Исследовательская работа по теме Осенне-зимние календарные обряды и традиции верхневычегодских коми

Исследовательская работа по теме

«Осенне-зимние календарные обряды и традиции верхневычегодских коми»

Кулӧмдін традицияын ар - тӧв календарь обрядъяс да поэзия.

Выполнила: Тарабукина Варвара Михайловна

Кулӧмдін традицияын ар - тӧв календарь обрядъяс да поэзия.

2.1. Вежадыр кадколаст.

Кыдзи нин вӧлі шуӧма вылынджык, календар обрядъяс босьтісны да и ӧнӧдз на босьтӧны ыджыд ин коми войтыр олӧмын. Коми йӧз пыр кутчысисны сійӧ традицияясас, кодъясӧс сувтӧдлісны на налӧн пӧль - пӧчьясыс. Дерт, локальнӧй традицияясын тайӧ обычайясыс торъялісны мӧда- мӧдсьыс.

Кулӧмдін район сідзжӧ лоӧ аслыспӧлӧс локальнӧй традицияӧн. Тані, сідзжӧ кыдзи и мукӧд районъясын, петкӧдчӧны уна сикас праздник, кодъяс мыйӧнкӧ ӧткодьӧсь, а мыйӧнкӧ и торъялӧны мӧда - мӧд костас. Ар - тӧв кадколаст босьтӧ ыджыд ин Кулӧмдін районса олысьяслӧн олӧмын. Медшӧрнас тайӧ кадколастын лоӧ Вежадыр кад, коді кыссис Рӧштвосянь (7 января) - Крещенньӧӧдз (19 января): «Рӧштвосянь Ва вежӧдан лунӧдз шусьӧ Вежадыр…»[14]

Рöштво.

Рӧштво вӧлі кулӧмдінсаясӧн пыдди пуктана вичко календарын яръюгыд праздникъяс пиысь ӧти. Тайӧ лунъясӧ вичкоын мунісны войбыд службаяс: «…Рождество сія церковнӧй праздник, Христосыд ӧд войдӧрсӧ рӧдитчыліс. Сія 12 час войсянь сьылӧны, службаыс мунӧ 6 час асылӧдз, 4 час да джынйын да 5 помасьӧ…» [1] Пырджык луныс заводитчыліс «Христос рождается, славите…» топарь сьылӧмӧн, сиктса олысьясӧс чолӧмалӧмӧн кытшовтӧмсянь:

« Христос рождается, славите,

Христос в небе, здравствуйте,

Христос на земле возносите,

возноситеся, пойте!

Тайӧ вӧлі славитӧны..» [3]

Та дырйи тӧдчанаӧн лоӧ звездаӧн ветлӧдлӧм. Звезда символизируйтіс Иисус христослысь Вифлиемскӧй кодзув улын чужӧмсӧ: «Рӧштво дырйиыд челядь чукӧртчӧны вӧлі, ветлӧны, вӧчасны ыджыд звезда. Звезданас керкаысь керкаӧ славитӧны Иисус Христостӧ. Вот, сійӧ чужлӧма…» [2] Ветлӧдлысьяснас вӧліны кыдзи челядь, сідзи верстьӧ йӧз. Найӧ пыравлісны сиктсаяс дорӧ, пырджык тайӧ вӧліны озырджыка олысьяс, кӧні налы сьылӧмысь сетлывлісны чӧскыдторъяс, кампет, пренник, пӧжас: «…Коді вӧлі озырджык, сэтчӧ вӧлі волӧны. Пыралӧмсьыс вӧлі оз вомавны. Сетан кӧ сетан милӧстынясӧ, он кӧ и, бӧр мунасны. Мый пӧжаласны, сійӧ и сетасны…» [3, 2]

Лыддыссис, мый Рӧштво водзын эз позь мыськасьны, вермис лоны лёктор: «…Сэки Рождество кежад оз мыськасьны. Чистӧй занавесъястӧ ӧшлӧны - а, кодлӧн, мый эм, мый выйым...»[5]

Рӧштво водз асывнас нывбабаяс пӧжалісны чӧскыд пӧжасъяс: «…сёян ваясны… …гӧгрӧс тупӧсь, рыся шаньгасӧ и, картупеля шаньгасӧ и,пирӧгсӧ и…» [6, 4, 30, 32] Аныб сиктын тайӧ лунӧ пӧжасъясӧн да сёянӧн ветлісны обетнӧй крест дорӧ, кӧні кевмысисны попъяскӧд ӧттшӧтш: «Рӧштво дырйиыд мунасны площадьӧ. Сэні крест, сэтчӧ попъяс локтасны вичкосянь...» [6]

Рӧштвосянь жӧ и заводитчылісны Кулӧмдін районын колядуйтӧм, ворсӧмъяс, тунасьӧмъяс. Тайӧ аслыссикас вӧчӧмъясыс босьтісны тӧдчана ин йӧз олӧмын.

Колядуйтӧм комияс пӧвстын абу ёна паськалӧма, но век жӧ кытӧнсюрӧ петкӧдчӧ. Татшӧмнас лоӧ Кулӧмдін район. Вежадыр кадӧ войтыр пасьтасьлісны быдпӧлӧс маскаясӧ: пемӧсъясӧ, чиганъясӧ, омӧль вынъясӧ: «Сэки пасьтасьлӧны быд ногыс, сьылӧны, йӧктӧны, ворслӧны и. Маскаясӧн найӧс шулісны и. Пасьтавлісны быбейка, этатчӧдзыс оборкиа, кепысяӧсь, кушенчаӧсь…» [11]

Тадзи найӧ ветлӧдлісны сикт кузя, пыравлісны быд керкаӧ, сьывлісны сьыланкывъяс (колядки): ошканаясӧс, бура кӧ найӧс примитісны, да кулитанаӧс, эз кӧ кажитчыны кӧзяеваыс. Колядуйтысьяслы та пӧрйӧ коліс вӧчны ставсӧ, мед найӧс эз тӧдны: «…Керкаысь керкаӧ ветлӧдлісны, быд керкаӧ пыравлісны - тӧдасны - оз. Гӧлӧссӧ оз лэдзны, мед он тӧд...» [11] Пырджык кӧзяева бура примитлісны колядуйтысьясӧс, гӧститӧдлісны найӧс. Чукӧртӧм сёянсӧ да гӧснечьяссӧ колядуйтысьяс бӧртинас юклісны ас костаныс. Но такӧд тшӧтш колядуйтысьяс тшӧтш и кимӧститчывлісны, чудитчисны. Войяснас кисьтлісны пес чипасъяс, тыртлісны лымйӧн керка ӧдзӧсъяс, шыблавлісны ывла вылысь лым весалан зыръяс да росъяс керка вылӧ: «…Гӧна пась пасьталасны гугӧн да, гуга гӧна пасьӧн ветлӧдлӧны да, кодлыськӧ пес чипассӧ кисьтасны да, кодӧскӧ томналӧны да… Кодлыкӧ кильчӧ ӧдзӧсас пысаласны да ся гольгӧны. Кодлыкӧ ся ӧшиньувсӧ тыртасны лымйӧн да, кодӧскӧ ся игналасны ортсысяньыс да, томналасны. Чудитчӧны вот сідзи...» [13]

Рöштво кадö эз позь ноксьыны вурунöн: эз позь кысьыны, печкыны. Коми йöз эскисны, мый вурунас вермас пырны куття - войса: «…оз печкыны, куття - войсаыс пӧ пырас кудель пиас.» [14] Куття - войсаяс, кыдз кутшöмкö торъя вынъяс, тайö районын эз петкöдчывлыны. Лыддьыссис, мый куття - войсаяс - тайö кутья сёйысьяс. Кутья - тайö аслыспöлöс юмов рок, кодöс пулiсны Рöштво кежлö: «Кутьясӧ пуӧны вӧлӧм Рӧштво вечерняад, кытчӧдз первой кодзулыс оз пет, оз сёйны вӧлӧм. А кутьясӧ вӧлӧм пуӧны юмола кутшӧмкӧ шыдӧсысь, дзик, навернӧ, изтӧм шыдӧссьыс, сю ли , шобді ли. Зэв юмов рок. Сійӧ асывсяньыс вӧлі нинӧм оз сёйны. Сэсся сійӧ первой кодзул петтӧдз нинӧм оз сёйны, поститчӧны, а сэсся петӧм бӧрас заводитӧны. А куття- войсаыс, кӧнкӧ, мед кутшӧмкӧ мукӧд сёйысьяс ли мый ли оз локны, омӧльяс ли кодъяс ли. Ми тай наысь полам вӧлі - а. Мед куття - войсаяс оз локны.» [29] Наöн пырджык повзьöдлiсны посни челядьöс, мед найö Вежадыр кадколастö сёрöдз эз гуляйтны, торйöн нин эз ветлыны восьса ва дорö: «Юкмӧс дорті мед челядь оз ветлӧдлыны, повзьӧдлӧны вӧлі пӧрысьясыд куття - войсаӧн.» [28]

Пырджык гажъяссӧ том йӧз нуӧдлісны торъя керкаын, кодӧс ньӧблісны водзвыв нин чукӧртӧм сьӧм вылӧ пӧрысь йӧзлысь, либӧ гажӧдчывлісны кутшӧмкӧ ныв дорын. Тайӧ гаж нуӧдӧмсӧ тані олысь йӧз шулісны «войпукӧн»: «Ньӧбасны керка, быд лун ся сьылӧны - йӧктӧны. Сэні оз юны ни оз сёйны, а гажӧдчӧны. Пӧрысь йӧзлысь корлісны керкасӧ. А пöлать вылад челядьыд кайӧны да кывзӧны...» [10, 9] Войпукъяс вылӧ волісны эз сӧмын том йӧз, но и верстьӧ да челядь.

Рöштво дырйи ветлiсны и öта - мöд дорас гöститны. Тшöкыда йöктывлiсны, сьывлiсны: ««Сад йӧрын пӧ ныв гуляйтӧ, Сэтчӧ зон волывлӧ. Мича зонмӧй, молодечӧй, Шоча тай волывлан.» Тайӧ вӧлі Рӧштво дырйи сьылӧны.» [26]

Вайöдöм материал видлалöм бöрын, позьö шуны, мый кыдзи и мукöд локальнöй традицияясын, Кулöмдiн районын ыджыд ин босьтö Рöштво праздник. Тайö кадö войтыр ветлöдлiсны сикт кузя да славитiсны, колядуйтiсны, чудитчылiсны. Тöдчанаöн лоö сiйö, мый Рöштвосянь заводитлiсны вильшасьны. Тайö петкöдчылiс пес чипасъяс кисьтöмын, лымйöн öдзöсъяс тыртöмын.

Василей

Вежадыр шöрö веськалö Василей либö Важ Выль во. Вичко календарын тайö Василий Кесарийскийлы сиöм праздник. Сiйöс лыддисны гортса пемöсъясöс (порсьясöс) дорйысьöн видзысьöн. Тайö лунö мукöд локальнöй традицияын мунлiс порсь юр - кок вильöдан лун. Кулöмдiн районын татшöмыс эз вöв. Василей лыддьыссис Кулöмдiн районса Дзоль сиктын храм праздникöн: «Сэсся Василейыд вӧлі храм праздник Дзолльын. Сэтчӧ вӧлі гӧститны, кодлӧн рӧдня эм, кайлӧны.» [33]

Кулӧмдін районын олысь йӧзлы зэв бура тӧдсаӧсь и тунасьӧмъяс, кодъяс пырджык заводитчылiсны Рöштвосянь. Тунасисны пырджык нывъяс. Найӧ кӧсйисны тӧдмавны водзӧ олӧм йылысь: кутшӧм лоӧ верӧсыс, кыдзи сыкöд кутасны овны. Крылова Н.Д. серти татысь позьӧ жӧ торйӧдны механическӧй да интуитивнӧй тунасьӧмъяс. Механическӧйяс пиысь позьӧ торйӧдны Керчомья сиктын паськалöм паньӧн тунасьӧм. Паньын кынтылісны ва. Кынмӧм ва сертиыс гӧгӧрвоӧдлісны, кутшӧм водзӧ лоӧ олӧмыс: «Паньыд кӧ мылькйа - чурка ваян.» [19, 39] Пань отсӧгӧн вӧлі и мӧд тунасьӧм. Паньсӧ шыбитлісны ва тыра бӧчкаӧ, да бара жӧ кынтылісны: «Паньтӧ вӧлі ва пиад сетасны да, тадзи гудраласны да кынтасны. Кымыня кӧ - регыд и кулан…» [20]

Сідзжӧ тунасьлісны ыжъяс отсӧгӧн, нянь шӧрӧмӧн, рӧмпӧштанӧн, емӧн, ножичӧн, небӧгӧн, блюдйӧн.

