Гом урок Сылгоймаджы агъдау

Сылгоймаган кад. Сылгоймаджы агъдау.

Нысан: Сываллатты базонга канын сылгоймаджы агъдауттима. На фыдалта

сылгоймаган: нанайан, мадан, хойан, хъабулан, уарзон чызган цавар

аргъ кодтой, куыд барзонд кад лавардтой, уыдонима базонга канын

ахуырдзауты.

Эпиграф: Аз-сылгоймаг-цардаразаг фарн дан,

Кувут, лагта, иууылдар манан.

Аз баллиц дан, дидинаджы тау дан,

Аз цъах уалдзаг, цины зараг дан.

Бира расугъд агъдаутта уыдис ама ис ирон адамма. Ама цамандар, ныхас куы рацауы ирон агъдауыл, уад бирата фылдар хатт райдайынц ирон барагбатта ама ирон фынджы агъдауттай. Уыдон дар ахсджиаг куыд не сты. Фала уаддар ноджы вазыгджындар ама ахсджиагдар махма факаст ирон адаймаджы царды уаг, йахи дарыны фатк.

Се 'ппатыл ацы ран ахасын на бон на бауыдзан. Фала уаддар бацархайдзыстам ирон сылгоймаган кад ама ирон сылгоймаджы агъдауттыл ардзурын.

Аз-сылгоймаг-цардаразаг фарн дан, Кувут, лагта, иууылдар манан. Аз баллиц дан, дидинаджы тау дан, Аз цъах уалдзаг, цины зараг дан.

Аз афсарм дан, нуазан дан уа къухы. Аз хадзары минбаркады фынг. Аз адзухдар- уе 'мдзу царды дугъы, Фарн ма дзырд, ныххуыссын канын зынг.

Сисут лагта, бануазут ма кадан, Аз уа раттаг, уе стыр мат, уа хур. Аз уа къухы бахъуаджы бон кард дан, Аз- уа фидан, уе 'нхъалцау бындур.

Хостыхъоты Зинайы ныхаста.

Амонаг: Сылгоймаджы фазынд ама сылгоймаджы удыхъады тыххай баззад ахам таурагъ:

«Хуыцау арбайста худга хуры тынтай цалдар, арттиваг майы сонт анкъарддзинад, малхъы сарыстыр уаздандзинад ама уарди дидинаджы амбисонды тафаг. Цамай агар алутон ма фауа, уый тыххай ма йам бафтыдта ноджы уаддымгайы анасарфат зилдуханта, рувасы хиндзинад, тархъусытаппуддзинад, мигъты цассыгкалындзинад уарыны агъомма ама гаркъараджы талф-тулфдзинад дзургайа. Чысыл вхъуыдыйы фаста ма йам бафтыдта ноджы хъайматы аппат баллахта, арт, зай, арварттывд, арвнард, тымыгъ, тарккъавда. Ама аппат уыдаттай саразта сылгоймаг. Радта йа саумайа налгоймаган ама загъта: «Ауыд ыл, уыман ама дыккаг ахам сканан нал ис… Стай йа дзагъалы андар хуызы рацаразыныл дар ма архай - сылгоймаг у!»

«Задбадан»

Сарай дын, сылгоймаг, аз зонгуытыл кувын, Барзонд Хуыцау амондан сфалдыста Дау. Дзагъалы на хонынц поэта Дау рухс фын, Задбадан барзонды файлауга цъах нау.

Амонаг 1: Аваццаган, заххыл ахам тых най, ама сылгоймагима кай ис абаран… Сылгоймаг у хуры тынтаурасугъд ама фалман, сылгоймаг у фарн ама амонд хассаг… Сылгоймаг!.. Мад!.. куыд агарон тых ис уыцы дзырдты… Ирон адам рагай фастама кувынц сылгоймаг - бардуагма, Мадымайрамма, курынц дзы цот, фадзахсынц са хъабулты.

Амонан 2: Тынг бира расугъд, зардамадзауга ныхаста ис сылгоймаджы тыххай. Йа расугъддзинад ама аивдзинад абаран ис армастдар уалдзагима, хурима.

Ана уалдзаг ама ана сылгоймаг най цард, най расугъд фидан надар ардзан, надар ардзы фидауц - адаймаган. Сылгоймагима баст сты на царды такка расугъддар ама ахсджиагдар цаута. Саби фыццаг кай фазагъы, уыцы ныхас ваййы - мад. Сылгоймаг у бинонты бындур, сылгоймаг хъомыл канны цот, сылгоймагай фидауы хадзар.

