Нутукъ инкишафы дерсине (5 класс)

Дюньяда энъ якъын, энъ тувгъан, энъ къыйметли ве энъ севимли адам - бу бизим ана-бабамыздыр. Дюньяда энъ буюк севгини исе бизге ана-бабамыз бильдире. Языкъ ки, эр бир инсан бу севгини дуйса да, ана-бабасыны сёзюни динълемейип, оларгъа тиль кайтаралар. Бильгенимиз киби, ана-бабаны севмек ве урьмет этмек керек. Оларгъа самимий дуйгъуларымызны косьтермелимиз. Мен озь ана-бабамны пек севем, олар янымда олгъанлары ичюн пек къуванам ве озюмни дюньяда энъ бахтлы инсан киби дуям, Аллагъа бинъ кере шукюр! Билесинъизми, ойле ола ки, кимер бала яшлыгъында ана-бабасыз къалып, бутюн омюр етим ола. Шукюр, мен буны бильмейим, амма бойле адамларны агънайым ве оларгъа пек аджынам. Келеджегимни ана-бабасыз корьмейим! Фикрет къызы ве Бекирова сойадымны гъурурнен ташыйим. Бабам - Фикрет, анам - Халиде, оларгъа "Ана-бабама" адлы шииримни багъышлайым:

Ана-бабама

Анам, бабам, мени сиз багъышланъ.

Кимерде лафынъызгъа бакъмайым,

Сиз истегендай япмайым.

Урьметли ана-бабам,

Хата япкъанымны мен кеч билем,

Янынъызгъа исе сонъ келем.

Сизден мен кечирим сорайым.

Дюньяда энъ анълагъан адам,

Севимли ве урьметли ана-бабам.

Кучюк олсам да, буюк олсам да,

Сизлер ичюн бала къалам.

Япкъан хаталарым ичюн мен пек янам.

Тувгъан ана-бабам, сизни севем.

Сизлерден къыйметли адам ёкъ,

Севгенимни бильдирмеге истейим чокъ!

Манъа аят багъышладынъыз,

Эллеринизни мен опем

Ве чокъ тешеккюр бильдирем...