Урок на тему Біздің епті саусақтар, бәрін де жасайды

№46 «Балбұлақ балабақшасы

(Кіріктірілген сабақ, ересектер тобы)

Дайындаған:Кошмурзаева А.А.

Ақтау-2014 жыл

Мақсаты: Балалардың уақ моторикасын, қол бұлшық еттерін жетілдіру арқылы тілдік сөйлеу қызметін, байланыстыра сөйлеу қабілетін дамыту.

Көрнекі құралдар:тақтайшалар, баулар,шеге қағылған тақтайшалар,әріптер кеспесі, қағаздар, сұйық желімдер,әр түрлі дақылдар, гүл отырғызатын шелектер,гүлдер түбіртегі, суқұйғыштар.

Қажетті техникалық құралдар: магнитофон, үн таспа т.б.

Сабақ барысы: Тәрбиеші балалармен топқа кіріп, қонақтармен амандасады, орындарына жайғасып отыра бергенде есік қағылып, көңілсіз кейіп танытып Дымбілмес кіреді. Ол балалармен, тәрбиешімен, қонақтармен амандасады.

Тәрбиеші:

-Дымбілмес, саған не болған? Неге көңілсізсің?

Дымбілмес көңілсіз жауап береді.

-Мен бүгін бірінші рет мектепке барып едім, маған көп тапсырма берді. Тапсырманы орындайын десем қолымнан ештеңе келмеді. Саусақтарымның икемі жоқ. Сендерден көмек сұрап келдім.

Тәрбиеші: -Дымбілмес, сен оған қиналма! Біздің балалар саған көмектеседі.Көмектесеміз бе, балалар?

Балалардың жауабы:-Иә,көмектесеміз!

Тәрбиеші:-Олай болса, балалар, орнымыздан тұрып, Дымбілмес, сенде тұра қой, қолымызды жұмыс жасауға, тапсырмаларды дұрыс орындау үшін саусақтарымызға массаж жасаймыз.

1.-сол қолымызбен оң қолымыздың үстін сипаймыз. сосын керісінше жасаймыз.

2.-алақанымызды үстелдің жиегіне ары-бері үйкейміз.

3.-жұдырығымызды түйіп, оң жұдырығымызбен сол жұдырығымызды ұрамыз(балға тәрізді), сосын керісінше жасау.

4.-алақанымызды бір-біріне (жоғары-төмен) үйкейміз.

5.-саусақтарымызды бір-біріне айқастырып тараймыз.

6.-әрбір саусақтарымызды тартып, жұмыс жасауға дайындаймыз.

Тәрбиеші: Жарайсыңдар, балалар! Дымбілмес, көрдің бе, біздің балалардың саусақтары епті, саған көмектесуге дайын. Тапсырмаңызды айта беріңіз.

Дымбілмес:-Олай болса, тапсырмамды тыңдаңдар.

1-тапсырма. Дымбілмес әріптер жазылған қималарды көрсетеді. Балалар дыбыстарды атайды,сол дыбыстарға сөз ойлайды.(А,С,Ш,Ж,Т)

Балалар ойлаған сөздерін тақтайшаға жіппен өрнектеп көрсетеді.(балалар жұмыс жасап жатқанда баяу әуен естіліп тұрады) Тәрбиеші балалардан не жасап жатқандарын сұрайды.

-Жарайсыңдар,балалар!

Тәрбиеші: Дымбілмес, балалар, шаршады. Сергітуге көмектесесің бе? Дымбілмес балаларға сергіту жасауға көмектеседі.

Сергіту сәті (саусақ жаттығулары)

Бір саусағым тіпті де

Іле алмайды жіпті де.

Екі саусақ бірікті,

Ине қолға ілікті.

Үш саусағым орамды,

Жүгіртеді қаламды.

Өнерлі екен он саусақ

Қала салсақ, жол салсақ.

-Жарайсыңдар, балалар!

2-тапсырма.Шеге қағылған тақтайшалармен жұмыс. Әр тақтайшаның артқы бетінде біреуден геометриялық пішін жапсырылған. Дәл сондай пішінді шегеге резеңкемен іліп жасаймыз. (үш-төрт баладан қандай пішін жасағаны туралы сұрайды)

-Жарайсыңдар, балалар!

3-тапсырма. Жарты бет қағазға сұйық желім құйылып,балаларға үлестіріледі. Әр баланың алдында әр түрлі дәнді дақылдар тұрады.Саусақтарымен желіммен сурет салып,желімнің үстін дақылдармен әшекейлейді. (үш-төрт баладан не жасағаны туралы сұрайды)

-Жарайсыңдар, балалар!

Дымбілмес :Балалар, ең соңғы қызықты тапсырмам бар. Ол бір жағынан тапсырма, әрі сыйлық болады..

4-тапсырма.- Дымбілмес, тәрбиеші, балалармен бірігіп гүл түбіртектерін отырғызып, қонақтарға сыйлайды.

-Жарайсыңдар, балалар! Сендер маған көп көмек жасадыңдар. Менде сендерге сыйлық бергім келеді. Сендер де болашақта мектепке барасыңдар. Саусақпен жақсы жұмыс жасауды үйренетін «Саусақ жаттығулары» атты кітапшаны сыйға тартамын.