Скъоладзау: Поэтта, музыканта, нывганджыта фалтарай-фалтарма стыр кад ама намыс канынц сылгоймаган. Тынг аив, зардамадзауга ныхаста загъта Цагараты Максим дар сылгоймаджы тыххай:

«Цард аппаты фыццаг сылгоймаджы зардайы райгуырд. Сылгоймаджы зардайы уидагтима баст у дунейы аппат дар: сываллоны фыццаг цъахахст, хъабулы фыццаг бахудт, авданы уынгаг ама фалман зараг, фандыры амбахст миддуне, налгоймаджы кадавар цассыгта, хастоны нарга кад ама хъараджы файнардам тонга хъуырдухан… Армастдар Сылгоймаджы зардайы уыдис уыдонан райгуыран.»

Амонаг: Хуыцауы раз йа сылгоймаджы хас чи саххаст кодта, уый уыд Задалеки Нана-Аланты ирвазынганаг.

Хъуысы Задалески Нанайы зараг.

Амонаг: Сылгоймаджы расугъддзинад, хъару. Зонд, ама агъдауан Нарты Сатана баззад ирон адамма амбисондан…

Авдыст цауы сценка «Калмарзан».

Бадынц Нарты урсзачъе зарадта ныхасы, тархон канынц.

1-аг хистар. Нарт нарт уад уыдысты, арв са нарын уад на уандыди ама малын куы зыдтой карадзи сарыл, са дзыхай растдзинад йеддама куы ницы хауд, ронгай барц куы зыдтой, кастар хистары куы 'мбарста.

2-аг хистар. Ивгъуы бонта знонау аивгъуыдтой, най сын фастама раздахан. На фиданыл ахъуыды канам. Айдагъ цуанай цар най.

1-аг хистар. На саран исты хос сканам.

2-аг хистар. Хъуыды ма канут, иу хатт ныл аххормаг аз куы скодта, уад на Сатана куыд аирвазын кодта, уый? Сатанама та арвитам ныр дар. Бафарсам ай зондай. Цу, лапу, фадзур ам… Афта ама, загъ, афта, на хистарты разма фазын…

Арбацыд Сатана

Сатана. Цаман бахъуыд Нарты буц хистарты ма сар, нывонд уын фауа.

Хистар. Да сар фарнай дар, йа зондай та на хъауы чысыл хай. Хастагдар нам арбалау, чындз, на фиданыл хъуыды канам… Иудадзыг цуанай цард най, искайы рагъаутта тарын дар адзух растма на канны, ис ма махай тыхджындарта. Исты уынаффа нын загъ ды дар.

Сатана. Кад уыд калмарзан амбар худима? Уахадаг ма фыдуаг канут, фала ма иугар фарсут…

Хистар. Дзур, дзур Сатана!

Сатана. Ме 'наныййарга фырт Сосланма ис анакарон хъару ама ныфс… Уый уаларвай далама нал цауы. Такка аизар Уаларв Сафа куывд канны задта ама дауджытан. Баддзысты дауджыта Сафайы хадзары, сау баганы нуаздзысты дзабидырай. Уырдыгыстаг та сын уыдзан Сафайы буц хъан- Нарты Сослан. Уа туг, Ахсартаккаты туг хъазы йе уангты. Абон ай фандараст канынц адам. Уый номыл у куывд дар. Аз ын йа хъусы бацагъддзынан, цамай уый ракура: Уастырджийа- фаринк кард, тыхганаг уые тых куыд на ара, Афсатийа- бира фос, Уациллайа- хоры намгуыта… Хоры намгуытан най афтид къухай тауан. Сослан Куырдалагонай ракурдзан афсан дзывыр. Уада Галагон дар Сосланы анна лавар кам уадздзан. На хоры карита сыгъдаг канынма-иу нам рог дымга рарвитдзан. Аппынфастаг, ын номдзыд Донбеттыр загъдзан: ма цаугадаттыл-иу куыратта саразут. Уый йа чызджытан бафадзахсдзан, цамай куыройы фыдта равдз зилой… Гъе утаппат хорздзинадта нам архасдзан уа буц кастар Сослан. Ма раныхасы сар - фаллой…

Нарта сыстадысты. Хистар Сатанайы разма бацыд. Систа йа худ.

