План конспект урока по татарскому языку на тему Хәзерге заман хикәя фигыльнең күплектә төрләнеше

Дәрес темасы: Хәзерге заман хикәя фигыльнең күплектә төрләнеше.

Максат:1) Өйрәнгән сүзләрне кабатлау һәм сөйләмдә активлаштыру; хәзерге заман хикәя фигылләрнең берлек санда төрләнешен ныгыту.

2) Хәзерге заман хикәя фигылләрне күплек санда 1 нче затта төрләнеше белән таныштыру һәм күнегүләр белән ныгыту; кушымчаларны дөрес ялгый белү.

3) татар теленә сөю, аны өйрәнүгә кызыксынучанлык тәрбияләү.

Дәрес тибы: яңа теманы аңлату.

Метод - алымнар: аңлату - күрсәтү , сүзлек белән эш , тәрҗемә эше , сорау - җавап , әңгәмә.

Материал : Татар теле Татарский язык Рус телендә белем бирүче дүртьеллык башлангыч мәктәпнең 2 нче сыйныф рус балалары өчен татар теле hәм уку дәреслеге./ И.Л.Литвинов,Э.Р.Садыкова, Л.И.Гарипова - Казан: «Мәгариф» нәшрияты, 2009

Җиһазлау : тема буенча презентация Power Point, экран , тестлар язылган карточкалар.

Дәрес барышы

I . Оештыру. Дәрестә уңай психологик халәт тудыру. ( 2минут)

1. Исәнләшү.( җыр белән)

- Исәнмесез!

-Исәнмесез!

-Хәлләр ничек?

-Яхшы , рәхмәт. Ә сезнең хәлләр ничек?

- Бик яхшы, рәхмәт.

2. Дежур укучы белән әңгәмә.

- Бүген кем дежур?

- Бүген мин дежур.

- Бүген ничәнче число?

- Бүген ________________ .

- Атнаның нинди көне?

- Бүген пәнҗешәбе (җомга)

- Бүген көн нинди?

- Бүген көн салкын ( салкынча, җылы).

- Сыйныфта кемнәр юк?

-Сыйныфта ________________

Балалар сез дәрескә әзерме?

• Әйе, әзер!

II . Ориентлаштыру, мотивлаштыру этабы.

Актуальләштерү.

1. Фонетик зарядка.

Ө-Өйрән!- Өйрәнә-өйрәнми

Ү-Үс! Үсә-үсми

Ә-Әзерлә! Әзерли-әзерләми

Йөз! Йөзә-йөзми

2. Өйрәнгән сүзләрне(лексиканы) искә төшерү.(татарчадан-русчага)

Бар!Ул бара . Ул бармый.

Эшлә! Ул эшли . Ул эшләми

Йөз! Ул йөзә. Ул йөзми.

Ярат! Ул ярата.Ул яратмый

Тот! Ул тота. Ул тотмый.

( Русчадан- татарчага беренче рәттән башлыйбыз).

Пиши! Он пишет. Он не пишет.Он пишет на доске.

Расти!Он растет. Я расту. Красивый цветок растет

Он возращается. Я не возвращаюсь.

Он ловит. Ты ловишь

3. Бирелгән җөмләләрне тәрҗемә итәргә.(Перевести на татарский язык.)

Красивая утка идет. Утки плавают на воде. Я вижу красивую утку.

4. Рәсемнәр буенча җөмләләр төзү. ( по рисункам составляем предложение).

5. Рәсем буенча сораулар төзү.

III. Яңа материалны өйрәнү.

Ишектә шаку тавышы ишетелә.

• Балалар ишек шакыйлар. Кем килде икән?

Үрдәкләр киемендә балалар килеп керәләр.

• Исәнмесез, балалар!

• Исәнмесез!

Безгә үрдәк бәбкәләре кунакка килгәннәр. Алар сезнең янга буш килмәгәннәр, бүләк белән килгәннәр.Бүләкләре серле, биремле. Сез игътибар белән аларны тыңлагыз. Бирелгән сорауларга җавап бирегез.( К нам утята в гости пришли. Они пришли к нам не пустыми руками, а с подарками. Подарки загадочные, с заданиями. Вы их внимательно слушаайте и загадайте, отвечайте на их вопросы)

Игътибар! Җырны тыңлыйбыз.

Музыка яңгырый." Үрдәкләр " җыры башкарыла.

Без үрдәкләр,

Гел йөзмәктә.

Суны бик яратабыз.

Көне буе коенабыз.

Кичен өйгә кайтабыз.

Туннарыбыз безнең ап-ак

Муеннарыбыз ап-ак.

Без атлыйбыз,

Шулай вак-вак.

Гөрләшәбез бак-бак

Без үрдәкләр,

Гел йөзмәктә.

Суны бик яратабыз.

Балыкларны без тотабыз.

Үләннәрне йотабыз.

Туннарыбыз безнең ап-ак

Муеннарыбыз ап-ак.

