План-конспект по теме: Существительное. Зимнее время года

Кичәлин төр: «Бәәлһнә нернә олн то. Үвлин йиртмҗ».

Кичәлин күсл:

• Үвл җилин цагла таньлдулх, амн үгин зөөр дамҗулад, күүкдин келнә көрң байҗулх;

• Эн төр дамҗулад, бәәлһнә нернә олн тооһин төрәр сурһмҗ зааҗ өгх;

• Олн-зүсн эв-арh олзлад, грамматическ төр батлһн;

Кичәлин дөңцл: компьютер, проектор, дегтр, презентац, кроссворд.

Кичәлин йовуд:

Оргмомент

Б: Мендвт күүкд!

-Ямаран то эндр?

-Күүкд эндр теңгрин бәәдл һаза ямаран?

-Ода ямаран җилин цаг?

-Тадн ямаран герин даалһвр кевт?

- Эндр кичәлд мадн үвлин йиртмҗин тускар күүндхм болн бәәлһнә нернә олн то гидг төрлә таньлдхм.

-Бәәлһнә нерн гисн юмб?

- Бәәлһнә нерн ямаран сурврт хәрү өгнә?

- Бәәлһнә нернд кедү киисквр бәәнә?

- Бәәлһнә нернд эврә нерд яһҗ бичгднә?

- Бәәлһнә нернд кедү баг киисклһн бәәнә?

- Бәәлһнә нерн юуһарн хүврнә?

- Ода карточкар көдлхм, һурвн кү һарад, самбрт даалһвр кех.

- Хойрдгч мана наадн самбрт хәләтн

Кичәлин төрлә таньлдллhн

Шугран Вера «Үвл»

Киитн салькн һаза

Көр хураҗ үләнә.

Делгр девлән өмснә

Дошад наадхар һарна.

- Күүкд, ямаран җилин цагин тускар келгднә?

- Ода эн шүлгд бәәлһнә нер хәәһәд, киисквр болн баг киисклһн нерәдтн.

ФИЗМИНУТК

ТОЛhАhАРН ГЕКӘД-ГЕКӘД,

ЭЭМӘҺӘРН ХОЛЬКАД-ХОЛЬКАД,

АЛЬХАРН ТАШАД-ТАШАД,

КӨЛӘРН ТАВШАД-ТАВШАД!!

ДОРАН ЭРГӘД-ЭРГӘД,

БИИЛХМ-БИИЛХМ!!!

- Ода цааранднь бәәлһнә нернә олн тооһин тускар күүндхм.

1-гч баг киисклһнә үгмүд олн тоодан «н» эцүсин ормд -д гидг суффикс авна… Би таднд нег тоод үлгүр келнәв, тадн олн тоодан хүврәд келҗ өгтн: модн-модд, цасн-цасд, шүдн-шүдд, унһн-унһд, заһсн-заһсд.

2-гч баг киисклһнә үгмүд олн тоодан муд, мүд, уд, үд, с, нр гидг суффикс авна… ээҗ-ээҗнр, эмч-эчнр, дегтр-дегтрмүд, тавг-тавгуд, хурл-хурлмуд, мөч-мөчмүд, терз-терзс, сурһульч-сурһульчнр.

3-гч баг киисклһнә үгмүд олн тоодан с, нр гидг суффикс авна…туула-туулас, моһа-моһас, дү-дүүнр, ширә-ширә.

1-гч баг киисклһнә үгмүд олн тоод киискврәр бас хүврнә. Хәләтн.

2-гч баг киисклһнә үгмүд олн тоодан…

3-гч баг киисклһнә үгмүд олн тоодан…

Зургар көдлһн

-Күүкд,эн зургуд хәләтн.

Эн зургудт тадн ю үзҗәнәт?

- Мана амн урн үгин зөөрт үвлин тускар үлгүрмүд болн тәәлвртә туульс бәәнә: - Үвлин теңгр иткл уга.

- Үвл ямр болв чигн - үвл мөн.

-Ишкә герин дунд алтн һасн. (Нарн)

- Һалд шатдго,

Уснд чивдго. (Мөсн)

Кичәлин төр батлhн

- Эндр кичәлд мадн юуна тускар күүндләвидн?

Ямаран грамматическ төрәр таньлдлавидн?

Темдг тәвлhн

Б: Йир сән. Күүкд, би таднд ик ханлт өргжәнәв.

Б: Цугтан йир сән гидгәр көдлвт…..

Герин даалhвр

Б: Тана герин даалhвр - үлгүрмүд, тәәлвртә туульс чееҗәр дасх;

191-гч дамшлһн девтртән бичтн.

Мана кичәл төгсв. Бостн цуhар. Сән бәәтн!