Өзін - өзі танудан ашық сабақ жоспары Сенім - менің серігім (5сынып)

Күні: 2.02.16

Сыныбы: 5
Сабақтың тақырыбы: «Сенім - менің серігім»
Мақсаты: Оқушылардың, адамдардың бір-бірімен сенімді қарым-қатынас жасауы туралы түсініктерін кеңейту.
Міндеттері: «сенім» ұғымының мәнін ашу;
-өз замандастарымен сенімді қарым-қатынас құра білу қабілеттерін дамыту;
-өзіне, өзгеге, қоғамға сенім білдіруге үйрету;

Шаттық шеңбері

Оқушыларды шаттық шеңберіне тұрғызып, «Танысу» жаттығуы

Жаттығу барысы:

Мұғалім: Ең алдымен таныспас бұрын жартылай екіге бөлініп орындыққа отырайық. Қолымдағы допты оқушыға беріп есімдерін ататқыза отырып өз бойындағы үш қасиетін кезекпен айтады.

Анель -рақымды, ақылдымын,мейрімдімін. (5мин) Оқушылар жүрекшелер тандайды.Екі топқа бөлініп оқушылар отырады.

Ітоп Достық
«Достық -сыйластықтан басталады.»
ІІ топ Бірлік
«Бірлесе көтерген жүк жеңіл.» (көтерген,Бірлесе,жеңіл, жүк )

Мұғалім: Адамның өз-өзіне, өзгелерге сенім білдіруі оның өмірге деген үміті мен қызығушылығын арттырады. Өзіне-өзі сену адамның өз құндылығын түсініп, мақсат-мүддесіне жетуіне көмектеседі.

Айналадағы адамдардың сенім білдіруі адамның жауапкершілігін арттырып, өз мүмкіндіктерінді табасындар. (5мин)

Әңгімелесу

Балалар бүгінгі өтілетін сабақтың тақырыбы: «Сенім - менің серігім» деп аталады. Ендеше осы тақырып аясында әңгімелесейік.

Әңгіменің мақсаты - сабақтың тақырыбы бойынша бастапқы білімдерін анықтау.

• Сенім деген сөзді қалай түсінесіңдер?

• Өзіңе сенім артқан кезде қандай сезімде боласың?

• Қандай адам сенімге ие болады?

• Адамдардың барлығына сене беруге бола ма? Неге? (5мин)

Сенімді болу дегеніміз - ол сөзіне берік болу, тосқауыл мен ескертусіз өзіне уәде еткенді жасау. Сенімді кісі жанымызда болғанда біз өзімізді еркіндікте, барлығы ойдағыдай болатынына сенімді боламыз. Сенімді кісі уәде берсе, соны істейді және дәл уақытында орындайды.

Оқып үйренейік: «Сенім» (оқушылар оқиды)

\ Қарттың балаға өз жүктерін тапсырып кетуінің себебі неде?

\ Бала қарттың сенімін қалай ақтады? (5мин)

1. Шығармашылық жұмыс

«Сенім» сөзінің әрбір әрпіне, сол әріптен басталатын адамның жақсы қасиеттерін жазыңдар.Екі топқа беріледі.

С - сенімді, сыпайы,салмақты,сабырлы ...

Е - ерен, ерекше,ерлік,естілі,...

Н - намысшыл, нәзік, нағыз ер, ...

І - ілтипатты,ізетті, ...

М - мәдениетті, момын,мықты,мамықты (2мин)

2.Өміршендік ережесі.

Әр адамның ережесі-өз жүрек қалауымен жүру және батыл әрекет жасау. Сол сияқты иығыңды тіктеп, жарқын көңілмен іштей табысқа жетуге талаптанады.

Өміршеңдік ережелерін айтайық.