Без атлыйбыз,

Шулай вак-вак.

Гөрләшәбез бак-бак

Без үрдәкләр,

Гел йөзмәктә.

Суны бик яратабыз.

Без йөзәбез, без чумабыз.

Тиз үсәбез шуңа без

• Балалар монда без үткән дәресләрдә өйрәнгән нинди сүз бар?

• - әйе, " без" сүзе.

• Ничек тәрҗемә итәбез?( Как переводим это слово?)

• Без- мы.

• Без үрдәкләр- мы утки.

• Үрдәкләр нинди?

• Үрдәкләр ап-ак, матур.

• Игътибар! Экранга карыйбыз .

• Сейчас находим слова которые обозначают действия и отвечают на вопрос нишли?

• Без яратабыз, коенабыз, кайтабыз, тотабыз, ашыйбыз, йөзәбез, уйныйбыз,үсәбез.

• Тәрҗемә итәбез (Переводим ).

• Мы любим, купаемся, возвращаемся, ловим, кушааем, плаваем, играем, растем

• К этим словам какие окончания прибавлено?

-быз/ -без.

- Дөрес.

ашыйбыз

утыра...

Без бара...

йөзәбез

эчә…

үсә…

Молодцы. Когда мы используем слово без мы прибавляем к словам, которые обозначают действия, окончания -быз( к твердым словам) /-без(к мягким словам).

• Игътибар! Экранга карыйбыз.

Сез яратасыз, коенасыз,кайтасыз, атлыйсыз,гөрләшәсез,тотасыз, йотасыз, йөзәсез, чумасыз, үсәсез.

• Нәрсә үзгәрде? (Что изменилось?)

• Да , мы использовали слово сез и окончания изменились.

• Мы прибавляем окончания -сыз или -сез

2. Дәреслек белән эш.

*Дәреслекне ачабыз. 80 нче бит 3 нче күнегү. Кагыйдәне укыйбыз.(Открываем учебники стр. 80 упр.3 ,читаем правило).

* 5нче күнегү, 80 бит (устно)

IV.Күңелле ял минуты.( музыка)

" Үрдәкләр " җырына физкультминутка

V. Белем һәм күнекмәләрне ныгыту.

1. Слова расположи в свои домики.(Тактага чыгып эшлиләр.)

Без нишлибез? Сез нишлисез?

Сүзләр: барабыз, яратасыз, йөзәсез, уйныйбыз, ашыйм, йөгерәсез , сикерәбез,юасыз, көләбез,утырасыз,эчәбез, эшлибез,карыйсыз, юынабыз

2.Төркемнәрдә эшлибез.

1 нче төркем.

Допиши окончания.

Мин урындыкта утыра___. Син чәй эчә_____. Без диванда утыра_____.

Сез суда йөзә_______. Сез мәктәпкә бара_____.

2 нче төркем.

Найди ошибку и исправь ее.

Мин икенче сыйныфта укыйсың. Без мәктәпкә барабез. Сез китап укыйсыз.

3 нче төркем.

Впишите нужное слово, выбрав его из скобок. ( Син, Без, Сез)

..... мәктәптән кайтасың. .......урманга барасыз. .... тактага язабыз.

Тикшерәбез. 1нче төркемнең дөрес җавапларын тыңлыйбыз.

Мин урындыкта утырам. Син чәй уйнамыйсың . Без диванда утырабыз. Сез суда йөзәсез.

Сез аңлыйсыз. Без үсәбез.

2 нче төркемнең җавапларын тикшерәбез.

Мин икенче сыйныфта укыйм. Без мәктәпкә барабыз. Сез китап укыйсыз.

3 нче төркемнең җавапларын тикшерәбез.

СИН мәктәптән кайтасың. СЕЗ урманга барасыз. БЕЗ дәфтәргә язабыз.

VI. Йомгаклау.

1. Рефлексия.

• Без, сез сүзләрен ничек тәрҗемә итәбез?

• Когда мы что-то делаем какие окончания прибавляем?

• Без нишлибез?

• Без уйныйбыз, ашыйбыз, утырабыз.

• Сез нишлисез?

• Сез уйныйсыз, карыйсыз, эшлисез

2. Укучылар эшчәнлеген бәяләү, билгеләр кую.

3. Үзбәя.

Сез хәзер үз эшегезне бәялисез: өстәлдә үрдәк бәбкәләре ята. Бик яхшы эшләсәгез - "5" ле билгесе тоткан үрдәк бәбкәсе, дәрестә үзегез теләп катнашсагыз - "4"ле билгеле үрдәк бәбкәсе; укытучы сорагач кына җавап бирсәгез - "3" ле билгеле үрдәк бәбкәсе. (Оцените свою работу на уроке: возмите на руки утят )

утенок с "5" - я работал очень активно;

утенок с"4" - принимал участие на уроке, но нужно быть активнее;

утенок "3" - принимал участие на уроке по вызову учителя.

3. Өйгә эш. 3 җөмлә язарга