Рӧмпӧштан отсӧгӧн тунасьлісны татшӧм ногӧн. Войшӧр гӧгӧрын пуксьыывлісны рӧмпӧштанлы паныд, видзӧдчисны. Рӧмпӧштан лыддьыссис мӧдаръюгыдӧ пыран ӧдзӧсӧн. Кутшӧм мужичӧйӧс аддзывлісны сэтысь, сійӧ и лоӧ верӧснад: «Сёрйад пуктасны зеркалӧтӧ дас кык час бӧрад, ыджыд зеркалӧтӧ. Сэсся видзӧдчӧны пӧ, видзӧдчӧны гӧбӧчсянь сія зеркалӧас. Миян мамӧ шуалӧ, ми пӧ… Мыйкӧ, пӧдругаыс Анна нима вӧлӧма. Меным пӧ локтіс кыз морт, а сылы вӧсни. Сэтшӧм сайӧ мамӧ и мунӧма сія жӧ вонас.» [21, 40]

Кӧшӧн тунасьӧм: петӧны ывла вылӧ, босьтӧны аскӧдныс кӧш. Сэсся пельпом вомӧныс шыбитӧны сійӧс. Усьӧм бӧрас видзӧдӧны, кытчӧ кӧшыслӧн вугйыс видзӧдӧ, сэтысь и лоӧ верӧсыс.

Рӧштво дырйи тунасьлісны пӧжалӧм кӧвдумӧн. Водз асывнас босьтӧны пачысь петӧм кӧвдум да котӧртӧны сикт кузя. Медводдзаӧн паныдасьысь мортлысь юалӧны нимсӧ. Сэтшӧм нима лоӧ верӧсыд (гӧтырыд).

Сывдылісны паньын эзысь, кисьтлісны ваӧ. Артмӧм серпас сертиыс тӧдмалісны, кутшӧм лоӧ водзӧ олӧмыс.

Тунасисны и ыжъяс отсӧгӧн. Сёр рытын, войнас, пыралісны гидӧ. Пемыдас кутлісны ыжӧс. Кутшӧм гӧна вӧлі ыжыс, сэтшӧм юрсиа вӧлі и верӧсыс: «Гидӧ вӧлі петӧны войнас битӧг. Ыжыд сэні уна, водзын вӧлі видзӧны да. Уськӧдчасны да кутасны ыж. Кутшӧм ыж сюрас, еджыд али сьӧд. Сьӧд ыж кӧ сюрӧ, жӧникыд сьӧд лоӧ, еджыд кӧ - еджыд лоӧ. » [38]

Чӧвтлісны чунькытш ва тыра стӧканӧ да видзӧдлісны, мый сэні петас: «Чунькытш пыр гадайтчывлӧны, мый сэтчӧ петас…» [15]

Сотлiсны дрöб да вуджöр сертиыс бара тöдмавлiсны, кутшöм лоö водзö олöмыс. Нывбаба да мужичöй кö петасны - верöс сайö петны лоас: «Дрӧбтӧ вӧлі сотам, би водзын сотам да. Ва пуктам рачӧ. Рачас эта мында кымын. Сэсся сэтчӧ кисьтасны да ся эстчӧ ачыд думайтан, ачыд сотан да ачыд кисьтан. - Тэ мунан - он верӧс сайӧ да, кытчӧ мунан да? Вообще мунан - он? Кытчӧкӧ кӧ мунан, ачыс артмӧ, вӧвъяс артмӧны, мужик да нывбаба петасны - мужик сайӧ кӧ. Но ёна колӧ видзӧдныыс, но чистӧя оз артмы. А Василейыскӧд паныд тадзи жӧ вӧлі вӧчӧны, кисьтӧны жӧ вӧлі.» [12, 17]

Пöим отсöгöн: öшинь водзö лым вылö пожналiсны пöим. Асывнас видзöдiсеы, кутшöм кок туйяс вöлiны сэнi. На серти тöдмалiсны жöник йылысь: «…пӧим пожналасны да асывнас видзӧдӧны, кутшӧм кок туй сэні. Сапӧга кок туй кӧ - озыр жӧник, лёк кок туй кӧ, кӧтіа кок туй кӧ - гӧль жӧник тэнӧ коравны локтас.» [36]

Вой кежлас игнавлiсны томанöн ведра вуг, а ключсö дзеблiсны юрлöс улö. Кодi, кутшöм зон волас вöтнас ключсö корны сiйö и лоас верöснас: «Ва вӧлі пуктасны, вевттясны мыйӧнкӧ, пуӧн ли мый ли. Вугъяс томан ӧшӧдасны, а ключсӧ тшӧтш питшӧгас сюясны. Вот…» [24]

Книгаöн тунасьöм: «Важ литература шӧрас, ӧти книжка шӧрас колӧ ножич пуктыны. Ножичсӧ пельӧдыс кутан и кыдз шуан, мый юалан. Колӧ восьтыны форточка либӧ ӧдзӧстӧ. Ӧтик юасьӧ, а кыкыс кутӧны…» [25]

Интуитивнöй тунасьöмъяс. Войшöр гöгöр петавлiсны пывсянö. Инмöдчас кö гöна ки, верöсыд лоö озыр, а гöнтöм кö - гöль.

Кывзысисны öдзöс дорын сёрнияс: бур йылысь кö сёрнитiсны, то кывзысьысь мортыс шань, а лёктор йылысь кö - лёк.

Кывзысисны и куим туй вожын: «Василей войас гадайтчӧны вӧлӧм.Кыдзи гадайтчӧны? Куим туй вежӧ вӧлӧм петкӧдӧны кучик, мӧс кучик либӧ вӧв кучик. Сэсся кучик гӧгӧрыс беддьӧн гижтӧны круг, медым омӧльяс оз сибавны. Сэсся пуксьӧны кучик вылас. Куим - ӧ - нель ныв пуксьӧны да кучикнас вевттьысьӧны. Сэсся кывзӧны, кутшӧм туй вежӧд локтӧны вӧлаяс. Найӧ кывзӧны, кутшӧм тільгуна локтас, сэтшӧмӧн и жӧникыд воас.» [35, 16, 18, 22, 23,]

Василей вой серти тöдмавлiсны локтан гожöмлысь поводдясö: «Кодзувъястӧ вӧлӧм видзӧдӧны. Ёна кӧ кодзула, сэзь - уна и вотӧс лоӧ. Кымӧра кӧ, кодзулыс абу, сідзкӧ вотӧсыд оз ло. Таво тай эськӧ кодзула вӧлі, ог тӧд мыйкӧ вӧрас эм - абу - а. Сія примета.» [41]

Рöштвосянь том йöз заводитiсны ворсны «гораньысь» да «здӧвӧльысь». «Гораньысь» ворсісны тадзи: бӧрйисны ворсысьяс пиысь вӧдитысьӧс, кӧрталісны сылысь синъяссӧ чышъянӧн. Корсюрӧ вӧдитысьыс ачыс бӧрйыліс аслыс чышъянсӧ. Бергӧдлісны сійӧс ас гӧгӧрыс да ыстывлісны кыявны мукӧдъясӧс. Кыявнысö отсасьлiсны асьныс пышъялысьясыс. Найö горзiсны, ледзалiсны быд сикас шыяс («гор» - звук). Кодӧс кыйлісны, сійӧ лоліс вӧдитысьнас: «… горанясисны. Ӧтикӧс сувтӧдасны шӧрас, а мукӧдыс гӧгӧрыс ветлӧдлӧны да горзӧны - сьылӧны: «Тала чувала - чу, заприла - чу, в кабак пойду, вина пропью, надо лижевый платок? Любей бери.» Сэсся мортыд босьтас чышъянтӧ…»[7]

«Здӧвӧльӧн» пырджык ворсісны том нывъяс да зонъяс. Нывъяс пуксьывлісны зонъяслы пидзӧс выланыс. Зонъяс шулісны «здӧвӧль», кажитчис кӧ нылыс, да «не здӧвӧль» - эз кӧ (доволен - не доволен). Татшӧм ворсӧмъясыс артмӧдлісны нин водзӧ вылӧ параяс.

«Гынъюрöн ворсöм»: вöдитысьыслы сиптывлiсны синъяссö дöраöн либö чышъянöн да сувталiсны гöгöрыс. Кодкö сулалысьяс пиысь инмöдчывлiс вöдитысьыслы кинас юрас. Вöдитысьыслы колö вöлi тöдмавны мортсö. Оз кö тöдмав, выльысь ковмас вöдитны. Куимысь кö оз тöд, гöтралöны либö верöс сайö сетöны: «Недель чӧжыс корасьӧмӧн ворсам, стук - стукӧн. Сійӧ ӧтик гынъюрасяс. Гынъюрнад вевттьысяс. Стук - стук! Коді локтӧ? Ме ангел. Сэсся ним пукталасны: ангел да, чӧрт да. Кодӧс пӧ босьтан.» [8]

Анализируйтöм материал серти позьö гöгöрвоны, мый Василей вöлi тöдчана праздникöн Кулöмдiн районса Дзоль сиктын. Рöштвосянь жö заводитлiсны и тунасьны. Кулöмдiн районын паськалöма тунасян обрядлöн татшöм сикасъяс, кыдзи пань, корöсь, рöмпöштан, кöвдум отсöгöн. Торъя сикасöн лоö Керчомья локальнöй традицияын ва бöчкаын пань кынтöм тунасьöм. Тыдовтчисны и татшöм аслыссяма ворсöмъяс, кыдзи «горань», «здöвöль» да «гынъюр».

Крещенньö

Вежадыр бöръя лунö Крещенньö (Богоявление) - праздничнöй служба бöрын священник вежöдiс юкмöсын (йöрданын) ва. Та бöрын вежа валöн бурдöдан да лёк вынъясысь мынтöдан вынъяссö эскысьяс вайлiсны васö гортаныс либö купайтчисны йöрданын. Васö сiдзжö вежöдлiсны вичкоясын. Сэнi асывсяньыс мунiсны службаяс. Комияслöн эскöмъяс серти тайö лунö помасьö вежадыр духъяслöн, кутя - войсаяслöн, кадыс. Та вöсна Крещенньöö колö вöлi мынтöдчыны лёк вынъясысь ваöн резöмöн либö тшынöдöмöн: «…Кодкӧ кӧ висьӧ ли, мый ли сійӧс мыссьӧдӧны, пызйӧны…»[44] Вежа васö вайлiсны войнас. Та пöрйö оз позь вöлi сёрнитнысö, медым не торкнываыслысь вежалунсö. Вежа васö видзлiсны мöд воöдз. Тайö ва вылын пöжавлiсны вежа нянь («святой хлеб»). Тайö няньсö кöтöдлiсны ва пытшкын да вердлiсны гортса пемöсъясöс. Торйöн нин колö вöлi мыссьыны вежа ванас ряженнöйяслы, кодъяс Вежадыр кадö кутiсны топыд йитöд мöдаръюгыдкöд.

Крещенньö праздниклöн подувнас вöлi Иоанн Крестительöн Иисус Христосöс Иордан юын креститöм: «Христостӧ креститлӧмаӧсь Иордан юад Иоанн Крестительыд. Сійӧ ыджыдӧн нин креститіс Иисус Христостӧ. 30 арӧса мужчина. Татӧны йӧрдан жӧ вӧчӧны. «Иордан» кывсьыс ся «йӧрдан». Вӧчӧны вӧлӧм йӧрдан, купайтчӧны вӧлі, весиг ӧти нывбаба купайтчӧма. Тоже пасьтӧгныс пӧрччысьӧны да купайтчыны пыралӧны. Ӧні сэтшӧмъяссӧ «моржӧн» шуӧны.» [42]

Крещенньö рыт серти позьö жö вöлi тöдмавны поводя водзö вылö: «Кодзула кӧ пӧ - вотыса арыс лоӧ. Но оз на тӧдны 19 - ӧдз, Ва вежӧдан рытӧдзыс. Рӧштвокӧд кӧ паныд кодзувъясыс лоӧны - «по местам» шусьӧ, а Василейкӧд кӧ паныд, сійӧ тоже «по местам» шуӧны. А куимнан лунсӧ кӧ мыйкӧыс, енэжас кодзулыс, Ва вежӧдан лункӧд, сэки шуласны «свалом» пӧ лоӧ.» [43]

Крещенньö, видлалöм материал серти, босьтiс ыджыд ин Вылыс Эжвасаяс олöмын. Тайö петкöдчис и праздниклысь вежалунсö пыдди пуктöмын, приметаясын, кодъясö найö кутчысисны.

2.2. Мукӧд ар - тӧв кадколастся праздникъяс

Кулӧмдін районын тӧдчана места сідзжӧ босьтісны и мукӧд ар - тӧв кадколастся праздникъяс. Тайӧ артмис сы понда, мый тані олысь войтырыс вӧліны ёнджыкасӧ му вӧдитысьясӧн да скӧт видзысьясӧн. Тайӧ лои подувнас мортлӧн да календарь обрядъяслӧн топыд йитӧдлы. Пырджык тайӧ праздникъяс пырыс коми йӧз аттьӧалісны Енмӧс, вежаясӧс, кулӧмаясӧс бур урожайысь, бур поводдяысь, коді лэдзис тайӧ урожайсӧ тырвыйӧ чукӧртны.

