Урок по башкирскому языку на тему Кадир Даян. Ёлка 2 класс (2 линия)

43-сы дәрес

Тема: Өндәү һәм һорау һөйләмдәр. Ҡ.Даян. "Шыршы". Маҡсат: шиғырҙың йөкмәткеһе менән танышыу; текстан өндәү һәм һорау һөйләмдәрҙе билдәләү, уларҙы дөрөҫ интонация менән әйтеү күнекмәләрен, һөйләү телмәрен үҫтереү; башҡорт теле дәрестәренә ыңғай ҡараш тәрбиәләү. Йыһазландырыу: дәреслек, презентация, шыршыны биҙәү.

Дәрес барышы.

l.Ойоштороу мәле. Уҡыу эшмәкәрлегенә мотивация булдырыу.

- Һаумыһығыҙ. Ултырығыҙ. Дәрестең девизын уҡыйыҡ: Бөгөн беҙҙә башҡорт теле

Яратам һине ,телем.

Рәхмәт һиңә,һинең аша

Алам яҡшы белем!

II.Өйгә эште тикшереү. 132-се күнегеүҙә яҙып алған хәбәр, һорау, өндәү һөйләмдәрҙе уҡытыу III .Уңыш ситуацияһын тыуҙырыу (Белемде актуалләштереү).

1.Артикуляцион күнегеү

- Укыусылар, иғтибар менән мине тыңлағыҙ әле. Мин һеҙҙең һәр берегеҙгә ҡырҡылған һүрәттәр таратып бирмәксемен, һеҙ тиҙ генә уларҙы тоташтырып сығығыҙ ҙа, унда яҙылған шиғырҙы уҡый һалығыҙ. (шыршы таратыла).

Шыршы йәшел энәле, Төрлө уттар яналар. Матур кейемдәрен кейеп, Бейеп йөрөй балалар.

- Ниндәй һүрәт килеп сыҡты? Был һүрәткә ҡарап һеҙ нимә әйтә алаһығыҙ? (шыршы - елка). - шиғырҙы бер нисә баланан ҡысҡырып уҡытыу; - хор менән уҡыу.

-Тимәк, шиғырҙа нимә хаҡында һүҙ бара? Шиғыр юлдарын нисек аңланығыҙ? Дәрестә нимә хаҡында һөйләшәсәкбеҙ? Эйе, дәрестә шыршы хаҡында ғына һөйләшеп ҡалмайбыҙ, уны үҙебеҙ ҙә биҙәрбеҙ. Бының өсөн дәрестә мөмкин тиклем күберәк ҡатнашырға, яуап бирергә. Һәр дөрөҫ яуапҡа мин шыршыға элеү өсөн уйынсыҡтар, ҡар бөртөктәре бирәм, һеҙ таҡталағы шыршыға шуларҙы элеп барырһығыҙ.

IV.Уҡыу мәсьәләһен ҡуйыу (проблема ҡуйыу)

Дәрестең темаһын белер өсөн бирелгән хәрефтәрҙән һүҙ төҙөгөҙ. Шулай итеп, теманың исеме нисек инде? V.Уҡыу мәсьәләһен сисеү. (яңы теманы өйрәнеү)

- Бөгөн беҙ Ҡадир Даяндың "Шыршы" исемле шиғырын уҡырбыҙ. Дәфтәрҙәргә число, теманы яҙып ҡуйығыҙ

1. Шиғыр өҫтөндә эш: а) Яҙыусы тураһында белешмә биреү (Слайд) (маршрут биттәре таратыла)

Ҡадир Даян (1910-1975) - башҡорт шағиры, педагог. Балалар һәм ололар өсөн яҙған. б)һүҙлек эше: күмәкләшеп - все вместе энә - иголка, хвоя ҡабынһа - если загорится ут- огонь в)шиғырҙы үҙем уҡыйым (уҡыусыларҙан тәржемә иттереп барам) физ-ка

VI.Белемде нығытыу(яңы белемде практикала ҡулланыу)

1. уҡыусыларҙан уҡытыу 2.шиғырҙың йөкмәткеһе буйынса эш (ҡар бөртөктәрендә, уйынсыҡтарҙа эштәр)

- Шыршыны ҡасан биҙәйҙәр? - Шыршы тирәһендә кемдәр бар? - Улар ни эшләйҙәр? 3. Таблицаны тултырыу (һөйләмдәр менән)

Һөйләмдәр

Дөрөҫ

Дөрөҫ түгел

Йәшел шыршы матурлана.

Ҡыш бабай йырламай бергә.

Шыршы матур түгел.

3.136-сы күнегеүҙе биреме буйынса телдән башҡарыу 4. Яңы йыл тураһында һөйләмдәр төҙөү

VII.Йомғаҡлау. Рефлексив анализ.

Шиғырҙың авторы кем?

- Дәрестә үҙегеҙгә ниндәй кәрәкле мәғлүмәттәр алдығыҙ, нимәләр белмәй инегеҙ? Дәрес оҡшанымы, юҡмы, һеҙҙең алдығыҙҙы ятҡан йылмайликтарға билдәләгеҙ. Ҡыш бабай һеҙгә Яңы йыл күстәнәстәре лә алып килгән (кәнфиттәр таратыу)

1.Өйгә эш : шыршы, ҡар бөртөктәре эшләргә (һүрәт йә ҡағыҙҙан киҫеп), шиғырҙы тасуири уҡырға әҙерләнергә.