Ауған ардагерлерімен кездесу кеш

« Ерлікке тағзым » атты

Кеңес әскерлерінің Ауған жерінен шығарылғанына 26 жыл

толуына арналған кездесу-кеш

Мақсаты:
Кеңес әскерінің Ауған жерінен шығарылғанына 26 жыл толыған аутулы күнді атап өту. Оқушыларға Отанына шексіз берілген, патриоттық рухы жоғары, қайсар жауынгер ағалар ерлігін үлгі ету;
Ауған соғысында опат болған рухына тағзым етуге, есімдерін қастерлеуге тәрбиелеу.

Кездесу барысы:
1-Жүргізуші
- Қайырлы күн құрметті де қымбатты келген қонақтар, ұстаздар мен оқушылар!
- 1979 жылы желтоқсан айында Кеңес үкіметінің ұйғаруымен
Ауғаныстан жеріне Кеңес әскерлерін енгізу туралы шешім қабылданды. Соғыс- зұлымдық. Жазықсыз төгілген қан. Тарих жылнамасынан өзінің қаралы, нәубет жылдарымен орын алған зұлматтың бірі -Ауған соғысы.

2-Жүргізуші
Құрметті қонақтар, сол кезде қатерге бел буып, батырлықпен қайсарлықтың үлгісін көрсетіп, қаһармандық танытқан, өздерінің Отан алдындағы парызына адал болған Ауған соғыс ардагерлеріне арналған «Ерлікке тағзым» атты кездесу кешімізді ашық деп жариялаймыз.
(Мемлекеттік Гимн орындау)

1-Жүргізуші
Азаматтық алу, бейбіт өмірге қол жеткізу қай халыққа да оңай түспеген. Өткен әрбір соғыс мыңдаған, миллиондаған адам шығынын әкеліп , қаншама мемлекетті күйретумен тарихта таңба болып қалды.

2-Жүргізуші
-10 жыл бойы байтақ елдің тыныштығын бұзып, бұл дүниеден бейхабар періштедей жаны пәк сәбилердің шырылын шын батырған Ауғаныстандағы сұрапыл соғыс 9 жыл 10 айға созылды.
-Жау дейміз-ау, қолдан жасап жауыңды, саясаттың солақайы уландырған тамырды, бауырына бауыздап балдай ішкен Кеңестің ол сұрапылды, дауылды заманы еді..
-Осындай ауыр аманат арқалап, өмір мен өлім белдескен қанды шайқасқа қатысып, батылдық пен ерліктің ерен үлгісін көрсеткен қаһарман жерлестеріміз бізідің ортамызда. Бүгінгі кешке қатысушы қонақтарымызбен таныс болыңыздар.
(Қонақтарды таныстыру)

1) Тасымбетов Қази Молдабайұлы

2)Жаманқұлов Әділхан Темірбекұлы

3)Мұхамбетов Қанат Раханұлы

4)Реджепов Шайхы

1-Жүргізуші: Бауыржан Момышұлы айтқандай: «Отан үшін отқа түс күймейсің», «Айбындылық аспаннан түспейді», «Анадан ешкім батыр болып тумайды». Халқымыз қашанда қаһарман ұлдарын пана тұтқан.

2-Жүргізуші: Құттықтау сөз мектеп директоры Умарбекова Гүлсара Жарылқасынқызына беріледі.

Ән: «Елім-ай» орындайтын Жанқуат Айзат

1-Жүргізуші:

Адамзаттың - ел жүрегін атқару ол.

Асулардан аттайтын қатпары мол.

Ауғани соғыстың ардагерлеріне арнап өздерінің сәлемін жолдау үшін сахнаға бір топ ұландарымызды шақырамыз.

1-оқушы
-Армысыздар, ауғандық жауынгерлер
Жырым бар жараланған, жаныңды емдер .
Өлгендерді жәннәтта болсын жаны ,
Тірілерің мың жаса , дәуірлеңдер!
Ерлік қылған ағаларым , аспан асты , жер үсті,
Біз сәндікке кимегенбіз деп шалбар менен бөрікті
Отан ана алдындағы өтеймін деп борышты,
Аттандыңдар, атқардыңдар соғысты.