Илля лун (2 августа) Кулӧмдін районын пасйисны быдлаын. Сійӧ лыддьыссис медводдза арся праздникӧн. Праздникыс шусис вежа пророклӧн ним серти: «Илля лун сія тоже пророк, тоже святӧй. Миян комиад вӧд Христос вератӧ 600 во сайын пыртісны. Сія Илляыд Иисус Христослӧн ученикӧн жӧ лоӧ. Сія висьталас, мыйла Илля - пророк, мый Иерусалим вылӧ киссяс иззъя зэр, тшӧктас сэтысь мунны, эвакуируйтчыны ставныслы. Коді кывзас сійӧс, пышъясны Иерусалим карсьыд, найӧ спаситчасны, коді оз, сэтчӧ кольӧ. Сэсся изйӧн зэрас, Иерусалим картӧ ставнас жугӧдас, йӧзыс, коді сэн вӧліны, ставныс бырасны. Сія Илля - Пророк шусьӧ...» [50] Вӧльдін сиктын Илля лун лыддьыссис храм праздникӧн. Сэки праздничайтны волісны став матігӧгӧрса сиктъясысь: «…Татӧн праздникыс Вӧльдінын сія. Сылы колӧ ветлыны вичкоӧ сэки. Сылы колӧ кевмысьны...» [50] Илля лунсянь тшыксьыны заводитіс нин картупель кор. Тайӧ лунӧ медводдзаысь видлісны выль картупель: «Илля лун дырйи сэсся выль картупель кутам сёйны. Сэк пӧ, сёрнитӧны, выль картупель воӧ. Картупель перъялам да, сёям да…» [49]. Лунъясыс дженьдаммӧны, войясыс тӧдчымӧн нюжалӧны да лоӧны нин кӧдзыдджыкӧсь: «…Пемдӧ нин, луныс дженьдаммас…» [49] Юясын кӧдзалӧны ваяс. Тайӧ кадӧ пырджык дугдывлӧны нин купайтчыны. Тайӧ луннас лыддьыссьӧ, мый ӧбедӧдз гожӧм на, а пажын бӧрын ар нин. Тайӧ кадӧ чери кыйысьяс заводитлісны кыбны: «…Кыбны ся ветлӧны рыбакъяс…» [49] Илля лунӧ коми войтыр эз уджавлыны, торйӧн нин видзьяс вылын: «…Сэки быттьӧ уджавны оз позь. Сэсся оз и уджавны вӧлі.» [50] Йӧз эскисны, мый Илля лунӧ овлӧны чорыд гыма зэръяс. Подувнас талы йӧз лыддисны сійӧс, мый ветлӧдлӧ пӧ Илля - пророк енэжті да биа ньӧвъяс муӧ лэдзалӧ.

Медводдза Спас (14 августа) Кулӧмдін районсаяс пасйисны кушмана ырӧш юӧмӧн. Тайӧ лунсяньыс заводитісны сёйны кушман. Медводдза Спассянь жӧ заводитчыліс видз.

Шӧр Спас лунсянь (19 августа) заводитлісны сёйны медся юмов войвывса град выв пуктас - сёркни. Тайӧ лунсяньыс жӧ вотчысьяс заводитлісны чукӧртны чӧд. Аныб сиктын торйӧн нин ёна пыдди пуктісны Шӧр Спас лун: «Шӧр Спасыд вӧлі 19 августа. Сійӧ вӧлі празднуйтӧны, мыйкӧ сёян - юантӧ вӧлі гӧтовитан унджыка, винатӧ вӧчан да. Бокӧвӧй йӧз вӧлі волывлӧны жӧ.» [51]

Успенньӧ (29 августа) лыддьыссис Сордйыв сиктын храм празникӧн: «Миян Сордйылад тай вӧлі Успенньӧ праздничайтӧны...» [60] Тайӧ праздник дырйи вӧлі нин эштӧма град выв пуктасъяс уберитӧм, нянь вундӧм: «Сентябрьын няньсӧ вундан кольтаясын, сэсся сійӧс чумалитан, няньсӧ сувтӧдан кольтаӧ, ся вылысас сувтӧдан, шлапкан кольтасӧ, сідзи вӧлі чумалитчӧны. Сэсся чаптӧн, вӧлі кузь бедь…»[45] Тайӧ лунсянь заводитісны вотны тшак.

Арся Иван лун (11 сентября) кежлӧ заводитіс кисьмыны пув.

Семен лун (14 сентября) лыддьыссис Вежа Семенлӧн праздникӧн: «Семен луныс сія вӧлӧма Симеон. 40 метра судта башня стрӧитіс и сэтӧн вӧлӧм кевмысьӧ енмыдлы, 40 метра судтаын. Семен, Симеон сэн вӧлӧм енлы веритӧ. Сэк, кор кутшӧмкӧ крайней нужда: сёян ли ва - сэк сӧмын лэччылӧ. Молитва лыддьӧ енлы… А Семеныс, ачыс Симеон, тоже енлы веритысь вӧлӧма. 40 метраа судтаа башняын вӧлӧм олӧ. Ӧтнас. Куш, нинӧм абу.» [54] Йӧз костын тайӧ праздниксӧ лыддисны «ош чувалан лунӧн» либӧ ошъяслӧн свадьба лунӧн: «Семен лун дырйиыд оз тшӧктыны ылӧ ветлыны. Ошъяс чувалӧны - ветлӧны.Пӧрысь йӧз шуӧны, ылӧ пӧ эн ветлӧ, ошъяс пӧ уськӧдчӧны. Ош чувалан лун. 14 сентября.» [52] Весиг войтырӧс, кодъяс чужисны тайӧ лунӧ пуктывлісны ош прӧзвищӧяс: «Кодлӧн Семен лунӧ нимлуныс - ош нимаӧсь. Кодлӧнкӧ и ош лапаяс. Миян тай Ош Марпа - ош нимлунӧ чужӧма да.» [53] Тайӧ лун бӧрти вӧралысьяс заводитлісны ветлыны кыйсьыны: «…Сія праздникыд - охотникъяслӧн праздник вӧлӧма. Охотникъясыд сэки петӧны охотничайтныыд, Семен лун бӧрад, 14 сентября бӧрад. И миян ӧні шуӧны, мый Семен луныс - сійӧ охотничӧй праздник…»[54]

Пречистая (21 сентября) кежлӧ вӧлі нин уберитӧма картупель: «Пречистая сійӧ арся праздник…» [55] Веськыда му вылас вӧчлісны гажъяс, пулісны ыджыд чугунын картупельсӧ вый пиын да йӧв пиын, сьылісны, йӧктісны кругӧн. (54, С.101.)

Здвиженньӧ (27 сентября) дырйи заводитісны солавны капуста, сы вӧсна мый ывлаыс заводитіс нин кӧдздӧдны.

Пӧкрӧв (14 октября) лыддисны тӧвкӧд медводдза аддзысьлӧмӧн. Сійӧс пыдди пуктісны не сӧмын медводдза лым усьӧмкӧд йитӧдын, но и Богородицаӧс тӧд вылын кутӧмӧн: «Покровтӧ кутасны праздничайтны миян Россияын сёрӧн, а важӧнсӧ абу вӧвлӧма. Вот еврейясыд да коді сэтӧн веритӧ Иисусыдлы, сэтӧн сія праздникыд абу вӧвлӧма. Ӧтиклы кажитчас, мый сэні вичкоад Дева Марияыд, Иисус Христосыдлӧн мамыс, коді рӧдитіс Иисус Христостӧ, явитчас сылы, кажитчас,мый йӧзыс юрбитӧны Иисус Христослы, а сія аслас покрывалоӧн вевттьыліс йӧзсӧ, мед бур вӧлі йӧзыслы, но защищайтіс. Сія висьталас мортыд и вӧлисти на миян Россияад кутасны вӧдитны Покровсӧ. А миян шуӧны Пӧкрӧв, регыд лымъялас, покрывайтас лымйӧн мусӧ, Енсянь лымъялас да. Сія Покров.» [59] Праздничайтлісны Пӧкрӧвсӧ ёна, сьылісны - йӧктісны: «Праздничайтам Покровтӧ. Луннас уджалам - а. Ой - ой ёна йӧктӧны и быдтор. 5 лун чӧж йӧз локтасны, накӧд праздничайтам. Найӧ мыйӧн мунасны, ми асьным праздничайтам.» [57, 58]

Микайлӧ лун (21 ноября) дырйи артмылісны нин тӧвся туйяс. Крепыда нин йизьылісны юяс. Тайӧ праздникыс муніс Михаил - архангелсянь: «Микайлӧ лун арнас. Микайлӧ - архангел, сія ангел, сія абу морт.» [60]

Ноябрь 28 - ӧд лунсянь заводитчыліс Филипповскӧй пост, коді кыссис Вежадыр кадколастӧдз.

Аслыссикас праздникӧн лоӧ Катерина праздник, коді пасйыссис декабрь 7 - ӧд лунӧ. Тайӧ праздникыс лоӧ храм праздникӧн Мыс сиктын, кӧні вӧлӧма великомученица Катериналы сиӧм часовня: «Катеринаыслӧн сылӧн аслас часовня, а часовняыс вӧлі да киссис сэсся. Сэні вӧлі попъяс локтасны крестнӧй ходнад кытшовтасны, сэн сьыласны да помасясны. Сэссянь сэсся и вичкоад енсӧ вӧлі нуасны. Вапелка храм вӧлӧма.» [65] Таысь кындзи тані сулалісны нӧшта кык часовня: Тихвинскӧй Божъя Матерь ӧбразлы сиӧм да вежа Николайлы сиӧм часовняяс. 1930 - ӧд воӧ часовняяссӧ вӧлі тупкӧма, а на местаӧ сувтӧдісны крестъяс. Найӧ вӧліны 6 - 8 помаӧсь, а судтанас 1.5 - 2 метра. Храм праздникъяс дырйи сиктсаяс волісны татчӧ кевмысьны. Тшӧкыда татчӧ волісны бурдӧдчӧм могысь: крестъяс вылӧ ӧшлісны Ки чышкӧдъяс, челядь да висьысьяслысь паськӧм. Катерина праздник Мыс сиктын кутӧыджыд тӧдчанлун.(136, С. 23 - 26) Великомученица Екатерина овлӧма III нэм помасигӧн - IV нэм заводитчигӧн Александрия карын Екатерина вӧлӧма греческӧй Ксантос царьлӧн нылӧн. Мамсяньыс іристослӧн велӧдӧм йылысь тӧдмалӧм бӧрын сійӧ уна йӧзӧс пыртӧма - матысмӧдӧма православнӧй вера дорӧ. Таысь и лои мыждӧма Екатеринаӧс. (102) Мысын Катерина лунӧн лыддьыссьӧ Виддзӧ пырӧм бӧрын дасӧд луныс. Тайӧ луннас ветлісны вичкоӧ, юрбитісны: «Миян ӧд Катерина лун тані Ӧрттьӧм Митрей дорын да вот ме кӧртӧс вӧчӧдлі Катеринаыдлы и пу крест вӧчӧдлі. Сэн часовня вӧлі. Катерина луннад вӧлі сьылӧны. Сэсся крестнӧй ходнад кытшовтігнад, еннад кытшовтігнад вӧлі сэтчӧ помалӧны.» [63] Мыссаяс мӧд ногӧн Катерина праздник шуисны Зататьӧӧн. Тайӧ лунӧдз став арся уджыс пырджык вӧлі нин эштӧма: «Тӧрыт вӧлі Зататтьӧ лун. Зататтьӧыд сія став му пасьта уборка нуӧдан праздник, Зататтьӧыд. Уборкаыд ставыс быттьӧ Зататтьӧад эштӧма.Став уборка. Турунӧн и, няньӧн и, скӧтӧн и ыжӧн. Ставыс картаын. Вот сія Зататтьӧ и шусьӧ.» [63] Зататтьӧ дырйи крестнӧй ходӧн да вичкоӧ ветлӧдлӧмысь ӧтдор пыравлісны и ӧта - мӧд дорас гӧститны, керкаысь керкаӧ праздничайтігмоз ветлывлісны.

Тӧвся Микола лун (19 декабря) праздник нимыс муніс Вежа Николай - чудотворецсянь: «…Николай - Чудотворец - сія ачыс святӧй, а сідзи епископ вӧлӧма.» [60]

Медос (31 декабря) лун празничайтісны Скӧрӧдум сиктын. Тайӧ, видлавны кӧ вичко календар серти, вӧлі Вежа Модестлӧн праздникӧн. Йӧзкостса календарын тайӧ гажсӧ йитісны Выль во матысмӧмкӧд да шонді ветланногкӧд. Тайӧ кадӧ, йӧз мӧвпалӧм серти, олӧмыс быттьӧ кусӧ, кулӧ. Олӧмыс быттьӧ кутӧ топыд йитӧдъяс мӧд (мӧд - «мед»+«ос») инкӧд, мӧдаръюгыдкӧд. Тайӧ лунӧ том йӧз вӧліны войпукъяс вылӧ, кӧні нывъяс печкисны, дурисны, зонъяс вильшасисны нывъяслы, мавтісны налысь чужӧмъяссӧ гусьӧник саӧн. Пырджык Медос дырйи сувтӧдлывлісны керкаӧ вӧрысь вайӧм ёлка да баситлісны сійӧс быдсяма мичмӧданторнас. Медос дырйи тӧдчанаӧн вӧлі сійӧ, мый пулісны сур: «…Тагъя сур вӧлі пуӧны, ӧні ӧд тагсӧ оз тӧдны, что за таг. Хмель рочнас. Хмель, а коминас таг.» [66]

Конаков Н.Д. индӧ сы вылӧ, мый Жежим да Дон сиктъясын часовняясын служитісны молебенъяс. Вежа Модестлы жертва пыдди вайлісны кукань яй, а мукӧддырйи и дзонь куканьясӧс. (54, С.116.)

