Открытый урок на тему Тәуелсіздік белестері

ТЕЛЬПЕКБАЕВА Е.А.

Қостанай облысының

Рудный қаласындағы

№5 гимназиясының

қазақ тілі мен қазақ әдебиеті

пәнінің мұғалімі

ТӘУЕЛСІЗДІК БЕЛЕСТЕРІ

(10-сынып)

Сабақтың мақсаттары:

Білімділік: қазақ тілін ресми қарым-қатынас тілі ретінде үйренуіне ықпал ету және күнделікті қолданыста пайдалана білуіне дағдыландыру, ресми іс қағаздарын толтыра білуге жаттықтыру, сауатты жаза білуге, дұрыс сөйлем құрастыра білуге үйрету

Дамытушылық: тіл ұстарту, көре білу, бақылау, салыстыру арқылы ойлана білумен ұштастыру. Шығармашылық белсенді тұлға қалыптастыру.

Тәрбиелік: мемлекеттік тілге, өзі қарым-қатынас жасайтын ортаға деген құрметін, сыйластығын білдіретін, сол арқылы жеке басына құрмет қалыптастыру.

Көрнекілік: интерактивті тақта, компьютерлер, электронды оқулықтар, үлестірмелі материалдар, сөздіктер, оқу тақтасы,

Сабақ түрі: аралас, қорытынды сабақ.

Пәнаралық байланыс: әдебиет, тарих

Сабақ барысы

I. Ұйымдастыру кезеңі

Сәлемдесу. Сабақтың тақырыбы мен мақсатын айту.

II. Фонетикалық сергіту

1.Өлеңмен танысу

Отаным -Қазақстан

Кең байтақ, көз жетпейтін жерім менің,

Таулы орман, жасыл жайлау, көлім менің.

Бүгінде бар әлемге данқың жетті,

Тәуелсіз Қазақстаным - елім менің

Сен неткен Отан - анам, ғажап едің,

Әспеттеп көркем тілмен жазар едім.

Болашақ ұрпағыңның бақыты үшін

Жайнай бер, Ұлы Отаным - Қазақ елі!

А. Өлеңді тыңдау.

Ә. Сұрақтарға жауап беру.

-Өлең не туралы?

-Автор қандай сөздермен Қазақстан жерін суреттейді?

- Өлең қандай тілекпен аяқталады?

Б. Өлеңді өзбетімен оқып жаттығу

В. Мәнерлеп оқу

IIІ-тапсырма

Тәуелсіздіктің негізгі белестері

Интерактивті тақтада 1991 жыл 16-желтоқсан деген жазу шығады.

Сұрақ: 1991 жыл 16-желтоқсан біздің еліміз үшін қандай айтулы күн?

Көмекші сөздер: тәуелсіздік, елбасы, тұңғыш, сайланды, алды.

Тәуелсіз елдің өз нышандары пайда болады, олар мемлекеттік ту, елтаңба, әнұран.

І V -тапсырма

1992 жыл 4-маусым

Сұрақ: Осы жылы тәуелсіздіктің қандай нышандары қабылданды?

Тақтада: елтаңба мен тудың суреттері.

Топпен жұмыс. Сұхбаттасу

1-ші топ - ту туралы сұрақтар дайындайды.

2-ші топ - елтаңба туралы сұрақтар дайындайды.

Жұмыс сұрақ - жауап түрінде өтеді.

V-тапсырма.

1993 жыл 15-қараша

Келесі қандай мемлекеттік белгі 1993 жылы 15- қарашада біздің мемлекетімізде қабылданды?

Ә. Жаттығуды орындау

Әр елдің өз ұлттық ақшасын табыңыздар.(интерактивті тақтадағы сөздерді сәйкестендіру)

Қазақстанда евро

Ресейде тенге

Қырғыстанда фунт стерлинг

Ұлыбритания рубль

Евроодақ елдері юань

Қытай иены

Жапония сом

VІ-тапсырма

1995 жыл 30-тамыз

Сұрақ: Осы жыл туралы не айтуға болады?

Тәуелсіз Қазақстанда қазіргі қолданыстағы Конституция қашан қабылданды?

Аударма жұмысы.

Конституцияның 1 бабын орыс тіліне аударайық .