2-оқушы
-Жастығыңмен жауға атылдық оқ болып.
Әндететін кезің еді төс керіп,
Жаудың оғы сан мүшеңді төрт бөліп,
Кейбіреуің кеттің мүлде жоқ болып

3-оқушы
Отан үшін оққа тос кеудеңді,
Ерлігіңді, өрлігіңді ер көрді .
Бірге аттанған бауырларың жер жастанды , жерленді
Жебейді олар әруағымен сендерді.
Аналардың көл боп аққан көз жасы,
Жетім- жесір тағдырларын ойлашы .
Сол күндерді көрмесін бұл халқымыз,
Елі үшін құрбан болған ер басы.

4 оқушы
Мен қазақпын ,ұланымын елімнің ,
Мен қазақпын , тірегімін жерімнің .
Ұланымын туын көкке көтерген ,
Болашаққа алға бастап жетелер.
Қиындығын қазағымның әр-қашан
Қайыспайтын қара нардай көтерер.

5 оқушы

Еске алып құрметтейміз,
Құрбандардың рухын.
Қабірлері нұрға толсын,
Суық көрде жылынсын.
Есіл ерлер ескерткішке
Айналсаңда біз үшін
Мәңгі бақи тірісіңдер, тірісің!

2-Жүргізуші:
Сол бір сұрапыл соғыста Қазақстанның күнәсіз қаншама адамның өмірі қиылды. Сол кезде Алланың қалауымен тірі қалғандар жыл сайын Ауған жерінен Кеңес әскерінің шығарылған күнін қалың қабағындағы қайғысымен, жалындаған жастығының қасіретімен еске алады.

Статистика бойынша
-Ауған жеріне 23.000 жерлестеріміз аттанып, борышын атқарды.
-761 жауынгеріміз қаза тауып, қазақ жеріне жерленді.
-26 жауынгер із -түссіз жоғалған.
-1000 жауынгерден астам мүгедекке (инвалид) шалынды.
-1000 жауынгерден астам өз жеріне оралып, алған түрлі жарақаттарының кесірінен ауырып қаза болды.

Сөз кезегін ауған соғысының ардагері Тасымбетов Қази Молдабайұлына беріледі.

Би: «Жорға» би тобының орындауындағы «Қазақ» биін қабыл алыңыздар.

2-Жүргізуші
Өтер жылдап, уақыт тағы алыстап
Тағдыр талай тауқыметін табыстар.
Өздеріңді жырлап өтер ұрпағың
Ауғандағы азап шеккен арыстар- деп ақын жырлағандай,өмір тоқтамады , ерлік өлмеді , замандарға жалғаса берді. Бұған дәлел бүгінгі орта-мызда жүрген ауғандық жауынгерлеріміз, бейбіт өмірдегі жарқын істері, қоғамдық жұмыстарға белсенділіктері , түрлі кәсіпті игерудегі ерен еңбектері.

Сөз кезегін ауған соғысының ардагері Жаманқұлов Әділхан Темірбекұлына беріледі.
Ән: «Сарбаздар» орындайтын Қарақұлова Гүлзада қабыл алыңыздар.

2-Жүргізуші:
Ендігі, өсіп келе жатқан тәуелсіз елдің болашақ жауыңгерлеріне шақырушының тіркеу туралы күәліктерін тапсыруға рұқсат етіңіздер.

Қазақ жері - қонақ жай төрдің жері ,
Қазақ елі- Қас сақтай ердің елі
Елі кедей болмаған - жері байтақ ,
Елі ердей ,Батырдай шерлек елі .
Азат бүгін , байлыққа тұнған жерім
Азат бүгін , ел жоғын қуған ері.
Әділет пен билікке жанын қиып ,
Әділ өткен билердің туған жері.

Би: «Жорға» би тобының орындауындағы «Заманауи» биін қабыл алыңыздар.

1-Жүргізуші:
Ауғанстаннан Кеңес әскерлерінің шығарылғанына 26 жыл өтсе де, сол кездегі жауынгерлер бүгінгі бейбіт өмірдің еңбеккерлері соғыс жарасынан айыға алмай келеді. Бүгін өзімізбен бірге сыр елінің көсегесін көтеруге атсалысып жүрген ауғандық ардагерлер жауынгерлерді қадірлеп-құрметтеу - біздің борышымыз дей отырып, келген қонақтарға алғысымызды айтамыз.

Құрметті қонақтар! Бейбіт өмірдің баға жетпес бақытты күндерінде амандықпен дидарласайық !