Вайӧдӧм материал анализируйтӧм бӧрын позьӧ вӧчны кывкӧвтӧд, мый ар-тӧв кадколастся праздникъяс босьтісны ыджыд ин морт олӧмын, а сідзжӧ и Кулӧмдін районын олысь войтыр олӧмын. Тайӧ гажъясыс ӧнӧдз на кутӧны ассьыныс тӧдчанлунсӧ. Тайӧ петкӧдчӧ сыын, мый ёнджыкасӧ татшӧм шӧр уджъясыс, кыдзи урожай уберитӧм, чери кыйӧм, кыйсьӧм петкӧдчӧны тані олысь йӧзлӧн пыр на, а сідзкӧ и праздникъяс кольӧны. Аслыссикас арся праздникӧн Кулӧмдін районса Мыс сиктын лоӧ Катерина (Зататтьӧ) праздник. Скӧрӧдум сиктын торъялана мукӧдысь гажӧн лоӧ Медос лун, коді паныдасьліс сӧмын тані, Жежимын да Донын.

Бӧркыв

Быдӧнлы гӧгӧрвоана, мый календар обрядъяс да мортлӧн олӧм - тайӧ орӧдны позьтӧм кык юкӧн. Тайӧ петкӧдчӧ нин сыын, мый Эжва йывса комияслӧн медшӧр уджъясӧн вӧліны му вӧдитӧм, чери кыйӧм да вӧралӧм. Тайӧ и лои календар обрядъясын ритуальнӧй вӧчӧмъяслы подувнас. Ыджыд тӧдчанлун кутӧны йӧз олӧмын и ар-тӧв кадколастся гажъяс.

Гаж (праздник) - тайӧ аслыссикас кадколаст, коді кутӧ топыд йитӧд сакральнӧйкӧд, сакрализациякӧд да лоӧ аслыспӧлӧс вӧчӧмӧн. Гажлы паныдсувтӧдӧмӧн, позьӧ шуны, лоӧны став мукӧд лунъясыс. Гажлӧн медтӧдчана, медшӧр признакнас лоӧ сакральность.

Календарь обрядъяс сетісны позянлун во гӧгӧр чӧж колана ногӧн, тырбура гӧрны - кӧдзны, видзны гортса пемӧсъяс, вӧравны, чери кыйны, а сідзкӧ сетіс тырбура олӧм и сиктса йӧз котырлы, и торъя семьялы.

Кӧленаысь кӧленаӧ вуджӧмаяс календар обрядъяс абу сӧмын гажӧдчӧмъяс, но и ас пиас ыджыд тӧдчанлун кутысь ритуальнӧй вӧчӧмъяс, му вӧдитан да пемӧсъяслӧн культъяслӧн йитчӧм. Календар обрядъяс да традицияяс отсалісны сӧвмӧдны мортлысь видзӧдласъяссӧ ывла вывса петкӧдчӧмъяс вылӧ, отсалісны пӧртны олӧмӧ могъяс да тӧждъяс.

Ар-тӧв кадколастся праздникъяс ас пытшкас кутӧны уна мог. Медшӧръяснас лоӧны найӧ, мый колӧ аттьӧавны Енмӧс, вежаясӧс, кулӧмаясӧс бур урожайысь, дасьтысьны выль урожай дорӧ, войтырлысь водзӧ олӧм бурмӧдӧм да с.в.

Кулӧмдін районса войтыр олӧмын праздникъяс сідзжӧ, кыдзи и мукӧд локальнӧй традицияясын босьтӧны ыджыд ин. Ар - тӧв кадколастся гажъяс пиысь позьӧ торйӧдны Вежадыр кадколаст, коді кутӧ ас пытшкас куим ыджыд праздник: Рӧштво, Василей, Крещенньӧ. Тайö кадö войтыр ветлöдлiсны сикт кузя да славитiсны, колядуйтiсны, чудитчылiсны, тунасисны. Тöдчанаöн лоö сiйö, мый Рöштвосянь заводитлiсны вильшасьны. Тайö петкöдчылiс куттяясӧн пес чипасъяс кисьтöмын, лымйöн öдзöсъяс тыртöмын. Аслыспӧлӧс ворсӧмъясӧн Вежадыр кадӧ лоисны «Горань» да «Здӧвӧль». Кулӧмдін традицияын лоис сідзжӧ торйӧдӧма механическӧй да интуитивнӧй тунасьӧмъяс. Татчӧ пырӧны кывзысьӧм, пань, корӧсь, рӧмпӧштан, кӧш, нянь шӧрӧм отсӧгӧн тунасьӧмъяс. Торъя сикасӧн лоӧ ва бӧчкаын пань кынтӧм. Медшӧр корӧмторнас тайӧ тунасьӧмъяс дырйи лоӧ сакральнӧй кад да сакральнӧй ин.

Кулӧмдін традицияын аслыспӧлӧс арся праздникӧн лоӧ и Катерина (Зататтьӧ) лун, кодӧс праздничайтлісны Мыс сиктын. Тайӧ гажыс вӧлі сиӧма Великомученица Екатериналы, но йӧз пӧвстын Катерина лун кутчысис, кыдз став арся уджъяслӧн помасьӧм.

Торъя аслыссикас праздникӧн вӧлі и Кулӧмдін районса Скӧрӧдум, Дон да Жежим сиктъясын Медос лун. Сійӧ лыддьыссис важ волӧн медбӧръя лунӧн. Медос лун вӧлі сиӧма Вежа Модестлы. Йӧзкостса календарын тайӧ гажсӧ йитісны Выль во матысмӧмкӧд да шонді ветланногкӧд.

Содтӧдъяс

1. Рождество вӧвлі сія седьмое января. Сэки тоже важся церковнӧй праздник вӧчлӧмаӧсь, сэк лӧсьӧдчӧны, пусьӧны, пӧжасьӧны. Рождествоыс сія кыдзи Господь рӧдитчис, Рождествоыс сійӧ сы вӧсна. Ся Рождество бӧрас Крещенньӧ. Сэки вичкоын креститӧны кагаясӧс. Вот Христостӧ первойӧн креститлісны сэки. Сійӧн и шусьӧ Крещенньӧӧн. А Рождествоас рӧдитлӧмаӧсь. Рождество сія церковнӧй праздник, Христосыд ӧд войдӧрсӧ рӧдитчыліс. Сія 12 час войсянь сьылӧны, службаыс мунӧ 6 час асылӧдз, 4 час да джынйын да 5 помасьӧ. Сэсся сы бӧрын гортаныс гуляйтӧны, празднуйтӧны, рӧдвужъяс унаӧн локтӧны сэки. Сэки гажӧдчӧны зэв ёна, мед век вӧлі гажа. Радуйтчӧны, кыдзи Христос рӧдитчис. (ФА СГУ 1218 - 2: РК, Усть - Куломский р - н, с. Малый Аныб. Лобанов Н.В. ? г.р.; зап. 1995 г.)

2. Рӧштво дырйиыд челядь чукӧртчӧны вӧлі, ветлӧны, вӧчасны ыджыд звезда. Звезданас керкаысь керкаӧ славитӧны Иисус Христостӧ. Вот, сійӧ чужлӧма. Сьылӧны топарьяс, сійӧ славитӧны, ошкӧны. И гырысьясыс сэтчӧ на дінӧ ӧтувтчӧны, медым тшӧтш сьывны. Кӧнечнӧ, юрбитӧны сэні иконаяслы, и челядьыслы вот сетӧны, мый чӧскыдтор, пӧжалӧмаӧсь мый сеталӧны. Сэсся мунӧны мӧд керкаӧ. Мӧдлаын бара сійӧ славитӧны - сьылӧны. Вот сэсся сідзи, новлӧдлӧны либӧ кӧрзина, либӧ кутшӧмкӧ мешӧк - няньяссӧ сэтчӧ чукӧртӧны. Вот, дерт, ёнджыкасӧ челядь славитӧны. Вичкоад службаыс ачыс мунӧ - а. (ФА СГУ 1233 - 1: РК, Усть - Куломский р - н, д. Выльгорт. Карманова М.Н. 1926 г.р.; зап. 1997 г.)

3. Корысьяс ветлӧдлісны керкаысь керкаӧ, пӧрысьяс, налӧн эз вӧв ёна озырӧсь да: Христос рождается, славите,

Христос в небе, здравствуйте,

Христос на земле возносите,

возноситеся, пойте.

Тайӧ вӧлі славитӧны. Коді вӧлі озырджык, сэтчӧ вӧлі волӧны. Пыралӧмсьыс вӧлі оз вомавны. Сетан кӧ сетан милӧстынясӧ, он кӧ и, бӧр мунасны. Мый пӧжаласны, сійӧ и сетасны, оз вӧлі водзтӧ локны да, ӧкмыс часъясын. Сэки няньыд петӧма нин. Няньтӧ сетасны, мукӧдсӧ пуксьӧдласны да вердасны. (ФА СГУ 1212 - 2: РК, Усть - Куломский р - н, с.Нижний Воч. Кочанова А.И. 1917 г.р.; зап. 1996 г.)

4. Мыськасьны оз позь. Рӧштво праздникъяс дырйиыд сьылӧны да молитчӧны да Рӧштво сьыланкывъяс сьылӧны. Рӧштво дырйиыд шаньгатӧ пӧжалан, йӧла рокъяс пуан. Рысьяс вӧчасны, рысьяс сэсся вӧлі жмитасны да вӧчасны. Сюясны вӧлі пачад да пӧжасны. (ФА СГУ 1215 - 3: РК, Усть - Куломский р - н, с. Нижний Воч. Касева П.В. 1915 г.р.; зап. 1996 г.)

5. Рождествоас сэки сёйӧны да, юӧны да гуляйтӧны, мӧда - мӧдсӧ поздравляйтӧны да. Сэки Рождество кежад оз мыськасьны. Чистӧй занавесъястӧ ӧшлӧны - а, кодлӧн, мый эм, мый выйым. Сэки ӧд нинӧм эз вӧв. Ӧшиньясыд занавестӧмӧсь вӧліны, только вот срубйыд вӧлі, крӧватьяс эз вӧвны, джодж вылын, идзас вылын узьлім. (ФА СГУ 1218 - 2: РК, Усть - Куломский р - н, с. Малый Аныб. Лобанов Н.В. ? г.р.; зап. 1995 г.)

6. Рӧштво дырйиыд мунасны площадьӧ. Сэні крест, сэтчӧ попъяс локтасны вичкосянь. Тырыс сёян ваясны. Медводз гӧгрӧс тупӧсь, рыся шаньгасӧ и, картупеля шаньгасӧ и,пирӧгсӧ и. (ФА СГУ 1222 - 7: РК, Усть - Куломский р - н, с. Аныб. Пименова А.Д. 1907 г.р.; 1995 г.)

7. Рӧштво дырйиыд горанясисны. Ӧтикӧс сувтӧдасны шӧрас, а мукӧдыс гӧгӧрыс ветлӧдлӧны да горзӧны - сьылӧны: «Тала чувала - чу, заприла - чу, в кабак пойду, вина пропью, надо лижевый платок? Любей бери.» Сэсся мортыд босьтас чышъянтӧ. Сэсся ставыслысь босьталас да ся оз сет: йӧктӧй пӧ. Сэсся йӧктыны кутасны, гудӧкасьны. Бара лыддьыны кутасны да ся сія чышъянтӧ сеталас. (ФА СГУ 1230 - 3: РК, Усть - Куломский р - н, с. Верхний Воч. Лютоева А.И. 1932 г.р.; зап. 1998г.)

8. Сэки вӧлі чукӧртчам да гораньнад ворсам. Недель чӧжыс корасьӧмӧн ворсам, здӧвӧльӧн, стук - стукӧн. Сійӧ ӧтик гынъюрасяс. Гынъюрнад вевттьысяс. Стук - стук! Коді локтӧ? Ме ангел. Сэсся ним пукталасны: ангел да, чӧрт да. Кодӧс пӧ босьтан.(ФА СГУ 1236 - 7: РК, Усть - Куломский р - н, д. Скородум. Ефремова Е.П. 1927 г.р.; зап.1998г.)

9. Рӧштво дырйиыд вӧлі кругӧн йӧктӧны. Ныв - зоныд вӧлі керка ньӧбасны да. Ветлӧны гӧститны. (ФА СГУ 1222 - 7: РК, Усть - Куломский р - н, с. Аныб. Пименова А.Д. 1907 г.р.; 1995 г.)

10. Рӧштво недель сія Рӧштво лунсянь Василейӧдз ныв - зон сьылӧны - йӧктӧны. Ньӧбасны керка, быд лун ся сьылӧны - йӧктӧны. Сэні оз юны ни оз сёйны, а гажӧдчӧны. Пӧрысь йӧзлысь корлісны керкасӧ. А полать вылад челядьыд кайӧны да кывзӧны. (ФА СГУ 1218 - 44: РК, Усть - Куломский р - н, с. Малый Аныб. Казаринова Е.П. 1907 г.р.; зап. 1995 г.)

11. Сэки пасьтасьлӧны быд ногыс, сьылӧны, йӧктӧны, ворслӧны и. Маскаясӧн найӧс шулісны и. Пасьтавлісны быбейка, этатчӧдзыс оборкиа, кепысяӧсь, кушенчаӧсь. Керкаысь керкаӧ ветлӧдлісны, быд керкаӧ пыравлісны - тӧдасны - оз. Гӧлӧссӧ оз лэдзны, мед он тӧд. Чудитчасны, оз лёка - а. (ФА СГУ 1239 - 18: РК, Усть - Куломский р - н, с. Бадьёльск. Калашникова М.Д. 1922 г.р.; 1998 г.)

