Есімдік тақырыбындағы 6 сыныпқа арналған сабақ

Сабақтың тақырыбы: Есімдік

Сабақтың мақсаты:

1.Оқушыларға есімдік туралы түсінік беру, сөйлемде есімдікті тауып талдауға үйрену,сөздерге морфологиялық талдау жасауға дағдыландыру.

2.Оқушылардың сөздік қорларын дамыту,пән бойынша алған білімдерін жүйелі түрде қолдана білуге дағдыландыру

3.Оқушылардың пәнге деген қызығушылықтарын ояту, әдеби тілде көркем сөйлеуге тәрбиелеу.

Сабақтың түрі:жаңа сабақ

Сабақтың әдісі:Сұрақ - жауап ,түсіндіру,әңгімелеу,талдау

Сабақтың көрнекілігі:Тірек сызба ,интерактивті тақта

Сабақтың барысы:

І Ұйымдастыру кезеңі

Оқушыларды түгелдеу, сынып тазалығына, оқушылардың сабақ барысына дайындықтарына көңіл бөлу.

Психологиялық дайындық. Оқушылар бір-біріне жылы лебізін білдіреді.

ІІ Қызығушылығын ояту.

-Сөз табы дегеніміз не?

-Қазақ тілінде неше сөз табы бар?

-Біз қандай сөз таптарымен таныстық?

ІІІ Жаңа сабақ

1 Түсіндіру тәсілі:Оқушылар ережені оқып шығады, есте сақтау қабілеттерін байқау мақсатында «Оқы-жап-қайтала-жаз-тексер» стратегиясын қолдану.Интерактивті тақта арқылы кесте бойынша түсінік беріп, жаттаған ережелерін толықтырып өтемін.

Есімдік- есім сөздердің (зат есім,сын есім,сан есімнің) атын да белгісін де санын да атамай, тек соларды нұсқап, меңзеп көрсетеді де, солардың орнына қолданылады.Кейде оларды орынбасар сөз деп те атайды.

2.Жаттығу жұмыстары: 139-жаттығу

-Мәтінді оқып, танысу.

-Мәтінді көшіріп жазу.

-Мәтінге құрамдық талдау жасау.

Тапсырма:

Оқушылар Абай Құнанбаев өлеңдерін тыңдап есімдіктерді теріп жазады.

«Болмасаң да, ұқсап бақ» Есімдіктерді қатыстырып 2 шумақ өлең шығару.

ІҮ.Бекіту жұмысы:1.Ережелерді пысықтау, тақырыптық тест тапсырмасын беру.

Ү. Бағалау:Сабаққа белсенді қатынасқан оқушыларды бағалау.

Үй тапсырмасын орындалуы бойынша бағалау

ҮІ.Үй тапсырмасы: Ереже жаттау ,129 бет 1 -тапсырма