Стихи на тему посвященное Президенту

Сан ғасырдың шежіресін шертетін Ұстаздарың - шежіреші демекпін...

Мынау менің туған жерім - ұлы анам, Бағымызға жаралған ба, Нұрағаңдай бір адам! Менің елім, менің жерім дегенде Жан-жүрегі елжірейді бар адам.

Таңғажайып Астананың көркіне Астасып тұр тұрғын үйлер іргесі, Бүгін міне жауқазындай жарылған Бағытталған «Нұрлы жолдың» бейнесі.

Өсіп-өнген, қанат жайған елімнің Мақтанышы Елбасым деп білемін, Салиқалы саясатпен әлемге Қазақ деген атымызды жаңғырттың.

Туымызды желбіретіп ғаламға Қазақ деген халқымызды паш еттің, Елтаңбамыз елімізге лайық Тұғырында тұрған жоқ па тым биік?!

Әнұраным шың көңілі қазақтың Тербетілген дархан менің даламда Әр адамның жүрегінен жаралған Шуақ шашар күн нұрындай ғаламға.

Ауладағы жетім-жесір бала да, Ақ жаулықты аналар да, дана да. Жағдайымыз жақсарды деп қуанад Нұрағаңа мың алғысын қайталап.

Перзентінің есіміне тұмар қып, «Нұрсұлтан» деп ат қойып жүр бар ана Елі үшін туған ұлы перзентін Нұрағаңды биік тұтар бар дана.

Бағымызға береке мен бірліктің Дастархандай жайып берген оңды ісін. Құрметтейді,бағалайды халқымыз Елбасымдай айбарлы нар тұлғасын.

Еліміздің ертеңі мен бүгінін, Бағыттадың «Нұрлы жолмен» дәл өзің. Бар баланың бақыты үшін ерлерді Жұмылдырған ігі істерге сен өзің.

Айға шапқан арыстандай айбатты, Халқы үшін қажымайтын қайратты, Әр жыл сайын халқымыздың жағдайын Көтеруді ойлап тыным таппайды.

Бағымызға тағымызға жаралған Ел ағамыз - Нұрағаны мақтаймыз. Елі үшін, жері үшін туылған Елбасынан айналайын қазақтың!

Турсунбаева К.Б.