12. Рӧштво кежлад кисьтчылам ми вӧлі, кисьтчылам. Дрӧбтӧ вӧлі сотам, би водзын сотам да. Ва пуктам рачӧ. Рачас эта мында кымын. Сэсся сэтчӧ кисьтасны да ся эстчӧ ачыд думайтан, ачыд сотан да ачыд кисьтан. - Тэ мунан - он верӧс сайӧ да, кытчӧ мунан да? Вообще мунан - он? Кытчӧкӧ кӧ мунан, ачыс артмӧ, вӧвъяс артмӧны, мужик да нывбаба петасны - мужик сайӧ кӧ. Но ёна колӧ видзӧдныыс, но чистӧя оз артмы. А Василейыскӧд паныд тадзи жӧ вӧлі вӧчӧны, кисьтӧны жӧ вӧлі. А Василейыскӧд паныдсӧ оз вӧлі пӧжасьны. А Рӧштвокӧд паныдсӧ вӧлі оз жӧ пӧжасьны, а толькӧ вӧлі пӧжасьӧны Рӧштво лунас асывводзсяньыс. А сэки вӧлі Василеяс, петӧны вӧлі кыйӧдчыны асывводзсяньыс, мыйяс кыйӧдчасны да, мый да, кыдз да. Мыйкӧкерасны вӧлі. Эсся вӧлі Василей кежад войтӧ пукӧны войпукан керкаясад. Том зонъясыд да, мый да кисьтчасны вӧлі. Кӧч вӧлі да мый да ваясны, а сэсся вӧлі пызьтӧ катӧдыштан. Эсся, кӧні вӧлі войтӧ пукан, сэні вӧлі кӧзяйкаыд ырӧштӧ вӧчӧ. Сэсся вӧлі сэн ырӧшъястӧ юасны да оз вӧлі тышкасьны да кодавны. Сёрнитасны да, сераласны да, гудӧкасясны да, йӧктӧны да, сідз - тадз. Ме коркӧ кайлі Паладь дорын вӧлі пукалӧны да, кыйӧді найӧс да гортӧ локті да менӧ ся войтӧ пукны эз и катӧдлыны. Пӧлатьӧ кайлі, сэні кузь сёр вӧлі, кузь сёр костас ме тӧра. Пӧлатьясыс миян джуджыд вӧлі, сэтчӧ пыри да, самӧй вӧлі уліас миян кынтысьӧны, эсся и висьталі. (ФА СГУ 1212 - 15: РК, Усть - Куломский р - н, с.Нижний Воч. Кочанова А.Г. 1932 г.р.; зап. 1996 г.)

13. Гадайтчӧны да, чудитчӧны да. Гӧна пась пасьталасны гугӧн да, гуга гӧна пасьӧн ветлӧдлӧны да, кодлыськӧ пес чипассӧ кисьтасны да, кодӧскӧ томналӧны да… Кодлыкӧ кильчӧ ӧдзӧсас пысаласны да ся гольгӧны. Кодлыкӧ ся ӧшиньувсӧ тыртасны лымйӧн да, кодӧскӧ ся игналасны ортсысяньыс да, томналасны. Чудитчӧны вот сідзи. Сэсся повзьӧдчӧны да, гуга пась пасьталасны да, гуга шапка шапкааласны да, мед он тӧд. (ФА СГУ 1230 - 4: РК, Усть - Куломский р - н, с. Верхний Воч. Лютоева А.И. 1932 г.р.; зап. 1998г.)

14. Рӧштвосянь Ва вежӧдан лунӧдз шусьӧ Вежадыр. Вежадырас сэки оз уджавны, мыйкӧ, оз печкыны, куття - войсаыс пӧ пырас кудель пиас. Гуляйтӧныджык, маскаӧн ветлӧны, гадайтчӧны. А гадайтчӧмъясыс ёна жӧ интереснӧйӧсь. Быдсяма ногыс. Ведра игналӧны, а сэсся пуктасны из да кӧрт, сэсся нянь да сол. Сэсся кӧрталасны нянь да сов бара жӧ сунис вылӧ да ся сійӧ тонньӧдлӧны. Ветлӧдлӧ сійӧ. Збыль кӧ - нянь да солӧ, лӧж кӧ - из да кӧртӧ. Ся тшӧктӧм серти кӧ оз ветлы, сідзкӧ лӧж. Ведратӧ игналасны да ся жӧникыс должен ключ корны волыны. (ФА СГУ 1234 - 9: РК, Усть - Куломский р - н, д. Скородум. Курочкина Н.Т. 1923 г.р.; зап. 1997 г. )

15. Чунькытш пыр гадайтчывлӧны, мый сэтчӧ петас. Мый серти кӧ тай шуласны - а: кага ваян, верӧс сайӧ петан, а мый серти ог тӧд. (ФА СГУ 1239 - 23: РК, Усть - Куломский р - н, с. Бадьёльск. Калашникова М.Д. 1922 г.р.; 1998 г.)

16. Куим туй вежӧ ме петі да сэсся Закарей Микулайкӧд паныдаси. Да как раз Василейкӧд паныд, да сійӧ менам жӧникӧн дыр вӧлі. (ФА СГУ 1215 - 4: РК, Усть - Куломский р - н, с. Нижний Воч. Касева П.В. 1915 г.р.; зап. 1996 г.)

17. Гаданиясыд… Гадайтчӧны бумаганад, чабраласны да, дрӧбтӧ сывдасны да, сійӧн гадайтчӧны, мый петкӧдлӧ. Туйӧ кӧ мунны - туй петӧ, кулан кӧ-горт лоӧ. Дрӧбтӧ сывдан, ва пиӧ кисьтан дай, ся мый думайтан, сія и лоӧ. А бумагатӧ чабралан, чабралан дася вуджӧр вылас, мый тыдалӧ. Верӧс сайӧ кӧ кӧсъян мунны - вӧвъяс сэні тыдалӧны, а мыльк кӧ, гу либӧ-кулӧм водзӧ. (ФА СГУ 1230 - 2: РК, Усть - Куломский р - н, с. Верхний Воч. Лютоева А.И. 1932 г.р.; зап. 1998г.)

18. Кывзысьлӧны, кӧні куим туй веж колӧ. Шуласны тай. А ми коркӧ пуксьылім, сералім - сералім да ся челядь котырӧн мунім.(ФА СГУ 1218 - 47: РК, Усть - Куломский р - н, с.Малый Аныб. Казаринова Е.П. 1907 г.р.; зап. 1995 г.)

19. Мыйкӧтӧ вӧлі кынтан, паняд ва пуктан да… Пу паняд, посводзӧ петкӧдан да… Паньыд кӧ мылькйа - чурка ваян.

20. Паньтӧ вӧлі ва пиад сетасны да, тадзи гудраласны да кынтасны. Кымыня кӧ - регыд и кулан.

21. Сёрйад пуктасны зеркалӧтӧ дас кык час бӧрад, ыджыд зеркалӧтӧ. Сэсся видзӧдчӧны пӧ, видзӧдчӧны гӧбӧчсянь сія зеркалӧас. Миян мамӧ шуалӧ, ми пӧ… Мыйкӧ, пӧдругаыс Анна нима вӧлӧма. Меным пӧ локтіс кыз морт, а сылы вӧсни. Сэтшӧм сайӧ мамӧ и мунӧма сія жӧ вонас.

22. Куимӧн петім куим туй вежӧ. Куимлаӧ мунӧ туйыс. Шӧрас сувтім, а миян керкасӧ гижтім. Ӧти туй костӧдыд кӧлӧкӧльчика шы кылӧ да ме пась вылысь шыбиті, повзи да пыри. Эг кывзысь… А миян мамӧяс кывзысьлӧмаӧсь да, мыйкӧ пӧ, кутісны пӧ, шуӧны, войшӧр бӧрын пӧ петан да, сюйӧй, сюйӧй пӧ. Лэччим пӧ юкмӧс дорӧ. Юкмӧс дорысь ог пӧ помнит, кыдзи гортӧ кайсьӧма. Гашкӧ, куттяяс вӧлӧмаӧсь да. Ме пӧ и пышйи.

23. Кывзысьлім да дзужа - дзажа кывны кутіс да пышйим. (ФА СГУ 1227 - 44: РК, Усть - Куломский р - н, с.Аныб. Пименова А.И. 1907 г.р.; зап. 1995г.)

24. Гадайтчылісны сійӧ Василей лунӧдз седьмоесянь. 7 январясянь пыр гадайтчылісны Выль воӧдз. Сія январь тӧлысяд. Гадайтчӧны блюд вылад буква гижӧмӧн. Няньӧн. Первой кусӧксӧ жувайтісны да питшӧгас сюйисны, коді первой сейны корас. Ва вӧлі пуктасны, вевттясны мыйӧнкӧ, пуӧн ли мый ли. Вугъяс томан ӧшӧдасны, а ключсӧ тшӧтш питшӧгас сюясны. Вот… Сэсся емӧн вӧлі гадайтчӧны: да - нет, сідзи. Емсӧ шӧрас кутан, кодлы гижас да, эн, а мӧдар бокас абу. Емыс ся ветлӧ: да кӧ - озыр лоан, абу кӧ гӧльлун лоӧ. Вот сэтшӧм сійӧ. (ФА СГУ 1218 - 47: РК, Усть - Куломский р - н, с. Малый Аныб. Казаринова Е.П. 1907г.р.; зап. 1995 г.)

25. Духъяснад тоже вӧлі гадайтчӧны. Важ литература шӧрас, ӧти книжка шӧрас колӧ ножич пуктыны. Ножичсӧ пельӧдыс кутан и кыдз шуан, мый юалан. Колӧ восьтыны форточка либӧ ӧдзӧстӧ. Ӧтик юасьӧ, а кыкыс кутӧны. Ӧтар ножич пельсяньыс мед шӧрас лоӧ ножичыс Книгаыс улас. Сэсся ме пӧ вызывайта… мамӧс. Мам кулі да мертвӧй душа, дух. Сэсся локтас кӧ - книгаыс бергӧдчӧ. Но ся здоровайтчан: «Но, мам, здравствуй! Кӧсъя тэнсьыд юавны, мамӧ. кыдзи ме кута овны?» Если кӧ бергӧдчас, значит, бура. Если кӧ оз, значит, лёка. Сэсся бара юалан: «значит ме лёка кута овны?» Книгаыд шурк бергӧдчас, значит, лёка. Оз кӧ и оз. Тадзнад войнас куимӧн толькӧ колӧ, мед лишнӧй йӧзыс эз аддзыны. Сэки менам пӧдруга юаліс, нывлы пӧ квартира сетасны - оз? Бергӧдчис. - Значит регыд сетасны? Бара бергӧдчис. Сетісны, збыльмис. - Сэтӧн дыр ола? Эз бергӧдчы. - Сэтӧн регыд и ола? Бергӧдчис. Во джынсӧ эз ов, кулі. (ФА СГУ 1218 - 26: РК, Усть - Куломский р - н, с. Малый Аныб. Лобанов Н.В. ? г.р.; зап. 1995 г.)

26. «Сад йӧрын пӧ ныв гуляйтӧ, Сэтчӧ зон волывлӧ. Мича зонмӧй, молодечӧй, Шоча тай волывлан.» Тайӧ вӧлі Рӧштво дырйи сьылӧны. (ФА СГУ 1227 - 3: РК, Усть - Куломский р - н, с. Нижний Воч. Косева А.С. 1912 г.р.; зап. 1997 г.)

27. Повзьӧдчӧны и, маскарадасьӧны и. Сэки вӧлі Рӧштвосяньыд ворсӧны, Рӧштво керка корсясны да, зэв ёна. Недель чӧж. Рӧштвосянь Василейӧдз.(ФА СГУ 1227 - 38: РК, Усть - Куломский р - н, с.Аныб. Пименова А.И. 1907 г.р.; зап. 1995г.)

28. Юкмӧс дорті мед челядь оз ветлӧдлыны, повзьӧдлӧны вӧлі пӧрысьясыд куття - войсаӧн. (ФА СГУ 1227 - 4: РК, Усть - Куломский р - н, с. Нижний Воч. Косева А.С. 1912 г.р.; зап. 1997 г.)

29. Куття войсаыд сійӧ вӧлі дӧсадитчысь кутшӧмкӧ, куття сёйысь. Кутьясӧ пуӧны вӧлӧм Рӧштво вечерняад, кытчӧдз первой кодзулыс оз пет, оз сёйны вӧлӧм. А кутьясӧ вӧлӧм пуӧны юмола кутшӧмкӧ шыдӧсысь, дзик, навернӧ, изтӧм шыдӧссьыс, сю ли , шобді ли. Зэв юмов рок. Сійӧ асывсяньыс вӧлі нинӧм оз сёйны. Сэсся сійӧ первой кодзул петтӧдз нинӧм оз сёйны, поститчӧны, а сэсся петӧм бӧрас заводитӧны. А куття- войсаыс, кӧнкӧ, мед кутшӧмкӧ мукӧд сёйысьяс ли мый ли оз локны, омӧльяс ли кодъяс ли. Ми тай наысь полам вӧлі - а. Мед куття - войсаяс оз локны. Навернӧ, сійӧ кодкӧ дӧсадитчысь, куття - войсаыс вӧлӧма. (ФА СГУ 1233 - 3: РК, Усть - Куломский р - н, д. Выльгорт. Карманова М.Н. 1926 г.р.; зап. 1997 г.)

