Конспект урока по казахскому языку на тему: «Қазақтың ұлттық ойындары »

Раздел Другое
Класс -
Тип Конспекты
Автор
Дата
Формат docx
Изображения Нет
For-Teacher.ru - все для учителя
Поделитесь с коллегами:

Cабақтың тақырыбы: «Қазақтың ұлттық ойындары »

Сабақтың мақсаты:

  1. Білімділік: Оқушыларға қазақтың ұлттық ойындары арқылы түсінік бере отырып онда кездесетін қазақ тіліне тән дыбыстарын айтылу мен жазылуына көңіл аударту, етістіктің шақтарын, жіктелуін, тәуелденуін және жалғауларын ажырата білуге дағдыландыру. Сауатты жаза білуге үйрету

  2. Дамытушылық: оқушылардың тілін дамыту, сөздік қорын байыту, деңгейлік тапсырмалардың көмегімен тақырып мазмұнын меңгеру

  3. Тәрбиелік: Қазақтың ұлттық ойындарын жүргізу арқылы оқушыларды ұлттың салт дәстүрін, әдет ғұрпын, туған елге, жерге, өз отанына деген сүйіспеншілік сезімінің қалыптасуына ықпал ету, ұлттық ойындар ерекшелігін ұқтыру.

Сабақтың түрі: Дәстүрлі емес сабақ. Жарыс сабақ

Сабақтың типі: Жаңа сабақ.

Сабақтың әдісі: сұрақ-жауап, мәтінмен жұмыс, әңгімелеу, талдау, ойын элементтері, бекіту.

Сабақтың көрнекілігі: интерактивтік тақта, кәртішкелер, «Шашу» кәмпиті, конкурс тапсырмалары, асықтар.

Сабақтың барысы:

1. Ұйымдастыру кезеңі:

а) Сәлемдесу, кезекшімен сұхбаттасу:

-Бүгін сыныпта кім кезекші?

-Сыныпта кім жоқ?

б) Сабақтың тақырыбен, мақсатымен таныстыру:

Бүгінгі сабақтың тақырыбы: « Қазақтың ұлттық ойындары ». (слайд №1)

Сабақтың мақсаты:

Ұлттық ойындар туралы өз ой-өрістерімізді кеңейтеміз, тағаммен байланысты салт-дәстүрлер, ырымдар, мақал-мәтелдерді білеміз, әр түрлі тапсырмалар арқылы грамматиканы қайталаймыз. Қазақтың ұлттық ойыны «Ат бәйгесін» өткіземіз. Қай топ жылдам және дұрыс жауап берсе, сол бірінші болып шауып жетеді.

1 топ- «Құлагер»

2 топ- «Тұлпар»

-Ұлттық ойындарды қашан өткізген?

-Ұлттық ойындарды мереке, мейрам, тойларда, қуанышта өткізген

-Біздің әр өткен сабағымыз- қуаныш. Біздің әжелеріміз той бастаралдына

не істейді? Не шашады?

-Шашу шашқан. (слайд №2)

-Шашу дегеніміз не?

-Ол тілек, береке

Біз де береке тілеп, шашу шашайық. (шашу шашылады)

Шашуды алып қарасаңдар, кәмпиттің ішінде сұрақтар бар, оқып сол сұрақтарға жауап беріңдер.(Тілдік жаттығу)

-Бүгін нешесі? Аптаның қай күні?

-Қазір жылдың қай мезгілі?

-Қыс айларын ата?

-Қыста адамдар қалай киінеді?

-Қыста қандай мерекелер болады?

-Қыста балалар қандай ойындар ойнайды?

-Қандай ұлттық ойындарды білесің?

-Спортпен айналасқан адамның денсаулығы қандай болады?

-Сенің айналасатын әуес ісің қандай?

-Сен спортпен айналасасың ба?

-Сен дене шынықтыру сабағын ұнатасың ба?

в) Рефлексия

-Балалар, сендер сабаққа қандай мақсатпен келдіңдер?

