- Преподавателю
- Другое
- Викторина Торээн черин, торел чонун билир сен бе?
Викторина Торээн черин, торел чонун билир сен бе?
Раздел | Другое |
Класс | - |
Тип | Другие методич. материалы |
Автор | Тойлу М.В. |
Дата | 14.04.2015 |
Формат | doc |
Изображения | Нет |
Викторина «Төрээн чериң, төрел чонуң, төрээн дылың билир сен бе?»
Сорулгазы: хуу аттар дугайында уругларның билиин ханыладыр, төрээн черинге ынак болурунга кижизидер, топонимнерниң этимологиязын билиндирер.
І-ги кезээ.
Викторинаның айтырыглары:
1. Тожу чурттуг чогаалчыларның долу ат-сывын адаар.
2. Тайга черге кымнар деп төрел-бөлүк чурттап чорааныл? (Барааннар.)
3. Адыр-Кежиг суурнуң төп кудумчузунуң ады? (Аңчы.)
4. Л.Б. Чадамбаның төрүттүнген чери? (Хоң-Шөл.)
5. Кол деп төрел-бөлүктүң чурттап чораан черлерин адаар. (Толбул, Эн-Суг, Талым, Тожама, Тоора-Хем.)
6. Толбул чанында бо черге эжеш-эжеш дуруяаларны улус бо-ла көрүп каар, ынчангаш ынчаар адай берген. (Дуруяалыг.)
-
Ырактан көөрге, чүрек хевирлиг, суурнуң хүн үнер чүгүнде даг ады. Шаанда ол дагны дагыыр турган. (Баяан-Чүрек)
-
Суурдан ырак эвесте каъттарлыг, ажык шөлдүг чер. Малчыннар турлаа бар. (Каът-Чазы)
9. Суурнуң девискээринде 3 кожа чыдар хөлдерниң аттары. (Башкы-Хөл, Дыттыг-Хөл, Сайлыг-Хөл)
10. Шаандан тура суур адаанда дагны дагып, оран-чуртунуң ээлеринге чүдүп, чалбарып чораан. Ол дагның ады. (Дагылга-Даа)
11. Өң-чүзүнүн онзагайлаан суурувустуң девискээринде черлер аттарын санап бижиир. Бештен хөй топонимнерден тып бижиир.
12. Суур кыдыында хемниң оң чарыында ажык черде чаңгыс дыт үнгенинден ук девискээрни ынчаар адай берген. (Чаңгыс-Дыт)
13. Сан аттары-биле холбашкан суурнуң девискээринде черлер аттарын санап бижиңер (5-тен эвээш эвес).
14. Адыр-Кежиг суурнуң турар чери шаанда ажык шөл турган. Ол шөлдүң ады. (Чалың-Шөл)
15. Суурнуң хүн ажар чүгүнде дагның ады. Кыжын аңаа чуңгулаарынга чон ынак. (Ленин-Даа)
ІІ-ги кезээ.
-
«Черлер аттарының тургузуу».
Уруглар башкарыкчыда саазыннарны шилип алгаш, ында бижип каан топонимнерниң морфемниг сайгарылгазын кылыр.
Кызыл-Аңныг, Дагылга-Даа, Шивилиг-Оңгар, Көвүктүг.
2. «Топонимнерниң чогаадылгазы»
Башкарыкчы модельдер айтырга, уруглар ук модельге топонимнер тып бижиир. Хөйнү бижиири күзенчиг.
-
Модель: чүве ады + чогаадылга кожумаа
Чижээ: Майыктыг > майык + -тыг
Дуруяалыг > дуруяа + -лыг
2. Модель демдек ады + чүве ады
Чижээ: Ак-Булуң > ак + булуң;
Ак-Тайга > ак + тайга;
Кара-Даг > кара + даг;
3. Модель чүве ады + чүве ады
Чижээ: Хавак-Тайга > хавак + тайга;
Чаат-Суг > чаат + суг;
4. Модель: сан ады + чүве ады
Чижээ: Чүс-Дыт > чүс + дыт;
Чагыс-Дыт > чаңгыс + дыт;
5. Модель: демдек ады + демдек ады
Чижээ: Кызыл-Аңныг > кызыл + аңныг;
Кызыл-Даштыг > кызыл + даштыг.
Түңнел: ниитизи-биле айтырыгларга хөй шын харыылар бергенин барымдаалап командаларның алган черлерин түңнээр. Тиилекчилерни грамоталар болгаш өртектиг белектер-биле шаңнаар.