Презентация и разработка урока по казахскому языку на тему Қазақстан қалалары. Сан есім

Түсінік хат

Қазіргі таңда білім беру саласындағы оқытудың озық технологияларын меңгере отырып, мұғалім жаңадан жаңаны шығарып, өзін-өзі дамытып, оқу-тәрбие үрдісін тиімді ұйымдастырады. Педагогикалық технологияның тиімді әдіс-тәсілдерін пайдалана білсек өз мақсатымызға жетеміз.Сабақта әдіс-тәсілдерді жүйелі пайдаланып, оқушыны дамыта оқыту мұғалім қолында.Берілген сабағымның тақырыбы « Қазақстан қалалары», сабақтың түрі- жаңа сабақ. Сонымен қатар сабағымда мен «Сан есім» деген тақырыпты қайталаймыз. Бұл сабақ 8 сыныпта, С. Дюсебаева, Г. Байтилеуов, А. Кашкари «Қазақ тілі» оқулығы бойынша құрастырылды.

Сабақтың мақсаттары:

Білімділік мақсаты: Оқушылардың сан есім туралы түсініктерін кеңейту, мағыналық түрлерін қайталап бекіту.

Дамытушылық: Оқушының жүйелі ойлау, ойын тиянақты, әсерлі жеткізу, шығармашылық ізденістерін арттыруға ықпал жасау.

Тәрбиелік: Туған жерін, елін сүюге, Отанына деген патриоттық сезімін жандандыруға тәрбиелеу.Сабаққа жақсы дайындау үшін қосымша материалдар, интернет ресурстар қолданылды. Сабақтың мақсатын іске асыру үшін, оқушының оқудағы іс-әрекетін,ойлау дағдысын жетілдіру арқылы мақсат қою технологиясын- Блум жүйесінің элементтерін қолданып жүргіземін.

Сабақ аяғында жоспарланған нәтиже:Оқушылар берілген тақырып бойынша қазақ тілінде материалдарды сараптауды, қажетті ақпараттарды таңдауды үйренеді. Ой-қабілеті мен сөздік қорларын кеңітеді. Ақпараттарды жазбаша түрде өңдеуге үйренеді.

Сабақ басында мен оқушылардың көңілдері ашық болсын деп «Мой Казахстан» деген әнін (бірінші шұмағы мен қайырмасынан кейін тоқтатамын) және Қазақстан қалалары туралы видеобейнесін ұсындым. (флипчарт 1 бет) Сонымен қатар балалар проблемалық сұрақтарға жауап беріп (ән туралы, еліміздің қалалар туралы жауап бергенде көрнекілік ретінде (флипчарт 2 бет), облысымыздың аудандары флипчарттың 3 бет), сабақтың жаңа тақырыбын ашады (флип-4 бет). Оқушылармен бірге сабақтың мақсат пен міндеттерін атап шығамыз. (флип 5 бет) /4 минут/

Қайталау кезеңінде сұрақтар арқылы сан есімнің мағыналық түрлерін қайталау үшін итнрбелсенді тақтада жұмыс жасадық . Оқушы сурақтың нөмірін алып ортаға шығарып алады (флипчарт 5 бет )

Жаңа тақырыпқа арналған сөздермен жұмыс барысында оқушыларға дұрыс жауабымен сәйкестендіруді ұсынамын. Одан кейін олардың дұрыс жауаптарымен таныстырамын. Бұдан олардың жаңа сөздердің ішіндегі қаншасы бұрыннан таныс екенін байқаймын. (флипчарт 6 бет) /4 минут/

Қолдану кезеңінде - мәтінмен жұмыс өткіздім. 1.мәтінді оқып аудару 2. Әр бөлімнің не туралы екенін әңгімелеу (флипчарт 7 бет) /6 мин/

Талдау кезеңі- Мәтінде кездесетін сандардың дұрыс жазылуын байқау мақсатында цифрлы диктант жазуды ұсынамын (флипчарт 8 бет-қаламмен жұмыс ) тақтада жұмыс.

2. морфология талдауын жасау (флип- 9 бет) 3. Фонетикалық талдау (флип -10 бет) /8 мин/

Жинақтау кезеңі -1 тапсырма. Мәтіндегі көп нүктенің орнына тиісті әріптерді қойып жазыңдар. (интерактивті тақта, оқулық, дәптер)

2 тапсырма. Берілген сұрақтарды достарыңа қойып, олардың жауаптарын жазыңдар.(оқулықпен жұмыс) /10 мин/

Пайымдау кезеңі- Балалар 3 ,5, 7 сандар туралы не біледі, қандай ассоциациялар бар. тақтадан 3.5.7 деген сандар көрінеді

( флип-11 бет)

/10 син/

Қорытындылау кезеңі -Балалар сабақтан қандай әсер алды, нені білді, нені үйренді деген сұрақтарды қойып рефлексияны өткіздім. Кластер жасау (флип 12 бет)

Үйге тапсырма: Жаңа тақырып бойынша сөздерді білу, мәтіннің мазмұнын айтып беру.