Дымбілмес сыйлығын беріп, балалармен қоштасып,топтан шығып кетеді.

№46 «Балбұлақ балабақшасы

Ойыншықтар

(Қоршаған ортамен таныстыру,ересектер тобы)

Дайындаған: тәрбиеші Кошмурзаева А.А.

Ақтау-2015ж.

Мақсаты: Балаларға сүйікті ойыншықтары туралы әңгімелеу,оларға сипаттама беру,ойыншықтарды таза мұқият ұстауға үйрету.Сөздік қорын молайту, есте сақтау қабілеттерін арттыру.Ұқыптылыққа,тиянақтылыққа тәрбиелеу

Ұйымдастыру бөлімі:

Тәрбиеші: Балалар, орнымыздан тұрып келген қонақтармен амандасайық.

Тәрбиеші: «Кім жылдам» ойыны арқылы балаларды орындарына отырғызу. Қыс мезгіліне, оның ерекшеліктеріне тоқталу. Балалар қараңдаршы, біздің тобымызда ойыншықтар қандай көп, олар қандай әсем, әдемі ойыншықтар. Балалар, мынау қандай ойыншық?

-Доптың пішіні қандай?

-Түсі қандай?

-Доптың қимылы қандай? Қане бәріміз допша секірейік. Ал мына қуыршақ бізбен амандасқысы келіп тұр. Балалар, қуыршақтың әдемі шашы,әдемі көйлегі бар екен. Қуыршақтың көйлегінің түсі қандай?

-Қуыршақ қалай жүреді?

-Балалар мына қоянға қараңдаршы сендерге күлімдеп қарап отыр,қоянның түсі қандай? Қоян немен қоректенеді?Ол қалай секіреді?

-Балалар, біздер бұл ойыншықтарды қолымызбен ұстап,сипау арқылы оларды қандай материалдан жасағандарын есімізге түсіріп жіберейікші.-Пластмасса,жұмсақ материалдан,резинадан.

Тосын сәт: Есік қағылып, топқа ішінде ойыншықтар салынған дорба алып кіреді. Балалар, дорба ішінде хат бар екен.Сендерден ойыншықтар көмек сұрап жатыр, әр материалдан жасалған ойыншықтар, бір-бірімен ойнап жүріп, үйлерін таба алмай қалыпты, біздер бұларды өз үйлеріне орналастыруымыз керек. Ойыншықтарды жасалған материалдарына қарай топтастырып, оларға сипаттама бергізу.(үйлеріне кіргізу) Өте жақсы балалар, сендердің көмектеріңмен барлық ойыншықтар өз үйлерін тапты.

Тосын сәт. Ән әуенімен топқа Күлдірген келіп балалармен амандасады. Балалар, мен сендердің ойыншықтар туралы айтып жатқандарыңды, оларға көмектескендеріңді естіп келдім.Менің сиқырлы таяғым бар, сол таяқпен мен сендерге сиқыр көрсетіп берейін бе? Олай болса, көздеріңді жұмыңдар (алдын-ала дайындап қойған сөйлейтін, жүретін ойыншықтардың бетін жауып қойып, ашып жіберу).

-Балалар, ұстап көріңдерші, бұл ойыншықтар жәй ойыншықтар емес, олар сөйлейді,жүреді.

-Балалар ойыншықтарды ұстап көріп,қуанады.

- Ал,сендер осы ойыншықтар туралы тақпақ білесіңдер ме? (Ойыншықтар туралы тақпақтар айтады)Балалар, сендер тапқыр,білімді екенсіңдер,мен сендерге ойын алып келдім.

Ойын: «Кім жылдым?»

Ойын шарты:Балалар екі қатарға бөлініп тұрады,белгі берілген уақытта,топ басшылары арттарына иіліп допты береді,ойын солай жалғасады,қай топ бірінші аяқтаса сол топ жеңімпаз атанады(Ойын 2-3рет қайталанады)

Тәрбиеші:Күлдірген біздің балаларға тағы бір сиқыр көрсетесіз бе?

Күлдірген:Жақсы, көздеріңді жұмыңдар мен сиқыр жасаймын. (Балалар көздерін жұмады.)

Күлдірген:Балалар, мына сандыққа қараңдаршы, не бар деп ойлайсыңдар? (өздерінің ойларын айтады). Сандыққа салынған «киндер сюрприздерді» балаларға таратып береді.

Балалар, менің сендермен қоштасатын уақытым болды, басқа да топтың балалары күтіп отыр, әлі сендерге қонаққа келемін.

Тәрбиеші: Күлдірген, жолға шықпас бұрын, біздің балалардың «Ойыншықтар» әнін тыңдап кетіңіз.

Күлдірген: Балалар, кездескенше күн жақсы, сау болыңыздар!

Тәрбиеші: Балалар, сендер ойыншықтар туралы көп нәрсе білдіңдер,сендерге көп-көп рахмет,енді келген қонақтармен қоштасайық.