Поурочные разработки по алтайскому языку на тему Удура учурлу состор 2класс

2 класс

Уроктыҥ темазы: Удура учурлу сӧстор

Уроктыҥ амадулары: удура учурлу сӧстӧр деп оҥдомолло таныштырары

-ӱренчиктердиҥ эрмек-куучынын темиктирери , сӧзлигин байыдары;

Урокто јединер турулталар: ӱренчиктер ӱренип алар, удура учурлу сӧстӧрди ылгаштырып, бойыныҥ шӱӱлтезин керелеп: оосло, бичип јетирӱлер эдерге, шиҥдеерге, тӱҥдештирерге, тӱп-шӱӱлте чыгарарга.

Уроктыҥ ӧдӧр аайы

1. Ӱредӱлӱ ишке ууламјылаар

Эзендежери

Ӱренчиктердиҥ кӱӱн-санаазын бийиктедери.

Јажынган таныкты табар. Бӧрӱде бар, кӧрӱкте јок.

Кандый таныкты јараш бичиирис? Бичиирдеҥ озо колдорысты изидип ийектер. Колдорорды јаактарарга јаба тудуп, изиген бе кӧрӱгер. (Самомассаж)

Чын отурып алала, таныктарды ла сӧстӧрди јараш эдип бичигер.

-Эҥ ле јараш бичиген таныктыҥ алдынаҥ чийӱ тартып салар.

Ӧткӧнин катап кӧрӧри

Ӧткӧн урокто бис кандый теманы ӱренгенис?

Синоним деп нени айдарыс?

Айылдыҥ ижин кӧрӧри.

Јурук јурап, синонимдер бичип келер болгонор , айдып берер.

Јаҥы билгир аларына белетеери

Слайд. Јуруктарды кӧрӱп, кажы ла јурукка бир сӧс бичиир.

Иштерди кӧрӧри. (оценивание)

Кыш-јай,не ?

уулчак-кызычак,кем?

семис-арык.кандый?

Бу јуруктар кандый сӧстӧрди кӧргӱзип јат? Бой-бойына удура турган сӧстӧр.

Айдарда , урокто кандый темала таныжарыс?

Бу сӧстӧрди удура учурлу сӧстӧрдеп айдар. Орустап антонимдер деп айдар.

Бу сӧстӧргӧ сурактар тургузып ийектер. Антонимдер бир суракка каруу берер.

Јаҥы теманы быжулаары

Ӱлгерле иштеер

Мениҥ акам јаан,

Мен дезе кичинек.

Ийдим мениҥ калју,

Кискебис дезе јобош.

К. Тепуков

Кеп сӧс

Иштеҥкейге - бир сӧс,

Јалкуга -муҥ сӧс.

141бӱк, 279 таскаду

Соок-јылу, ак-кара, кирлӱ-ару Бойыгардыҥ ижигерди кӧрӱп ийигер. Бир де јастыра јок болзо+ тургузар, Бир јастыра болзо бир -, эки јастыра болзо 2 - тургузар.

Амыраар ӧй

Доскодо иштеер

Удура учурлу сӧстӧрди стрелкала бириктирер. Тетрадьта бичиир.

Амтанду узун

Јоон чичке

Кыска суйук

Койу ачу

Карточкаларда берилген антонимдерди јаныгарда отурган ӱренчикле кожо кӧргӱзигер. (инсценировать эдер) ачу-тату, јаан-кичинек, каткы-ый, тӱн-тӱш.

Уроктыҥ тӱп-шӱӱлтези

-бугун урокто кандый теманы ӱрендис?

Антонимдер деп кандый сӧстӧрди айдарыс? Темдектер айдып берер.

Уроктыҥ турултазы. Рефлексия.

Кажы ла ӱренчик бойыныҥ ижиниҥ турултазын јартаар.

Смайликтерле кӧргӱ+зер.

Айылдагы иш.

Антонимдер бичийле, олорго јуруктар јураар.