Мультисим программасын арнаулы пәндерде қолдану

Атырау мұнай және газ технологиялық колледжі

Баяндама тақырыбы:

«Арнаулы пәндерді оқытуда жаңа ақпараттық технологияларды қолданудың тиімділігі»

Дайындаған: арнаулы техникалық

пәндер оқытушысы: Наурызбаева Г.Т.

Атырау 2016ж.

Қайырлы күн, құрметті әріптестер!

Кәсіптік және техникалық білім беруді арттыру мен бірге сапалы білім беруге ат салысу қажет деп 2015 30 қарашасындағы жолдауында Елбасымыз айтқандай мен баяндамамның тақырыбы:

Жұмыстың тақырыбы: «Бақылау өлшау аспаптары пәндерін оқытуда жаңа ақпараттық технологияларды қолданудың тиімділігі»

Жұмыстың мақсаты: Арнаулы техникалық пәндерді оқытуда ақпараттық технологияларды қолдана отырып, оқушылардың пәнге деген қызығушылықтарын, ізденімділіктерін арттыру. Оқушылардың шығармашылықтарын дамыта отырып, логикалық ойлау қабілеттерін, өз бетінше жұмыс жасай білу қабілетін дамыту.

Бақылау өлшеу аспаптары сабағында оқытудың әр түрлі әдіс-тәсілдерін қолдана отырып, оқушылардың шығармашылық ізденістерін, өз бетінше жұмыс істеу белсенділіктерін арттыру барысында теориялық білімдерін кеңейтіп, логикалық ойлау қабілеттерін дамыту. Теориялық білімдерін тәжірибе жүзінде дәлелдей білуге үйрету.

Еліміз тәуелсіздік алып, басқа елдермен иық теңестіру үшін, келешек қоғам иелерін, ұлтымыздың болашағын тәрбиелеу-құрметті де, қадірлі міндет болғанымен, ал оны іске асыру оңай іс емес.Әрбір ұстаз өзінің алдындағы шәкірттеріне бойындағы барлық күш қуатын жұмсай отырып, оны еліміздің білімді, имандылығы мол, зиялы азаматы етіп тәрбиелеуге міндетті екенін естен шығармағанымыз жөн.

Оқушылардың танымдық қызығушылығы оянбаған жерде пән бойынша сапалы білім болуы мүмкін емес.Ол үшін міндетті түрде оқушылардың өздері талаптану керек.Сондықтан әр шәкірттің ойына өзгеріс енгізіп, санасына сілкініс туғызу біздерге, яғни ұстаздар қауымына байланысты.

Бақылау өлшау аспаптары құбылыстардың негізін ұғыну, түсініктерді, теорияны игеру процессі әр оқушыда бірдей жүрмейді. Оқыған материалды біреулер тез игереді, енді біреулеріне ой қорытуына және есіне сақтауына көп уақыт қажет. Оқушылар әрқайсысы өз қарқынымен жұмыс істейді. Тапсырманы дұрыс ұйымдастырылса сабақ кезіндегі алған білімдерін бекітуге және тереңдетуге көмектеседі. Берілген бақылаулар мен тәжірибелердің қорытындылары, есептердің шешімі, шығармашылық тапсырмалардың орындалуы оқушылардың үй жұмыстарына арналған дәптерлеріне жазылады. Үй жұмысының қорытындылары туралы мәліметтер жазу оқушыларды өз ойын сауатты және қысқаша жеткізуге үйретеді. Сонымен қатар жазу мәдениеті, яғни белгілі жүйе, нақтылық және реттілік қалыптасады. Тәжірибелерді және бақылауларды баяндау оқушыға көргенін терең ойлауға, негізгіні ажырата білуге үйретеді.

Эксперименттік есептерді шешу тәсілдері оларды шешудегі эксперименттік жұмыстың қойылуына тәуелді. Мысалы, есепті шешу үшін барлық тексеру қажет болса, онда есептің шешуін нұсқауларға сәйкес жазады.

Қазіргі кезде білім алушыларға сапалы білім беру мақсатында көптеген әдіс-тәсілдер қолданылуда. Оқыту барысында плакаттар, макеттер, түрлі демонстрациялық құралдарды қолдану қазіргі талаптарға сәйкес келмейді. Сондықтанда қазіргі таңда білім берудің жаңа технологияларын қолдану тиімді.

Бақылау өлшау аспаптары теориялық білімі мен экспериментальды зерттеулері бір-бірімен тығыз байланыста болатын ғылым саласы. Бақылау өлшау аспаптары пәндері бойынша анализдер мен экспериментальды зерттеу жүргізу үрдістерінде дербес компьютердің көмегі зор. Осындай зерттеу жұмыстарын жүргізу мақсатында Multisim 11 программасын атап өтуге болады.

Бұл бағдарлама аналогтық, сандық, сандық-аналогтық сұлбаларды үлкен қиындық деңгейлеріне байланысты жобалауға мүмкіндік береді.

Өлшеу аспаптарының көптеген жиынтықтары түрлі параметрлерді өлшеуге, кірістік мәндерін беруге, графиктерін тұрғызуға мүмкіндік береді. Барлық аспаптар шынайы түрлеріне ұқсастырылып бейнеленген, сондықтан да олармен жұмыс істеу ыңғайлы.

Multisim 11 бағдарламасының артықшылығы виртуальды өлшеу аспаптарының болуы. Multisim 11 бағдарламасының көмегімен принципиалдық сұлбаларды құрастыруға және олардың жұмыс істеу режимдерін модельдеуге болады.

Бұл бағдарламаның келесідей артықшылықтары бар:

• уақыт үнемдеу;

• өлшеудің дәлдігі;

• өлшеу жұмыстарын жүргізудің ыңғайлылығы;

• графикалық мүмкіндіктері.

Төмендегідей мүмкіндіктерді қарастырады:

• электр тізбектерін есептеу әдістері мен электротехникалық заңдарды оқу барысында көрнекілікті арттыру;

• есептеудің мәліметтерін экспериментальды түрде тексеру;

• күрделі электрлік тізбектерді есептеуді экспериментальды өткізу;

• кейбір физикалық процестердің өту жолдарын көрсету;

• виртуальды зертханалық жұмыстарды жүргізу;

• электр тізбектеріндегі ақауларды анықтау

Виртуальдық аспаптар

Мультиметр - тұрақты және айнымалы токты, кернеуді және кедергіні өлшеуге арналған. Оның параметрлері автоматты түрде беріледі.

Өлшеу көрсеткіші. Тізбек бойындағы тұрақты және айнымалы кернеуді, сигналдың жиілігін көрсетеді.

Жоғарыда қарастырылған мүмкіншіліктерді ескере отырып, бұл бағдарламаны оқу үрдісінде қолдану жалпы және кәсіби біліктілікті арттыруға мүмкіндік береді

Сұлбаны модельдеу программаларын қолдану актуальды, пайдалы және педагогикалық іскерліктің заманауи талаптарына жауап береді.