Разработка открытого урока по казахскому языку в 3 классе на тему Астанаға саяхат

Күні: 26.01.2016жыл

Пәні: Қазақ тілі

Сынып:3

Сабақтың тақырыбы: Нәтиже сабақ. Астанаға саяхат.

Сабақтың мақсаты:

1. Білімділік Өтілген тақырыптар бойынша оқушылардың алған біліміндерін қайталау. Астана қаласына саяхатқа барып,әсем ғимараттармен танысу. Ойын тапсырмалар арқылы балаларды қызықтыру.

2. Дамытушылық.Ойлау, есте сақтау қабілеттерін дамыту.Оқушылармен тапсырмаларды жылдам жасауға үйрету.

3.Тәрбиелік Өз еліне, жеріне деген мақтаныш сезіміне тәрбиелеу, бір-біріне сыйластық сезімдерін тереңдету.

Сабақтың түрі: нәтиже сабақ.

Көрнекіліктер: слайд, суреттер тақырыпқа байланысты.

Әдіс-тәсілдер: Сұрақ-жауап, түсіндіру, ойын-ойнату, ертегі, тапсырмалармен жұмыс, жұмбақтар, мәнерлеп оқу.

Сабақтың барысы:

1. Ұйымдастыру кезеңі:

Сәлемдесіп, гимнді орындау. Оқу құралдарды ретке келтіру. Оқушыларды түгендеу. Назарын сабаққа аудару.

Үй тапсырмасын тексеру кезеңі:

1-тапсырма 111 бет жаттау.

2. Білімдерін тексеру кезеңі

1. Қазақстанда нелер көп?

2. Олар қай өзендер?

3. Ең үлкен өзен қай өзен?

4. Ертісте қандай канал бар?

3. Жаңа тақырыпты түсіндіру кезеңі:

-Балалар, бүгінгі сабағымыз ерекше,ол - саяхат сабағы. Елордамызға саяхатқа шығамыз.

-Ал саяхатқа шығу үшін біздің қолымызда не болуы керек?

-Қазақстан картасы

-Дұрыс айтасыңдар, ендеше мен сендерге қазір саяхат картасын таратып беремін.

Сабағымыз саяхат сабағы болғандықтан, біз сендермен көптеген аялдамаларға тоқтап, түрлі тапсырмалар орындаймыз.

Сол себепті мен өзіме әр қатардан көмекшілер тағайындаймын.

Саяхат картасы

1-аялдама. "Вокзал"

2-аялдама. "Бәйтерек"

3-аялдама. "Пирамида"

4-аялдама. " Ақ Орда"

5-аялдама. " Думан"

6-аялдама. "Хан шатыры"

1-аялдама. Вокзал

Сөздік алқабы.

Ғимарат -здание

Аялдама - остановка

Көрікті - красивый

Жаға-берег

Орталық - центр

Ойын - сауық орталығы- развлекательный центр

Сөздік ойыны:

• ?- здание ?- развлекательный центр

• ?-остановка ?-красивый

• ?-берег ?-центр

-Балалар, Астана туралы не білесіңдер?

Мәлімет беру.

Астана - Қазақстанның төртінші астанасы. 1997 жылдан бастап Ақмола Астана қаласы деп аталды.

2-аялдама. "Бәйтерек"

Мәлімет беру.

-Балалар, Бәйтерек туралы не білесіңдер?

Астана қаласының сол жағалауында "Астана - Бәйтерек" монументі орналасқан. Мұнда Өмір ағашы- Бәйтеректің көк аспанға қарай самғауын көрсеткен. Биіктігі- 97 метр. Осы монументтің авторы -Қазақстан Республикасының Президенті Н.Ә. Назарбаев.

Ертегі.

"Алма мен Бәйтерек"

Сурет арқылы ертегіні аяқтау.

3-аялдама. "Пирамида"

-Балалар, Пирамида туралы не білесіңдер?

Мәлімет беру.

Бейбітшілік пен келісім сарайы 2006 жылы көрнекті британдық саулетші Норман Фостер салған ерекше пирамида. Оның биіктігі 62метр. Пирамиданың ішінде опера залы бар, ал жоғарғы бөлігінде ғимараттың негізгі бөлмесі бар. Онда Қазақстан ассамблеясының кеңселері, мұражайлар, көрме залдары орналасқан.

Пирамиданың қызметкерлері бізге тапсырмалар дайындаған екен.

1-тапсырма. Отан, Астана туралы тақпақтар айту.

2-тапсырма. Жұмбақтар бойынша тапсырма.

3-тапсырма. "Кім жылдам сайысы?" Қазақстан картасына қалаларды жазу.

4-тапсырма. Ойлан тап!

4-аялдама. " Ақ Орда"

-Балалар, «Ақ Орда » туралы не білесіңдер?

Мәлімет беру.

" Ақ Орда" Қазақстан Республикасының Президентінің резиденциясы. Ол Есіл өзенінің сол жақ жағалауында орналасқан. Резиденция жанында Парламент, Үкімет үйі, жоғары соты, Министрліктер үйі орналасқан.

" Ақ Орда"бізге сандық сыйға тартып отыр. Бұл жай сандық емес сиқырлы сандық. Ал енді осы сандықтың сұрақтарына жауап беріп, келесі аялдамаға жетейік.

"Сиқырлы сандық"(сөзжұмбақ)

1-тапсырма. Тауға шық!

2-тапсырма.Табиғат

3-тапсырма. Көлдер.

Балалар, біз сендермен төртінші аяладамаданда өттік. Барлығымыз қатты шаршаған шығармыз. Олай болса қанекей "Көңілді күй" биін билеп сергіп алайық.

Сергіту сәті. "Көңілді күй"

5-аялдама. " Думан"

-Балалар, Думан туралы не білесіңдер?

Мәлімет беру.

"Думан" ойын- сауық орталығы елорданың сол жағалауында салынған. 3Д кинотеатр, Джугли аттракционы, боулинг көп функционалдық зал мен қонақ үй кешені, сауда залдары, балаларға арналған ойын аландары бар. Думан ересектердің де, балалардың да сүйікті демалыс орны.

Енді келесі аялдамға өту үшін сендерге "Думан" ойын-сауық орталығыда тапсырма ойластырып қойыпты.

1-тапсырма. Сөйлемдерді толықтырып жаз.

2-тапсырма. Сөйлемдерді аударып жаз.

6-аялдама. "Хан шатыры"

-Балалар, Хан шатыры туралы не білесіңдер?

Мәлімет беру.

Бейбітшілік және келісім сарайының желісін жалғастыратын сауда және ойын -сауық орталығы.200 метірлік кешен қаланың зәулім доминантына айналды.Оның ішінде саябақ, дүкендер, кино театрлар, концерт аланы бар. Астана тұрғындары бос уақыттарыносы жерде өткізеді.

Ендеше осы аялдаманың тапсырмасын орындап көрейік.

Мақал -мәтел сайысы.

Бекіту

-Балалар осымен саяхатымыз аяқталды.

-Саяхат сендерге ұнадыма?

-Олай болса, бүгін сабағымыздың қорытынды кезеңіне де келіп жеттік.

Сабағымызды қорытындылау көмекшілеріме беріледі.

Бағалау.

Үй тапсырмасы:

5-тапсырма 114 бет, жаттау.

Дарынды балаларға арналған үш тілде оқытатын Ю.Гагарин атындағы

№8 арнаулы гимназия мемлекеттік мекемесі

Ашық сабақ:

"Астанaға саяхат"

Өткізген: Досқараева М.Д

3"Г" сыныбы

2015-2016 ж