- Преподавателю
- Дошкольное образование
- Ашық сабақ Қазақтың ұлттық ою-өрнектері
Ашық сабақ Қазақтың ұлттық ою-өрнектері
Раздел | Дошкольное образование |
Класс | 13 класс |
Тип | Конспекты |
Автор | Даришева Г.С. |
Дата | 16.01.2016 |
Формат | docx |
Изображения | Есть |
Тәрбиеші:Даришева Г.С.
2015-2016
Мақсаты:Балалардың қазақтың ұлттық ою-өрнектері туралы білімдерін бекіту,оның әсемділігін айтып түсіндіру,ұлттық салт-дәстүрге деген қызығушылығын арттыру және балаларға қол орамалды әшекейлеп,қошқар мүйіз оюын қолдана білуге,түсті ажырата білуге дағдыландыру.
Көрнекі құрал:Суреттер,үлестірмелі заттар,слайд,бас киім,текемет,қоржын.
Әдіс-тәсілі:Сұрақ-жауап,айтып түсіндіру,әңгімелеу,мадақтау.
Ұйымдастыру кезеңі:
-Балалар,қане бәріміз шеңбер болып қол ұстасып тұрайықшы. Біздің тобымызға көптеген қонақтар келіп отыр.Ал,балалар,қонақтармен амандасайық.
Арайлап таң атты,
Алтын сәуле таратты.
Жарқырайды күніміз,
Жарқырайды даламыз.
Қайырлы күн,балалар!
Ата-ана,қонақтар!
-Жарайсыңдар балалар, бүгінгі іс-әрекетімізді қазақтың ою-өрнек,әшекей бұйымдарымен бастайық.Балалар,әр ұлттың ою-өрнектері әртүрлі болады.Біздің ою-өрнегіміз ерекше.Оларды әшекейленген ұлттық киімдер,тұрмыстық заттардан кездестіруге болады.(Оларды слайдпен көрсету).
Ою-өрнек түрлері: Қошқар мүйіз,түйе табан,құмырсқа бел,ботакөз.
-Балалар, «Қощқар мүйіз» оюы төрт түліктің бірі қошқардың мүйізіне ұқсас.Бұл оюды киіздерге,текеметтерге,үй бұйымдарына қолданады.Бүгін сендермен «Қошқар мүйіз» оюын оюлап жапсырамыз.Алдарыңда қандай оюдың үлгісін көріп тұрсыңдар?
-Қошқар мүйіз оюының үлгісі.
-Бір ақ параққа қошқар мүйіз оюын жапсырамыз.(Балалар оюды жапсыруға кіріседі,оюдың жапсыру ережесін түсіндіру.Балалардың жұмыстарын қадағалап,көмектесу,үйрету).
-Балалар,шаршаған болсаңдар, кішкене тынығып,бойымызды сергітіп алайық.
Сергіту сәті:
Ал,балалар тұрайық,
Ою-өрнек сызайық.
Түйе табан,ботакөз,
Қос ізімен қосмүйіз.
Құмырсқа белді әдемі,
Ою-өрнек әлемі.
-Өте тамаша,жарайсыңдар.Балалар, ою-өрнек туралы мақал-мәтел білесіңдер ме?
- «Ою ойғанның ойы ұшқыр». «Өнерлі бала өрге жүзеді». «Өнерлі бала сүйкімді».
-Ал балалар,енді ойын ойнап жіберейік.
Дидактикалық ойындар: «Өрнекті ата». «Түстерін ата».
Ойынның шарты мен тәртібі:Балаларға қағазға жапсырған ұлттық ою-өрнек түрлерін көрсету.Олар өрнектің атын атап,түстерін ажыратады.Өрнектің аты мен түсін дұрыс ажыратқан бала жеңімпаз болады.
Балалардың жұмыстарын тексеру.
-Балалар,біз ақ параққа қандай ою-өрнек жапсырып әсемдедік?
-Қошқар мүйіз оюымен әсемдедік.(Балалар қолындағы оюдың түсін айтады).
-Жарайсыңдар балалар,өнерлерің өрге жүзсін,үлкен өнерлі азамат болыңдар!
Күтілетін нәтиже:
Білуі керек:Ұлттық ою-өрнек түрлерін ажырата білуі.
Түсінуі:Әртүрлі ұлттық ою-өрнектердің бар екенін түсінді.
Көрсете білуі:Ұқыпты,таза жұмыс жасауға дағдыланды.