Оқушылардың және өзімнің алдында қойған мақсаттарымды, меніңше, орындадым /3 мин/

8 сынып.

Сабақтың тақырыбы: : Қазақстан қалалары. Сан есімді қайталау.

Сабақтың мақсаттары:

Білімділік мақсаты: Оқушылардың сан есім туралы түсініктерін кеңейту, мағыналық түрлерін қайталап бекіту.

Дамытушылық: Оқушының жүйелі ойлау, ойын тиянақты, әсерлі жеткізу, шығармашылық ізденістерін арттыруға ықпал жасау.

Тәрбиелік: Туған жерін, елін сүюге, Отанына деген патриоттық сезімін жандандыруға тәрбиелеу.

Міндеттері:

• Оқушыларға үйрету:

  • Сұрақтарға толық жауап беру.

  • монолог түрінде сөйлеу.

• Тыңдалымға өз қатынасын білдіре білуін қалыптастыру.

• Жазбаша тілді қалыптастыра білу.

• Оқытылған грамматикалық және лексикалық материалдарды белсенділендіру.

Сабақтың түрі: Жаңа сабақ.

Сабақтың көрнекілігі: Қазақстан жері туралы бейне материалдар, интерактивті тақта, сан есімнің сызбасы.

Әдіс-тәсілі: сұрақ-жауап,оқулықпен жұмыс, талдау, жинақтау.

Сабақтың барысы:

Сабақтың мақсатын іске асыру үшін, оқушының оқудағы іс-әрекетін,ойлау дағдысын жетілдіру арқылы мақсат қою технологиясын- Блум жүйесінің элементтерін қолданып жүргіземін.

Сағат

Қызметтiң мазмұны

Қандай мақсат/міндеттері

Мұғалімнің

қызметі

Оқушының

қызметі

4 мин

Ұйымдастыру кезеңі

Тәрбиелік: Туған жерін, елін сүюге, Отанына деген патриоттық сезімін жандандыруға тәрбиелеу.

Міндеті: Сұрақтарға толық жауап беру.

• Амандасу

• Балалар, назарымызды интерактивті тақтаға аударып,берілген бейне материалды тамашалайық.

Мұғалім сөзі:

Қазақстан дейтін менің бар елім,

Жатыр алып жарты дүние әлемін!

Бұл даланы анам жаспен суарған,

Бұл далада атам қолға ту алған.

Бұл далаға жылап келіп, уанғам,

Бұл даланы көріп алғаш қуанғам,

Бұл далада өскен жанда жоқ арман!

Интеракивті тақтадан Қазақстан қалалары туралы бейне материалды тамашалату./музыканың сүйемелдеуімен/

- Балалар, экраннан сендер нені тамашаладыңдар?

- Қалай ойлайсыңдар, бүгінгі сабағымыздың тақырыбы не туралы болмақ?

- Дұрыс айтасыңдар бүгінгі сабағымыздың лексикалық тақырыбы: «Қазақстан қалалары»

- Ал енді назарымызды тақтаға аударайық, не көріп тұрмыз?

- Қазақстанда қанша облыс бар? Кім атап береді?

- Біздің облыс қалай аталады?

- Облысымызда неше аудан бар?

- Мен сабақ барысында қандай сұрақтар қойдым?

- Балалар, қанша? неше? деген сұрақтарды орыс тілінде қалай атайды?

Қазақ тілінде бұл сұрақтарға қандай сөз табы жауап береді?

Бүгінгі сабағымыздың грамматика тақырыбы: Сан есімді қайталау.

Бүгінгі сабағымызға өздерің қандай мақсат қоясыңдар?

- Жақсы, олай болса сабақтың барысында мына міндеттерді орындаймыз,танысып алайық..

Сабақтың міндеттері:

1. Сұрақтарға жауап беру

2.Қайталау

Жаңа сабақ

Сөздік жұмысы.

3.Қолдану

Мәтінмен жұмыс.

Цифрлы диктант

4.Талдау

Грамматикалық жұмыс.

5.Пайымдау

Мақалды толықтыру

Сөздерді топтастыру

Сұрақтарға жауап береді

- Қазақстанның қалалары және көрнекті жерлерін.

- Қазақстан қалалары туралы деп ойлаймыз.

