Разработка на казахском языке Өзіңді де, өзгені де аяла

Тақырып: Өзіңді де ,өзгені де аяла

Құндылық: Дұрыс іс - әрекет
Қасиеттер: сүйіспеншілік, сыйластық

Мұғалiм: Н. Уразниязова

Сыныбы: 3«А»,«Ә» ,«Б»,«В»

Сабақтың мақсаты Балалардың «сүйіспеншілік»,«сыйластық» құндылықтары туралы түсініктерін кеңейту.

Міндеттері:

• Өзіңді де өзгені де аялаудың адам өміріндегі маңыздылығын түсіндіру;

• Өзіне, өзгелерге аялы ,сыйлы қарым-қатынастарын дамыту;

• Сүйіспеншілікке, мейірімділікке тәрбиелеу.

Сабақ барысы:

Ұйымдастыру кезеңi. Оқушылармен амандасу, түгелдеу.
Тыныштық сәтi. Баяу әуен ойналады. Терең тыныс ала отырып демалу, жүйкені тыныштандыру, жағымды көңіл - күй орнату.
Түзу, ыңғайлы отырып, көздерін жұмады.
«Көз алдарыңызға жазғы бір таза ауада дем алып, серуендеп жүрген уақыттарыңызды елестетіңіздерші! Қандай керемет сәт, таза ауа! Терең тыныс алыңыздар. Өздеріңіздің тыныс алуларыңызды бақылап, бақытқа, махаббатқа, тыныштыққа толы таза, шипалы ауаның тұла бойларыңызға толғанын сезініңіздер! Терең тыныс алыңыздар. Ауамыз таза, тынысымыз жақсы, көңіл - күйіміз де шат. Жанымыз тыныштықта. Енді сабағымызға оралайық! Оқушылар өз қалпына келеді.

Жаңа сабақты түсіндіру.

1. Аялау деген сөзді қалай түсінесіңдер?

2. Сендерді кімдер аялайды? көрсетеді

3. Аялау қандай сезімге бөлейді?

Мәтінмен жұмыс

Жанашыр

• Дастанның қызға аяушылық сезімін неден аңғаруға болады?

• Дастанды балалар не үшін мақтан тұтты деп ойлайсыңдар?

Осы әңгіме мазмұнынан қандай ой қорытуға болады?

Дәйексөз «Аялауды табиғаттан үйрен»

Халық даналығы

• Табиғаттың қай жаратылысын алып қарамайық, бәрі де адамдарды аялайды. Мысалы күн нұрын төгеді, суын береді,ауасымен дем алдырады,олар осы жақсылығын еш міндет етпейді. Сондай-ақ адамдарды бөліп жармайды, бар жақсылығын бәріне бірдей көрсетеді.Адамдар да дәл солай жасауы тиіс.

Жағдаятты талдау

1.Ару жанның кішкентай сіңлісі Алтынай дүниеге келді. Үйдегілер қуанышты.Туыстары жақсы тілектер айтып Алтынайға әкелген сыйлықтарын беріп жатты.Аружан бұған өкпелі.Алтынай өмірге келгенге дейін анасы алдына алып аялайтын. Барлық сыйлықта, жақсы тілектер де Аружанға арнап айтылатын.Енді өзіне көңіл бөлінбегеніне ренішті.

*Аружанның қылығы дұрыс деп ойлайсыңдар ма? Неліктен?

* Сендер Аружанның орнында болғанда не істер едіңдер?

2.Мұхит сабақтан келе жатып шөптің арасынан қыбырлаған бір нәрсені көріп қалды.Қараса кіп-кішкентай мысық, үсті -басы су-су. Мұхитқа аянышты көзбен қарап мияулап тұр. Мұхит мысықты аяп, үйге алып келді.Оны орап, пештің түбіне жатқызды.Жылы үйге кірген мысық, маужырап ұйқыға кетті.Сәлден соң есік қоңырауы сылдырлады.Ашса көршісі Асылхан екен.Ол мысығын жоғалтып, таппай Мұхитқа келген еді. Пештің түбіндегі ораулы жатқан өз мысығын көріп, Мұхитқа күдікті көзбен қрап, мысығын құшақтап шығып кетті.

*Сендер Асылханның орнында болсаңдар не істер едіңдер?

* Ал, Мұхиттың орнында болсаңдар не істер едіңдер?

Дәптермен жұмыс:

Оқулықтағы ребусты шешіп ,шешуін дәптерге жазып аламыз.

Ребустың шешуі: Аялау-мейірімділікті қажет етеді.

Үйге тапсырма

Жанашыр мәтінін оқып, мазмұндап келу.