1-бап

Қазақстан Республикасы өзін демократиялық, зайырлы, құқықтық және әлеуметтік мемлекет ретінде орнықтырады, оның ең қымбат қазынасы - адам және адамның өмірі мен бостандықтары.

( 1- статья Республика Казахстан утверждает себя демократическим, светским и социальным государством, высшими ценностями которого является человек, его жизнь, права и свободы)

2.Мақал - мәтелдермен жұмыс. Бос орындарға керекті сөздерді қойыңдар.

1.____ оттан да ыстық.

2.Туған жердей ___ болмас,

Туған елдей ___ болмас.

3.____ - елінде, ____ - жерінде.

4.____ ер болмайды, ____ел болмайды.

Көмекші сөздер: жер, ел, отан, ер, гүл, найзасыз, таңбасыз.

VІI -тапсырма

1998ж. 10-маусым Біздің мемлекетіміз үшін қандай айтулы күнмен байланысты?

1. Астана туралы слайдтарды қарау, музыканы тыңдау

2.Сызба бойынша әңгімелеу

астанасы 1998 жылы бар

тұсаукесер Астана 10 жылдық

тойы ның, да

орталық мақтанышы

көрікті жерлері жағасында

VIIІ. 2006 жыл 6- қаңтар

Сұрақ: Гимнің сөзін жазғандар кімдер? (Суреті шығады)

Әнін жазған кім?

Суреттерге қарап, әнұранда кездесетін сөздер мен сөз тіркестерін жазыңыз

IХ - тапсырма
2014 жыл. Конституцияның 19 жылдығы

Құттықтаухат жазу

Жұппен жұмыс.

Тапсырма: Тәуелсіздіктің 20 жылдығымен құттықтау. Құттықтауды қазақ, орыс, ағылшын тілдерінде құттықтаухат жазу.

X. Бекіту

А. Сұрақтарға жауап беріңдер

1.Қазақстан қай құрлықта орналасқан?

2.Еліміз қай мемлекеттермен шектеседі?

3. Жер көлемі жағынан дүние жүзінде нешінші орын алады?

4.Қазақстан халқының саны қанша?

5.Қазақстан Республикасының мемлекеттік тілі -қай тіл?

7. Біздің мемлекет өзінің тәуелсіздігін қашан алды?

8.Мемлекеттік рәміздер қай жылы қабылданды?

9.Ұлттық валюта қашан айналымға енгізілді?

10. Қазақстан Республикасының Конституциясы қашан қабылданды?

11.Елордамыз қай жылы, қайда көшірілді?

12.Қазақстан қандай ұйымның тең құқықты мүшесі?

Дұрыс жауаптар тақтада шығып отырады. Соңында толық мәтін шығады

Қазақстан - Еуразия деп аталатын құрлықтар кеңістігінің дәл ортаңғы бөлігінде орналасқан ел. Қазақстан Республикасы солтүстігінде Ресеймен, оңтүстігінде Өзбекстан, Қырғызстан және Түркіменстанмен, шығысында Қытай мемлекетімен шектеседі. Жерінің аумағы жөнінен ол бүкіл дүниежүзінде тоғызыншы орында тұр. Қазіргі кезде ресми санақ бойынша Қазақстанда 16 миллионнан астам халық тұрады. Қазақстан Республикасының мемлекеттiк тiлi - қазақ тiлi. Қазақстан тәуелсіздікке 1991 жылдың 16 желтоқсанында қол жеткізді. 1992 жылы 4 маусымда тәуелсіздіктің белгілері - мемлекеттік рәміздер қабылданды. Қазақстан Республикасының ұлттық валютасы - теңге 1993 жылы 15 қарашада айналымға енді. 1995 жылы 30 тамызда Қазақстан Республикасының Конституциясы қабылданды. Қазақстанның астанасы 1998 жылы Алматы қаласынан Астана қаласына көшірілді. Қазақстан - Біріккен Ұлттар Ұйымының тең құқықты мүшесі.

XІ. Қорытынды

Болашақ Қазақстанды қалай елестетесіңдер? Қазақсан 2050 -жылы қандай мемлекет болады деп ойлайсыңдар?

Үйге тапсырма: Осы сұрақтарға өз ойларыңды эсседе жазып көрсетіңдер.

«№5 гимназия» КММ

ТӘУЕЛСІЗДІК БЕЛЕСТЕРІ

10 сынып