Елін сүйген, елі сүйген Елбасы 9 сынып

«Қарақұм орта мектебі» мемлекеттік мекемесі

Кеш тақырыбы:

«Елін сүйген, елі сүйген Елбасы»

Дайындаған: Г.Хамитова

2015-2016 оқу жылы

2015жылдың « 1 желтоқсан- Қазақстан Республикасының Тұңғыш Президенті күнін» мерекелеу жөнінде «Елін сүйген, елі сүйген Елбасы» аттымерекелік шараның сценарийі

1-жүргізуші: Армысыздар, құрметті ұстаздар мен оқушылар!!!

2-жүргізуші: Қайырлы күн, қымбатты қонақтар

1-жүргізуші:

Бар әлемге шын танылдық міне, біз,

Елін сүйген Елбасы деп білеміз

Тең аталып Қазақстан-Нұрсұлтан

Нұрсұлтан мен Қазақстан тұр егіз.

Күнге беттеп бара жатыр көш жүріп,

Елдің даңқы бар жаһанға естіліп.

Елбасыны құрметтейтін ерекше,

Армысыздар, ақ пейілді көпшілік!

2-жүргізуші:

Азаттық пен елге қонды тосқан бақ,

Қазақ елін мойындауда дос таңдап.

Елбасының еңбегімен нұрлана

Қазағымның мерейі тұр аспандап.

Елі үшін олжа салып қиырдан,

Ықпаған еш ауыртпалық, қиыннан

Мерекеңіз құтты болсын көпшілік,

Елбасының құрметіне жиылған!

1-жүргізуші:Ардақты ағайын, 1991 жылы 1 желтоқсанда алғаш рет Қазақ ССР Президентінің жалпы халықтық сайлауы өтіп, ол сайлауда Нұрсұлтан Әбішұлы Назарбаев ел Президенті болып сайланғаны баршамызға мәлім. Яғни, өз тағдырын өзі айқындауға алғашқы қадам жасаған Қазақстан үшін 1 желтоқсан- мемлекеттік тарихының мерейлі күні саналуға орны лайықты.

2-жүргізуші: Жоғары Парламенттің бекітуімен 2012 жылы 1 желтоқсан Қазақстанда алғаш рет- Тұңғыш Президент күні мемлекеттік мереке ретінде аталып өтіп, бұл баршамыз үшін қуанышты оқиға болды. Елбасына деген ел құрметін айрықша айғақтауға арналған бұл мерекенің дәстүрлі іс-шараға айналуға орны бар екенін шынайы сезіммен айтып өтуге тура келеді. Биыл міне, тағы да осы мерекені тойлағалы отырмыз.

1-жүргізуші: Қазақстан Мемлекетінің Тұңғыш Президенті күніне арналған мектеп өнерпаздарының әсем ән мен жырдан жинақталған мерекелік концерттік бағдарламасына қош келдіңіздер.

2-жүргізуші:Бір басына кемеңгерлік, даналық,

Елін сүйген елі үшін жаралып.

Сол кісідей болса- болсын әр алып

Адамдықтың аласармас үлгісі

Бір өзінен жатқаны шын таралып

Бүгін Тұңғыш Президенттің күніне

Әсем әнді шырқата бір салайық! Ән: Орындайтын мектебіміздің бастауыш сынып оқушысы Сағын Ақниетті «Астана» әнімен қарсы алыңыздар.

1-жүргізуші:Ел тынысын тереңімен танып кең,

Шарапаты бар адамаға дарып тең.

Елбасының есімі бұл тарихта

Қалар анық өшпес алтын әріппен.

(Ту ұстаған оқушылар залдың 2 жағынан жүріп өтіп сахнаға тұрады)

Ортаға мектебіміздің 5 сынып оқушыларының әдеби монтажын ұсынамыз.

Қошеметпен қарсы алайық. (Күй орындалып тұрады)

2-жүргізуші:Елі үшін көтеріп нар жүгін де,

Сенімі нық сезілетін үнінде.

Аты озған дүниедегі дүбірде,

Нұр ағамен кім мақтанбас бүгінде?!- дей келе...Назарларыңызға мектебіміздің оқушылары Қашқынбаева Назгүлді «Адай» күйімен қарсы алыңыздар!!!

