Тақырыбы: Өзге тілдің бәрін біл, өз тіліңді құрметте!

«Өзге тілдің бәрін біл, өз тіліңді құрметте!» өлеңді мәнерлеп оқу сайысы.

Мақсаты: Оқушыларға мемлекеттік тілдің өркендеп, оянуына, мемлекеттік тілімізді сүйуге, мемлекеттік тілді аяққа баспай, мәртебесін биік ұстау жөнінде, әр ұлттың өзіндік ерекшеліктері, салт-дәстүрі, діні, тіл ерекшелігі болатынын түсіндіру. Оқушылардың ой- өрісін, дүниетанымын кеңейту, сөздік қорын молайту, жұрт алдында еркін ауыз екі сөйлеуге баулу.

Мұғалім:

Тілім менің қайыршы емес қаңғыбас,
Тілім тұлпар - қуған желге шалдырмас.
Кенже ұлдай үлкен үйге мұрагер
Жер иесі - менің тілім мәңгі жас.
Әуезов, Абайды өткен дәріс тілі,
Тіл қатқан Тоқтар, Талғат ғарыш тілі.

Құрметті ұстаздар мен оқушылар, бүгінгі «Өзге тілдің бәрін біл, өз тіліңді құрметте!» атты өлеңді мәнерлеп оқу сайысына қош келдіңіздер.

Қазақ осы ағыл-тегіл көл- көсір,
Қазақ осы « Өнер алды- тіл дейтін»,
Қазақ осы қарасыңба, ақсыңба,
Қоңырсыңба жатырқауды білмейтін,-
деп ақын ағамыз Қ.Мырзалиев айтқандай, ұлы қазақ даласында 130- дан астам ұлт өкілдері татулықта, сыйластықта өмір сүріп жатыр. Қазақстан жерінде тұратын әр адам Отанын сүю, мәдениеті мен тілін білу және оларды қастерлеу қасиетті борышы екенін сезіну қажет. Осындай мақсатпен мектебімізде 7 сыныптарда оқитын оқушылар арасында осы сайыс ұйымдастырылып отыр.

Әнұран орындалады.

Мұғалім:

Тіл мәселесі - ежелден қашан да өткір, өзекті мәселе. Халқымыздың өз ұрпағын өз тілінде сөйлетудің өзі арман болғанын көріп, өз келешегін өзі шындап уайымдай бастады. Тілді елдік ұранға айналдыра келген ерекше ғасыр сол мәселені қайтадан күн тәртібіне қойып, 22-қыркүйекті - Қазақстан халықтарының Тілдері мерекесі деп жарияланды. Тарих бетіне қалдырды.Ендігі жерде тілімізді сақтап қалудағы жеңісіміз, еліміз бен елдігімізді, жерімізді сақтап қалудағы жеңісімізбен жалғасты.
Қазақстан Республикасы Тәуелсіздік алғаннан бастап, осы бір атаулы - Қазақстан Республикасы халықтарының Тілдері күнін жыл сайын мерекелеу назардан тыс қалған емес. Күнтізбемізде атаулы, айшықты мерекелер көп.
Алайда Адамзат қоғамынан Тіліміз еншілеген күн-22 қыркүйек.
Бұл - біздің атымызды асқақтатып, айбынымызды көтерген төл мерекеміз.

Ортаға сайысқа қатысушыларды шақырамын.
1.
2.

3.
4.

Бүгінгі мәнерлеп оқу сайысына қазылық ететін әділ-қазылар алқасымен таныстырып өтейік:

1.

2.

3.

Мұғалім:

Туған тілім - бабам тілі - өз тілім
Туған тілім -анам тілі - өз тілім.
Туған тілім - далам тілі - өз тілім
Туған тілім - адам тілі - өз тілім., дегендей сайысымыз 3 кезеңнен тұрады:

Ең алдымен оқушылар қазақ тілінде өлеңдерін мәнерлеп оқиды.

Мұғалім:

Туған тілім қазынам,алтын кенім,
Жаңа алыпқа өзіңді алып келдім.
Қош келдің туған өлке,бесігіңе,
Қасиетті бабамның тілі менің.


Келесі кезекте оқушылар орыс тілінде өлеңдерін мәнерлеп оқиды.

Мұғалім:

Дұшпандардың талайын қызыл тілмен,
Қылыштай сүйектерден тілімдедің.
Өтсе де талай ғасыр,қилы заман,
Қасиетті тілім менің бүлінбедің.

Үшінші кезең оқушылар ағылшын тілінде дайындап келген өлеңдерін оқиды.

Мұғалім:

Әділ-қазы өз шешімдерін шығарғанша, ана тілі туралы мақал-мәтелдер айтып көрелік

Әділ-қазылар сөз сөйлейді,мадақтамалар береді.

Мұғалім: Тіл - ұлттың жаны, халықтығының асыл белгісі, намысы,тыныс-тіршілігінің көзі, Ата Заңымен қорғалатын, еркіндігінің үні. Оны сендер де құрметтеп, қорғай біліңдер. Ынтымағы жарасқан халықтардың бесігі болған шуақты Қазақстанның бақытты да парасатты, білімді де, еңбекқор ұл-қызы болып өсе беріңдер!

«Өзге тілдің бәрін біл, өз тіліңді құрметте!» өлеңді мәнерлеп оқу сайысын тамашалағандарыңызға рахмет!