Хистар. Амай фастама худ ама калмарзан амуазта уант. Амзонд ама амванд…»

Скъоладзау 1 : Ирон ахсанады сылгоймаган уыдис стыр кад ама намыс. Тынг барзонд уыдис авард хадзары афсины бынат бинонта ахсан. Бахджыны разма-иу сылгоймаг куы фацис, уад-иу анаманг хъуама йа бахай архызтаид ама салам раттаид. Уада сылгоймагта лагты раз фацайцауой - уыдон иу сын сыстадысты. Сылгоймагтан са хистар арфа ракодтаид ама-иу сын загъта: «Сбадут, уа хорзахай». Сылгоймаджы бафхарын на фыдалтам нымад уыдис стыр фыдракандыл, ама йын кодтой карз тархон, суанг туг исыны онг. Ирон адамма бира ис, сылгоймаган кад канынима баст чи у, ахам агъдаутта. Загъам, дыууа нылгоймаджы хыл канынц, ама сылгоймагтай исчи се 'хсан йа калмарзан араппарста, уад-иу анна къуылымпыйа са хыл ныууагътой, ама са кардта карддзамты савардтой.

Скъоладзау 2: Цымыдисаг ама вазыгджын у уайсадыны агъдай. Чындз йа царыны хадзарма куыбацауы, уад бинонты хистартам уайсадга факаны, ома са разы дзурга на факаны. Уыцы агъдау чындзан ахъаз кодта йахи куыд амбалы афта дарынан: уазданай ама баронай. Уыима, бинонта сахадаг дар уайсадаг чындзы афсамай йа разы на кодтой уалдай ми кана цы не 'мбалы, ахам ныхас. Ацы агъдау ирон адамма ныртакка дар ис, фала ныры хистарта чындзы даргъватин растаг уайсадын нал уадзынц. Кусарт аканынц,са сыхбаста архонынц ама чындзма нуазан аваргайа йа сахима сдзурын канынц.

Скъоладзау 3. Раздары заманты уынаффайы бар хаудис армастдар налгоймагтам. Бинонты 'хсан налгоймаг уыдис хадзары хицау, ама йын сылгоймаг йа ныхас каддариддар аххаст кодта, фастама йам на дзырдта. Уалдайдар та адамы астау. Уыман ама, уымай уый фегад кодтаид йахи дар, йа сары хицауы (йа ладжы), йа бинонты дар. Зондджын сылгоймаг камдариддар йа ладжы кад барзонддар каныныл архайы, уад уыима йахадаг дар кадджындар канны. Сылгоймаг Ныхасма на цыдис ама лагтима уынаффа на кодта. На йын амбалыдис цауын кувандаттай биратам. Цавиттон, раджы заманты на адамма налгоймаджы ама сылгоймаджы хаста уыдысты хицан, амхацца на кодтой. Хъыгаган абон иуай-иутай уыцы цавиттон рох канын райдыдта, ама бира бинонты 'хсан бараг нал ваййы, усай лагай чи у «лагдар», уый.

Скъодадзау 4. Чызджыты хъомыл кодтой уаздан ама хиуылхацагай, сылгоймаджы миниуджытай аххастай. Къайных ныхасганаг, анауаздан, лагой аразт чызг адамы астау уыдис худинаг. Ахам хадзарма хорз усгур на цыдис. Уада стыр агаддзинадыл нымад уыдаид чызглаппуты 'рдам агар куы кастис, уад. Лаппу ама чызг карадзийы зардама куы цыдысты, уаддар-иу фембалттам на уадысты, кад-иу ананхъаладжы карадзийыл фембалдысты ама дыууа ныхасы загътой, уад хорз. Исчи чызгма йа ангуылдзай дар бандзавыдис - додой кодтаид йа сар. Уыман ама ахам цау агаддзинад хаста агас мыггаган дар. Лаппута ама чызджыта адарсга амбалдысты карадзиуыл армастдар иунаг бынаты - хъазты мидаг. Куывдты ама чындзахсавты лаппута ерысай авдыстой са арахстдзинад, се 'гъдау. Ама-иу кад зардама чи цауы, уыцы чызгима къухы бафтыдис акафын - уад хардма да худ аппар. Уымай уалдай симды уыдис ганан чызджы цонгыл хацгайа кафын. ----- Ныры цард бира ивддзинадта бахаста кастарты ахастдзинадтам. Раздар уаван каман на уыдис, ахам хъуыддагта ныр арвылбойнаг систы. Фала ма абон дар лаппутан са фылдар, бинонты хъуыддаг баканыны афон куы арцауы, уад факасынц рог ама къайных чызджытам на, фала на фыдалта бира азты даргъы аргъ цаман кодтой, уыцы миниуджыта кама ис, уыдонма.

