Сауат ашу Б дыбысы және әрпі 0 сынып

Ұйымдастырылған оқу іс - әрекетінің

технологиялық картасы

Білім беру саласы: Қатынас Күні: 12.01.2015 ж.

Бөлімі: Сауат ашу және жазу Тәрбиеші: Ахметкалиева М.Б.

Тақырыбы: Б дыбысы және әрпі.

Мақсаты: Б дыбысымен танысу сюжетті сурет бойынша әңгіме құрату арқылы, балалардың ойлау қабілетін дамыту, сөздік қорларын молайту. Б дыбысын қатыстырып сөздер ойлатып талдауға үйрету. Балаларды ұқыптылыққа, ептілікке тәрбиелеу. Жазу дағдысын қалыптастыру.

Әдіс-тәсілдер:түсіндіру, сұрақ-жауап, баяндау.

Қостілді құрам: бақа-лягушка, балапан-цыпленок, балық-рыба.

Негізгі іс-әрекеті

Тәрбиешінің іс-әрекеті

Дидактикалық көрнекіліктер

Баланың

іс-әрекеті

Мотивациялық қозғаушылық кезең.

-Балалар, қазір жылдың қай мезгілі және қай ай?

-Аптаның қай күні?

Осы кезде үстелге секіріп бақа шыға келеді.

-Мынау не екен, балалар?

-Бақа бізге неге келді екен, мен сұрап көрейінші. (Құлағын тосқан болады).

-Балалар, бақа бізге қонаққа келіпті, сендермен бірге болғысы келеді.

Жыл мезгілдері суреттері

Бақа

Сұрақтарға жауап береді.

Ұйымдастыру , іздену кезеңі.

Дәптермен жұмыс.

Сергіту сәті.

Жұмбақ шешу.

Дидактикалық ойын.

Балалардан бақаның қимылын жасауын және бақа туралы ән айтып беруді сұрайды.

-Бақа, бақа, балпақ,

Басың неге жалпақ?

Темір телпек көп киіп

Басым содан жалпақ.

-Бақа, бақа, балпақ,

Бұтың неге талпақ?

-Су бетінде көп жүзіп,

Бұтым содан талпақ.

Тәрбиеші балаларға ойыншық балға, балтаны көрсетеді, балалар көрсетілген заттардың атын атайды. Олардың ортақ аттары құрал-саймандар екені айтылады. Осылайша басқа да ойыншықтар: балық, бүркіт, бұғы, бұзау, балапан, бақаны көрсетіп, аттарын ататқызады.

-Осы сөздердің барлығында б дыбысы қай жерде тұр?

-Шалбар деген сөзде б дыбысы бар ма?

-Өте дұрыс. Бұл сөзде ортасында естіліп тұр.

-Енді осы б дыбысын дауыстап айтып көрейікші және б дыбысын созып айтып көрейікші, не байқадыңдар?

Балалар б дыбысын дауыстап айту кезінде еріндерінің бір-біріне тиетінін, б дыбысын созып айтуға келмейтінін, б дыбысын ы дыбысының көмегімен ғана созып айтатындарын айтады.

-Олай болса б дыбысы қандай дыбыс екен?

Б дыбысына келетін сөздерді буынға бөлдіріп айтқызу.

Бөрік, барабан, клуб сөздеріне дыбыстық талдау жасатып, ондағы б дыбысының орнын ажыратқызады. Дәптердегі буындарды, сөздерді құратып оқытады.

Үлгі бойынша б дыбысының кіші және бас әрпін бастырып жазады. Торкөздегі б дыбысының орнына қарай сөз ойлап табады. Торкөзді санап, суретті қайталап салады. «Оюды қайталап сал» тапсырмасын орындайды.

Бала-бала, балақан,

Кәне, қайсы алақан?

Саусақтарың әйбат,

Былай-былай ойнат.

Табада бар,Танада жоқ.

Сабада бар,Санада жоқ. (Б дыбысы)

Тақырыптық сурет бойынша әңгіме құрастыру. (Саңырауқұлақты пана лаған балапандар бейнелеген сурет).

«Саңырауқұлақ» ойынының шарты: балалардың ішінен біреуі «саңырау- құлақ» болып сайланады. Қалғандары «балапандар» болады. «Саңырау- құлақ» қолшатырды ашып, отырады. Тәрбиеші «жаңбыр жауды» деген белгісімен орнынан жайлап тұрады. «Балапандар» «саңырауқұлақтың» астына жиналады.үлгермеген бала ойыннан шығады.

Б әрпі, текшелер, кеспе әріптер,

Балық, балға, балта

Әліппе дәптер

Саңырауқұлақ суреті

Бақаның қимылын жасайды.

Тақпақты бірге орындайды.

Бдыбысымен танысады.

Тапсырмаларды орындайды

Қимылмен көрсетеді.

Жұмбақ шешеді.

Әңгіме құрайды.

Ойын ойнайды.

Рефлексивті түзету

Балалар қандай дыбыспен таныстық?

Б қандай дыбыс екен?

Мысал келтіреміз.

Балаларды мадақтау

Б дыбысымен

Дауыссыз дыбыс

Балапан, балға т.б

Күтілетін нәтиже:

Жүйелейді: Б дыбысы дауыссыз дыбыс екенін білді.

Қолданады: Б дыбысына сөздер құрайды , сөздер арасында қолданады

Түсінеді: дыбыс,буын туралы түсінеді