Доклад по теме Рефлексия

Мұғалімдердің сабақтарын бақылау және кері байланыс ұсыну

ОҚО, Сайрам ауданы, Манкент ауылы, «Айнабұлақ» негізгі орта мектебінің химия-биология пәні мұғалімі Ирисметова Хамида Иристаевна

Коучтер - тәжірибелі мұғалімдерге ойлау және шығармашылық үдерістерінің көмегімен мектепте жақсы тәлімгер болуға көмектесу үшін өздеріне куратор рөлін қабылдаған адамдар. Соның нәтижесінде оның әріптестері өзінің кәсіби әлеуетін арттыруға арналған идеялармен және тәсілдермен қамтамасыз етіледі. Коучтер мұғалімдерге өздерінің оқыту тәжірибесін жақсартуға көмектесетін болады.

Мұғалім өз мектебіндегі әріптестеріне қажетті дағдылар мен болашаққа деген көзқарастарын дамытуға көмектесу үшін оларды бағыттап және белсенді ынталандырып отыруға мүмкіндік алу мақсатында коуч мұғалімге көмек көрсетеді. Бұл ретте мұғалімдерге мақсат етілген нәтижеге қол жеткізу үшін тәжірибесі аздау әріптестерімен жүргізілетін жұмысты болжау және жүргізу мақсатында, ол жұмысқа арқау болатын тақырыпты алдын-ала анықтай алу қабілетін дамытуға көмектесуге басты назар аударылмақ. (Мұғалімге арналған нұсқаулық. 2 (негізгі) деңгей 81-82 бет). Содан келіп шығып менде коуч туралы түсінік қалыптасты. Тәжірибелі көмекшінің моделі маған ұнады. Тәжірибені талдау, проблеманы анықтау, өзекті проблемаларға көңіл бөлу, күтілетін нәтижелерді анықтау, мақсат қою, мақсаттың тиімділігін анықтау, әрекеттерді талдау, тиісті стратегияны таңдау, іс-әрекет жоспарын әзірлеу арқылы құнды нәтижеге жетуге болатынына көзім жетті.

Коуч немесе тәлім алушы мұғалімнің сабақтарын мына кесте бойынша бақылауды ұсынамын:

Мұғалімнің аты-жөні:

Мерзімі:

Сыныбы:

Пәні:

Сабақтың тақырыбы:

Сабақтың мақсаты:

Сабаққа қатысудан мақсат:

Мақсаттың басты тармағы:

Оқыту мен оқу үдерісіне қатысты басқа да тармақтар:

Одан әрі оқытуға арналған мақсаттар:

Сабақтың барысы:

Мұғалім әрекеті:

Оқушы әрекеті:

Сәтті жақтары:

Сәтсіз жақтары:

Мұғалімнің осы сабақта жеткен жетістігі:

Ұсыныс:

Бұл коуч немесе тәлім алушы мұғалімнің сабағын бақылау және кері байланыс ұсыну парағы несімен ерекше?

Онда мұғалімнің аты-жөні, сабақтың өтілген мерзімі, сабақ өтілген сыныбы және пәні көрсетілген. Сонымен бірге мұғалімнің сабақ өтудегі мақсаты жазылады. Сабаққа қатысудан мақсат, мақсаттың басты тармағы, оқыту мен оқу үдерісіне қатысты басқа да тармақтарды жазу үшін орын берілген. Сонымен қатар одан әрі оқытуға арналған мақсаттарды да көрсетуге болады. Мұғалім сабағының негізгі бөлімі: сабақтың барысы, мұғалім әрекеті және оқушы әрекетін жазып алуға да болады. Сонымен бірге мұғалім және оқушының сәтті және сәтсіз әрекеттері жазылады. Бұл кері байланыс ұсынған кезде айтуға жеңілдік береді. Себебі бұл жеке-жеке көрсетіледі. Мұғалімнің осы сабақта жеткен жетістігін және ұсынысты екі жұлдыз, бір тілек бойынша жүзеге асыруға болады.

Мұғалімге өз жұмысында жетістікке жетуіне мүмкіндік беретін іс-әрекетті талдау және ол туралы ойлануға арналған құралдарды ұсыну мүмкіндігі коучинг пен тәлімгерліктің барлық түрлерін біріктіруші фактор болып табылады. (Мұғалімге арналған нұсқаулық. 2 (негізгі) деңгей 80 бет).

Мұғалімнің сабақтарын бақылап қана қоймай, тәлім алушыларға мүмкіндіктер мен проблемаларды қарауға мүмкіндік беру, стратегиялық деңгейде өзінің іс-тәжірибесімен алмасу, тәлім алушыға шынайы мақсат қоюға және оған жету жолдарын жоспарлауға көмектесу біздің міндетіміз. Мен ұсынып отырған мұғалімдердің сабақтарын бақылау және кері байланыс ұсыну парағы коуч мұғалімдердің жұмысын жеңілдетеді деп ойлаймын.

Пайдаланылған әдебиеттер

1. Мұғалімге арналған нұсқаулық. 2 (негізгі) деңгей.