Скъоладзай 5. Раздар стыр бинонты 'хсан сылгоймагта (афсин, чызджыта, чындзыта - хистарай кастарай) кодтой армастдар сам цы куыстыта хаудис, уыдон: харинаг канын, сываллаттам зилын, афснайын ама афта дарддар. Сылгоймаджы хъуыддагты йа «фындз чи тъыссы» ахам налгоймаг тынг йахи фахудинаг кодтаид, зараггаг фауыдаид. Уыцыагъдаума гасга, ирон лаг йа сываллатты на равдыдта, суанг сам къухай дар не 'вналдта, уалдайдар та хистары раз. Цымыдиссаг у ахам хабар. Раджы заманы, хистарима ныхас кангайа арыгон лаг бафиппайдта йа чысыл фырт, заххыл быргайа мана-мана уалхадзарай далама ахаудзан. Уад йа ныхас дарддар кангайа, лаг аивай сываллоны хадоныл йа къахай ныллаууыдис, ама йыл хацыдис афта цалынма хистар ацыдис, уадма. Йа хъабулы аирвазын каныны охыл дар ирон лаг на ахизтис агъдауы сарты, на йа систа йа къухма, хистары афсармай.

Скъоладзау 6. Картина М.Туганова «Похороны». Во двор пострадавших направляется пожилая женщина с пирогами на блюде, завязанном белым платком в узел сверху. Мужчины, старики и молодые, встали и почетно склоненными головами (обычай не велит им разглядывать женщину, хотя и встали они ради нее) провожают её. «Агъдау» здесь - сложнейшее сочетание разноплановых явлений: женщина идет по обычаю выразить соболезнование, несет что-то съестное, скорее всего, два пирога с отваренной курицей, или без нее покормить пострадавших (в доме пострадавших по обычаю не разводят огня и не готовят пищу). Мужчины встали при появлении женщины и провожают её стоя, оказывая ей внимание и уважение.

Скъоладзау 7.

Скъоладзау 8.

Амоног: Рагай-арагма цард агъдауай фидауы. Ирон адам та агъдау домдтой аппат ама алкамай дар, суанг ныхасы уаджы ама хъадрабыны дар. Уыма гасга кастар хистары раз хъарай на дзырдта, хистар кастарима схуыст ныхас на кодиа. Сылгоймаджы хъалаба, хъар ныхас та на фатчыд - баркад сафаг уыд. Ама уымай алчидар йахи хъахъхъадта.

Скъоладзау 9. «Ма фыдгулы хадзарай сылгоймаджы хъалаба хъуыса, ма фыдгулы сыхы хылганаг сылгоймаг арцара. Уад уыцы хадзары, сыхы фарн най», - дзырдтой-иу на хистарта. Фарн кам най, уым та баркад дар най ама цард дар. Уый тыххай баззад ахам таурагъ: Иуахамы, дам, дыууын фондз бараджы арфмстаг сты иу сидзаргас усы карты. Ус саарбадын кодта фынджы уалхъус, архаста сын нозт, цыхты карстыта ама сам бахатыд: Чысыл фагадза канут, ныртакка уын дзул афыццынан… Хадзары устыты 'рдыгай фарс, къулма ангом, рагъ-рагъы авард уыдысты арта къутуйы. Ус сам бацыд ама дзы иуы сар систа. Уазджыта уынынц къуту йедзаг у ссадай, фала уаддар ус афта бакодта: «Уый сын не сфаг уыдзан»…

Уазджытам уый диссаг факаст, ама са хистар усы цурма бацыд. Ус дыккаг къутуйы сар систа. Къуту ардагма ссадай, фала ус уаддар афта бакодта: «Уый дар сын не сфаг уыдзан»…

Артыккаг къутума ныккасти ус, ама ма дзы уыди иу армыдзаг ссад, фала бацин кодта: «Уый сын фагай ноджы фылдар у !»

Барджыты хистар бадис кодта, фала ницы сдзырдта. Ус уыцы сады таппай иу дзул ракодта, уалкъай йа афыхта ама уазджытам бадзырдта: «Адих ай канут, уа нывонд фауон, файна къабары уам дзы архаудзан, ама уе стонг айсафдзан…

Уазджыты бавналдтой харынма. Кад стонг уыдысты, уаддар иу дар йа хай на фации хард, са бон ай на баци - ахам баркадджын разынд уыцы дзул.

