Сабақтың тақырыбы: Қала дүкендері 3-сынып

Раздел Другое
Класс 3 класс
Тип Другие методич. материалы
Автор
Дата
Формат docx
Изображения Нет
For-Teacher.ru - все для учителя
Поделитесь с коллегами:

Павлодар қаласындағы «Дарынды балаларға арналған

№8 лицей-мектебі» ММ

қазақ тілі мен әдебиеті пәнінің мұғалімі

Нұрханова Айнұр Серікпайқызы

Сынып: 3 «В» ІІ топ

Сабақтың тақырыбы: Қала дүкендері

Сын есім

Сабақтың мақсаты:

Білімділік: Сабақты өткен тақырыптармен байланыстыра отырып, оқушылардың жалпы түсініктерін арттыру.

Дамытушылық: Ұсынылған тапсырмаларды топта орындай отырып, оқушылар арасындағы қарым - қатынастарын, бірлестіктерін, өз жұмыстарын талдай,бағалай алуларын, ой-өрістерін дамыту.

Тәрбиелік: Оқушылардың эстетикалық дүниетанымын қалыптастыру, ізденушілік қабілетін дамыту.

Сабақтың түрі: Дәстүрлі емес, дамытпалы оқытуға негізделген аралас сабақ.

Сабақтың әдіс-тәсілдері: топтық жұмыс, сұрақ -жауап,шығармашылық,ізденушілік, СТО.

Сабақтың көрнекілігі: Интербелсенді тақта, сөзжұмбақ, «Қара жорға» әні, суреттер, карточкалар.

Сабақтың барысы:

І Ұйымдастыру кезеңі

А) Сәлемдесу.

- Сәлеметсіңдер ме, балалар!

Ә) Тіл дамыту кезеңі. Балаларға арнайы сұрақтар қойылады.

1 Балалар, қазір сурет сабағы ма?

2 Қазақ тілі сабағында қай тілде сөйлейсіңдер?

3 Қазір жылдың қай мезгілі?

4Бүгін аптаның қай күні?

Кіріспе сөз:

-Балалар,бүгін біздің сабағымызда қызықты көп тапсырмалар болады. Өз білімімізді жан -жақты көрсетейік. Қазақ тілі сабағымызды бастайық!

- Балалар, ең алдымен үйге берілген тапсырманы тексерейік.

ІІ Үй тапсырмасын тексеру кезеңі.

І топ көрініс көрсетеді. «Дүкенде»

ІІ топ видиокөрініс. «Дүкенге саяхат»

ІІІ топ жарнама ұсынады. «Дүкенге келіңдер!»

ІІІ Жаңа сабақ

Тақырып бойынша ұсынылған суреттерді әр оқушы таңдап алады. Сол суреттер бойынша топқа бөлініп отырады

Топпен орындалатын тапсырмалар:

  1. Тапсырма. Алған суреттер бойынша топтың атын ойластырады.

  2. Тапсырма.

-Балалар, ойымызды жинақтап, сөзжұмбақты шешейік.

1 Сиыр сүтінен жасалатын сүт тағамдарының бірі. (қаймақ)

2 Ыдыс атауының бірі. (шанышқы)

3 Ұнды неден жасайды?(бидай)

4 Ойыншық атауының бірі. (текше)

5 Мақалды жалғастыр. Ас атасы - ... . (нан)

6 Сөйлемді толықтыр. Дүкенде көп киім ... .(сатылады)

7 Жұмбақты шеш. Өзі арық, сөзі анық. (қалам)

8 Нанды қайда пісіреді? (наубайхана)

3-тапсырма.

Интербелсенді тақтаға шығып, берілген сөйлемдерді толықтыр. Сын есімдерді тауып, сұрақ қой.

Мен азық - түлік дүкенінен ... нан, ... тоқаш сатып алдым.

Олжас ... ашылған дүкеніне баруды ұнатады.

Әжесі Оляға ... етік сатып әперді.

4-Тапсырма.

Әр топ таңдаған тақырып бойынша үш сұрақ құрастырады. Сонымен бір - бірлерінің сұрақтарына жауап береді.

Сын есім кеңсе тауарлары ыдыстар

Сергіту сәті: «Қара жорға» әні орындалады,оқушылармен бірге биді орындаймыз.

5-тапсырма.

Төмендегі тақырыптарды таңдап, тақырыптарыңа байланысты бес жолды өлең құрастыру.

Нан Киім Сүт

6-тапсырма.

Викториналық сұрақтар:

1 Дүкенде кім жұмыс істейді?

2 Нанды кім пісіреді?

3 Секіртпені қай дүкенде сатады?

4 Кесе, қасық, ожау -бұл не?

5 Бауырсақ,тоқаш, батон -бұлар қай тағамдарға жатады?

6 Биенің сүтінен не жасайды?

7 Сүт тағамдарын ата.

8 Дүкенге бару үшін не керек?

9 Сын есімнің сұрақтарын ата.

10 Қатыстық сын есімдерге мысал келтір.

11 Сапалық сын есімдермен сөйлем құрап айт.

Бекіту кезеңі:

Ішіне -сыртына әдісі бойынша тақтаға шығып, сөздігімізді толтырамыз.

Сатушы, ұстаз, ақша, тиын, артық ақша, мектеп, аспаз, орындық, ет тағамдары, адамдар, бағдаршам, ыдыс.

Қорытындылау:

  • Бүгінгі сабағымызда қандай тақырыпты қайталадық?

  • Дүкенге баруды ұнатасыңдар ма?

  • Дүкендердің пайдасы бар ма?

Бағалау:

Үй тапсырмасын беру: Өткен тақырыптар бойынша 10 сұрақтан тұратын тест құрастыру.















© 2010-2022