30. Рӧштво дырйиыд быд тор пӧжаласны. Рыська шаньгасӧ и, пирӧгсӧ и, пызя шаньгасӧ и. Вичкоад ветлӧны, сур пуӧны. (ФА СГУ 1222 - 7: РК, Усть - Куломский р - н, с. Аныб. Пименова А.Д. 1907 г.р.; 1995 г.)

31. Яйяс ни йӧвъяс вӧлі оз сёйны. Сэки вӧлі кисель да, шыд да, рок да, солоко да. Солокосӧ миян мамӧ вӧлі вӧчас. (ФА СГУ 1227 - 3: РК, Усть - Куломский р - н, с. Нижний Воч. Косева А.С. 1912 г.р.; зап. 1997 г.)

32. Рӧштво кежлад керкаястӧ уберитӧны жӧ вӧлі, чистӧя чышкалӧны, мыськӧны вӧлі. Быдтор вӧлі уберитӧны жӧ, чышкӧны и, мыськӧны и. Сэсся сэк вӧлі Рӧштво кежад и пӧжасьӧны. Рӧштвонад вӧлі асывнас пӧжасьӧны. Чӧскыда жӧ вӧлі вӧчӧны, ырӧштӧ вӧлі вӧчӧны. Зэв ёна вӧлі гажӧдчӧны, юӧны жӧ и. Пӧжаласны шаньга, пызя шаньга, вылыссӧ нӧкйӧн мавтасны, зэв чӧскыд, шоммӧдыштасны ещӧ. Сэсся пирогъяс пӧжаласны, ӧладдя вӧлі пӧжаласны, блинтӧ вӧлі пӧжаласны. Зэв частӧ блинтӧ вӧлі пӧжалӧны. (ФА СГУ 1212 - 14: РК, Усть - Куломский р - н, с.Нижний Воч. Кочанова А.Г. 1932 г.р.; зап. 1996 г.)

33. Сэсся Василейыд вӧлі храм праздник Дзолльын. Сэтчӧ вӧлі гӧститны, кодлӧн рӧдня эм, кайлӧны. (ФА СГУ 1227 - 38: РК, Усть - Куломский р - н, с.Аныб. Пименова А.И. 1907 г.р.; зап. 1995г.)

34. Василейыд сійӧ быттьӧ Выль во и эм. Рӧдняяскӧд празднуйтӧны.(ФА СГУ 1224 - 38: РК, Усть - Куломский р - н, с. Малый Аныб. Пименова А.И. 1907 г.р. ; зап. 1995 г.)

35. Гадайтчылісны… Выль воыд сэки Василейсянь вӧлӧма, 14 январясянь. Ӧні ӧд тай 1 январясянь - а. Василей войас гадайтчӧны вӧлӧм.Кыдзи гадайтчӧны? Куим туй вежӧ вӧлӧм петкӧдӧны кучик, мӧс кучик либӧ вӧв кучик. Сэсся кучик гӧгӧрыс беддьӧн гижтӧны круг, медым омӧльяс оз сибавны. Сэсся пуксьӧны кучик вылас. Куим - ӧ - нель ныв пуксьӧны да кучикнас вевттьысьӧны. Сэсся кывзӧны, кутшӧм туй вежӧд локтӧны вӧлаяс. Найӧ кывзӧны, кутшӧм тільгуна локтас, сэтшӧмӧн и жӧникыд воас. (ФА СГУ 1233 - 2: РК, Усть - Куломский р - н, д. Выльгорт. Карманова М.Н. 1926 г.р.; зап. 1997 г.)

36. Ӧшинь водзас лым вылӧ пожналӧны пӧим. Пӧим пожналасны да асывнас видзӧдӧны, кутшӧм кок туй сэні. Сапӧга кок туй кӧ - озыр жӧник, лёк кок туй кӧ, кӧтіа кок туй кӧ - гӧль жӧник тэнӧ коравны локтас. (ФА СГУ 1233 - 2: РК, Усть - Куломский р - н, д. Выльгорт. Карманова М.Н. 1926 г.р.; зап. 1997 г.)

37. 12 час войын кывзысьӧны на юшка пырыд дай. Рытнас гадайтчӧны, квайт час кымын бӧрын. (ФА СГУ 1212 - 16: РК, Усть - Куломский р - н, с.Нижний Воч. Кочанова А.Г. 1932 г.р.; зап. 1996 г.)

38. Гидӧ вӧлі петӧны войнас битӧг. Ыжыд сэні уна, водзын вӧлі видзӧны да. Уськӧдчасны да кутасны ыж. Кутшӧм ыж сюрас, еджыд али сьӧд. Сьӧд ыж кӧ сюрӧ, жӧникыд сьӧд лоӧ, еджыд кӧ - еджыд лоӧ. (ФА СГУ 1233 - 2: РК, Усть - Куломский р - н, д. Выльгорт. Карманова М.Н. 1926 г.р.; зап. 1997 г.)

39. Сэсся паняд ва вӧлӧм кынтӧны, петкӧдасны да. Асывнас ся видзӧдӧны: ваыс кӧ паняс кынмӧма мылькйӧн - верӧс сайӧ петан да кага ваян либӧ верӧс сайӧ петтӧг кага ваян. Кодлӧн абу, гӧпта - верӧс сайӧ он пет ни, кага он вай ни. (ФА СГУ 1233 - 2: РК, Усть - Куломский р - н, д. Выльгорт. Карманова М.Н. 1926 г.р.; зап. 1997 г.)

40. Зеркалӧнад вӧлі гадайтчӧны. 2 сись вӧлі пуктасны ӧтар мӧдарас. Ӧтнасӧн кольччӧ. Юрсӧ вевттьӧ чышъянӧн и видзӧдӧ зеркалӧас. Непременнӧ пӧ должен явитчыны сія мортыс, кодӧ тэнад жӧникӧн лоӧ. Сія и явитчылӧ. (ФА СГУ 1233 - 2: РК, Усть - Куломский р - н, д. Выльгорт. Карманова М.Н. 1926 г.р.; зап. 1997 г.)

41. Кодзувъястӧ вӧлӧм видзӧдӧны. Ёна кӧ кодзула, сэзь - уна и вотӧс лоӧ. Кымӧра кӧ, кодзулыс абу, сідзкӧ вотӧсыд оз ло. Таво тай эськӧ кодзула вӧлі, ог тӧд мыйкӧ вӧрас эм - абу - а. Сія примета. (ФА СГУ 1233 - 2: РК, Усть - Куломский р - н, д. Выльгорт. Карманова М.Н. 1926 г.р.; зап. 1997 г.)

42. Крещенньӧыд сія 19 января. Христостӧ креститлӧмаӧсь Иордан юад Иоанн Крестительыд. Сійӧ ыджыдӧн нин креститіс Иисус Христостӧ. 30 арӧса мужчина. Татӧны йӧрдан жӧ вӧчӧны. «Иордан» кывсьыс ся «йӧрдан». Вӧчӧны вӧлӧм йӧрдан, купайтчӧны вӧлі, весиг ӧти нывбаба купайтчӧма. Тоже пасьтӧгныс пӧрччысьӧны да купайтчыны пыралӧны. Ӧні сэтшӧмъяссӧ «моржӧн» шуӧны. Сэсся сія освятитӧ, вежа ва вӧчӧ попыд, крестсӧ сюйлӧ сэтчӧ йӧрданад. Сэсся ваыс сэні лоӧ кыдзи священнӧй, освятитӧм ва. Васӧ сэсся новлӧны гортаныс. Сія вежа ва лоӧ, сійӧн резӧны. Вежа ватӧ и вичкоын вӧлі вӧчӧны. (ФА СГУ 1233 - 3: РК, Усть - Куломский р - н, д. Выльгорт. Карманова М.Н. 1926 г.р.; зап. 1997 г.)

43. Кодзула кӧ пӧ - вотыса арыс лоӧ. Но оз на тӧдны 19 - ӧдз, Ва вежӧдан рытӧдзыс. Рӧштвокӧд кӧ паныд кодзувъясыс лоӧны - «по местам» шусьӧ, а Василейкӧд кӧ паныд, сійӧ тоже «по местам» шуӧны. А куимнан лунсӧ кӧ мыйкӧыс, енэжас кодзулыс, Ва вежӧдан лункӧд, сэки шуласны «свалом» пӧ лоӧ. (ФА СГУ 1212 - 18: РК, Усть - Куломский р - н, с.Нижний Воч. Кочанова А.Г. 1932 г.р.; зап. 1996 г.)

44. Ва вежӧдӧны. Сэсся ӧбразъяссӧ мыськӧны да. Лэччыласны да, юсьыс васӧ ваясны да. Кодкӧ кӧ висьӧ ли, мый ли сійӧс мыссьӧдӧны, пызйӧны. Сійӧ Крещенньӧ, Ва вежӧдан луннас, 19 января. (ФА СГУ 1230 - 5: РК, Усть - Куломский р - н, с. Верхний Воч. Лютоева А.И. 1932 г.р.; зап. 1998г.)

45. Сентябрьын няньсӧ вундан кольтаясын, сэсся сійӧс чумалитан, няньсӧ сувтӧдан кольтаӧ, ся вылысас сувтӧдан, шлапкан кольтасӧ, сідзи вӧлі чумалитчӧны. Сэсся чаптӧн, вӧлі кузь бедь…(ФА СГУ 1232: РК, Усть Куломский р - н, с.Верхний Воч. Лютоева А.А. 1922 г.р.; зап.1997 г.)

46. Прокопей луннад йӧзыд оз уджавны. Ӧтик чӧвтны заводитас, меным пӧ грекыд оз ло. Сэсся видз вывсьыс локтас, эштӧдас, чӧвтас да. А гортас локтігкостіыс гӧрд сера мӧскыс кулас. Сідзи и лои. Грек уджавны. (ФА СГУ 1227 - 11: РК, Усть - Куломский р - н, с. Нижний Воч. Косева А.С. 1912 г.р.; зап. 1997 г.)

47. Прокопей лунад кӧ пӧ зэрас, Илля лунӧдз зэрас. Илля лунад оз жӧ позь уджавны. Сы бӧрын ся пужъявны заводитас, картупель кор тшыкӧ, купайтчыны оз позь. (ФА СГУ 1227 - 11: РК, Усть - Куломский р - н, с. Нижний Воч. Косева А.С. 1912 г.р.; зап. 1997 г.)

48. Сэсся Иллясянь сійӧ луныс дженьдаммӧ нин ся. Тоже праздничайтлісны, кодъяс эштӧны нин вӧлі - а. Праздничайтӧны вӧлі быд религиознӧй праздник, а вӧд сэсся быд религиознӧй праздник праздничайтӧны - а, ся мый чӧскыд, вӧчасны - а. А прӧстӧй кадас, прӧстӧйиника олам, ставсӧ сёям, азя шыдсӧ и ставсӧ. (ФА СГУ 1239 - 34: РК, Усть - Куломский р - н, с. Бадьёльск. Калашникова М.Д. 1922 г.р.; 1998 г.)

49. Илля лун дырйи сэсся выль картупель кутам сёйны. Сэк пӧ, сёрнитӧны, выль картупель воӧ. Картупель перъялам да, сёям да. Сэки ар. Кыбны ся ветлӧны рыбакъяс. Пемдӧ нин, луныс дженьдаммас. (ФА СГУ 1230 - 13: РК, Усть - Куломский р - н, с. Верхний Воч. Лютоева А.И. 1932 г.р.; зап. 1998г.)

50. Илля лун сія тоже пророк, тоже святӧй. Миян комиад вӧд Христос вератӧ 600 во сайын пыртісны. Сія Илляыд Иисус Христослӧн ученикӧн жӧ лоӧ. Сія висьталас, мыйла Илля - пророк, мый Иерусалим вылӧ киссяс иззъя зэр, тшӧктас сэтысь мунны, эвакуируйтчыны ставныслы. Коді кывзас сійӧс, пышъясны Иерусалим карсьыд, найӧ спаситчасны, коді оз, сэтчӧ кольӧ. Сэсся изйӧн зэрас, Иерусалим картӧ ставнас жугӧдас, йӧзыс, коді сэн вӧліны, ставныс бырасны. Сія Илля - Пророк шусьӧ. Илля праздник дырйиыс ся празднуйтӧны, веритны колӧ. Татӧн праздникыс Вӧльдінын сія. Сылы колӧ ветлыны вичкоӧ сэки. Сылы колӧ кевмысьны. Сэки быттьӧ уджавны оз позь. Сэсся оз и уджавны вӧлі. (ФА СГУ 1233 - 13: РК, Усть - Куломский р - н, д. Выльгорт. Карманова М.Н. 1926 г.р.; зап. 1997 г.)

51. Тані вӧд Микола праздник. Микола вичко вӧлі да. Сэсся Спасыд вӧлі да, Шӧр Спасыд вӧлі 19 августа. Сійӧ вӧлі празднуйтӧны, мыйкӧ сёян - юантӧ вӧлі гӧтовитан унджыка, винатӧ вӧчан да. Бокӧвӧй йӧз вӧлі волывлӧны жӧ. (ФА СГУ 1218 - 43: РК, Усть - Куломский р - н, с. Малый Аныб. Казаринова Е.П. 1907 г.р.; зап. 1995 г.)