Араджиау уазджыты хистар бафарста фысымы:

«Бахатыр кан, ма мады хай, фала нын бамбарын кан: дзаг къутуйы ссадай загътай: «Уый сын не сфаг уыдзан», андар къутуца: «Уый дар сын не сфан уыдзан», артыккаджы ма иу сады тапп уыд ама уымай та : « Уый са фагай уалдайдар у». Ама раст разындта. Куыдай?

Ус ахъуыды кодта ама загъы:

«Диссагай дзы ницы ис, ма хъабулта. Дзаг къутуйы ссад уады хойраг у, чындзан йа ныхас артдзастай картма хъуысын куы райдыдта. Уый абаркад у… Дыккаг къутуйы ссад та уады хойраг у, чындзан йа ныхас артдзастай фарссагма хъуысын куы райдыдта… Уый дар баркадджын нау… Артыккаг къутуйы ссад та уады хойраг у, чындзы хъалас артдзастай рахысма дар куы на хъуыст… Уый баркад хассы, уый та ныр уахадаг уахиуыл бавзарстат… Афта у, ма хурта, адаймаджы фарныл зайы йа хойраджы баркад дар»…

Амонаг 1. Цыфанды зын уавары дар ирон сылгоймаг йа уаздан ном никуы фачъизи кодта, йа сарма агаддзинад никуы архаста ама йа кастарты дар ахуыр кодта ирон агъдау ама кадыл. Никуы фатарст ирон сылгоймаг, мад зындзинадтай.

Арымысам ма: Къостайы Сидзаргасы, Къубалты А. Госамайы, Коцойты А. Саломийы, Чермены Нанайы, Кодзырты Т. Цыццайы ама бира андарты.

Амонаг 2. Куыд на хъуама арымысам мах абон Ирыстоны хастрыстзарда мадалты рухс ном?!. Цал ама цал ныййараджы скодтой са уала саута? Цал ама цал мадан нал раздахт йа фырт хасты быдырай? Фыдыбастайы Стыр хасты фамард: 2 хадзарай-авдгай фыртта, 7 хадзарай- ахсазгай фыртта, 26 хадзарай- фандзгай фыртта, 92 хадзарай- цыппаргай фыртта, 100 хадзарай- артыгай фыртта… О,ныййараг мад, куыд фидар ама фаразон разындта! Хъабулы сафтан, дам, арс дар на фаразы, - фазагъынц. Фала ирон Мад бафаразта, арсай тыхджындар разынд.

Амонаг 1. Хъыгаган, абон дар дудынц хасты хъадгамтта, абон дар заххыл цауы хастыта, алыхуызон фыдбылызта. Абон дар на сур канынц мадалты цассынта… Ама хасты фамард кадима Райгуыран бастайы сарвалтау да хъабул, - уыман ма ис бамбаран!.. Фала цай ама кай тыххай аскъуыд Бесланы мадалты зардиагты разга цард? Куыд баурома уыцы маст ныццараг? Куыд цара дарддар уыцы мад, цардар разга уды камай фахъуыд уыцы сау фаззыгон бон?!. Фала Мад фаразон у, Мад арсай тыхджындар у, ама та стыр хъабатырдзинад ама агъдау равдыста ам дар ирон Мад!..

Скъоладзау: Таурагъ «Мад»: Уый раджы уыд. Мамысонгомы. Къуыдарай рацыд иу ус. Сидзаргас. Йа хъабысы - саби. Цыди цардагур. Фандаг ныддаргъ. Сафынаг каны, фаззыгон уазал салфынаг. Ус тындзы, фала хъаума нал хацца каны. Фандаг бырынцъаг каны. Баталынг. Тары рухсы стъалф най. Фандаг баиу ис тар ама арвима.

Бастади ус. Пъаззы уаззауай-уаззаудар каны, егъау халуарагау къахтыл тыхсы, дур са каны. Асаст мадан йа тых, фала на сатты йа ныфс. Фандаган нал ис карон, уый, аваццаган, хъаума на цауы. Хъаута талынджы бамбахсынц. Цымы цаман? Иу ран йа разы февзарди сау уайыг. Йа сау нымат - сау къайа. Ус ай арысыгарста къухай: уазал, хуылыдз, хъабар. Цыфанды уад: йа быны - лагат, уым салфынаг на каны. Табу Хуыцауан…

Уазал у, ихан…

Райсомай рацауынц балццатта. Мит хъыс-хъыс каны. Иу ран арлаууынц. Хъуысы кауын, сываллоны фаллад кауын. Рухс у. Ацафон хайраг на цауы.

