«Сабырдзинад Кавказы сывæллæттæн»

« Сабырдзинад Кавказы сывæллæттæн»- афтæ хуыйны националон проект, кæцы 2007-æм азæй нырмæ йæ куыст кæны Беслæныхъæуы фыццæгæм скъолайы бындурыл. Проекты автор у ирон æвзаг æмæ литературæйы ахуыргæнæг Цгъойты Беллæ. Беслæныхъæуы цы фыдбæллæх æрцыд 2004-æм азы ,уый æппæт дунейы адæмты зæрдæтæ ныккæрзын кодта, алы бæстæтæй, алы горæттæй цыдис æххуыс хъыгдардбаййафæг сабитæн. Фыццагдæр чи æрбалæууыд нæ фарсмæ, уыдон уыдысты Кæсæг-Балхъары æфсымæрон республикæйы адæм. Уыдонæй бирæтæ уыдысты Беслæны æмæ сæхи цæстæй федтой æвирхъау цау.Налцыччы фыццæгæм гимназийы ахуырдзаутæ уæдæй абонмæ тынг балымæн сты беслæйнагтимæ.Проектæн арæзт æрцыдис сæрмагонд куысты пълан. Пъланмæ гæсгæ иу æмæ дыууæ хатты нæ уыдысты уазæгуаты Беслæны фыццæгæм скъолайы ахуырдзаутæ Налцыччы, налцыккæгтæ та - Беслæны. Ирон адæмы æгъдæуттæ æмæ традицитимæ зонгæ кодтой беслæйнæгтæ сæ хæлæ-ртты , уыдон та кæсæджы æмæ балхъары адæмты истори æмæ традицитимæ.Беслæйнæгтæ сæ ахуыргæнæг Цгъойты Беллæимæ сис-той документалон киноныв Ирыстоны тыххæй æмæ йæ равдыстой Нал-цыччы фыццæгæм гимназийы. Цгъойты бинонтæ схуыдтой Батыр Кона-ковы бинонты Джеоргуыбайы бæрæгбонмæ, уыдон та сæ ахуыдтой сæ-химæ Ураза - Байрамы бæрæгбонмæ Налцыкмæ.

Тагъд рæстæджы та нæм уыдзæнис диссаджы бæрæгбон:» Кавказаг адæмты кæфтыты бæрæгбон».