Авторское стихотворение Символика Республики Калмыкия

Раздел Другое
Класс 11 класс
Тип Другие методич. материалы
Автор
Дата
Формат docx
Изображения Нет
For-Teacher.ru - все для учителя
Поделитесь с коллегами:

Хальмг Тангчин белгдл.

Эңкр өргн теегтән

Экдән әдл дуртав.

Хальмг Таңhчдан бәәхдән

Хөвтәдән бийән тоолнав.

Бичәч бишв би,

Дунд школын сурhульчв.

Белгдлин тускар ухалҗ,

Бахмҗта шүлгән бичләв.

hурвн өңгтә туг,

hәәхмҗтә айста частр,

Хәәртә мана сүлд -

Хальмг Таңhчин белгдл.

Бичәч Шугран Веран,

Билгтә Манҗин Аркадийин

Хамдан бичсн частрнь

Хамг әмтнд таасгдна.

Дүмбр частринь соңсхла,

Дүрклҗ зүркм цокна.

Басл сәәхн айснь

Байр - бахмҗ үүдәнә.

Шар өңгтә тугнь

Теңгрт күрч кииснә.

Шин җирhл угтад,

Таварн делсәд бәәнә.

Алма - Ата балhсна

Абайин нертә институтыг

Йилhән сәәнәр төгсәҗ,

Йоста зурач болсн,

Сүлд үүдәлhнә марhанд

Седклән тәвҗ орлцсн,

Эрдмтә хальмг зурач

Эрднин Бата болсмн.

Сүлдин әңг болhниг

Сәәхн кевәр үзүлҗ,

Соньн тууҗиг сергәҗ,

Седкл болhниг авлна.

Тоомсрта өөрдин толhач

Таhн тәәҗин зәрлгәр

Урдк өвкнр махладан

Улан залата болсмн.

Улан залан түшг

Цаhан хадг болҗана.

Келн улсиг цугтаhинь

Күндлҗәх темдг болҗана.

Келкәтә дөрвн төөлг -

Дөрвн өөрдин ниицән.

Делкән дөрвн үзгин

Келн улсин иньгллт.

Улмта - унулта hазрт

Урhдг болв чигн,

Сәәхн цаhан өңгтә

Соньн бадм цецг.

Хальмгуд өөдән босх,

Хаалhнь сарул болх,

Бәәдл-җирhл хөвтә болхиг

Бадм цецг медүлнә.

Теңгрин көк өңгтә

Төгәләд зургдсн зег

Ут адрута хаалh

Үзүлҗ маднд тодлулна.

Өңгтә шар туган

Өмнән чаңhар атхҗ,

Хальмгин нерән haрhҗ,

Хәәртә Таңhчм тууртха!

Сүрә өгдг айста частр,

Сәәхн әрүн сүлд -

Мана Таңhчин белгдл

Маднд көтлвр болтха !



© 2010-2022