Тренинг «Жақсы көңіл-күй жан азығы»

«Жақсы көңіл-күй жан азығы» атты тренинг

Мақсаты:мұғалімдердің эмоционалды және көңіл-күйлерін көтеруге, кәсіби жанудың алдын алу,өздеріне құрметпен қарау,топтасып жұмыс істеу жүйесін әрі қарай дамыту.

Эпиграф: «Біз қартайғандықтан ойын ойнауды тоқтатып тұрған жоқпыз,ойын ойнамағандықтан қартаямыз».

Бернард шоу

Көрнекілік құралдар:музыка аппараты,баяу әуенді диск, тест «Сіз стресті бағындыра аласыз ба?»

Жоспар:

1.Танысу.Бір-біріне комплимент айту.

2. «Дыбыстық жаттығу»

3.Тест «Сіз стресті бағындыра аласыз ба?»

4.Картаны аяқтау.

5. Сергіту сәті. «Гүлдер әуені»

6. Жаттығу «Сыйлық».

7.Жүргізілген жұмысты қорытындылау.

Жүру барысы:

-Құрметті әріптестер,бүгін сіздердің психикалық көңіл-күйлеріңізді көтеруге,

өз бойларыңыздағы шығармашылық қабілеттеріңізді бағалай білуге,өз-өзіңізге құрметпен қарауға,бір-бірімізге сыйластық қарым-қатынаста болуға арналған әуенді терапия сағатына ұйымшылдықпен қатысуға шақырамын.

Жұмысымды бастамас бұрын барлығымыз шаттық шеңберге жиналып,бүгінгі күнге байланысты бір-бірімізге жақсы тілек білдірейік.

-Дүниеде мұғалімдіктен құрметті мамандық жоқ.Бұл өте қиын,күрделі міндет.

Оқушылардың интеллектуалды дәрежесінің күннен-күнге артуына байланысты мектепте жұмыс істеу барған сайын күрделеніп келеді.

Өздеріңізге белгілі,ұстаз мамандығы басқа мамандықтарға қарағанда стресттік жағдайларға жиі душар болатындығы белгілі.Ал ұстаз өзінің профессионалдық ұстанымын жоғалтпай,қандай стрестік жағдайларға жиі душар болатындығы белгілі.Әсіресе,көктем, күз мезгілінде ұстаздар өте шаршағыш,эмоциялық күй-жағдайлары өте төмен болады.Сондықтан қазір біз сіздермен әр кезде көтеріңкі көңіл-күйде болу үшін,бірнеше жаттығу жасап үйренеміз.

2.Жаттығу. «Дыбыстық жаттығу»

Мақсаты:дыбыстық гимнастикамен таныстыру,рух пен пен дененің тынығуы.

Дыбыстық жаттығуды бастамас бұрың жүргізуші ережесін түсіндіреді:

Өзімізді бірқалыпты, жайлы сезінеміз,тік тұрамыз,арқамызды тік ұстаймыз.Алдымен мұрнымызбен терең дем аламыз, ал дем шығарғанда дыбысты қатты әрі қуатты етіп шығарамыз.

Деміңізді мұрыныңызбен ішке тартып,демді сыртқа шығарар кезде қатты бар даусыңызбен «А» дыбысын айтыңыз-ол бүкіл денеңіздің сауығуына көмегін тигізеді.

«Е»-қалқанша без жұмыстарына әсер етеді.

«И»-миыңызға,көзіңізге,құлағыңызға.

«О»-жүрегіңіз бен өкпеңізге

«У»-асқазан маңындағы дене мүшелеріңізге

«Х»-денеңіздің тазаруына

«ХА»-көңіл-күйіңіздің көтерілуіне.

Осы жаттығуды жаттап алып,әркезде орындап отырыңыздар,денсаулығыңыз өз қолыңызда,эмоционалдық стресске шалдықпаудың алдын аламыз.

3.Сіздер стресті бағындыра аласыздар ма, анықтап көрейік?

Тест «Сіз стресті бағындыра аласыз ба?»

Нұсқау.Төменде берілген сұрақтарға «ия», «жоқ», «кейде» деп жауап беріңіз.

р/с

Сұрақтар тізбегі

Ия

Кейде

Жоқ

1

Мен өзімді бақытты сезінемін

0

1

2

2

Мен өзімді бақытты ете аламын

0

1

2

3

Мені шарасыздық сезімі мазалайды

2

1

0

4

Мен стресстік ситуациаларда дәрі-дәрімектін көмегінсіз өз-өзіме келе аламын

0

1

2

5

Егер мен өте қатты стресс алсам,міндетті түрде маманның көмегіне жүгінер едім

0

1

2

6

Мен қайғыруға бейіммін

2

1

0

7

Менің кейде басқа біреу болғым келеді

2

1

0

8

Мен кейде басқа жерде болғым келеді

2

1

0

9

Менің көңіл-күйім тез түседі

2

1

0

Тест кілті

0-3 ұпай.Сіз өзіңізді ұстай аласыз және сіз бақытты адамсыз.

4-7 ұпай.Сіз стреспен орташа деңгейде күресе аласыз.Сіздің стрестік жағдайда көмектесетін әдістерді пайдаланғаныңыз жөн.

