Ілияс жансүгіров -Ақсудың биік бәйтерегі

Пәні: ӘдебиетКласы: 11Сабақтың тақырыбы: Ілияс-Ақсудың биік бәйтерегіСабақ мақсаты: Ақиық ақын Ілияс шығармаларын терең түсіне білуге, қызыға оқуға жетелеу; Ақын шығармаларындағы оқиғалар негізінде адамгершілік, өнерді бағалай білу сияқты қасиеттерді оқушы бойына дарыта білу; Ақын шығармаларын талдай білу дағдысын ...
Раздел Другое
Класс -
Тип Рабочие программы
Автор
Дата
Формат docx
Изображения Нет
For-Teacher.ru - все для учителя
Поделитесь с коллегами:

Пәні: Әдебиет

Класы: 11

Сабақтың тақырыбы: Ілияс-Ақсудың биік бәйтерегі

Сабақ мақсаты:

Ақиық ақын Ілияс шығармаларын терең түсіне білуге, қызыға

оқуға жетелеу;

Ақын шығармаларындағы оқиғалар негізінде адамгершілік,

өнерді бағалай білу сияқты қасиеттерді оқушы бойына дарыта

білу;

Ақын шығармаларын талдай білу дағдысын қалыптастыру,

өз беттерімен іздене білуге,өзіндік пікір, ой қорытуға дағдыланды-

ру;

Сабақтың түрі:бекіту сабақ

Сабақтың әдістері: сұрақ-жауап,талдау,мәнерлеп оқу, шығармашылық жұмыс, түсінік беру,топтық жұмыс,т.б.

Көрнекілігі:Ақын портреті,эпиграф,қорытынды сөз жазылған плакаттар,Құлагер суреті, бәтеректің суреті, буклет, кітап көрмесі,видео

Пәнаралық байланыс:музыкамен ,географиямен,биологиямен

Сабақ барысы:

I Ұйымдастыру

1.амандасу 2.түгендеу 3.топқа бөлу ( «Поэзия Құлагері», «Жыр Гималайы» )

II Үй тапсырмасын тексеру :

«Жылдар сыр шертеді».Осы уақытқа дейін Ілиястың өмірі, шығармашылы-ғымен толық таныстық. Соны тексеру үшін Ілияс өміріндегі оөиғалардың жылдарын таратамын. Оқушылар сол жыл оқиғасын айтады.

1894ж,1919 ж,1922 ж,1925ж,1932ж,1934-1937ж,1937ж,1928ж,1915-16ж, 1929ж,1934ж,1938ж.

Жаңа сабақ. Ілияс - Ақсудың биік бәйтерегі

1.Түсінік беру.

Апталығымыздың себепкерлері үш бәйтерегіміздің бірі-І.Жансүгіров. Бүгінгі сабағымызды мына өлең жолдарымен ашқым келеді.

Ежелден-ақ екі көздің бірі қас,

Озық туған ,ойы жүйрік ,жыры жас.

Ақаңның да Құлагері бар десек,

Сол Құлагер -Жансүгіров Ілияс.

Құлагерге тоқталып, түсінік беріп,суретті ілу.

Ақиық ақынымыз 120 ға толды.(Видео көрсетемін)

Ілиясты өз Құлагеріне теңей отырып, неге бәйтерек деген атқа ие болғанына тоқталамын.Бәйтерек сөзінің мағынасын ашып , суретін ілемін.

Сонымен қатар Ілиястың «Поэзия Құлагері», «Жыр Гималайы» деген де алып аттары бар.Топтың сол себепті аталуын айтып кетемін.

2.Енді осы Ілияс ақынның поэзиясымен сусындап келген оқушыларға кезек беремін. «Гималай» толғау жыры мен «Құлагер» поэмасынан үзінді мәнерлеп оқу.

3.І.Жансүгіров шығармаларын топтау.

Төрт қалташа қоямын. Олар табиғат,өнер, оқу-білім, әлеуметтік мәселелер.

( «Дала», «Ағынды менің Ақсуым», «Жетісу суреттері», «Гималай», «Ақшам», «Бұлт», « Жазғы таң», «Әншіге», «Күй», «Күйші», «Құлагер», «Жастар», «Саналы жастарға», «Оқимын», «Баласынан анасына хат», «Арман», «Өзіме» , «Замандасқа» «Сәлемдеме»)Тақырып бойынша топтап салады.

4. Екі топқа «Құлагер» поэмасын, «Күйші» поэмасы туралы жұмыс беремін.

5. Арнау. Ілияс оқуларына қатысып қалалық мақтау қағазына ие болған оқушым Мәлікқызы Дәмегүлді ортаға шақырамын. Ол өзінің ақынға арнау өлеңін оқиды.

6.Жазба жұмыс.

Плакатта тұрған сөздерден Ілиясқа байланысты сөйлемдер құрастыру.

III Қорытынды.

Ілияспын!Өлеңге мұрагермін,

Иесімін мынау ел,мынау жердің.

Құлагерді жазып ем жүрегіммен,

Тағдырына тап болдым Құлагердің.

V Топ мүшелері бірін-бірі бағалайды.

VI Үйге: «Жастар»өлеңін жаттау. Сөзжұмбақ құрастыру

№18 орта мектеп



Ашық сабақ

Тақырыбы: «Ілияс-Ақсу бәйтерегі»



Қазақ тілі мен әдебиеті пәні мұғалімі Г.Т.Халиева.



Ақтөбе-2014-2015 оқу жылы

© 2010-2022