АҒЫЛШЫН ТІЛІ САБАҒЫНДА МУЛЬТИМЕДИЯЛЫҚ ДИСКІЛЕРДІҢ ПАЙДАСЫ

АҒЫЛШЫН ТІЛІ САБАҒЫНДА МУЛЬТИМЕДИЯЛЫҚ

ДИСКІЛЕРДІҢ ПАЙДАСЫ

Баймаханова Сара Ділдахметқызы,

Қызылорда қаласы,

№ 4 облыстық дарынды балаларға

арналған мектеп-интернатының

ағылшын тілі пәні мұғалімі

Басқа тілде сөйлеу - бұл күрделі құбылыс болғандықтан адам өміріндегі қарым-қатынас құралдарының қызметін атқарады.Тіл үйрету мәселесі бойынша зерттеу жүргізген Хакута мен Сноу «Тіл-унитарлық дағды емес, тіл-қабілеттердің кешенді конфигурациясы»- деген. Тіл бір ғана дағдыдан тұрмайтыны баршамызға белгілі, тіл - лингвистикалық және экстралингвистикалық құрылымдардан тұрады. Ағылшын тілін үйрету үшін мектепте түрлі жұмыстар атқарылуға тиіс. Бір ескеретін нәрсе, оқушылардың білім деңгейі, ойлау және пайымдау дәрежесі мен зеректігі, жұмысқа қызығушылығы мен оны орындау шеберлігінің, әртүрлі екендігі. Бұндай кездерде мұғалімдердің байқампаздығы мен интуициясы, шыдамдылығы мен шеберлігі, әрбір оқушы ерінбей, уақытын есептемей жеке жұмыс істеуі ғана оң нәтиже бере алады. Егер оқушыда ағылшын тілін үйренейін деген қызығушылық пен талапшылдық болмаса, біз қанша жанымызды салып, оқытудың жаңа технологиялық әдіс-тәсілдерін қолданып оқытса да нәтиже беруі екі талай. Демек мұғалім мен оқушының арасындағы қатынас пен байланыс екі жақты болуға тиіс. Дегенмен оқушылардың ақпараттық мәдениетін қалыптастыруда ақпараттық- коммуникациялық технологияны қолдану мұғалімнің жұмысын біраз жеңілдететіні белгілі. Білімді қалыптастырудың негізгі мақсаты мұғалімдер алған білімін оқушылардың дамуына және олардың түрлі жаңалықтарды енгізуге, өмір бойына алатын біліміне қолдану дағдысын қалыптастыруға бағытталады. Білімді қалыптастыру бойынша педагогтың құзырлық нормасы мына дағдыларды қалыптастырумен өрнектеледі. «Мұғалім-өзінің білімін үздіксіз көтеріп отырғанда ғана мұғалім. Оқуды, ізденуді тоқтатысымен оның мұғалімділігі жойылады.» - деген К.Ушинскийдің даналығында. Ағылшын тілін оқытудың жаңа технологиясы бойынша ізденіп сабақты дұрыс жоспарлау жұмыстың нәтижелі жетістігінің кепілі. Мысалы, ағылшын тілінің мультимедиалық дискілерді пайдалану оң нәтиже беретіні сөзсіз. 7 -11 -сыныптарға «Ағылшын тілі» интерактивті курстық CD-ді интертақтаның көмегімен немесе мултимедиялық кабинетте қолданған өте тиімді. 8 тарауда 40 сабақ берілген. 30 минуттық видеофрағменті бар, 90 минуттық аудиоақпараттар мен диалогтар, грамматикалық тест оқулығы, жаңа сөздер, тапсырмалар, жаттығулар мен тесттер және ойындар берілген. Фонетикалық жаттығулар, диалогтар ағылшын тілінде сөйлейтін дикторлардың сөйлеуімен дыбысталған. Мультимедиялық дискіні қолдану арқылы оқушылар тыңдап түсінуге арналған мәтінмен жұмыс жасауға дағдыланады. Онда берілген қызықты граматикалық интерактивті жаттығулар, сауатты жазуын тексеруге арналған диктанттар, дұрыс жауап беруге арналған жаттығулар, дұрыс айтылуын тексеруге арналған жаттығулар арқылы оқушылардың мәтінді қаншалықты түсінгенін айқындауға болады. «Дәруменді курс ағылшын тілі» 7-8-сыныптарға арналған интерактивті сабақта орта мектеп бағдарламасына сәйкес келеді. Барлық сыныпқа бағдарлама бойынша қосымша маериал ретінде қолдануға, мұғалімге оң нәтиже беретіні сөзсіз. Мұнда сөздіктер, диалогтар, емтихан тапсыруға дайындалу үшін арнайы тест тапсырмаларды орындау үшін түсіндіруші видеогиді түсіндіріп отырады. Қашықтықтан оқытуға өте тиімді, әрі пайдалы. Мұғалім де, оқушы да уақытты тиімді пайдалана алады. Сабақта «Sing and Learn» мультимедиялық CD-де дискіде 28 ағылшын және американдық халық әндер жинағы берілген. Бұл техникалық құралды пайдалана отырып, оқушылар тек қана ән үйреніп қана қоймайды, сонымен қатар тілді сөйлейтін ұлттардың айтылуымен интерактивті сөйлейтін жаңа сөздерді тыңдап, меңгереді және осы дискідегі арнайы тапсырмада берілген бағдарлама бойынша өздері әнді айтып, дискіге жазып қайтадан тыңдай алады. Бұл менің сабақта қолданып жүрген материалдарым, тәжірибеде қолданып тиімділігін, нәтижесін көргеннен кейін сіздерге де қолдануға кеңес беріп отырмын. «Қазіргі заманда жастарға ақпараттық технологиямен байланысты әлемдік стандартқа сай мүдделі жаңа білім беру өте қажет», деп Елбасы ден қойып аса назар аударғандай жас ұрпаққа білім беру жолында ақпараттық технологияны оқу үрдісіне оңтайландыру мен тиімділігін арттырудың маңызы зор. Оқушыларға бүгінгі ағыммен ілесіп комуникациялық- ақпараттық технологияларды қолдану арқылы білім берсек, сапалы біліммен қаруланған ұрпақтың аспас асуы, алмас қамалы болмасы анық.

Әдебиеттер: 1.Т.Баймолдаев « Ақпараттық-білімдік ортада педагогтардың ақпараттық-коммуникациялық құзырлығын қалыптастыру»// Информатика негіздері 2010 ж. №1.2-4б. 2.К.К. Жаксымбетова «Информационно-коммуникационные технологии в обучении иностранному языку»// Шетел тілін оқыту әдістемесі.2007ж. №28-15б. 3.Екибасова Д.Д. //Ағылшын тілі мектепте журналы. 2007ж №1.16-21б. 5.М. Ғалымжанова «Ақпараттық-коммуникациялық технологияларды пайдалану арқылы білім беру деңгейін көтеру»//