Разработка урока по татарскому языку на тему Казанский федеральный университет (10 класс)

Разработка урока по татарскому языку для русскоязычных

учащихся 10 класса по учебнику Р. З. Хайдаровой.

В программу данного курса включена тема "Казанский государственный университет". Тема изучается в разделе "Знание и жизнь". В предверии выбора профессии, знакомство с высшими учебными заведениями, хоть и виртуальное, актуально и интересно. Предлагаю разработку урока татарского языка для русскоязычных учащихся в 10 классе по учебнику Р.З. Хайдаровой и Р. Л. Малафеевой.

Тема: Казан дәүләт университеты.

Максат: 1. укучыларда укуга уңай мотивация булдыру өстендә эшне дәвам итү, югары уку йортлары (Казан дәүләт университеты) белән кызыксыну уяту;

2. укучыларның диалогик сөйләмнәрен камилләштерү, тәрҗемә итү күнекмәләрен үстерү;

3. "Казан дәүләт университеты" текстындагы яңа лексик материал белән танышу, практик үзләштерү;

Җиһазлау: Дәреслек (10 сыйныф, Р. З. Хәйдәрова, Р. Л. Малафеева) 16-17 битләр, интернет-ресурс, плакат, электрон презентация.

Дәрес барышы:

1. Оештыру өлеше.

1.Сәламләү.

Укытучы: Исәнмесез, укучылар!

Укучылар: Исәнмесез, исәнмесез,

Исәнмесез, саумысез!

Барчагызга сәламәтлек,

Хәерле көн телибез!

Укытучы: Сезгә дә сәламәтлек һәм хәерле көн телим.

2. Кизү сүзе.

Мин бүген дежур. Сыйныфта барысы да бар. Бүген 5нче октябрь, сишәмбе көн. Урамдагы һава торышы турында хәбәр ителә.

2. Актуальләштерү.

1. Өй эшен тикшерү.

2. Кереш әңгәмә:

• Мәктәпне тәмамлагач кемнәр югары уку йортларына керергә тели?

• Нинди уку йортлары сайлар идегез? Ни өчен? Бу уку йортлары, бу һөнәрләр сезне кайсы ягы белән кызыксындыралар?

(Шул типтагы сорауларны укучылар бер-берсенә дә бирәләр:

• Син кайда укырга керергә уйлыйсың? Ни өчен ул уку йортын сайларга уйлыйсың?)

• Без бүген дәрестә Россиянең иң өлкән университетларының берсе булган Казан дәүләт университеты турында сөйләшербез.

(Слайд 1-3, 22)

3. Яңа теманы аңлату.

1. Сүзлек эше.

• Әлеге тема буенча сөйләшү өчен, безгә тактада язылган сүзләр өстендә эшләргә кирәк.

Тактага яңа лексик материал язылган плакат эленгән:

өлкән -

бөек -

белгечлек -

төрле юнәлеш -

икътисад -

хокук -

халыкара мөнәсәбәтләр -

нәшрият -

борынгы китаплар -

сирәк очрый торган чыганаклар -

(Укучылар сүзлекләр белән эшлиләр, тәрҗемәләрен табалар һәм сүзлек дәфтәрләренә яза баралар.)

2. Дөрес әйтелеш өстендә эш.

Укучылар яңа сүзләр белән җөмләләр төзиләр, бирелгән схема буенча диалоглар төзиләр:

• Сорау.

• Җавап.

• Тәкъдим итү.

• Ризалашу.

3. Текстны уку. Дәреслек буенча эш (16 нчы бит)

а) укытучының үрнәк укуы.

б) укучыларның чылбыр буенча укулары, тәрҗемә итүләре.

в) Сорауларга җавап бирү:

- Университет кайчан ачылган? Аның тарихы нинди бөек галимнәрнең исемнәре белән бәйле? (3-4, 19-21 нче слайдлар. Анда университет тарихы турында мәгълүмат бирелгән)

- Университетның нинди факультетлары бар?

- Университетның фәнни китапханәсе турында нәрсәләр әйтеп була?

- Университетка укырга керүчеләргә нинди шартлар тудырылган?

(Әлеге сорауларга җавапларны тексттан табып укырга да мөмкин)

Физкультпауза.

4. Казан дәүләт университетында тагын нинди факультетлар барлыгы турында без слайдлар карап китәрбез. Бәлки үзегез дә ниндидер факультет белән кызыксынып китәрсез.

(Слайдлар 6-16)

-Укучылар, әгәр университет турында тулырак мәгълүмат алырга телисез икән, университетның сайтын язып куегыз: ksu.ru.

IV. Ныгыту.

1. Диалогик сөйләм. 11нче һәм 12нче күнегүләр.

Схема буенча диалог төзү:

• Хәбәр.

• Гаҗәпләнү, сорау бирү.

• Җавап.

• Өстәмә сорау.

• Җавап.

2. Кроссворд чишү.(16нчы күнегү)

4. Йомгаклау.

• Укучылар, сез мәктәпне тәмамлагач, сезнең алдыгызда бик күп юллар ачыла. Дөрес һөнәр сайлау, дөрес уку йортын сайлау - сезнең бурычыгыз.

5. Өй эше.

Өй эше төркемнәргә бүленеп бирелә:

1. Интернет-ресурслардан файдаланып, КГУ турында реклама әзерләргә.

2. Дустыңа интернет-олимпиадада катнашырга тәкъдим яса. Сезнең арада нинди диалог килеп чыгар?