- Преподавателю
- Другое
- Конспект урока по чувашскому языку в 6 классе
Конспект урока по чувашскому языку в 6 классе
Раздел | Другое |
Класс | 6 класс |
Тип | Конспекты |
Автор | Платонова Е.И. |
Дата | 04.01.2016 |
Формат | docx |
Изображения | Есть |
6 класс.Чǎваш чĕлхи. 20.10.2015 çул.
Аттестаци валли хатĕрленĕ уçǎ урок конспекчĕ.
Тема: паллǎ ячĕсен пĕтĕмĕшле паллисем, пĕлтерĕшĕ.(слайд)
Тĕллевсем: 1. Сапǎрлǎх тĕллевĕ: ырǎпа усала уйǎрма вĕрентесси,ырǎ çын пулас кǎмǎл-туйǎма вǎйлатма пулǎшасси.
2.Пĕлỹ тĕллевĕ: 1) паллǎ ячĕсем çинчен пĕтĕмĕшле ǎнлантарасси;
2) паллǎ ячĕсене ытти пуплев пайĕсенчен уйǎрса илме хǎнǎхтарасси;
3)паллǎ ячĕсемпе пуплевре усǎ курма хǎнǎхтарасси.
3. Аталантару тĕллевĕ: çыхǎнуллǎ пуплеве, шухǎшлава, тимлĕхе аталантарасси, сǎмах йышне пуянлатасси.
УРОК ЮХĂМẼ
1.Сывлǎх сунни. Класа йĕркелени
2. - «Ырǎ çын» текст вулани;
- Ыйтусемпе ĕçлени:
1) Мĕншĕн аслашшĕ малтанхи çынна çынах мар тет?
2) Мĕншĕн иккĕмĕшне вǎл çур çын тет?
3) Мĕншĕн виççĕмĕшне чǎн-чǎн çын тет?
- Текстǎн тĕп шухǎшне палǎртатпǎр. ( çĕр çинче пурǎнакан кашни çын ырǎ чунлǎ пулмалла, кирек кама та пулǎшма пултармалла)
- Мĕнле çынна ырǎ çын тетпĕр? Хĕвеллĕ кластер çыратпǎр.
(Чипер, тирпейлĕ, хисеплĕ, мухтавлǎ, сǎпайлǎ, тǎрǎшуллǎ, ǎслǎ, ĕçчен, чыслǎ,илемлĕ, сапǎр.)
- Кластерти сǎмахсем мĕнле ыйту çине хуравлаççĕ?
-Вĕсем мĕнле пуплев пайĕ пулаççĕ? (Паллǎ ячĕсем)
- Апла пулсан паянхи урок теми (ачасем калаççĕ) (Паллǎ ячĕ)
Слайд №3
-доска çине плакат çакатпǎр
-Кĕнекере ǎнлантарнине вуласси. Ун хыççǎн ǎнлав кустǎрми çырасси
- Схема(ǎнлав кустǎрми) çырасси
паллǎ
ячĕсем
-Ыйтǎвĕ - мĕнле?
-Пĕлтерĕшĕ- япалан, ĕçĕн, паллǎн паллине пĕлтерет
-Предложени членĕ- кĕçĕн член та тĕп член та пулма пултарать
-Пĕлтерĕшĕ - 1. Япала тĕсне пĕлтерекеннисем
2. этемĕн кǎмǎл пахалǎхне характер уйрǎмлǎхне пĕлтерекеннисем
3.виçене пĕлтерекеннисем(вǎрǎм, кĕске)
4. япалана пĕтĕмĕшле хаклаканнисем(аван, çĕнĕ)
5.выльǎх-чĕрлĕх тĕсне пĕлтерекеннисем (ула, çỹрен лаша)
6. япалан формине кǎтартаканнисем (çỹхе, çинçе)
7.çынсен, чĕр чунсен тулаш çитменлĕхне е пахалǎхне пĕлтерекеннисем( уксах,курпун,мǎнтǎр)
8. температурǎпа çыхǎннǎ пĕлтерĕше кǎтартакан сǎмахсем(ǎшǎ, вĕри)
-Физкультминутка: çынра ырǎ енсем мĕн чухлĕ пулмалла ,япǎх енсем мĕн чул пулмаллине кукленсе ларса кǎтартатпǎр.
Çирĕплетỹ тапхǎрĕ:
-«Хǎнǎхтару пуххи» кĕнекерен 64-мĕш хǎнǎхтарупа ĕçлетпĕр (35 стр.)
Хитре ар çын, яштак, йǎрǎс кĕлеткеллĕ, шĕвĕр янах, çутǎ сǎнлǎ, ǎшǎ çивĕч куçлǎ, типшĕмрех питлĕ, çỹхе хитре мǎйǎхĕ, кĕрен тĕслĕ тути.
-Çынна сǎнлакан мĕнле сǎмахсем тата пур-ши пирĕн чĕлхере? Çын çинчен калакан сǎмахсене икшерĕн калаттарни. Юнашар ларакан ачапа хирĕç пǎха-ççĕ те пĕр-пĕрин çинчен калаççĕ. Диана мĕнле? Дима мĕнле?
Слайд №4(çынна сǎнлакан сǎмахсем)
Ĕçчен
çиллес
Маттур
Кǎмǎллǎ
Хитре
Йǎваш
ырǎ
Кахал
Хаяр
Чее
Сĕмсĕр
чунсǎр
- Ик юпари сǎмахсем хушшинче уйрǎмлǎх пур-и? (1-мĕш юпари п.я. çыннǎн ырǎ енĕсене палǎртаççĕ, 2-мĕш юпари сǎмахсем çынна япǎх енчен сǎнлаççĕ. Çын 1-мĕш юпари сǎмахсемпе туслǎ пулсан нумай пурǎнать, сывлǎхлǎ пулать. 2-мĕш юпари сǎмахсене килĕштерсен, вǎрçса, çилленсе çỹресен часах ватǎлать, сывлǎхĕ те хавшак пулать.)Çынра ырǎ енсем нумай пулсан шкулта та,çемьере те нимĕнле хирĕçỹ те пулмасть. Пирĕн çĕр çинче те вǎрçǎ пулмасть.
- Юпари сǎмахсемпе предложенисем калатпǎр.
-Ырǎ паллǎ ячĕ çумне япала ячĕсем тупатпǎр.( çын, кǎмǎл, кун, каç, йывǎç, сǎмах, ят, хыпар, кун-çул, çыру,вырǎн, хǎна, шǎршǎ,кĕнеке, тǎван, ыйхǎ, сывлǎш, йǎла, пурнǎç, çемье,ĕç, шухǎш, ача, ĕмĕт,кỹршĕ,тĕлĕк, тус….)
Пĕтĕмлетỹ: паллǎ ячĕсем текста татах та илемлĕрех, якарах, интереслĕрех,пуянрах, чĕрĕрех тума пулǎшаççĕ.
Киле вали ĕç: 1) «Ырǎ çын пулас тесен..» шухǎша аталантарса малалла çырǎр, паллǎ ячĕсемпе усǎ курǎр.
2)Ырǎ çын çинчен калакан ваттисен сǎмахĕсем тупса килмелле .
3) И.Я. Яковлев чǎваш ачисем валли çырнǎ «Укĕт» калава тупса вуламалла.
Ачасен ĕçне хаклани: Ачасем, сирĕн умǎрта 3,4,5 паллǎсем выртаççĕ.
-сире урок питĕ килĕшре пулсан 5 палла çĕклĕр
- килĕшрĕ пулсан -4 палла çĕклĕр
-вуçех килĕшмерĕ пулсан -3 палла çĕклĕр.