Жеке тұлғаны қалыптастыруда өзін-өзі тану пәнінің алатын орны

«Үстірт орта мектебі» ММ

Тақырыбы: Жеке тұлғаны қалыптастыруда өзін-өзі тану пәнінің

алатын орны

Дайындаған: Н.Уразниязова,

өзін-өзі тану пәні мұғалімі

2015-2016оқу жылы

Жеке тұлғаны қалыптастыруда өзін-өзі тану пәнінің алатын орны

Өзін-өзі тану пәні оқушыларға қоршаған ортаны түсінуге, оған өзінің қатыстылығын саналы сезінуге, қоршаған ортаға өзінің көзқарасын жалпыадамзаттық құндылық қстанымында жүйелеуге мүмкіндік береді.

Сонымен қатар білім берудегі шынайы мақсат- адамға белгілі бір білімді жеткізу ғана емес, сондай-ақ оның рухани-адамгершілік тұрғыдағы мәнін дамыту. Бүгінгі таңда оқушылардың өмірден өз орнын табуы үшін өз бойындағы табиғи дарыны мен қабілетінің ашыла түсуіне де көмектесудің қажеттілігі арта түсуде. Өзін-өзі тану баланы жолдастары арасында өзін сыйлата білуге өзін-өзі жетілдіріп, басқадан үлгі алуға қоршаған орта жағдайында өзіне-өзі бағыт алуына, өз бетінше шешім айта алуына ,әр іске жауапкершілікпен қарауына тәрбиелейді. Бірақ бұл жолда мұғалімге үлкен шығармашылық пен ізденіс керек. Онсыз бала жүрегіне жол табуы мүмкін емес.

Өзін-өзі тану пәнінің ерекшелігі- оқушылардың үнемі қарым-қатынаста болатындығы. Оқушылар өзі туралы,өзінің ішкі ойлары, көзқарасы,кез келген іс-әрекетке қатысты ойын немесе пікірін білдіре алады.

Өзін-өзі тану бұл тек өзі туралы ғана біліп қана қою емес,қоғамдық қатынастар жүйесіндегі ,адамдар арасындағы өз орнын таба білу,өзін тұлға ретінде сезіну. Өзін және қоршаған ортаны тану арқылы оқушының жан дүниесін байытып, рухани-адамгершілік білімді халықтық дәстүр арқылы жеткізу. Адамзат өз елінің ,халқының мәдениетін сәби шағынан біліп өсуі маңызды. Сондықтан адамның бойына жастайынан ізгілік, мейірімділік, қайырымдылық, адамгершілік сияқты асыл қасиеттерді сіңіріп, өз-өзіне сенімділікті тәрбиелеу ең басты міндетіміз.,

Сабақтың өзіне тән ерекшелігі- сабақтың стандартты емемс түрлері ұсынылады: ойланатын сабақтар, талдау сабақтары, сайыс сабақтар, саяхат сабақтар, ойын сабақтар.

Өзін-өзі тану пәнінің сабақтан тыс жұмыстары сабақта меңгерген білімдерін іс жүзінде өмірде қолдана білуді және қоғамға қызмет етуді қарастырады.

Оқушылардың өзіне деген сенімділігін нығайтып, олардың бойына имандылық қасиеттерді дарытып, жағымды ойларға бейімдеу мақсатында түрлі өлең ,шығармаларды пайдалану тиімді.Оқушылардың бойында жауапкершілік, өнегелік, дербестік мінездері қалыптасып, барлық адамды сүюді үйренеді.

Өзін-өзі тану сабақтарының өзіндік ерекшелігін байқататын:«Шаттық шеңбері»,«Өзіммен-өзім», «Әңгімелесу», «Тыныштық сәті», «Сергіту сәті»,«Сахналау»,«Ойын -жаттығу»,«Жүректен жүрекке»,«Жағдаяттар кезінде ойлану»,«Дәйексөздерді талдау», әдістері балалардың дамытушы ортасын құруға ықпал етеді.

Оқушылардыңкөңіл күйлерінің көтеріңкі болуы, қуаныш сезіміне жетелейтін «Шаттық шеңбері» болып табылады.Әрбір оқушыда өзі өзгелерге сенетін және өзі де сенімге ие болатын үлкен достық шеңберіне қабылдануын сезінуі ретінде түйінделеді. «Шығармашылық тапсырма» өзін-өзі тану сабағындағы оқушылардыңтоптық жұмысының маңызды бөлігі. Оған рөлдік ойындар, жаттығулар, сурет салу,макет, плакаттар, сахналық көріністер қою кіреді. Бірлескен шығармашылық әрекет оқушылардың ынтымақтастық, шыдамдылық, елгезектік, өз пікірлерін ашық айта білу,өзінің пікірін сыйлау сияқты асыл қасиеттерді сезінеді,өзіне сенімділік қалыптасып,өз қабілетіне және шығармашылықмүмкіндігіне сенімі нығая түседі.Мұндай шығармашылық әрекет балаға тақырыпты тереңірек түсінуге,бір-біріне сенуге,бір-біріне құрметпен , қамқорлықпен қатынас жасауға көмектеседі. «Жүректен жүрекке» ерекше эмоционалдық шегі болып табылады.Балалар өз сырларын бір-бірімен бөлісіп, тілек айтып,сабақ тақырыбын меңгеруге мүмкіндік алады.

Өзін-өзі танудың пәндік саласы әр оқушының ішкі жан дүниесін байытуы және өзіндік қайталанбас жеке даралығын пайымдауы арқылы табиғи қабілеттерімен жасампаздық әлеуетін ашуға бағытталған мақсатты білім беру үдірісін көздейді.

Өзін-өзі тану пәнінің оқу-әдістемелік құралдары оқушылардың қоғамға және өз-өзіне қызмет етуіне бағытталуын, олардың жасампаздық белсенділігін танытуға мүмкіндік беретінөмірлік маңызы бар ,кең ауқымды біліктілік дағдыларды қалыптастыруға көмектеседі.

Өзін-өзі тану бойынша білім берудің негізгі бағыты мынадай:

*Адамның өзіндік бейімділіктерін ашу және оның темпераментін,мінез -құлқын,қабілеттерін ескере отырып,оны жеке тұлға ретінде дамыту;

*Оқушылардың өзіне және қршаған ортаға,бүкіл адамзатқа деген қарым-қатынасын айқындайтын,адамгершілік мінез-құлықтарының,әлеуметтік маңызы бар бағдарларыныңнегізін қалыптастыру;

*Қоғамға қызмет етуге бағытталған мәселелерді шешуде жеке тұлға құндылықтарын, алған білімдерініс жүзінде шығармашылықпен қолдану дағдыларын қалыптастыру;

Қорыта келгенде Сара Алпысқызы еліміздегібалалардың мүддесін жоғары қоюмен қатар жас ұрпақтың тағдырын рухани-адамгершілікпен сабақтастырған, болашақ ұрпақты ізгілік бесігіне бөлейтін, руханияттық жаңа, ізгі ілімді үйретуге қадам жасаған Ұстаз.