2. Үй тапсырмасын тексеру:

Ұлттық ойындар туралы қысқаша мәліметтер дайындап келу

(үй тапс. жақсы дайындап келген балаларға баға қою)

(слайд №3 ұлттық ойындар)

3. Жаңа сабақ

Жаңа сөздер: (слайд №3)

Ерлік -героизм,

Батылдық -смелость, решительность

Тапқырлық - находчивость

Байсалдықты - спокойствие

күш-қуат - сила

мергендік - меткость

Жаңа сөздермен деңгейлік тапсырмалар орындау.

III деңгей - екі тілде жаңа сөздерді оқу

II деңгей - жаңа сөздермен сөз тіркестер құрастыру

I деңгей - жаңа сөйлем құрастыру


Мәтінмен жұмыс: (слайд №4)

Қазақ халқы - ұлттық ойындарға бай халық. Қазақ халқының тұрмысы, салт-дәстүрі, ойындары көбінесе төрт түлік малмен байланысты болған. Қазақтың ұлттық ойындары ерлікті, батырлықты, тапқырлықты, байсалдықты, күш-қуат молдығын қажет етеді. Ұлттық ойындардың бір түрі - асық. Асық ойнау үшін асық жинау керек. Бұл ойын мергендікке үйретеді.

а) мәтінді мәнерлеп оқу (мұғалім оқиды, сонан соң оқушылар тізбектеп оқиды)

ә) мәтіннің мазмұнын орыс тіліне аудару

4.Деңгейлік тапсырмалар

III деңгей : (слайд №5)

  1. ұлттық ойындарды ата (ауызша)

  2. Септік жалғауларын ажырату (жазбаша)

Ойындарға, халқының, малмен, батырлықты, байсалдықты, ойындардың, асық, мергендікке .

II деңгей:

  1. мәтін бойынша диалог құрастыру (ауызша)

  2. Көп нүктенің орнына тиісті әріпті қойып, сөздерді аудару (жазбаша)

Асы...тар, б...ла, ой...н, к...шкентай, к...ш, т...лік.

I деңгей :

  1. Ұлттық ойындар туралы әңгімеле (ауызша)

  2. Етістіктердің жалғауларын толықтырып , шақтарын анықта.

Мен үйрет-ті-..., сен бол-ды-..., ол ет-е-..., біз ойна-ды -..., сіз жина-й-..., сендер бөл-е-.... (жазбаша)


  1. «Сергіту сәті» - «Асық» ойынын ойнату (слайд №6)


  1. «Арқан тартыс » (білім тартысы) ойынын ойнату. (слайд №7)

Қай топ жылдам және дұрыс сөйлем құрастырады.

Шашыраңқы сөздерден сөйлемдерді дұрыс құра.

1 топ

  1. Асан, ойнады, жазда , асық.

  2. Наурыз, ұлдар, мейрамында, тартысты, арқан.

  3. Ауылда, басталды, жарысы, ат.

2 топ

  1. Асық,ойыны, ұнайды, маған.

  2. Арман, «Тоғызқұмалақ», орын, бірінші, ойыннан, алды.

  3. Ақсүйек, ойналады, кешке, ойыны.

7.Бекіту (сұрақтарға жауап беру)

(Оқушылар қырлары нөмірленген асықтарды лақтырады, қай сан түседі, сол сұраққа жауап береді)

1. Қазақ халқының қандай ұлттық ойындарын білесің?

2. Қазақ халқының салт-дәстүрі, ойындары немен байланысты?

3. «Асық» ойыны неге үйретеді?

4. Ұлттық ойындарда адамның қандай қасиеттері қажет?

8. Қорыту

Ал, балалар, жарайсыңдар! Сабақта өз білімдерінді көрсетуге тырыстыңдар.

Рефлексия:

Бүгін сабақта не білдіңдер? Сабақ ұнады ма?

Алдарындағы жатқан смайликқа өз көңілдеріңді белгілеңдер.

9.Үй тапсырмасы (слайд №8)

III деңгей - жаңа сөздерді жатқа білу, диалог

II деңгей - жаңа сөздер, мәтінді мазмұндау

I деңгей - жаңа сөздер, мәтінді мазмұндау

10. Бағалау

Әр топтың ұпайларын санап, жеңімпаз топты анықтап, мадақтап, салыстырып бағалау



© 2010-2022