Урок по Қазақ тілі 6 сынып Етістік

Ашық сабақ «Етістік» 6 сынып

51

Сабақтың мақсаты:

Білімділік: Жаттығулар мен тапсырмалар орындау арқылы етістік тақырыбынан алған білімдерін еске түсіру.

Дамытушылық: Оқушылардың танымдық, шығармашылық қабілеттерін дамыту.

Тәрбиелік: Оқушыларға адамгершілік және, ақыл-ой тәрбиесін беру, халықтық педагогика негізінде тәрбиелеу.

Сабақтың түрі: Жинақтау

Көрнекілігі: Интерактивті тақтаны қолдану.

Сабақтың барысы:

1. Ұйымдастыру кезеңі.

2. Психологиялық дайындық.

- Балалар, бүгінгі біздің сабағымызға қонақтар келіп отыр. Қазақ халқының салты бойынша иіліп сәлем берейік және күлкі сыйлайық.

Күлкі деген керемет,
Бәрімізге ол керек.
Қуаныш пен шаттықтың,
Белгісі болып есептеледі.

- Бүгінгі біздің сабағымыз күндегі сабақтан ерекше болмақ. Етістікті жинақтау сабағы болғандықтан біз «Жеті ата» ауылына саяхатқа шығамыз.

Мұндағы мақсатымыз - етістіктен алған білімдерінізді көрсету және одан әрі жетілдіру.

Саяхатқа шығу үшін көлік әзірлеп алайық. Бұрын ата-бабаларымыз көлік ретінде нені пайдаланды?

- Атты, түйені,өгізді.

- Сендер оның қайсысын қалайсындар?

- Атты.

- Жарайды, онда атты жолға әзірлейік.

- Атты жолға қалай әзірлейміз?

- Атты шанаға, арбаға жегу керек.

- Қазір қыс мезгілі болғандықтан, атты шанаға жегеміз.

- Ал атты шанаға жеккенде қандай жабдықтар керек?

- Қамыт, доға, ершік, шана, делбе.

- Ал енді күн болса суық, қар көп жауған, жол жаман, атқа жөндеп отырайық. Саяхатымызға аттанайық. Топ басшылары атты айдаңдар: «Айт, шу жануар!».

- Алдымызда көрінген қай ауыл екен, қарайықшы? (интерактивті тақтада саяхатқа баратын ауылдар картасы көрсетіліп отырады).

- Балалар, біз жеткен «Ата ауылы» сендердің білімдерінді «Бәйге» ойыны арқылы тексермекші.

- Интерактивті тақтада сұрақтар көрсетіледі. Оқушылар өздері ұпай таңдайды. Әр сан артында сұрақтар жасырынған.

- Міне, ата ауылының тапсырмасын жақсы орындадық. Саяхатымызға әрі қарай жалғастырайық. Алыстан көрінген қай ауыл екен?

- «Әке» ауылы.

- Бұл ауыл да бізге тапсырма дайындапты (ол тапсырма кітаптағы 3-жаттығу)

1-тапсырма барлық топқа ортақ. Мәтінді міндетті түрде оқу.

2-тапсырма етістікті табу.

3-тапсырма таныс емес сөздерді атау.

- Тентек, тайлақ,мырзалық,ақтық.Енді осы сөзерді дәптерлерімізге жазайық. Міне, «Әке» ауылының тапсырмаларын да жақсы орындарыңдар. Картаға қарайық, жолымызда қандай ауыл кездеседі? Келесі көрініп тұрған қай ауыл?

- «Бала» ауылы.

- Балалар, сендер жұмбақ жасырып, оны шешуді ұнатасыңдар ма?

- Иә.

- Ендеше бұл ауылдың тыққан жұмбақтарын шешейік.

1-топ жұмбақты жатқа жазып, етістіктің астын сыз.

2-топ етістіктің дара, күрделі екенін анықтау.

3-топ дара етістікті күрделі етістікке айналдыр.

1-топпен бірге жұмбақты дәптерге жазайық. Міне, осылай бұл ауылдың да тапсырмаларын жақсы орындадыңдар. Енді шанамызға әдемілеп отырайық.

Топ басшылары атты айдаңдар: «Айт, шу жануар!»

- Міне, келесі ауылға да келіп қалдық. «Немере» ауылы.

Сурет көрсетіледі (интерактивті тақтадан). Сөйлемдер құрап айтқызу.

1-топқа тапсырма. Шана сөзіне өлең құрау.

2-топқа тапсырма. Жазылған өлеңнен етістікті табу.

3-топқа тапсырма. Венн диаграммасын жасау.

- Ал, балалар, келесі ауылға аттанайық.

Әлі-де баратын ауылдар бар, уақыт таяп қалды.

Атты айдаңдар!

Міне, «Шөбере»​ ауылына да келіп жеттік. Бұл ауыл сендерге мынадай 4-жаттығу дайындапты.

1-топ мақалдың мазмұнын түсіндір.

2-топ болымды, болымсыз етістіктерді тап.

3-топ мақалды жатқа айт.

- Келесі ауылымыз қай ауыл екен?

- «Шөпшек» ауылы.

- Міне, ауылға да келіп қалдық. Бұл ауылда етістік сөзіне ассоциация жасау керек.

Ең соңғы ауылымыз «Немене» ауылы.мұнда сиқырлы қоржын дайындалыпты. Онда сендерге бағалар бар екен.

Ал енді саяхатымыз аяқталып келеді, сыныбымызға қайтайық.

Қорытынды:

«Жеті атасын білген ер,
Жеті жұрттың қамын жер»

Үй жұмысы: 6-жаттығу.