Конкурс сочинений на тему: Тіл-ұлт кепілі

Тіл-ұлт болашағының кепілі.

«Тілсіз ұлт,тілінен айырылған ұлт дүниеде

ұлт болып жасай алмақ емес»

Жоспар.

I. Тіл-ұлттық ұлылығын танытатын басты күш

II.Ана тілін білу маңыздылығы

Тіл-халықтың жан дүниесі, рухани негізі мен ел еркіндігін, ұлттық ұлылығын танытатын басты күш,-деп ойлаймын. Тіл-ұлт болмысын ұғындырып, халықты бірлікке шақыратын біріктіруші құрал. Сондықтан мемлекеттік тілді білу- өмір талабы, заман сұранысы, қоғам қажеттілігі дегені жөн. Себебі тілді өмірдің барлық саласында қолданып, аясын кеңейту жолында әрбір қазақстандық өзінің азаматтық міндетін атқарғанда ғана, ол нәтижелі болатындығына күн сайын көз жеткізіп келеді. «Тіл өлген халықтың өзі де өледі»,- деп ұлылар бекер айтпаған.

Тіл-әр ұлттың ұлт ретінде сақталуының кепілі. Әрбір халықтың ана тілі-сол халықтың қасиеті мен қасіреті, жаны мен жүрегі, әр ұлттың абыройы мен ар-намысы,сол халықтың тағдыры екен. Тіл-халықтың өзі,ал халық ана тілі тағдырының тізгінін берік ұстаған.

«Тілсіз ұлт,тілінен айырылған ұлт дүниеде ұлт болып жасай алмақ емес. Ондай ұлт құрымақ.Ұлттың ұлт болуы үшін бірінші шарт-ана тілін білу»,- деді Мағжан Жұмабаев.

Себебі ана тілі - бұл әкеңнің, анаңның тілі, туған халқыңның тілі. Ана тілін біз кішкентай кезімізден әке-шешемізге, әжемі бен атамызға, айналамыздағы ересектерге еліктеп жүріп біле бастаймыз. Ананың ақ сүтіндей бойымызға біртіндеп сіңіреміз.

Ол - біздің өмір бойы өзгелермен ұғынысатын негізгі тыныс құралымыз.

Әр халықтың басынан кешкен өмірі, ерлік істері, аңыз-ертегілері, көргені, білгені жайлы ұғымдар, ойы, сезімі - бәрі де ана тілінде сақталады, ана тілі ұрпақтан-ұрпаққа ауысып отырады. Тіл - бүкіл халықтың игілігі, халықпен бірге жасап, бірге дамиды. Ол әр халықтың жазуы жоқ кездегі кітабы, мектебі жоқ кездегі ұстазы болған.

Әр адам өз ойын ана тілінде жақсы білдіріп, өз шығармасын ана тілінде жақсы жазады.

Ана тілін жақсы білмей сауатты сөйлеу, сауатты жазу мүмкін емес. Ана тілінің байлығын молынан пайдалана білмеген адам шын мәніндегі мәдениетті адам бола алмайды.

Тіл - қай ұлтта, қай елде болсада қастерлі, құдыретті.
Ол әрбір адамға ана сүтімен бірге еніп, қалыптасады.

Сондықтан ақынымыз Қадыр Мырзалиевтың айтқан сөздері:

Ана тілің - арың бұл

Ұлтың боп тұр бетте

Өзге тілдің бәрін біл

Өз тіліңді құрметте - деген тұжырымға жатады.

9 «В» сынып оқушысы: Башилова Анастасия

Мұғалім: Л.М. Ысқақова