амандасу, түгендеу, оқушылардың зейінін, назарын психологиялық жаттығулар орындау арқылы сабаққа аудару. Күнге қолдарыңды созыңдар. Күннің жомарт сәулелері ананың нәзік алақанындай аялайды, сипалайды, жылытады.Сиқырлы күн барлық өкпе мен мұңды ерітіп жібереді. Жүрегімізді жылу мен махаббатқа толтырады.

Барлығы: Күн жарығын алақанға саламын,

Жүрегіме басып ұстай қаламын.

Ізгі әрі нәзік, жарық, мейірімді,

Болып кетер сонда дереу жан-жағым.

-Міне, жүрегіміздегі осындай жылумен сабағымызды бастаймыз.

ІІ. Үй тапсырмасын тексеру: 1.Мәтіннен түсінгенін айтқызу , суреттерді сөзбен алмастыру. Сөз жұмбақтағы жануарларды топқа болу.

ІІІ. Үй тапсырмасын пысықтау: «Орман - біздің байлығымыз» деп неліктен айтады? Мәтінде кездескен аңдар туралы кітапханадан ізденгендерің бар ма?

ІҮ.Мақсат қою кезеңі. Сабақтың тақырыбы мен мақсатын хабарлау

Жаңа сабақ пен өткен сабақты байланыстыру

Балалар жаңа сабақты бастамас бұрын сурет туралы ой қозғайық. Бұл қай мезгілді білдіріп тұр? Қазір қай мезгіл?- Күз мезгілі.Күз-береке, байлық деу себебіміз не?
Неге алтын күз дейміз? Табиғаттағы құбылыстарды айтқызу, орман, тоғай, бау-бақшадағы өзгерістерді айту. Табиғат пен адамның байланысын атап өту. Пәнаралық/байланыс.
Жыл мезгілдері туралы қандай тақпақтар білесіңдер? Абай атамыздың табиғат лирикасына арналған өлеңдерінің ішінен «Күз»өлеңін еске түсіру, жарыс ретінде айтқызу.

Ү. Жаңа сабақ:

Бұл мысал өлеңнің авторы И.Крылов (орыстың атақты жазушысы). И.Крыловтан аударма жасаған Абай Құнанбаев.Абай атамыз туралы нендей мәліметтер білеміз?

• Дұрыс айтасыңдар.

• Мысал деп адам бойындағы кемшіліктерді сынап, адалдық,

әділдік,қайырымдылық сияқты жақсы қасиеттерді мадақтап жазатын шығарманы атайды.Мұндай шығармада өсімдіктер мен жануарлар,аңдар мен құстар кейіпкер ретінде алынады.

Келіңдер енді жұмбақ шешейік!

• Бейнеткер/көпшілікте/көрдім/халық,
  Күнінде/бір/отырмас/дамыл/алып.
  Өзінен/ауыр/жүкті/көтереді.
  Үйінде жатып жейді рахаттанып ( ? )

• 

Астығыңды жасыр,

Келе жатыр

Ұзын бойлы жасыл.(?)

1.Суретпен жұмыс: Суреттен нелерді көріп тұрсың? Қай жыл мезгілі? Құмырсқаның киімі қандай? Шегірткенің ше? Шегіртке неге жылап тұр? Түсіндір.

2. Мысалды рөлге бөліп оқы.

-Балалар қазір Нұрсұлтан,Зарина және Жәнияның өздерінің осы мысал өлеңге дайындалып келген көріністерін тамашалайсыңдар.

Шегіртке мен құмырсқаға кең көлемде түсінік беріп өтемін.

Мысалдағы жасыл бояумен ерекшеленген сөзді дауыстап оқы. Неге олай боялды деп ойлайсың?.

3.Дәптермен жұмыс жүргізу. Жасылмен бояумен ерекшеленген сөздерді екі топқа бөліп жаз.

а) жаз мезгіліндегі шегіртке:

б) қыс мезгіліндегі шегіртке:

Сөздік жұмыс.

Түртіп алу жүйесімен жұмыс істеу: +, ?, v, - белгілерімен сөздік жұмыс жүргізу, өздерінен сұрату,жауап алу, оқушылар түсінбеген сөз, сөйлем, сөз тіркестерін сұрайды,бір-бірімен/ой/бөліседі.

Сергіту сәті:

Ұзын мұртты құмырсқа,

Бара жатты жұмысқа.

Допты алып қолыма,

Қойдым оның жолына

Оң жағына қарады,

Сол жағына қарады,

Тау екен деп ойлады.

Венн диаграммасымен жұмыс

Шегіртке-жалқау,ойсыз,панасыз,шырылдайды,зиянкес,ән салады,шөппен қоректенеді

Құмырсқа- еңбекқор,адал,үйлі,қызыл және қара түсті,ұзын мұртты

Ұқсастығы- екеуі де жәндік

Шығармашылық жарыс (Өлең шығару)

------------------------------------------ еңбекті,

------------------------------------------ терлепті.

------------------------------------------ сайрандап,

----------------------------------------- келмепті.

ҮІ.Түсінгендерін тексеру.

Болжау стратегиясы

Қазір осы мысал өлеңді әрі қарай жалғастырып әңгімелейік

-Сыныптағы барлық ұл балалар «шегіртке» ролін сомдасын, қыздар «құмырсқа» ролін ойнасын...

ҮІІ. Қорыту. Өмірде шегірткеге ұқсас адамдар бола ма? Өзің шегіркеге ұқсап қиналып қалмас үшін не істер едің?

ҮІІІ Үйге тапсырма. 1.мысалды оқу, № 8-тапсырма