Ата-аналар жиналысы

Адылгазинова Гульмира Халелевна-

Әдіскер.

Балабақшада мен ата-аналар арасындағы ынтымақтастықты арттыру, ясли-бақшаның әдістемелік тақырыбын жүзеге асыру шараларына ата-аналарды жұмылдыру, баланың жеке тұлғасының дамуына қажетті жағдайлар тудыру мақсатында «Тәлім-тағлым» ата-аналар отауын құрдық. Баланы тәрбиелеуде ата-аналарға педагогикалық-кеңестік көмек көрсету мақсатында «Анасына қарап қыз өсер», «Сәлем-сөздің анасы», «Атадан ұл тумас болар ма, ата жолын қумас болар ма» т.б. тақырыптарында ата-аналар жиналыстары жиі өткізіп тұрамыз.

Бүгінгі таңда бала тәрбиесімен, ұрпақ тәрбиесімен айналысатын барлық мекемелердің аса маңызды міндеттерінің бірі - ата-ананы отбасына «қайтару», өзінің ата-аналық борышын түсінуге көмектесу және бала тәрбиесі жолында ынтымақтастық пен бірлікке, өзара көмекке қол жеткізу.

«Анасына қарап қыз өсер» дәстүрден тыс ата-аналар жиналысының бір көрінісін сіздерге ұсынамын.

-Үлкендi сыйлау-бiздiң халқымыздың ежелгi дәстүрi. Ол дәстүр бойынша жастар үлкеннiң алдын кесiп өтпеуге, сыпайы болуға, үлкенмен сөз жарыстырмауға, үлкендердiң алдында қатты күлмеуге тиiс. Осындай ата дәстүрiмiздi бүгiнгi жастар жадында сақтап, жалғастыра бiлуi қажет деп ойлаймын.

Анасы мен әжесінің көмегіне сүйеніп бүлдіршін қыздар халықтық өнер көзін бүгінгі күн тынысымен ұштастырып, ою ойып, сырт киім мен бас киімді әшекейлеп, дастархан әзірлеуді үйренгендері жөн.

Әр үйде қыз баланы кішкентайынан қонақ күтісіп, дастархан әзірлеуге үйретеміз. Бүгінгі жиналысымыз сайыс түрінде өтеді. Қай топтың ата-аналары қонақ күту, салт дәстүр жайлы көп біледі екенін анықтап, ата дәстүрiмiздi еске түсіреміз.

Ата-аналарды «Еркем-ай» жылулық шеңберіне шақыру. Ата-аналар үйдегі бүлдіршіндеріне еркелетіп айтатын сөздерді көршісіне қарап айтып шығу.

(Екі топқа бөліну. Сайыс барысында жеңген топқа бір сақина беріледі, ұпай саны жиналған сақина санымен есептеледі)

1 сайыс: «Амандасу»-деп аталады.

Үйге қонақ келгедегі амандасудың түрлерін атап, көрсету.

Келген қонаққа ас алдында қолға суды шорылдатпай құю, сүлгіні әдеппен ұсыну көбінесе балаларға жүктеледі.

2 сайыс: «Ізгі сөздер»

Әр топтан бір ата-ана ортаға шығады. Ізгі сөздерді жарыса айту.

Келген қонаққа көрсетілетін құрметтің бір түрі-көрпе салу.

3 сайыс: «Құрақ құрау»

Алдарыңыздағы әр түсті пішіндерден «жұлдызша» немесе «қызғалдақ» құрақ құрау керек.

Қазақ халқы соңғы бір үзім нанын да қонаққа деп сақтаған жомарт ел.

4 сайыс: «Ұлттық тағамдар»

-Қандай ұлттық тағамдарды білесіздер? Ортаға тағы бір ойыншыдан шығып жарысқа түссе. (бауырсақ, қазы-қарта, жал-жая, құрт, балқаймақ, қымыз т.б)

Ас ішіп болғаннан кейін қонаққа майлық ұсыну керек. Ол майлықты алдын ала қызыңызбен бірге әдемілеп жасап, дастарханға қоясыз.

5 сайыс: «Әдемі майлық ұсыну»

Әдемі майлықтың екі түрінің атын атап жасалу жолын түсіндіру.

6 сайыс: «Салт-дәстүр»

Қай топ сұраққа тез, нақты жауап берсе сол топ бір ұпайға, яғни бір сақинаға ие болады.

1 сұрақ: ауылдың алты ауызы деген не? (Үй иесi қонақты сыйлап, ас-суға тойдырғаннан кейiн, өлеңiн айтып немесе күй шертеді)

2 сұрақ: «қонақ кәде» деген не? (Қонақ өлең, жыр, қисса, ертек, терме, толғау айтып берiп немесе күй шертiп өз өнерiмен үй иелерiне құрмет көрсетуге мiндеттi болған)
Үнемi үйге келген қонақтан өлең-жыр, ертегi, аңыз әңгiме естiп өскен балаға да жастайынан сөз өнерiне бейiм, өнегелi, өнерлi болып өсуiне әсер еткен, «қонақ кәде» мен «ауылдың алты ауызы» жастарды сөз қадiрiн бiлуге, шешендiкке, ән мен жырға баулып өсiруде белгiлi рөл атқарған.

7сайыс: Қонақтан бұйымтай сұрау.

Сақиналарды санау арқылы жіңімпазды анықтау. Құрметті ата-аналар жиналысымызды бір әдемі әнмен аяқтасақ.