Тиімді жоспарлауда мұғалімге көмек аудандық семинар

Нәтижеге бағытталған білім беру - заман талабы

Бәрімізді бүгінгі таңда алаңдататын мәселе - жас ұрпақтың сапалы білімді игеруі. Елбасымыз Н.Ә. Назарбаев «Білімді, сауатты адамдар - бұл ХХІ ғасырда адамзат дамуының негізгі қозғаушы күші» деуінің өзі - үлкен көрегендіктің белгісі. Заман талабына сай оқыту үрдісі жаңа әдіс- тәсілдерді, жаңаша идеяларды қолдануды талап етеді. Coндықтaн бiлiм бepу мeн oқытудың қaзipгi зaмaнғы әдicтepi мұғaлiмнiң күндeлiктi тәжipибeciндe қapacтыpылуы тиic дeп oйлaймын.

Қараша айында «Назарбаев зияткерлік мектептері» ДББҰ Атырау қаласындағы Педагогикалық шеберлік орталығы ЖМ филиалының

2015 жылғы жұмыс жоспарына сай Атырау ПШО тренерлері Наурызбек Мурсалимұлы және Анаргүл Қарасайқызы Кембридж университетінің білім беру факультетімен бірлесіп әзірлеген деңгейлі бағдарламалар аясында Қазақстан Республикасы педагог кадрлардың біліктілігін арттыру І ( ілгері) және ІІ (негізгі) деңгей бойынша курстан өткен Индер ауданы мұғалімдерімен кездесіп, "Тиімді жоспарлауда мұғалімге кеңес" тақырыбында оқыту семинарын өткізді. Семинардың бірінші бөлімінде "Орта білім мазмұнын жаңартудың бағдарламасы" жөнінде мағлұмат берілді. Одан кейін тиімді оқытудың кедергілерін анықтау және оның шешуде SWOT талдау бойынша сауалнама жүргізді. Сауалнаманың қорытындысымен мұғалімдер топта жұмыс жасап, өз пікірлерін ортаға салды. Мысалы: әлсіз жағына сабақты зерттеу әдісінің әлі де кемшіл тұстары, деңгейлік бағдарлама бойынша әріптестердің керағар пікірлері,т.б. Келесі бөлімде оқытудың үш

(танымдық,әлеуметтік, эмоциялық) аспектісін талқылауға тапсырмалар берілді. "Сабақтағы үш аспекті бойынша мұғалімдер не істей алады, оқушылар нені үйренеді?" деген сауалдар төңірегінде топ бір-бірінің пікірлерін толықтырып, қорытынды ой айтты. Одан кейін мұғалімдер өз пәндері бойынша топқа бөлініп, 1 сабақтың мақсатын, күтілетін нәтижесін және табыс критерийлерін жоспарлап, топтан бір мұғалім ойын ортаға салып, көпшілікке ұсынды. Жаңа сабақты меңгертуде оқушылардың ойлау арқылы ойлануға жетелейтін ашық және жабық, жетекші сұрақтардың ( неге? қалай? не үшін? неліктен? т.б) маңыздылығына тоқталды. Мұғалімдер нәтижеге жетуде оқу мақсаты мен табыс критерийлерін дұрыс қоя білуді меңгерді деп ойлаймын. Семинар қорытндысында кері байланыс арқылы алға қадам жасау туралы ақпараттар алдық деуге болады.
Семинар соңында тренерлер мұғалімдердің ҰМЖ, ОМЖ, ҚМЖ және жалпы деңгейлік бағдарлама бойынша қойған сұрақтарына жауап беріп, ой бөлісті.

Қай пәннің мұғалімі болмасын, өзінің пәніне деген оқушының қызығушылығын арттыру басты міндеті болып саналады. Білімді әрқашанда жүйелі, құрылымы жағынан мазмұнды етіп беру, әр түрлі әдіс тәсілдермен түрлендіру әр мұғалімнің өз шеберлігіне байланысты. Сондықтан да ізденімпаз, өзіне талаптар қоя білетін, кәсіби деңгейі жоғары, рухы биік, даралық сапалары жетілген мұғалімнің шығар шыңының биік болу мүмкіндігі мол. Нәтижеге жету үшін үнемі ізденіп, талаптану қажет деп есептеймін.

Ардақ Төлеуқызы

Махамбет атындағы орта мектептің мұғалімі