Тарих толқыны менің көзіммен

Тарих толқыны менің көзіммен...

«Бiздiң жүрегiмiз темiр емес. Бiрақ бiздiң кек

отымыз қандай темiрдi болса да ерiтiп, күйдiрiп

жiбере алады. Бiздiң үрейдi жеңетiн ең күштi қаруымыз бар, ол - Отанға деген сүйiспеншiлiк.»

(Бауыржан Момышұлы)

Тарих парағын ақтарып отырсақ, көз алдыма әп-сәтте бабалар жорығының даңқты дүбірі, заман сыры, қуатты үні мен аласапыран майдан елестейді. Үш мың жылдық тарихы бар қазақ халқының, оның терең тамыры түркі халқының жауынгер бейнесін мақтанышпен шартарапқа айтуға болады емес пе?

Ия, өмір - өзен. Әйтсе де өзен толқындары сол кезден бізді алыстатып бара жатса да, жүрегімізде мәңгі ұмытылмас бір нәрсе қалды. Ол - өз басымыздан кешкен, өзімізді жоғалтқан, өзімізді қуантқан не күйдірген, дархан даламызды дүбірлеткен өмір - тарих. Бір сәт тарих беттерін ақтарып қарайықшы...

Көшпелі ата-бабамыз Атырау мен Алтай, Есіл мен ертіс арасындағы алып сахараны намысы қайнағанда «ереуіл атының» терімен, «егеулі найзаның» ұшымен, ашуы сабасына түскенде алмас қылышынан да өткір Қазыбек бише толғасақ: «Жеріміздің шетін жау баспасын деп, найзаға үкі таққан елміз» деген есті сөзімен де ел қорғаған. Ата-бабамыз еркіндік, азаттық үшін атқа қонды. Кеңесары мен Исатай, Сырым мен 1916 жылғы ұлт азаттық көтерілістердің батырлары келер ұрпақтың бақыты үшін ерлерше айқасты, ерлерше жұлысты. Сондай сұрапыл соғыстардың бірі - төрт жыл, 1418 күн мен түн бойы өз жері мен отаны үшін, келешек ұрпақ үшін болған - Ұлы Отан соғысы...

Міне, табандылық пен ерлік, Отанға деген сүйіспеншілік арқасында жеткен Жеңіске 70 жыл толып отыр. Бұл сол кездегі кеңес халқының ержүректілігі мен төзімділіктерін паш ететін, тарихта мәңгілік қалатын күн. «Соғыс -бұл талай ұрпақтың қайғысы, әрбір үйдің қасіреті, бақытсыздыққа ұшыраған балалық шақ, жесірлер мен аналардың көз жасы, миллиондаған ерлер мен әйелдер, қарттар мен балаларды аяусыз қыру, аштық пен қайыршылық, қалалар мен ауылдарды жойып жіберу, ұлттық байлықтарды құрту, мәдени құндылықтарды жою» деп, Ұлы Отан Соғысының батыры, халық қаһарманы Б.Момышұлы айтпақшы, сұм соғыстың қарапайым халыққа тудырған қасіреті мен залалы көп. Осы бір үрейлі соғыста қанша бабамыз қыршыннан қиылды, қанша сәбилеріміз жетім қалды?.. Бұл соғыс қайғы әкелмеген бірде бір отбасы болмады.

Екінші дүниежүзілік соғысы тарихында Жеңіс сағатын соқтыруға Қазақстандықтардың қосқан үлесі ұшан теңіз. Осы бір аяқ астынан басталған әділетсіз арпалысқа қатысқан Бауыржан Момышұлы, Талғат Бегельдинов, Сергей Луганский, Иван Павлов, Мәншүк Мәметова, Әлия Молдағұлова сынды даңқты бабаларымыздың рухты ерліктерін айтып тауысу мүмкін емес. Қазақстандық жауынгерлер Брест қамалынан бастап Берлинге дейін барды. Олар Сталинград түбіндегі жертөлелерде, Москва мен Ленинград үшін болған ұрыстарда ерен ерліктер көрсетті. Кавказды, Белоруссияны, Қырымды, Прибалтиканы азат етті, Польша, Румыния, Венгрия, Чехословакия, Болгария, Германия жерлеріндегі майдан жолдарында жеңіс туын көтерді. Жүзге тарта қазақ қаһармандарына Кеңес Одағының Батыры деген абыройлы атақ берілді. Батырлықты батырлардың батыры Бауыржан Момышұлы бастады. Осындай ерлікпен отқа түскен, жандарын пида еткен қаһармандарымыз мәңгілік тарихта қалды.

70 жыл аз уақыт емес. Дегенмен де, сол соғыста түскен жүректегі жара әлі ұмытылар емес... яғни, ешкім де, еш нәрсе де ұмытылмайды. Себебі, бүгінгі таңда тарихын саф алтын сақтар, бабаларымен мақтанар саналы ұрпағы бар! Ол - әрине, біздер! Ендігі жерде бұл елдің иесі де, жоқтаушысы да - біздерміз!

Бүгінгі күн - Тәуелсіз Қазақстан! Бүгінгі таң - білімді ұрпақ! Олай болса, қаны мен терін болашағы үшін төккен бабалар арманы орындалды. Қазіргі таңда өзі сұлтан болып, халқын сұлтандыққа сүйреген Елбасы Н.Ә.Назарбаевтың күллі алашқа еліне жүргізіп отырған салиқалы саясатының арқасында іргесі берік, мақсаты нық, арманы бір бақытты халыққа айналып отырық. Ендігі жерде ерлеріміз қолдарына қару ұстамайтын, сәбилеріміз жыламайтын бейбіт заманымыздың шамшырағы сөнбесін!

Ұлы Жеңістің 70 жылдығы құтты болсын!

Конкурс қатысушы туралы мәлімет

Қатысушының аты-жөні

Сарсенбаев Батырхан Саматұлы

Жектекшінің аты-жөні

Темірхан Ләззат Қойбағарқызы

Эссе тақырыбы

«Тарих толқыны менің көзіммен»

Мектебі, сыныбы, жасы

№30 ЖОББМ, 9-сынып,16 жас

Қаласы

Орал қаласы

Облысы

Батыс Қазақстан облысы

Ұялы, үй телефоны

Ата-анасының телефоны

87023862352, 51-64-13

87751917823

e-mail

[email protected]

Конкурс туралы ақпарат беру орталығы

Орал қаласының білім беру бөлімі №431 бұйрығы

«Қазақстан 2050» Жалпы ұлттық қозғалысының шараларына қатысуы

Елбасының жолдаулары бойынша ашық сабақтар, сыныптан тыс шаралар

Ұйымдастырушылар туралы пікір

Осындай игі бастамалар мен шаралар қоры мол болып, балалардың шығармашылығын арттырудағы жұмыстарыңыз жалғасын тапсын.