Ашық сабақ Мекен үстеуі

Сабақтың тақырыбы: Мекен үстеуі
Сабақтың мақсаты:
Білімділігі: Оқушыларға мекен үстеуі, етістікпен тіркесіп келетіндігі жөнінде түсінік

беру, үстеу түрлерін ажыратып, сөйлем ішінен таба білуге үйрету. Дамытушылығы: Оқушылардың өз ойын еркін жеткізе білуін, үстеуге байланысты

тапсырма,ларды өздігінен орындай алуға үйрету, өз ойын еркін жеткізе білу әре-

кеттерін қалыптастыру шығармашылық қабілетін шыңдау.

Тәрбиелілігі: Өлкедегі тарихи орындарға саяхат жасау арқылы туған жерге деген

сүйіспеншілігін арттыру, ұжымшылдыққа, еңбексүйгіштікке, бірлікке, ұлтжан-

дылыққа, адамгершілік қасиеттерге тәрбиелеу.

Түрі: саяхат сабақ

Әдісі: түсіндіру, сұрақ-жауап, топтастыру, талдау, ізденіс, салыстыру.

Пәнаралық байланыс: әдебиет, тарих, музыка, география

Көрнекілігі: Қаракөл - Сарайшық маршрут картасы, Сарайшық туралы деректер жинақ-

талған буклет, суреттер топтамасы, топтастыру, үлестірмелі парақша, бейнетаспа.

Сабақтың барысы: І. Ұйымдастыру

• Балалар, сіздерге сүйінші хабарым бар?

• Онда уақыт созбай айтайын. Біз «тарихқа тағзым» атты маршрут ұйымдастырып, өлкеміздегі тарихи орындарға саяхат жасаймыз деп едік қой. Олай болса, бүгін Сарайшыққа баруға шақырту алдым.

• Қашан?

• Бүгін сағат 10⁰⁰ - де.

• Бір шартым: егер үй тапсырмасына толық дайындалсаңдар ғана барасыңдар!

ІІ. Үйге берілген тапсырма

Қайталау - оқу анасы.

1. Үстеу дегеніміз не?

2. Үстеу мағынасына қарай нешеге бөлінеді?

3. Мезгіл үстеудің ережесін кім айтады?

4. Мезгіл үстеу қандай сұрақтарға жауап береді?

• 276 - жаттығу.

Шарты: Мезгіл үстеулерін тауып, сұрақ қою арқылы қандай сөзбен тіркесіп тұрғанын көрсетіңдер.

• - Үй тапсырмасына жақсы дайындалып келген екенсіңдер. Уәдем бойынша саяхатқа

шығу үшін жолға дайындалайық.

• - Бірақ, балалар, біз сыныпта көппіз, сондықтан да екі көлікке мінуге тура келіп тұр.

Ол үшін екі топқа бөлінейік.

1. «Қаракөл» тобы

2. «Сарайшық» тобы

• - Көлікке жайғасып отырып алсақ, жол қысқарту үшін өлең айтайық.

Ән: «Біз Отанның ұланымыз» (хормен орындалады)

ІІІ. Жаңа сабақ

• Міне, ауылдан да шықтық. Қайда барамыз?

• Сарайшыққа.

• Қайдан шықтық?

• Ауылдан.

• Олай болса өздеріңіз айтып отырғандай қайда? қайдан? қалай қарай? деген сұрақтарға жауап беріп, іс-әрекет, қимылдың болу орнын, мекенін, бағытын білдіретін үстеудің түрін мекен үстеуі дейміз.

• Мекен үстеулері негізінен етістікпен тіркеседі. Ілгері, кейін, әрі, бері, әрмен, мұнда, осында, жоғары, төмен, сонда, жолшыбай, тысқары, алға, алда, артта, жол-жөнекей, тұс-тұстан, алды-арты, арттан.

• Мысалы: Алыстан мұнартып тау көрінеді. (қайдан? - алыстан көрінеді)

Таудың етегінде ағаштар өсіп тұр. (қайда? - етегінде өсіп тұр)

• Балалар, қараңдаршы Индердің тауы көрінетін сияқты, олай болса аяқ суытып алайық: кітаптан тапсырма орындайық.

Кітаппен жұмыс:

278- жаттығу.

Шарты: Мекен үстеулерін тауып, сұрақ қою арқылы қандай сөзбен тіркесіп тұрғанын

көрсету.

• Балалар, қараңдаршы Махамбетке де келіп жеттік. Енді жол қысқарту үшін Сарайшық туралы білетін деректерді әңгімелейік.

• Шығармашылық жұмыс:

(Сарайшық туралы оқушылар шығармашылығы)

• Сиқырлы қоржын тапсырмалары:

1. Мәтінмен жұмыс: «Секер көл» (аңыз әңгіме айтылып, мәтін ішінен мекен

үстеуді тақтаға жазу)

2. Мұражайдың ең көне жәдігері (1909ж) алып құмыраның тапсырмасы.

Диалогпен жұмыс: Кітапханада, дүкенде, мектепте, ас үйде, ойын алаңында.

(әдебиет тапсырмасы бойынша диалог көрсету)

3. Жеті ханға қойылған ескерткіш - белгінің тапсырмасы

Саяхаттан алған әсерлерің... (мекен үстеуін қатыстырып өз пікірін білдіру)

4. Жеке оқушымен жұмыс. Көп нүктенің орнына мекен үстеуін қойып жаз.

Жоғары - төмен, артта, осында, жол-жөнекей

1. Өмірдің бар кереметтерін ………………………………кездестіруге болады екен.

2. …………………………отырған Ақтілеу мұғалімнің кіргенін аңғармай қалды.

3. Жолаушыларға……………………………… көлік те кездеспеді.

Сабақты бекіту:

Жолдама қағаздар (екі топ бір-біріне бекіту сұрақтарын қояды)

1. Үстеу түрлерін ата?

2. Біз бүгін үстеудің нешінші түрін өттік?

3. Мекен үстеуі дегеніміз не?

4. Мекен үстеуі құрамы жағынан нешеге бөлінеді?

5. Мекен үстеулер сөз табының қай түрімен тіркеседі?

6. Етістікпен тіркесетін мекен үстеулерін ата?

• Үйге:

1. Мекен үстеуі (ереже жаттау)

2. 279-жаттығу (өзіндік жұмысқа)

3. 280-жаттығу (сұрақ қою арқылы мекен үстеуін тіркесіп тұрған сөзімен жазу)

4. «Ауылым - алтын бесік» шағын әңгіме жазу.