- Преподавателю
- Другое
- Мектепке дейінгі баларға арналған оқу әрекеті
Мектепке дейінгі баларға арналған оқу әрекеті
Раздел | Другое |
Класс | - |
Тип | Другие методич. материалы |
Автор | Омиртаева А.А. |
Дата | 18.04.2015 |
Формат | docx |
Изображения | Нет |
№11 «Ертөстік» ясли-бақшасының тәрбиешісі
Омиртаева Арайлым Амангалиевна
Семей қаласы
Тақырыбы: Достық әлемі.
Мақсаты: «Достық» ұғымын, оның құндылық ретіндегі мәнін түсіндіру.
Көрнекілік құралдары: жұмыс дәптері, жер шары, гүлдер (қатырма қағазы), қайшы.
Шаттық шеңбері:
-Амансыңдар ма, балалар! Мен сендерді шаттық, достық шеңберіне шақырамын. Барлығымыз мына өлең жолдарын бірігіп айтайық.
Достарды біз қолдаймыз
Қиын шақта қорғаймыз.
Біздің топта ұл-қыздар,
Тату-тәтті ойнаймыз!
Слайд «Достық жолы»
-
Балалар достығы
-
Жануарларға деген достық.
-
Құстарға деген достық.
-
Табиғатқа деген достық.
Қорытындылау:
Сонымен, балалар достығы дегеніміз-балалардың бір-бірімен достасуы. Жануарларға, құстарға деген достық-жануарларды (күшік, мысық т.б.), құстарды күту, баптау, қамқор болу, оларды жақсы көру деген сөз. Табиғатқа деген достық- өсімдіктерді күту, баптау, табиғатқа жақын болу деген сөз.
-Балалар сендер шаршаған боларсыңдар. Барлығымыз орнымыздан тұрып, ән айтып бір сергіп алайық.
Ән «Дос болайық бәріміз»
-Енді сендермен ойын ойнасам деп тұрмын. Ойынның аты: «Достық неден басталады, достыққа не жарасады?»
Ойынның шарты: Сендерге бірнеше сұрақтар қоямын. Егер оған келіссеңдер «Ия» деп деп жауап беріп, қолдарыңды шапалақтайсыңдар. Келіспесеңдер, «Жоқ» деп жауап беріп, қолдарыңды шапалақтамайсыңдар.
-
Достық танысудан бастала ма?
-
Достық төбелестен бастала ма?
-
Достыққа мейірімділік жараса ма?
-
Достық ренжуден бастала ма?
-
Достыққа адалдық жараса ма?
-
Достық мазақтағаннан бастала ма?
-
Достыққа татулық жараса ма?
-
Достық ұйымшылдықтан бастала ма?
-
Достыққа сүйіспеншілік жараса ма?
-Балалар, осы ойын арқылы шынайы, адал достықтың неден басталатынын, оған жарасатын түрлі құндылықтарды есімізге түсірдік.
Тыныштық сәті: «Релаксация»
Ұжымдық жұмыс: «Гүл шоқтары»
Тәрбиеші балаларға түрлі-түсті қатырма қағаздағы гүлді қиып алуды және оны жер шарына өздері білетін «Достық» туралы мақал-мәтелдерін, тақпақтарын айта отырып орналастыруларын ұсынады. Бұл - көгершін. Ол бейбітшіліктің, әділеттіліктің, достықтың символы. Мен адамдарға осы көгершіннің әділетті, адал достығын тілей отырып, жер шарына көгершінді орналастырайын.
-
Достық-асыл қасиет.
-
Адал дос алтыннан да қымбат.
-
Бірлесе көтерген жүк жеңіл.
-
Достық бірлікте.
Бірлік түбі-береке.
-
Өміріміздегі ең ізгі нәрсе-достасу.
-
Адам достығымен күшті.
-
Досы көпті жау алмайды.
-
Қашан да, қайда да
Бірлікте боламыз.
Тәрбиеші балаларға шеңберге тұруды ұсынады.
«Ғажайып сөздер»
-Балалар, бәріміздің бірге екенімізді сезіну қандай тамаша! Ал енді бәріміз қолдарымыздан ұстайық, сабақта айтып үйренген өнегелі сөздерді қайталап айтайық.
-Шынайы достық қуаныш әкеледі.
-Адал достар бір-біріне үнемі көмекке дайын болады.
-Достарым көп болсын десең, өзің жақсы бол.
Қорытындылау:
Ол жақсы қасиеттер бір-бірімізбен татулыққа, достыққа, түсінушілікке, бірлікке, кешіруге үйретті. Достықтарың ұзақ болу үшін бір-бірлеріңе көмектесіп, адал болуларың керек. Әрқашан отбасында, балабақшада тағы басқа кез келген ортада бір-бірімізбен дос болайық!
Жүректен жүрекке:
Ризамыз бүгінге біз,
Ризамыз ертеңге біз.
Ризамыз, ризамыз, ризамыз!