52. Семен лун дырйиыд оз тшӧктыны ылӧ ветлыны. Ошъяс чувалӧны - ветлӧны.Пӧрысь йӧз шуӧны, ылӧ пӧ эн ветлӧ, ошъяс пӧ уськӧдчӧны. Ош чувалан лун. 14 сентября. (ФА СГУ 1230 - 13: РК, Усть - Куломский р - н, с. Верхний Воч. Лютоева А.И. 1932 г.р.; зап. 1998г.)

53. Семен лунсянь ся ошъяс чувалӧны да, мый да, май да. Кодлӧн Семен лунӧ нимлуныс - ош нимаӧсь. Кодлӧнкӧ и ош лапаяс. Миян тай Ош Марпа - ош нимлунӧ чужӧма да. (ФА СГУ 1239 - 36: РК, Усть - Куломский р - н, с. Бадьёльск. Калашникова М.Д. 1922 г.р.; 1998 г.)

54. Семен луныс сія вӧлӧма Симеон. 40 метра судта башня стрӧитіс и сэтӧн вӧлӧм кевмысьӧ енмыдлы, 40 метра судтаын. Семен, Симеон сэн вӧлӧм енлы веритӧ. Сэк, кор кутшӧмкӧ крайней нужда: сёян ли ва - сэк сӧмын лэччылӧ. Молитва лыддьӧ енлы. Сія праздникыд - охотникъяслӧн праздник вӧлӧма. Охотникъясыд сэки петӧны охотничайтныыд, Семен лун бӧрад, 14 сентября бӧрад. И миян ӧні шуӧны, мый Семен луныс - сійӧ охотничӧй праздник. А Семеныс, ачыс Симеон, тоже енлы веритысь вӧлӧма. 40 метраа судтаа башняын вӧлӧм олӧ. Ӧтнас. Куш, нинӧм абу. (ФА СГУ 1233 - 14: РК, Усть - Куломский р - н, д. Выльгорт. Карманова М.Н. 1926 г.р.; зап. 1997 г.)

55. Пречистая сійӧ арся праздник. Сэки вӧралысьясыд кыйсьыны кутасны мунны. (ФА СГУ 1227 - 12: РК, Усть - Куломский р - н, с. Нижний Воч. Косева А.С. 1912 г.р.; зап. 1997 г.)

56. Пӧкрӧвыд водзын вӧлӧма слуга - казаклӧн срок. Коді казактӧ видзӧ. Медасьӧны вӧлі кымынкӧ чӧлкӧвӧй вылӧ. (ФА СГУ 1227 - 13: РК, Усть - Куломский р - н, с. Нижний Воч. Косева А.С. 1912 г.р.; зап. 1997 г.)

57. Праздничайтам Покровтӧ. Луннас уджалам - а. Ой - ой ёна йӧктӧны и быдтор. 5 лун чӧж йӧз локтасны, накӧд праздничайтам. Найӧ мыйӧн мунасны, ми асьным праздничайтам. (ФА СГУ 1239 - 37: РК, Усть - Куломский р - н, с. Бадьёльск. Калашникова М.Д. 1922 г.р.; 1998 г.)

58. Пӧкрӧв - 14 октября, урожай эштӧм бӧрын празднуйтӧны матігӧгӧрса став сиктъясын, волывлӧны. Сэсся Педессея вӧвлі, 10 февраля сійӧ, сэсся Ӧлексея вӧвлі 30 марта. Сійӧ тулыснас вӧлі, тувсов праздник. (ФА СГУ 1218 - 1: РК, Усть - Куломский р - н, с. Малый Аныб. Лобанов Н.В. ? г.р.; зап. 1995 г.)

59. Покровтӧ кутасны праздничайтны миян Россияын сёрӧн, а важӧнсӧ абу вӧвлӧма. Вот еврейясыд да коді сэтӧн веритӧ Иисусыдлы, сэтӧн сія праздникыд абу вӧвлӧма. Ӧтиклы кажитчас, мый сэні вичкоад Дева Марияыд, Иисус Христосыдлӧн мамыс, коді рӧдитіс Иисус Христостӧ, явитчас сылы, кажитчас,мый йӧзыс юрбитӧны Иисус Христослы, а сія аслас покрывалоӧн вевттьыліс йӧзсӧ, мед бур вӧлі йӧзыслы, но защищайтіс. Сія висьталас мортыд и вӧлисти на миян Россияад кутасны вӧдитны Покровсӧ. А миян шуӧны Пӧкрӧв, регыд лымъялас, покрывайтас лымйӧн мусӧ, Енсянь лымъялас да. Сія Покров. (ФА СГУ 1233 - 15: РК, Усть - Куломский р - н, д. Выльгорт. Карманова М.Н. 1926 г.р.; зап. 1997 г.)

60. Миян Сордйылад тай вӧлі Успенньӧ да Арся Микӧла праздничайтӧны. Николай - Чудотворец - сія ачыс святӧй, а сідзи епископ вӧлӧма. А татӧн Микайлӧ лун арнас. Микайлӧ - архангел, сія ангел, сія абу морт. А Степан лун - сія Степан Великӧйыс пыртіс татчӧ Христос вератӧ. Сія ачыс Великӧй Устюгысь вӧлӧма, батьыс манак вӧлӧма, мамыс коми. Сія и коми письменностьтӧ лӧсьӧдлӧма. Сія Степан луныс и миян. (ФА СГУ 1233 - 13: РК, Усть - Куломский р - н, д. Выльгорт. Карманова М.Н. 1926 г.р.; зап. 1997 г.)

61. Тӧрыт вӧлі Зататтьӧ лун. Зататтьӧыд сія став му пасьта уборка нуӧдан праздник, Зататтьӧыд. Уборкаыд ставыс быттьӧ Зататтьӧад эштӧма.Став уборка. Турунӧн и, няньӧн и, скӧтӧн и ыжӧн. Ставыс картаын. Вот сія Зататтьӧ и шусьӧ. Сія быдлаын должен лоны. ( ФА СГУ 12121 - 2: РК, Усть Куломский р - н, с.Мыёлдино. Паршукова П.А. 1909 г.р.; зап. 2006 г.)

62. Миян вӧлі этійӧ, пӧльӧ юасьтӧг пӧткатӧ кыйӧ. Да вӧлі Зататтьӧ кежлад локтас да пыж тырыс вӧлі ваяс: чукчинас и, …, тарнас и, дозмӧрнас и, сьӧланас и. Ставсӧ вӧлі вайӧ. ( ФА СГУ 12121 - 24: РК, Усть Куломский р - н, с.Мыёлдино. Паршукова П.А. 1909 г.р.; зап. 2006 г.)

63. Миян ӧд Катерина лун тані Ӧрттьӧм Митрей дорын да вот ме кӧртӧс вӧчӧдлі Катеринаыдлы и пу крест вӧчӧдлі. Сэн часовня вӧлі. Катерина луннад вӧлі сьылӧны. Сэсся крестнӧй ходнад кытшовтігнад, еннад кытшовтігнад вӧлі сэтчӧ помалӧны. Часовня вӧлі да. Часовняыс сэсся сісьмис да косялісны. Танікӧн Горув сиктас. ( ФА СГУ 12121 - 61: РК, Усть Куломский р - н, с.Мыёлдино. Паршукова П.А. 1909 г.р.; зап. 2006 г.)

64. Катерина луныс Виддзӧ пырӧм мысти дасӧд лун мысти. Юрбитӧны Катеринаыдлы. ( ФА СГУ 12121 - 72: РК, Усть Куломский р - н, с.Мыёлдино. Паршукова П.А. 1909 г.р.; зап. 2006 г.)

65. Катеринаыслӧн сылӧн аслас часовня, а часовняыс вӧлі да киссис сэсся. Сэні вӧлі попъяс локтасны крестнӧй ходнад кытшовтасны, сэн сьыласны да помасясны. Сэссянь сэсся и вичкоад енсӧ вӧлі нуасны. Вапелка храм вӧлӧма. ( ФА СГУ 12121 - 61: РК, Усть Куломский р - н, с.Мыёлдино. Паршукова П.А. 1909 г.р.; зап. 2006 г.)

66. Шыдӧса пирӧг вӧлі пӧжалӧны, пызя шаньга, картупеля шаньга, брача нянь йӧв пиын вӧлі пӧжалӧны, нӧк пиын. Тагъя сур вӧлі пуӧны, ӧні ӧд тагсӧ оз тӧдны, что за таг. Хмель рочнас. Хмель, а коминас таг. (ФА СГУ 1234: РК, Усть - Куломский р - н, д. Скородум. Курочкина Н.Т. 1923 г.р.; зап. 1997 г. )

Библиография

1. Альбинский, В.А., Шумов, К.Э. Святочные игры Камско-Вишерского междуречья // Русский фольклор. Л., 1991. Вып.

2. Андриенко, Т.И. Рождество // Библиотекарь. 1991. №2. С.69-70.

3. Аникин, В.П. Календарная и свадебная поэзия. М., 1970. 124с.

4. Аникин, В.П. Русский фольклор. М., 1987. 286с.

5. Аничкова, Е.В. Весенняя обрядовая поэзия на Западе и у славян. Ч.1. СПб., 1903. 364с.

6. Аничкова, Е.В. Весенняя обрядовая поэзия на Западе и у славян. Ч.2. СПб., 1905. 327с.

7. Афанасьев, А.Н. Народные праздники // Живая вода и вещее слово. М., 1988. С. 421-484.

8. Байбурин, А.К. Календарь и трудовая деятельность человека ( Русский народный традиционный календарь ). Л., 1989. 32с.

9. Байбурин, А.К. От старого к новому // Ритуал в традиционной культуре. Л., 1989. С. 123-152.

10. Байбурин, А.К. Ритуал: своё и чужое // Фольклор и этнография. Проблемы реконструкции фактов традиционной культуры. Л.,1990. С. 3-15.

11. Белицер, В.Н. Народные верования и обряды // Очерки по этнографии народов коми. М., 1985. С.316-332.

12. Бернштам, Т.А. Будни и праздники: поведение взрослых в русской крестьянской среде // Этнические стереотипы поведения. Л., 1985. С.106-119.

13. Бернштам, Т.А. Молодежь в обрядовой жизни русской общины XIX-начала XX в.: Половозрастной аспект традиционной культуры. Л., 1988.

14. Велецкая, Н.Н. Языческая символика славянских архаических ритуалов. М., 1978. 246с.

15. Виноградова, Л.Н. Зимняя календарная поэзия западных и восточных славян: генезис и типология колядования. М., 1982. 256с.

16. Виноградова, Л.Н. Мифология календарного времени в фольклоре и верованиях славян // Славянский альманах. М., 1996, 1997. С.143-155.

17. Виноградова, Л.Н. Низшая мифология и народный календарь // Народная демонология и мифо-ритуальная традиция славян. М., 2000. С.100-102.

18. Винокурова, И.Ю. Календарные обычаи, обряды и праздники вепсов( конец XIX-начало XX вв.). СПб., 1994. 124с.

19. Винокурова, И.Ю. Аграрная обрядность начала зимы у вепсов // Обряды и верования народов Карелии. Петрозаводск, 1992.

20. Владыкин, В.Е., Перевозчикова, Т.Г. Годовой обрядовый цикл удмуртской общины «буксель» (материалы к обрядовому календарю) // Специфика жанров удмуртского фольклора. Ижевск, 1990. С.41-96.

21. Власова, З.И. К вопросу о поэтике подблюдных песен // Русский фольклор. Л., 1974. С.74-100.

22. Востоков, И. Святки в деревне // Московские ведомости. 1981. 6 янв. №8. С.6.

23. Гура, А.В. Символика животных в славянской народной традиции.

24. Гусев, В.Е. От обряда к народному театру (Эволюция святочных игр в покойника) // Фольклор и этнография. Обряды и обрядовый фольклор. Л., 1974 .С.49-59.

25. Гусев, В.Е. Эстетика фольклора. Л., 1967. С.318.

26. Гущина, Т.С. Луздор традицияын кадколастлöн аслыспöлöслун: дипл. удж. Сыктывкар, 2002.

27. Дукарт, Н.И. Весеннее-летние праздники и обряды в северной деревне конца XIX-начала XX вв. // Вопросы истории Коми АССР. Сыктывкар, 1975. Вып.16. С.141-152.

28. Евтушенко, Е. Терминология святочного в славянских языках. Тарту, 1973. С.5-7.

29. Емельянов, Л.И. Методологические вопросы фольклористики. Л.: Наука, 1978. 204с.

30. Ерёмина, В.И. Ритуал и фольклор. Л., 1991. 208с.

31. Жеребцов, И.Л. Историко-культурные взаимоотношения коми с соседними народами. М.: Наука, 1982.

32. Жеребцов, И.Л. Население коми края в конце XV-начала XX века. Сыктывкар, 2000. 195с.

33. Забылин, М. Праздники и обряды // Русский народ. Его обычаи, обряды, предания, суеверия и поэзия. М., 1996. С.6-28.

34. Зелинский, А.Н. Литургический круг христианского календаря // Календарь в культуре народов мира. М., 1993. С.254-269.

35. Зырянский мир. Очерки о традиционной культуре коми народа. Сыктывкар, 2004. 432с.

36. Иванов, Е.В. Новый год и Рождество в открытках. СПб., 2000. 298с.

