- Преподавателю
- Другое
- Классный час на каз. языке Ертегіде қонақта
Классный час на каз. языке Ертегіде қонақта
Раздел | Другое |
Класс | 1 класс |
Тип | Конспекты |
Автор | Мукашева А.С. |
Дата | 31.12.2015 |
Формат | docx |
Изображения | Нет |
Астана қаласындағы Халықаралық мектебі
1 «А» сыныбы
«Ертегіде қонақта» сынып сағаты
Мақсаты:
-
ертегіні сахналап қою арқылы халық ауыз әдебиеті шығармалары кейіпкерлерінің істеріне баға беріп, оқушыларды өз көзқарастарын білдіруге үйрету.
-
оқушы бойындағы адамгершілік қасиеттер мен шығармашылық қабілеттерін дамыту.
-
ұқыптылыққа, жауапкершілікке, жақсыдан үйреніп, жаманнан жиренуге баулу, жауапкершілікке тәрбиелей отырып достық қарым-қатынастарын арттыру.
Көрнекілігі: ертегі кейіпкерлерінің суреттері, «Мақта қыз бен мысық» ертегісі кейіпкерлерінің киімдері, ертегілер кітабынан көрме, жұмбақтар, ән.
Барысы:
Ән: «Ассалаумалейкум!»
Орындайтын: Ерасыл
Мұғалімнің кіріспе сөзі:
- Сәлеметсіңдер ме, балалар! Армысыздар ұстаздар мен келген қонақтар!
Бүгінгі біздің 1 «А» сыныбында өткелі отырған «Ертегіде қонақта» атты сынып сағатына қош келдіңіздер. Олай болса балаларға сөз кезегін берейік.
Ортаға оқушылар шығады:
Найля: Өткен күн таң тамаша ертегі ғой,
Айтады ертегі сыр, ертегі ой.
Ертегі айтса еліктіріп балалар,
Қиялға қызықтырып ертеді ғой.
Аружан: Ертегіде халықтың мұң-зары бар,
Орман, тау, өрмелейтін кұздары бар.
Жамандықпен алысып, жауын жеңген
Халқымның ұлдары мен қыздары бар!
Зере: Жауларымен алысып жекелеген,
Батыр ма ел намысын өтемеген.
Ертегімен халқымыз ертеңіне
Ұрпағын қызықтырып жетелеген.
М. Томирис: Кел онда, ертегіні шертейік біз,
Қауымды мына келген ертейік біз.
"Ертегі еліне" бір саяхаттап,
Келгендерді соңымыздан ертейік біз.
Мұғалім:
- Олай болса «Мақта қыз бен мысық» ертегісін тамашалайық.
(ертегіні сахналап көрсету)
- Балалар, біз көрген ертегі сендерге таныс па?
- Оны сендер қайдан білесіңдер?
- Сендерге кім айтып берді?
- Осы ертегі арқылы біз неге үйренеміз?
(оқушылардың жауаптарын тыңдау)
Мұғалім:
-
Балалар, ал сендер қандай ертегі білесіңдер?
-
Ертегі оқыған сендерге ұнайды ма?
-
Несімен ұнайды?
-
Ал, сендер осы ертегілерде кездесетін кейіпкерлер туралы жұмбақтар білесіңдер ме?
-
Олай болса, қане жұмбақтар шешіп көрейік.
Жұмбақтар шешу:
Әміржан: Қашып кеткен атадан,
Қашып кеткен ападан,
Орманда кеше жүр едім,
Домалап шықты алдымнан.
Шешуі: (бауырсақ)
Даниса: Кедей еді бұл бала,
Айы туды оңынан,
Жын шығады керемет,
Сиқырлы оның шамынан.
Шешуі: (Алладин)
Мансұр: Үй жинаған ұқыпты,
Бір қыз бопты ертеде.
Тыңдамаған мысықты,
Салыпты ғой әлекке.
Шешуі: (Мақта қыз бен мысық)
Айлин: Джунглиде өскен жасынан,
Епті бала болыпты,
Багира, Бану достары
Шерхан оның қас жауы.
Шешуі: (Маугли)
Ибрагим: Кішкене қыз орманға
Жалғыз өзі барады.
Апасына қартайған
Дәмін салып алады.
Шешуі: (Қызыл телпек)
Асылтөре: Аяғынан тұсаулап,
Кемпір оны ұстайды.
Желмен ұшар желпілдеп
Босап кетсе бұл шалы.
Шешуі: (Қаңбақ шал)
Мұғалім:
-
Балалар, ал сендердің сүйікті ертегі кейіпкерлерің бар ма?
-
Не сен ол кейіпкерді таңдап алдың?
-
Неге сен оған ұқсағың келеді?
(оқушылардың жауаптарын тыңдау)
Ән: «Ертегілер»
Орындайтын: Айым
-
Осымен біздің сынып сағатымыз аяқталды. Келгендеріңізге көп рахмет!
-
Кездескенше!