Баздахынц къадзахы бынма. Байбын - лагатау. Сагъдауай баззайынц. Заххыл сылгоймаг багънагай хуыссы. Лагта са цастытыл ныххацынц исдуг. Мады хъабысы - сываллон. Бызгъуырты базджын тыхт. Усыл армаст - уарагмамбарзан.

Систой сабийы. Усыл арамбарзтой сау нымат. Тызмаг лагта слаууыдысты уырдыг, аруагътой са къухта,са сарта. Тафарфас канынц. Каман? Агъдай ама фарнан. Хахтан.

Чи зоны уыдон табу канынц - Мадан.

Систой са басылахъта. Райхалдтой сабийа усы уаладарас иугай. Скодтой йа усыл марддзаган. Сабийы стыхтой басылыхъты. Райхалдтой лагта са кардта. Кардтыл аравардтой сау нымат. Сау сынтыл систой Мады. Хассынц ай Хохы балццатта.

Ком ныррухс, цыма зад ратахт, афта…

(Джыккайты Ш.)

Скъоладзау: Саудараг зарватыкк (баллада)

Халд масыгыл сау зарватыкк бады - Сау ыстъалфан - хур боны боны цъах цады.

Ахстоныл цыдар баллицта мысы, Уад кацайдар зонга хъалас хъуысы:

- Сау зарватыкк, иунаг та цаман да? Рагай нырма сау дараг каман да?

Никуы ис да алыварс хъыгдараг, Уад цауыл каныс адзух да хъараг?

- Фесафт хасты ме 'нхъалцау, ма фатыг… Мады зарда фестади заватыкк.

Охх, ма бон, хъабулы рыст, уаззау да! Нал исын уадай нырма ма саута.

Мады зарда хъарджытай ыснараг, Фандагыл кад фазындзани бараг?

- Фандагыл на фазындзани бараг, Фала уагъды мауал канн да хъараг.

Аз - да фатыг. Хъахъхъадтон на баста, Фала рацыд арты зай на фаста.

Аз ыссыгъдтан… Сау фанычы - 'взалы… Фала зарда фестади ыстъалы.

Ама захх куы сулафы йа фынты, Уад калынц на ахстоныл йа тынта…

Тарф уынары сабыр хъалас тайы, Захх йахи сызгъарин доны найы.

Сау зарватыкк сау цассыг ызгъалы, Агуры сыгъдаг арвыл ыстъалы.

(Джыккайты Ш.)

Амонаг 1. Ирон сылгоймаг!.. Ирон мад!.. Цайкадджын ама хъабатыр да?! Цай фаразон ама фидар да?! Аваццаган, уыман бафаразтай ирон сылгоймаг, ахам зын ама уаззау фандагыл рацауын… Ама на фацудыдтай. Да кады ном айхъуыст анахъан дунеуыл…

Амонаг 2. Царды ама ахуыры фандагта байгом сты ирон сылгоймаган дар. Абон на къухы афтынц са расугъд баллицта. На Иры чызджыта ахуыр канынц, кусынц канд на бастайы на, фала ма бира фасарайнаг бастаты дар.

Скъоладзау. Се 'ппаты кой на кандзыстам, фала на фыццагты на зардыл арлаууын канам:

Кочысаты Роза - фыццаг ирон сылгоймаг - драматург.

Бутаты Фатима - фыццаг ирон сылгоймаг - физик, лавард ын арцыд Паддзахадон премийы лауриаты ном.

Саламты Софья - фыццаг ирон сылгоймаг - каст фации хастон-медицинон академи.

Газданты Аврора - фыццаг ирон сылгоймаг - балерина.

Туаты Ольга - фыццаг ирон сылгоймаг - профессор.

Дзугкойты Афасса - фыццаг ирон сылгоймаг - артист.

Тугъанты Дзерасса - фыццаг ирон сылгоймаг - бараг.

Хабалаты Зинаида - фыццаг ирон сылгоймаг - копозитор-симфонист.

Дудараты Вераника - фыццаг ирон сылгоймаг - дерижер.

Амонаг. Уада Хуыцау заххыл цы расугъд дидинаг сфалдыста, уыдонай иу у сылгоймаг. Уый у къонайы фарн ама царддаттаг, хо ама чызг.