1. Мейірімді деген-Мен

2. Күш деген-Мен

3. Сенім деген -Мен

4. Кешірім деген-Мен

5. Адал деген-Мен

6. Қайырымды деген-Мен

7.Сабырлы деген-Мен

8. Денсаулық деген-Мен

Хормен: Бәрі маған байланысты,

Бәрі менің қолымда.(2мин)

Тыныштық сәті ұйымдастырылады. (Жеңіл әуен қосылады) Балалар, денелеріңді түзу ұстап, бастарыңды жоғары көтеріп, ыңғайланып отырыңдар. Ауаны терең жұтып, еркін тыныс алыңдар. Кімге сенім артатыны туралы өз ойларын жетілдіріп ортаға салады. (2мин)

Жаңа ақпарат

Оқушылардың назарын адамның өз күшіне, өз мүмкіндіктері мен қабілеттеріне сене білуі және өзгенің өзіне білдірген сенімі арасындағы байланысына, арақатынасына аудару.

Адамның өз-өзіне, өзгелерге сенім білдіруі, оның өмірге деген үміті мен қызығушылығын арттырады. Өзіне-өзі сену адамның өз құндылығын түсініп, мақсат-мүддесіне жетуіне көмектеседі.

Айналадағы адамдардың сенім білдіруі адамның жауапкершілігін арттырып, өз мүмкіндіктері мен қабілеттерін ашуға ықпал етеді.

• Балалар, ақпараттан нені түйдіңдер? (3мин)

3.Ойын «Кімге сенесің?» (2мин)

Сенімнің достары: мақсат,ақыл,адал,аброй,адамдық,жауапкершілік,өзгелерге сену,сенімді ақтау,қиындықпен күресу,ұмтылыс,табандылық

Сенімсіздің достары: өз сөзінде тұрмау,өтірік сөйлеу,қорқақ,тартқыншақ,күмән,

Қиындықтан қорқу,жасқану,қашқақтай,жеңіл жол іздеу.

Тапсырма: Жылдам әрі тез сөйлемді аяқта.(Мұғалім жұмысы)

Не істеуге болмайды?

1.Уәдені (орындамауға болмайды)

2.Ойланбай (уәде беруге болмайды)

3.Бастаған істі (жартысында қалдыруға болмайды)

Не істеуге болады?

1.Сенімге (ие болуға болады)

2.Өзіңе (сенуге болады)

3.Айналадағы адамдарға (сенім артуға болады) (3мин)

Қорытындылау: Енді, бүгінгі сабағымызды қорытындылайық.

ӨМІР СҮРУДІҢ ЕҢ ЖАҚСЫ ЖОЛЫ

Шағын ғана бір ауылда орта жастағы бір кісі дүкен ашып сауда жасамақ болады. Сөйтіп алға қойған жоспарын бастап та жібереді. Ол ақ көңіл, жайдарлы болғандықтан, ауылдың адамдарының бәрі оны жақсы көретін. Оның дүкеніне барып сауда жасайтын. Ауылдың тұрғындары тамыр-таныстарын да сол адамнан сауда жасауға кеңес беретін. Шаруасын кішігірім дүкеннен бастаған адам, бір жылдың ішінде Американың түкпір-түкпірінен сондай шағын дүкендер ашып тастайды.

Бір күні ауыр науқастанып, бұл дүниеден өтерін сезген адам, артында қалған үш ұлын қасына шақырып:

- Үшеуіңнің біреуі барлық дүкендерімнің иесі болады. Мирасымды соған қалдырамын. Менің арттағы дүние-мүлкіме қайсысың лайықты екенін білу үшін үшеуіңе де бір-бір доллардан беремін. Осы долларға бір нәрселер алыңдар. Кешкісін келгенде алған нәрселерің менің осы бөлмемді толығымен толтыруы керек. Шартым осы.

Ұлдары үлкен компанияны басқару мүмкіндігінен айырылып қалуды ойлап, не істерлерін білмей қатты абыржиды. Қалаға барып үшеуі де долларын жаратты. Кешкісін әкелерінің қасына келген кезде, үлкен баласы:

- Досымның шаруашылығына барып екі қап сабан сатып алдым - деді де, қаптарды ашып сабанды әр тарапқа шаша бастады. Алайда көп ұзамай сабандар еденге түсіп, бөлмені толтыра алмады.