37. Иванов, И.С. Марийская календарно-обрядовая // Узловые проблемы современного финно-угроведения. Йошкар-Ола, 1995. С. 442-444.

38. Ивашёва, Л.Н. Лунвыв коми традицияын ар-тöв кадколаст: дипл. удж. Сыктывкар,1999.

39. Ивлёва, Л.М. Ряженье в русской традиционной культуре. СПб., 1994. С.233.

40. Игушев, Е.А. Коми диалектология. Сыктывкар, 1996.

41. Имайкина, В.Л. Обрядовый календарь зимнего сезона у мордвы // Учен. зап. Мордовского университета. Саранск, 1968. Вып. 64. С.72-93.

42. Имайкина, В.Л. Осенние обряды крестьянского мордовского календаря // Вопросы финно-угроведения. Саранск, 1975. Вып. 6. С.310-315.

43. Имайкина, В.Л. Особенности построения мордовских календарных обрядовых песен // Вопросы финно-угорского фольклора. Саранск, 1974. Вып. 50. С. 57-64.

44. История коми литературы. Сыктывкар, 1979.Т.1. 247с.

45. Календарно-обрядовая поэзия // Мордовское устное народное творчество. Саранск, 1987. С.38-43.

46. Календарно-обрядовые песни и заговоры // Устно-поэтическое творчество мордовского народа. В 8 Т. Саранск, 1981. Т.7. Ч.3. 304с.

47. Календарные обычаи и обряды в странах Зарубежной Европы. Зимние праздники. М., 1973. 350с.

48. Канев, Т.С. Фольклорная традиция Усть-Цильмы. Сыктывкар, 2002.

49. Капица, Ф.С. Славянские традиционные верования, праздники и ритуалы. М., 2001.

50. Клейн, Л.С. Концепции времени в традиционной культуре. СПб., 1999.С.3-9.

51. Коми народные приметы. Сыктывкар, 1993. 189с.

52. Коми пословицы и поговорки. Сыктывкар, 1973. 215с.

53. Коми устное народное творчество: Программы / Сост. В.В. Филиппова. Сыктывкар, 1994. 22с.

54. Конаков, Н.Д. От святок до сочельника: коми традиционные календарные обряды. Сыктывкар, 1993. 126с.

55. Конаков, Н.Д. Промысловой календарь в мировоззрении древних коми // Мировоззрение финно-угорских народов. Сб. науч. трудов. Новосибирск, 1990. С.103-121.

56. Коринфский, А.А. Народная Русь: круглый год сказаний, поверий, обычаев, пословиц русского народа. М., 1995. 560с.

57. Крещенские обычаи и поверья // Тамбовские губернские ведомости. Неофиц. отд. 1889. №2. С.18-24.

58. Криничная, Н.А. Предания русского севера. СПб.: Наук, 1991. 325с.

59. Крылова, Н.Д. Гадательные обряды в системе народного календаря Вятского края // Религия и церковь в культурно-историческом развитии Русского Севера. Киров, 1996. 2Т. С.156-159.

60. Кудряшова, В.М. Коми народные приметы // Жанровое развитие коми фольклора и литературы на современном этапе. Сыктывкар, 1988.

61. Кудряшова, В.М. Коми народные приметы. Сыктывкар, 2007. 192с.

62. Кулагина, А.В., Ковпик, В.А., Кирюшина, Т.В., Святочные игры, гадания и подблюдные песни Поветлужья // Живая старина. 1997. №1. С.42-43.

63. Куприянова, З.Н. Собирание и изучение фольклора народностей Крайнего Севера // Фольклористика Российской Федерации. Л., 1975. С.60-69.

64. Куприянова, З.Н. Собирание и изучение фольклора народов Севера в советскую эпоху // Языки и фольклор народов Крайнего Севера. Л., 1969.

65. Лашук, Л.П. Формирование народности коми. М.,1972.

66. Левкиевская, Е.Е. Славянский оберег. Семантика и структура. М., 2002. 336с.

67. Лимеров, П.Ф. Кутя-войса-святочные духи коми // Финно-угроведение. Йошкар-Ола, 1996. № 3-4. С.136-144.

68. Лимеров, П.Ф. Термин вежа в контексте мифо-поэтических представлений // Мифология загробного мира. Сыктывкар, 1998. С.106-109.

69. Мазаев, А.И. Праздник как социально-художественное явление: Опыт историко-теоретического исследования. М., 1978. 392с.

70. Макаренко, А.А. Сибирский народный календарь в этнографическом отношении. СПб., 1913.

71. Максимов, С.В. Святки. Рождество Христово // Дружба народов. 1992. №1. С.225-237.

72. Маркевич, Н. Обычаи, поверьи, кухня и напитки малороссиян. Киев, 1860.

73. Мельчакова, Н. Погадаем на ночь глядя // Народное творчество. 1991. №12. С.14-15.

74. Микушев, А.К. Народно-песенное творчество Усть-Куломского района // Известия Коми филиала Всесоюзного Географического общества. Сыктывкар,1957. Вып.4. С.127-137.

75. Микушев, А.К. Трудовые песни народа коми // Известия Коми филиала Всесоюзного Географического общества. Вып.3. Сыктывкар, 1955. С.86-90.

76. Миронов, В.А. Двенадцать месяцев года. М., 1991. 176с.

77. Мифология коми. М., 1999. 480с.

78. Мифы народов мира: энциклопедия в 2Т. М., 1997. 1Т. 671с.

79. Мокшанский фольклор. Саранск, 1940. 293с.

80. Назаренко,Ю.А. Время в контексте славянской традиционной культуры // Время и календарь в традиционной культуре. СПб., 1999. С.25-29.

81. Народный дневник: народные праздники и обычаи. М., 1991. 221с.

82. Ненецкий фольклор: Учеб. Пособие для пед. училищ / Сост. З.Н. Куприянова. Л.,1960.

83. Несанелис, Д. Пöкрöвсянь Рöштвоöдз (Важ комияслöн олöмысь) // Войвыв кодзув. 1993. №1. 70-74л.б.

84. Новикова, Н.И. Некоторые этнические особенности календарной обрядности манси // Обские угры (ханты и манси). М., 1991. С.155-165.

85. Нуриева, И.М. Некоторые особенности музыкального стиля обрядовых песен удмуртов Кукморского района ТАССР // Фольклор и этнография удмуртов: обряды, обычаи, поверья. Ижевск, 1989. С.157-170.

86. Панкеев, И.А. Русские праздники. М., 1998. 256с.

87. Паунова, Е.В. От Рождества до Масленицы // Живая старина. 2003. №3. С.32-34.

88. Перевозчикова, Т.Г. Приметы и поверья удмуртов о погоде // Фольклор и этнография удмуртов: обряды, обычаи, поверья. Ижевск, 1989. С.44-84.

89. Песенный открою короб. Петрозаводск, 1991. С.82-85.

90. Петров, В.М., Гришина, Г.Н., Короткова, Л.Д. Осенние праздники, игры и забавы для детей. М., 1999. 128с.

91. Петрова, В.М., Гришина, Т.Н., Кроткова, Л.Д. Зимние праздники, игры и забавы для детей. М., 2000. 128с.

92. Плесовский, Ф.В. Коми кывтэчасъяс. Сыктывкар, 1986. 176с.

93. Плесовский, Ф.В. Эжва катыдса комияс // Войвыв кодзув. 1984. № 4. 48-52 л.б.

94. Плосков, И.А. Важ небöгъяс, обрядъяс // Войвыв кодзув. 2000. № 9. 71-73л.б.

95. Подюков, И., Черных, А. Суженый-ряженый, приди ко мне снаряженный: рецепты народных гаданий. Пермь, 1998. 28с.

96. Праздники и знаменательные даты православного и народного календаря жизнеописания святых. Обычаи, гадания, поверья, приметы. СПб, 1993. 222с.

97. Праздники, обряды, традиции. М., 1979. 157с.

98. Пропп, В.Я. Русские аграрные праздники. Опыт историко-этнографического исследования. М., 2000. 192с.

99. Пырерка, Б.А. Ненецкий фольклор и его собиратель // Нева. 1983. №3. С.164-166.

100. Ритуальные песни календарных обрядов // Владыкина, Т.Г. Удмуртский фольклор. Ижевск, 1998. С.83-98.

101. Рождественская ночь: Сказки, былички, заговоры / Сост., предисловие, очерки, подготовка текстов и комментарии Г.В. Афанасьевой и Медведевой. Иркутск, 1994. 416с.

102. Русские имена в исторических лицах, церковных и народных праздниках, пословицах и прметах. М., 2002. 464с.

103. Рыбаков, Б.А. Язычество древних славян. М., 1981. 354с.

104. Савельева, Г.С. Традиция рождественских игрищ с. Нившера Корткеросского района // Сборник работ молодых учёных ИЯЛИ КНЦ УрО РАН. Сыктывкар, 2003. С.144-151.

105. Самородов, К.Т. Мордовская обрядовая поэзия. Саранск, 1980. 168с.

106. Святки: Колядки, гадания, подблюдные песни // Костромская старина. 1993. №5. С.28-30.

107. Святочные гадания // Олонец. губ. вед. 1893. 30 дек. №100.56с.

108. Семёнов, В.А. Традиционная духовная культура коми-зырян: ритуал и символ. Сыктывкар, 1991. 80с.

109. Сидельников, В.И. Советский фольклор. Ростов: изд. Ростов. ун-та, 1977. 173с.

110. Скалозуб, Н.Л. Народный календарь: праздники, дни святых, особо чтимых народом, поверья, приметы о погоде, обычаи и сроки сельскохозяйственных работ // Адрес, календарь и памятка-книжка Пермской губернии на 1894 год. Пермь, 1893. С.1-22.

111. Славянские древности. В3Т. М, 1999. 697с.

112. Слесарева, М.Т. Сравнительная поэтика обрядовых песен восточных финно-угров // Проблемы творческих связей удмуртской литературы и фольклора. Устинов, 1986. С.5-17.

113. Смирнова, И. Рождество Христово // Наука и религия. 1991. №12. С.34-35.

114. Снегирёв, И.М. Русские простонародные праздники и суеверные обряды. М., 1837-1839. 71с.

115. Соколов, Ю.М. Календарная обрядовая поэзия // Русский фольклор. М., 1941. С.141-156.

116. Соколова, В.К. Весенне-летние календарные обряды русских, украинцев, белорусов XIX-начала XX в. М., 1979. 287с.

117. Соколова, В.К. Заклинания и приговоры в календарные обрядах // Обряды и обрядовый фольклор. М., 1982. С.11-24.

118. Степанов, Н.П. Народные праздники на Святой Руси: научно-популярный сборник. М.,1990. 94с.

119. Тедре, Ю. Осеннее-зимний период эстонского народного календаря и обрядность Мартынова дня // Фольклор и этнография. Обряды и обрядовый фольклор. Л., 1974. С.102-109.

120. Терентьева, М.Н. Емва традицияын тунасян обрядлöн аслыспöлöслун // XXII Международная финно-угорская студенческая конференция. Тезисы докладов. Йошкар-Ола, 2006. С.184-185.

121. Токарев, С.А. Приметы и гадания // Календарные обычаи и обряды в странах зарубежной Европы… М., 1983. …Исторические корни и развитие обычаев.

122. Традиционная культура и быт народа Коми. Сыктывкар, 1978. 240с.

123. Традиционная культура народа Коми: этнографические очерки. Сыктывкар, 1994. 269с.

124. Традиционный народный коми календарь // Сыктывкар, 2002. С.15-22.

125. Удмуртский фольклор. Ижевск, 1992. С.10-12.

126. Устно-поэтическое творчество мордовского народа. Саранск, 1981. Т.7. Ч.3. 304с.

127. Филиппова, В.В. Теоретические проблемы в изучении песенных жанров коми фольклора // Традиционная музыкальная культура народа коми. Сыктывкар, 1996. С.82-85.

128. Филиппова, В.В. Традиционная культура народа коми. Сыктывкар, 2003. 220с.

129. Фольклористика коми: Труды Института языка, литературы и истории. Сыктывкар: УрО РАН: Коми Научный Центр, 2002. 166с.

130. Фольклор и этнография: связи фольклора с древними представлениями и обрядами. Л., 1977. 320с.

131. Хагу, П.С. Аграрная обрядность и верования сету. Автореф. дисс. …канд. ист. наук. Л.,1983. 19с.

132. Хагу, П.С. Календарная обрядность русских и сету Печерского края // Археология и история Пскова и Псковской земли: Тез. докл. Псков, 1983. С.51-52.

133. Хренов, Л.С. Народные приметы и календарь. М., 1991. 63с.

134. Чистов, К.В. Календарно-обрядовая поэзия и обряд // Русское народное творчество. М., 1966. С.216-237.

135. Чичеров, В.И. Зимний период русского земледельческого календаря XVI-XIX вв. Очерки по истории народных верований. М., 1957. 200с.

136. Чувъюров, А.А., Шарапов В.Э. Местночтимые святыни у верхневычегодских коми // Живая старина. 2006. №2. С. 23 - 26.

137. Шангина, И.И. Русские традиционные праздники. СПб., 1997. 352с.

138. Шереметьева, М.Е. Масленица в Калужском крае // Советская этнография. 1936. №2. С.101-120.

139. Эстонский фольклор. Таллин, 1980. 360с.

140. Этнография восточных славян. Очерки традиционной культуры. М., 1987. 560с.

30