- Қазақстан картасын

- Он бес

- Қостанай облысы.

- Облысымызда 16 аудан бар.

- Қанша? Неше?

- Сколько?

- Сан есім

Сан есімнің мағыналық түрлерін қайталау. Қазақстан қалалары туралы көп мәліметтерді білу./оқушылар ойларын айтады/

4 мин

Кайталау

Білімділік мақсаты: Оқушылардың сан есім туралы түсініктерін кеңейту, мағыналық түрлерін қайталап бекіту.

Міндеттері:

Жазбаша тілді қалыптастыра білу.

Оқытылған грамматикалық және лексикалық материалдарды белсенділендіру.

• Сұрақтар арқылы сан есімнің мағыналық түрлерін қайталау.

- Сөздік жұмысы / Бұл жұмысты орындау барысында оқушыларға дұрыс жауабымен сәйкестендіруді ұсынамын. Одан кейін олардың дұрыс жауаптарымен таныстырамын. Бұдан олардың жаңа сөздердің ішіндегі қаншасы бұрыннан таныс екенін байқаймын/

Сұрақ -жауап арқылы жұмыс

- интерактивтік тақтамен жұмысы

- ауызша

- дұрыс сәйкестендіріп, көшіріп жазу (сөздік дәптерге)

6 мин

Қолдану

Дамытушылық: Оқушының жүйелі ойлау, ойын тиянақты, әсерлі жеткізу, шығармашылық ізденістерін арттыруға ықпал жасау.

Тәрбиелік: Туған жерін, елін сүюге, Отанына деген патриоттық сезімін жандандыруға тәрбиелеу.

Міндеттері: монолог түрінде сөйлеу.

Тыңдалымға өз қатынасын білдіре білуін қалыптастыру.

Мәтінмен жұмыс

1.мәтінді оқып аудару

2. Әр бөлімнің не туралы екенін әңгімелеу

Топпен жұмыс жасау

8 мин

Талдау

Білімділік мақсаты.

Дамытушылық

Міндеттері:

Жазбаша тілді қалыптастыра білу.

Оқытылған грамматикалық және лексикалық материалдарды белсенділендіру.

1. Мәтінде кездесетін сандардың дұрыс жазылуын байқау мақсатында цифрлы диктант жазуды ұсынамын

Цифрлы диктант:

50000, 8000, 100-120, 2000000, 1000000,2000.

2. «Сегізінші» деген сан есімді сөз құрамына, морфология талдауын жасау.

3. Фонетикалық талдау

«Тоғыз» деген сан есімге фонетикалық талдау.

Жеке жұмысы

Тақтада, жұмыс дәптерлерде.

10 мин

Жинақтау

Дамытушылық

Тәрбиелік

Міндеттері: Сұрақтарға толық жауап беру. Жазбаша тілді қалыптастыра білу.

1 тапсырма. Мәтіндегі көп нүктенің орнына тиісті әріптерді қойып жазыңдар. (интерактивті тақта, оқулық, дәптер)

2 тапсырма. Берілген сұрақтарды достарыңа қойып, олардың жауаптарын жазыңдар.

Жеке жұмысы

Тақтада, жұмыс дәптерлерде.

Жұппен жұмысы

Сұрақ -жауап түрінде

10 мин

Пайымдау

Білімділік

Дамытушылық

Тәрбиелік

Міндеттері:

Тыңдалымға өз қатынасын білдіре білуін қалыптастыру.

Балалар, 3 ,5, 7 деген қандай сандар? тақтадан 3.5.7 деген сандар көрінеді

- Жақсы,жалпы адамның өмірі санмен байланысты, сондықтан кейбір сандарды халық киелі сандар деп есептеген.Ал сендер осы сандарға байланысты кездесетін қандай ұғымдар мен түсініктерді білесіңдер, осыны жазып шығайық.

- Есептік сан есім.

оқушылар осы сандар бойынша білгендерін жазып шығады/. 3 саны - Үш жүз, Үш би . Үш арсыз Үш байтерек. т.б 7 саны- Жеті ата. Жеті күн . Жеті су . т.б 5 саны- Бес парыз. Бес дұшпан. Бес асыл. Бес арыс т.б.

Оқушылар жазған жұмыстарын оқиды.

3 мин

Сабақты қорытындылау

Білімділік мақсаты

Дамытушылық

Тәрбиелік

Міндеттері

Сұрақтарға толық жауап беру.

Тыңдалымға өз қатынасын білдіре білуін қалыптастыру.

- Балалар,бүгінгі сабақтан қандай әсер алдыңдар?

- Нені білдіңдер? Нені үйрендіңдер?

Үй тапсырмасы: