Сценари «Кæд дæн зæххыл ирон сылгоймаг æз…»

Зæххы цъарыл Хуыцау æппæты рæсугъддæр сылгоймаджы сфæлдыста.

1 Амонæг. (Влад) Ацы кадджын бæрæгбон мах зæрдæбын арфæ кæнæм Ирыстоны сылгоймæгтæн се'ппæтæн дæр. Сылгоймаг хæдзары цырагъ у. Уый куыд судзы, афтæ рухс кæны æмæ тавы бинонты дæр, уазæджы дæр.

Уæ нæ буц хотæ, сымахæн нæ дзæбæхдæр арфæ, чызджы кадджын ном сыгъдæгдæрæй чи быхъахъхъæдта, уый æмбал уæ Хуыцау фæкæнæд!

2 Амонæг. (Зарина) Сылгоймагæн, уæлдайдæр ацæргæ нымад усæн аргъ кæнын бæрзонд æвæрд уыди ирон адæммæ. Дыууæ лæджы-иу куы фæхъаугъа сты кæрæдзиимæ, уæд-иу сын сылгоймаг се'хсæн йæ кæлмæрзæн æрæппæрста. Цавддуртау-иу сæ мидбынаты аззадысты нæлгоймæгтæ. Уынаффæ кæнгæйæ дæр сылгоймагæн йæ дзырд цæуаг уыд.

Танец: Лерий и Маша

Зарина: Абон нæм ис æртæ командæйы æмæ сын дзырды бар дæттæм.

7«А»- «Сатанайы фæдонтæ»

7«Б»- «Къонайы фарн»

7«В»- « Табуйаг чызджытæ»

1 ЕРЫС. (Влад) Алы командæ дæр йæ номмæ гæсгæ хъуамæ йæхи бацамона.

Хи амынды хъуамæ уа æнæмæнг презентаци, уымæн дæр командæ хицæн балл рамбулдзæн.

Табуафси , ныхасы бар «Сатанайы фæдонтæн»

Ныр та ныхасы бар «Къонайы фарн»-æн

Ныхасы бар «Табуйаг чызджытæн»

Зары Кристинæ « Æз ирон чызг дæн».

2 ЕРЫС. (Влад) Ныртæккæ нæ чызджытæ равдисдзысты сæ арæхстдзинад ирон хæринæгты ерысы . Кæнын сæ хъæуы Ногбоны дедатæ.

Чызджытæ архайынц хыссæимæ.

Доулийыл цæгъды Сæрмæт.

1 Амонæг.(Влад)

Раджы заманы ирон нæлгоймæгтæ Ныхасмæ сæ ахсджиаг хъуыддæгтæ æмæ фарстатæ лыг кæнынмæ куыд æмбырд кодтой, афтæ сылгоймæгтæн дæр уыд диссаджы бынат- Хурбадæн. Хуыздæр уæлхæдзар кæм уыд, уым-иу хурварс æрбамбырд сты нæ нанатæ. Уырдæм-иу семæ хастой сæ куыстæгтæ: чи-иу дзабыртæ хуыдта, чи къуымбил æлвыста.

2 Амонæг.(Зарина)

Хурбадæн уыди сылгоймæгты скъола. Ам кæрæдзийæн амыдтой къухмийы сусæгдзинæдтæ. Æртæ азæй фæстæмæ-иу мад кæнæ нана, кар хынцгæйæ, чызджыты æфтыдтой алыхуызон хæдзары куыстытыл, уыдон уыдысты æнæнымæц, æмæ хистæр кары чызджытæ хуыдтой нымæттæ, æнцонæй архайдтой судзин æмæ хæсгардимæ.

3 Ерыс.(Влад) Ацы ерысы базондзыстæм нæ чызджыты арæхстдзинад къухмийæ.

(Сценка) Нæ абоны чызджытæ,райсомы чындзыты кадæн бакæсут цыбыр ныв «Уайсадæг чындз»-мæ.

1 Амонæг.(Влад)

Ирон интеллигенцийы зындгонддæр минæвар, æхсæнадон æмæ литературон архайæг, ахуырдзинады рухстауæг Колыты Аксо йæ хæдзары байгом кодта скъола ирон чызджытæн æмæ йе съолайы руаджы Ирыстоны сылгоймæгтæ Цæгат Кавказы иннæ районтæй æппæтæй раздæр райдыдтой ахуырад исын.

2 Амонæг.(Зарина)

Уый тынг хорз æмбæрста сылгоймаджы ахадындзинад æмæ амыдта:

«Æрмæстдæр ахуыргонд сылгоймагæн йæ бон у схъомыл кæнын Ирыстонæн аккаг хъæбултæ»

4 ЕРЫС.(Влад)

Чызджытæ равдисдзысты сæ арæхстдзинад æмбисæндты ерысы.

(Уыцы рæстæг Аланæ цæгъды…)

5 ЕРЫС. (Зарина)

Ныртæккæ та нæ чызджытæ равдисдзысты сæ арæхстдзинад аивадон ерысы (зард, кафт, фæндырдзагъд). Æртæ къорды дæр равдисдзысты иумæйаг кафт (чызджыты кафт).

Фесты кафт æмæ …: Ныр та ма сын хицæнæй дæр ныхасы бар. ( Зарæг «Бæдола», кафт Элла

Нæ фыдæлтæм чызджы хъомыладмæ уæлдай цæстдард уыд.

Хъомылад та, кæй зæгъын æй хъæуы, авдæнæй райдайы. Цавæр зарджытæ зарыдысты кæддæр нæ мадæлтæ авдæнхъæдты уæлхъус, уыдонмæ байхъусæм.

Зары Мадинæ «Авдæны зарæг» .

6 ЕРЫС.(Зарина)

Ныр та сбæрæг кæнæм, командæтæй хуздæр нывæцæн чи ныффыста ,уый «Ирон чызг»

7 ЕРЫС.(Зарина) Ныр та капитанты ерыс.

Алы командæйы капитанæн дæр уыд хæдзармæ куыст æмдзæвгæ зæрдывæрдæй сахуыр кæнын. Сбæрæг кæнæм хуыздæры. (Табуафси «Сатанайы фæдонты» капитанæн…)

2 Амонæг.(Зарина)

Нæ равдыст кæронмæ фæхæццæ кæны, фæлæ куыннæ зæгъæм Хуыцау сылгоймаджы куыд сарæзта, уый тыххæй.

1 Амонæг.(Влад)

Æрбайста худгæ хуры тынтæй цалдæр, æрттиваг мæйы сонт æнкъардзинад, мæлхъы сæрыстыр уæздандзинад æмæ уарди дидинæджы æмбисонды тæфаг.

2 Амонæг.(Зарина)

Цæмæй æгæр æлутон ма фæуа, уый тыххæй ма йæм бафтыдта ноджы уаддымгæйы æнæсæрфат зилдухæнтæ, рувасы хиндзинад, тæрхъусы тæппуддзинад, мигъты цæссыгкалд уарыны агъоммæ, æмæ гæркъæрджыты талф-тулф ныхас.

1 Амонæг.(Влад)

Чысыл ахъуыды кодта, æмæ ма йæм бафтыдта хъаймæты бæллæхтæ: арт, зæй, арвæрттывд, æрвнæрд, тымыгъ, тæрккъæвда. Æмæ æппын уыдæттæй сарæзта сылгоймаджы.

Кафт:Симд.

1 Амонæг.(Влад)

Нæ фыдæлты æгъдæуттæ дæр сылгоймаджы руаджы сты рæсугъд æмæ бæркадджын. Æмæ нæ равдыст уымæн у æвдисæн.

Кæронбæттæн.