Екінші баласы:

- Дүкенге барып екі жастық алдым - деді де, жастықтарды сөгіп, ішіндегі жүнін бөлменің ішіне шашып тастады. Бірақ жүн де көп ұзамай жерге түсіп, бөлмені толтыра алмады.

Үшінші ұлы:

- Долларды ұсақтап, 50 центін мешітке бердім, 20 центін қайырымдылық қорға бердім, 20 центін да садақа ретінде тараттым. Қалған 10 центке екі нәрсе алдым - деді де, қалтасынан сіріңке мен шырақты шығарды. Бөлменің жарығын сөндіріп, шырақты жақты. Сабан мен жүнге толмаған бөлме аз уақыттың ішінде шырақтың нұрына бөленді.

Әке баласына риза болып:

- Мирасымды саған қалдырамын. Өйткені өмір сүрудің ең жақсы жолы - айналаңа жарық тарату!

Ф.Тайтелиев

Өмір жаңғырығы

Ғани әкесімен бірге үлкен тау жартастарының арасымен серуендеп келе жатқан еді. Кенет Ғани сүрініп кетіп: «А-а-а-а!» деп айқайлап жіберді. Сол кезде жоғарыдан «А-а-а-а! деген дауыс естілді. Ғани өзінің даусының қайталанғанына таңырқап:

- Сен кімсің? - деп дауыстағанда, Ғаниға:

- Сен кімсің? - деген жауап келді.

Ғани түкке түсінбей жынданып:

- Сен қорқақсың! - деп айқайлады.

Таудан шыққан дауыс та:

- Сен қорқақсың! - деп жауап берді.

Қатты ашуланған Ғани әкесіне қарап:

- Әке, бұл кім өзі? - деп сұрады.

Әкесі:

- Ұлым, менің сөзіме құлақ сал, - деді де тауға қарап тұрып: - Мен сені жақсы көремін! - деп айқайлады.

Таудан:

- Мен сені жақсы көремін! - деген жауап келді. Әкесі тағы да айқайлап:

- Сен әдемісің! - деді. Жауап:

- Сен әдемісің! - деді.

Ғани не болғанын білмей, таңданып тұрып қалды. Әкесі жаңғырықтың сырын былай деп түсіндіріп берді:

- Бұл жаңғырық. Жаңғырық адам баласына көп нәрсе үйретеді. Сен өміріңде не істесең, оның сыбағасын аласың. Өмір айна сияқты. Сен қандай болсаң, солай көрсетеді. Егер мейірімділікті қаласаң, мейірімді болуға тиіссің. Адамдардың сабырлы болуын қаласаң, сен де сабырлы бол. Адамдардың қайырымды болуын қаласаң, сен де қайырымды бол!

Бұл - өмір заңдылығы. Өмірде кездейсоқтық деген нәрсе жоқ. Сондықтан өзің түзелмесең, өзгелерді түзей алмайсың. (5мин)

Үй жұмысы: «Сенім» өленін жаттап келу.бет 76 (2мин)

Жүректен жүрекке

Жүректен жүрекке айдарында оқушылар шеңберге жиналып өздерінің кімге сенім артатыны туралы өз ойларын шаңырақ астындағы шырақты ұстап кезекпен айтып шығады.

Құрметті Оқушылар! Өмірде ақ пен қараның қатар жүретіні бәрімізге мәлім. Менің мақсатым сенім арқылы адалдықтың, ақтық пен пәктіктің әрқашан да жеңіп шығатынын сіздерге жеткізу жылулық, бақыт, денсаулық мейірім, күлкі сыйлаймын. (4мин)

Майқайың малпы орта білім беретін мектеп

«Өзін - өзі тану»

пәні бойынша

ашық сабақ

Тақырыбы: «Сенім - менің серігім»

5 сынып

Дайындаған өзін-өзі тану мұғалімі : Қ.Х.Ташмағанбетова

2015-2016 оқу жылы

\ орындамауға болмайды

\ уәде беруге болмайды

\ жартысында қалдыруға болмайды

\ ие болуға болады

\ сенуге болады

\ сенім артуға болады

Үй жұмыс

«Сенім» өлеңін жаттау бет76