8 және одан жоғары ұпай.Сізге әзірге өмірдің қиындықтарымен күресу оңай болмайын деп тұр.Егер сіз өзіңіздің рухани қуатыңыз бен дене қуатыңызды сақтағыңыз келсе,онда сізге стресс жағдайында көмектесетін іздеңістерді тиімді пайдалануды үйрену қажет.

4.Жаттығу:Жарықтар.Сіздің эмоционалдық жағдайыңыз қандай жағдайда?

Сіздерге аяқталмаған карта берілген, соны сіз аяқтап көріңізші.

Сіздің эмоционалдық жағдайыңыз.

( Королева З. «Говорящий » рисунок: 100 графических тестов-Екатеринбург: У-Фактория, 2005.-304с. (Серия «Практика самопознания»)

Кілті:

Егер сіз жарықтарды айналдыра қоршасаңыз, онда, сіздің дәл қазіргі уаққыттағы жағдайыңыз мәз емес.Сіздің стресті бастан кешіруіңіз мүмкін, сіз өте қобалжып, біреуге өкпелеп жүрсіз.Сізде жағымсыз эмоциядар толы.

Егер сіз бір немесе бірнеше жарықтың ішін боясаңыз, онда сіздің бір нәрсе мазаңызды алуда, дегенмен сіздің жағдайыңыз бірқалыпты, сіз өз проблемаңызды басқалардың көмегінсіз шеше аласыз.

Егер сіз жаңа жарықтар қосып салсаңыз, онда сіз өз эмоцияңызды басқара аласыз.

Егер сіз жарықтардың арасына бір заттың суретін салсаңыз, онда сіз қиын сәтте мойымайтын, өмірсүргіш адамсыз.Сіз мұңаймайсыз.Эмоционалды дені сау адамсыз.

Егер сіз жарықтардың үстіне немесе арасына адамның немесе жануардың суретін салсаңыз, Сіздің жағдайыңыз нашар, дегенмен сіз өз проблемаңызды ойламауға, жаман ойларлдан аулақ жүруге тырысасыз.

Егер сіз жарықтардың шетін бір-біріне қоссаңыз, Сіз шындыққа тіке қарай алмайсыз, сіз жұрттың бәріне өз проблемаңыздың жоқ екендігін айтасыз, бірақ бұған өзіңіз сенбейсіз.

Егер сіз жарығыңызды шаршының ішіне орналастырсаңыз, онда Сіз өзіңізге сын көзбен қарауға бейімсіз, сіздің эмоцияңыз үнемі ақылыңызға бағынады.

Егер сіз салған суретіңіз дөңгелек тәрізді болса, онда Сіз өз эмоцияларыңызды басқаларға көрсету арқылы жеңесіз.

5.Сергіту сәті. «Гүлдер әуені»

Мақсаты:қатысушылардың өздерін сергек сезуіне көмектеседі.

6.Жаттығу. «Сыйлық»

Қазір бір-біріміздің артына алфавиттегі әріптер сияқты тұра қаламыз.Қолымызға ақ қағаз және карындаш аламыз.Барлығымыз бір қатарға тізіліп тұра қалайық.

-Ал қанеки,барлығымыз артымызда тұрған адамды есімізде сақтап алайық.Бірінші тұрған адам артында тұрған адамды, ал ең соңғы адам алдында тұрған адамның суретін салады.Ал қане барлығымыз жүгіріп жүріп суретті салайық.

-Әрбір ұстазда әдемі сурет шықты деп ойлаймын.Енді салған суреттеріңізді әріптестеріңізге естелік ретінде сыйлаңыз.

Келесі сіздерге, психологтың стресске қарсы кеңестерін ұсынбақпын :

1.Көңіл-күйіңіз түсіңкі немесе ашулы болса,күш қажет ететін жұмыс істеңіз;Мысалы үй жиһаздарын ауыстырыңыз.

2.Табиғат аясына шығып демалыңыз.

3.Күніне бір реттен кем емес өзіңізге ең қымбат адамға жылы сөз айтыңыз.Оның сізге де сондай жауап қайтаратындығына күмәңіз болмасын.

3.Аптасына 2 немесе 3 рет дене жаттығуын жасаңыз.

4.Суды көбірек ішіңіз, денені қалыпта ұстау үшін күніне 1-1,5 литр су ішу керек.

5.Адамдарға қарап жиі күлімдеңіз және олармен әңгімелесіңіз.Ашуланғанда беттің 72 бұлшық еті, ад күлімдегенде 14 бұлшыұ ет жұмыс істейді.Еске түсіріңіз: күлімдеу, бұл сіздің басқалардан байқайтын бірінші нәрсеңіз.

6.күніне ең аз дегенде бір банан жеңіз.Онда барлық витаминдер, микроэлементтер бар,сонымен қатар оның энергетикалық құндылығы жоғары.

7.Аптадағы жарты күнді өзіңізге ұнайтындай етіп өткізіңіз.Табиғатта демалып, қыдырыңыз.Классикалық әуендерді тыңдаңыз.Өзіңізді тек қана жұмысқа арнағанды тоқтатыңыз.

Біздің кездесуіміз таяп келе жатқан секілді.Бүгінгі шыққан нәтиже жемісіне оралатын болсақ педагогтардың мықты жақтарын тағы да бір еске түсіріп отырып,бір-бірімізге «Тілек» айтайық.

Сонымен бүгінгі «Жақсы көңіл-күй жан азығы» атты тренингіміз аяқталды, Сіздерге тек шығармашылық табыстар тілеймін!