Алтын ұям - Ақ Ордам тәрбие сағаты

Алтын ұям ақ ордам

Мақсаты: Балаға ата-ананың алатын орнының ерекше екендігін түсіндіру.

Отбасы тарихын және отбасы дәстүріне деген қзығушылығын

дамыту.

Түрі: сайыс сабақ.

Әдісі: СТО технологияы.

Жүрісі:

Мұғалім: Тәрбие - отбасынан басталады. Сондықтан болашақ ел ертеңі жас ұрпақтың еліне, Отанына деген сүйіпеншілігі ең алдымен оның жанұясында қалыптасады. Жанұяның екі тірігі болады, олар - әлпештеген әке мен аялаған ана. Ұлтымызда «Балапан қыран болу үшін оны самғатып ұшыратын ата немесе әке де қыран болу керек» деп отбасылық тәрбиеге ерекше көңіл аударған.

Олай болса бүгінгі сайысымыз жанұя және сол жанұядағы тәрбие жөнінде.

Сайыстың шарттары:

1. Менің жанұям

/таныстыру, отбасы мүшелерін сипаттау/

2. Бақытты жанұя.

/ол қандай?/

3. Жанұядағы жанжал.

4. Жанұя мейрамдары.

1 бөлім Менің жанұям

І. Қызығушылығын ояту.

Әр жанұяда ата-ананың орны бөлек. Бала әкеден - ақыл, анадан - мейірім алады.

Жақсыдан жаман туады,

Бір аяқ асқа алғысыз.

Жаманнан жақсы туады,

Адам айтса нанғысыз.

дегендей бала өмірдің жалғасы, көз қуанышы, шаңырақ иесі. Қай халық болса да үмітін ең алдымен ұрпағынан күтеді. Олай болса жанұяда кімдер бар және жанұядағы тәрбие қандай? деген сұрақтар бойынша таныстыру, отбасы мүшелеріне сипаттама.

2 бөлім: Бақытты жанұя

ІІ. Мағынаны ашу.

Орыс жазушысы Лев Толстой «Адам бақытты болуға тиісті, ал бағы жанбаса ол соған тырысу керек» деп айтқандай, бақыт - бұл еңбек, бақыт - өз еңбегіңнің жемісін өз көзіңмен көру, бақыт - ол сенің балаларың. Ендеше сайысымыздың 2-бөлімі «Бақытты жанұя» деп аталады.

/әр топ өз ойларын қағазға түсіреді/

3 бөлім: Жанұядағы жанжал

ІІІ. Ой қозғау.

А.С.Макаренко өз сөзінде: «Жақсы семьяда жазалау деген атымен болмайды және бұл - семья тәрбиесінің ең дұрыс жолы. Өз балаларыңызды ұрмаңыздар. Олар өскенде сіздер олардан қуаныш, махаббат күте алмайсыз, дене жазасы мен тым қаталдықтың салдарынан сіз олардың жүрегін жаралайсыз » деген. Қазіргі таңда кейбір жанұяларда жанжал жиі орын алып отырады. Бұл неден болады және оны болдырмаудың қандай жолдары бар? Ал сіздің жанұяңызда жанжал бола ма? Осы жөнінде келесі кезеңімізде сөз қылсақ. /бірнеше сұрақтар қойылады/

1 сұрақ

Баланыз күнделікті «мектепке қосымша сабақтар дайындығына барып жүрмін» дейді, бірақ онысы өтірік екен. Балаңыз ол уақытты үнемі ойынмен өткізетінін оның досы айтып қойды. Сіз ашуланып жанжал шығарасыз ба, әлде жаймен түсіндіресіз бе? Сіздің әрекетіңіз?

2 сұрақ Анаңыз дүкенге жұмсады. Бірақ сіз барғыңыз келмейтінін айттыңыз. Анаңыз ашумен сізге ұрыса жөнелді, ал сіз тыңдағыңыз келмей бөлмеңізге кіріп алып, шықпай қойдыңыз. Осыңыз дұрыспа? Не істейсіз?

Осы жөнінде өз ойларын айту.

4 бөлім Жанұя мейрамдары

ІҮ. Ой толғаныс

/әр отбасының өзіндік мерекелері туралы пікірлері/

Ү. Қорытынды:

Бүгінгі сайысымызды қорытындылай келгенде жанұя дегеніміз - адам баласының өсіп-өнер, қаз тұрар, қанат жаяр алтын бесігі.

«Ата-анаға көз қуаныш -

Алдына алған еркесі.

Көңіліне көп жұбаныш

Гүлденіп ой-өлкесі»

деп Абай атамыз айтқандай құрметті ата-аналар, қолымыздағы алтынымызды ұшырып алмай, жақсылап тәрбиелейік.