1-жүргізуші: «Қазақстан Президенті Нұрсұлтан Назарбаев халықтың өз ішінен шықты» дегенде, мұңы поэтикалық- асқақ мәнде де, тура мағынасында да түсінген абзал. Нұрсұлтан Назарбаев қарапайым ауыл отбасында туып-өсті. Оның балалық шағы ауыртпалығы мол соғыс және соғыстан соңғы жылдармен тұстас келді.

2-жүргізуші:Жас Назарбаев соның бәрін басынан өткеріп, бәрін жеңе білді, өте жақсы білім алып, «от-жалынды» мамандықты игеріп, азамат қатарына қосылды. Елмен жұмыс жүргізетін басшылық қызметтерге сатылып жоғарылады. Тәуелсіз Қазақстанның Тұңғыш Президенті болды. Сондықтан Нұрсұлтан Назарбаевты тек «халық арасынан шықты» деп айту аз. Ол халықтың өз қанынан жаралған бір бөлшегі болатын және солай болып қала береді.

1-жүргізуші:Мемлекетіміздегі жоғары лауазым президенттік қызмет елдің, халықтың үміті мен сенімін, бабалар аманатын, арқалаған ең жауапты, ең қиын міндет.

2-жүргізуші: Бұл қызметті Отаны мен халқын шын сүйетін, ұлттық тілі тарихы мен мәдениетін құрметтейтін, елі үшін отқа түсетін нағыз азамат, патриот қана атқара алады. Бұл Елбасымыз Нұрсұлтан Әбішұлы Назарбаев!

1-жүргізуші:Қазақстан дейтін менің бар елім

Жатыр алып жарты дүние әлемін!

Бұл даланы анам жаспен суарған,

Бұл далада атам қолға ту алған.

Бұл далада жылап келіп, уанған,

Бұл даланы көріп алғаш қуанған.

Бұл далада өскен жанға жоқ арман- дей келе...

Ән мен күйді төгілтіп,

Інжі-маржан шашайық.

Қоңақтарды таңғалтып,

Өнерден күмбез жасайық. Ән «Жаса, Қазақстан!» орындайтын 9 сынып оқушысы Изгалиев Нұрдәулет

2-жүргізуші:1991 жыл 1 желтоқсан ҚР тұңғыш Президенті болып Нұрсұлтан Әбішұлы Назарбаев сайланды. Міне сол жылдан бері Қазақстанның Президенті болып, елімізді көркейтіп, бүкіл дүние жүзіне қазақстан елін танытты десек те болады.

Ендігі кезекте мектебіміздің оқушыларының елбасымызға арнап шығарған жүрекжарды өлеңдеріне кезек берсек.

1-жүргізуші:Еліміз бар, жеріміз бар,

Жер астында кеніміз бар.

Халқымыз да көп ұлтты,

Бүгінде олар бақытты.

Жастар сүйіп аңсаған,

Тәтті күй мен кәусар ән- дей келе кезекті күйге береміз.

2-жүргізуші: Азаттық, теңдік әлемі,

Шаттыққа елді бөледі

Тағдыры тарих өрелі

Көк тудың желбірегені!-дей отыра, қазақ ақын жазушылары өз Отанына, туған еліне, еріне деген ыстық сезімдерін өлеңмен жеткізген, соны жоғары сынып оқушыларының әдеби монтажы арқылы тамашалай аласыздар. Қабыл алыңыздар!

1-жүргізуші:Төле би атамыз айтып кеткендей,

Уа,халқым, сөз қадірін білесің.

Жаңбыр жаумаса, жер жетім,

Басшысы болмаса, ел жетім.

Көсіле шабар жерім бар,

Тау көтерген елім бар.

Қол бастайтын ерім бар,

Атадан қалған сара жолым бар.

2-жүргізуші:Осындай тәуелсіз еліміздің намысын қорғайтын, бүгінімізді ертеңге жалғайтын, қазақ елінің болашағы үшін жауап беретін ұрпақ екенімізді сезінеміз.

1-жүргізуші:Тұңғыш Президент күні баршаңызға құтты болсын! Туымыздың тұғыры берік,еліміздің еңсесі биік болсын!!! Тәуелсіз еліміздің іргесі мықты болсын!Осымен мерекелік концертіміз аяқталды. Қош сау болыңыздар!!!