- Преподавателю
- Дошкольное образование
- Ұйымдастырылған оқу әрекетінің технологиялық картасы Тақырыбы: «Ертегі еліне математикамен барамыз»
Ұйымдастырылған оқу әрекетінің технологиялық картасы Тақырыбы: «Ертегі еліне математикамен барамыз»
Раздел | Дошкольное образование |
Класс | - |
Тип | Конспекты |
Автор | Жолмуканова А.М. |
Дата | 12.01.2016 |
Формат | docx |
Изображения | Нет |
Солтүстік Қазақстан облысы Қызылжар ауданы әкімдігінің Солтүстік Қазақстан облысының
«Қызылжар аудандық білім бөлімі» мемлекеттік мекемесі «Мирас»
бөбекжай бақшасы»
мемлекеттік коммуналдық қазыналық кәсіпорны
Ұйымдастырылған оқу әрекетінің технологиялық картасы
Тақырыбы: «Ертегі еліне математикамен барамыз»
Тәрбиеші: Жолмуканова А.М
а.Бескөл
2015
Ашық сабақ математика: таным, шығармашылық
Тақырыбы: «Ертегі еліне математикамен барамыз» математикалық 1жұмбақ. Цифр туралы өткенді пысықтау. Кең ,тар.Жыл мезгілдері. (1 слайд)
Мақсаты: математикалық жұмбақтарды шешуді үйрету;
Ұйымдастыру. Шаттық шеңбері (2 слайд Күн)
Балалар әрекеті: Күннің көзі ашылды,
Көкке шуақ шашылды.
Құтты қонақ келіпті,
Төрімізге еніпті,
Амандасу үлкенге,
Тәрбиенің басы ғой.
Ал, кәнекей, бәріміз,
Сәлем дейік үлкенге,
Сәлеметсіздер ме апайлар !
Жарайсыңдар, балалар ! Орынымызға отырамыз.
Сұрақ-жауап «Миға шабуыл»
-
Балалар ,бүгін аптаның қай күні ? - сейсенбі
-
Кеше аптаның қай күні болды ? - дүйсенбі
-
Бір аптада неше күн бар ? -7 күн
-
Ал, бір жылда неше мезгіл бар ? - 4 мезгіл
-
Ал, қазір жылдың қай мезгілі ? - Көктем мезгілі (3 слайд Көктем)
-
Көктемде қандай өзгерістер болады?- қар ериді,құстар.
Балалар біз өткен сабақтарда қандай сандармен таныстық?(4 слайд Сан)
Қандай пішіндерді білеміз? (5-10 слайд Пішіндер)
Үшбұрыш, төртбұрыш, шаршы, дөңгелек, сопақ, жұлдызша.
Ал енді , мен сендерге пішіндердің атын айтамын , сол пішінді ауада салып көрсетіңдер.
- Балалар, бүгінгі математика сабағымыз қызықты болмақ. Өйткені ертегілер еліне қызықты математика арқылы саяхатқа барамыз. Бауырсақ ертегісін білесіңдерме? Бауырсақ жолда қандай аңдармен жолығушы еді?
Қоян , аю, қасқыр , түлкі. (11 слайд Түлкі мен Бауырсақ)
Балалар , бүгінгі сабағымызда Бауырсақты осы аңдарға жегізбеуіміз керек. Көмектесеміз бе? Ол үшін аңдардың әртүрлі тапсырмаларын орындаймыз. -
- Орман ішінен домалап Бауырсақ келеді. (12 слайд Бауырсақ)
Балалар , Бауырсақ ең алдымен қандай аңға жолығады?
- ҚОЯНҒА (13 слайд Қоян мен Бауырсақ)
- Олай болса, Бауырсақты Қояннан құтқару үшін оның тапсырмасын орындайық. Балалар, Қоян немен қоректенеді?
- Ендеше сәбіздерін санап берейік.
1 - тапсырма. (14 слайд сәбіздер )
- Қоянның өзінде төрт сәбіз бар екен. Оған Бауырсақ бір сәбіз сыйлады. Барлығы қанша сәбіз болды екен? Санайықшы? 1,2,3,4,5 енді кері санайық 5,4,3,2,1. (бір бала тақтада көрсетеді) Қоян сендерге рахметін айтып ,
Бауырсақты ары қарай жіберді.
- Енді Бауырсақ қандай аңмен жолығады? АЮМЕН
2 - тапсырма. (15 слайд Аю мен Бауырсақ)
- Енді Аю сендермен бірге санамақ айтқысы келіп тұр. (16 слайд 1-5 дей)
2-тапсырма
Аю сендерге рахмет айтып ,Бауырсақты жібере салды.
- Ал , енді Бауырсақ қандай аңмен жолығады? ҚАСҚЫРҒА.
3 - тапсырма. (17 слайд Қасқыр мен Бауырсақ)
- Мен ,Бауырсақты іздеп келдім, қарным ашып, жегім келіп тұр. Бауырсақты жемесем басым ауырады.
Балалар , Қасқырдың тапсырмасы бар екен, орындап береміз бе?
1-тапсырма: Балалар, Қасқыр сендермен бірге сергіту жаттығуын жасағысы келеді.
Сергіту жаттығу.
-
Оңға , оңға түзу тұр,
-
Солға , солға түзу тұр.
-
Алға қарай бір адым,
-
Артқа қарай бір адым.
-
Жоғары төмен қарайық,
-
Орнымызды табайық.
2-тапсырма: Балалар, Қасқыр қазір қандай тәулік екенін білмей басы қатып тұр. Бір күнде неше тәулік бар? (4-тәулік. таң,түс,кеш,түн).
Қасқыр, бағдаршамның көздерінің түстерін, нешеу екенін білмей тұр.
Қасқыр сендерге өте риза болып ,Бауырсақты ары қарай жіберді.
- Бауырсақ Қояннан , Аюдан , Қасқырдан құтылып келе жатса , алдынан қандай аң шығады ?
- Түлкі қандай аң ? Айлакер аң.
4 - тапсырма. (18 слайд Түлкі мен Бауырсақ)
- Ал, Түлкі Бауырсақты оңайлықпен жібермейді. Түлкінің тапсырмасы қйынырақ екен.
1-тапсырма: Жұмбақ жасырады. (19 слайд)
«Аяғы төртеу, жүре алмайды,
Не жатып бір дем алмайды» (орындық) 20-21 с
- Далада жүр шапқылап,
- Керемет тым саққұлақ. (Қоян)22-23 с
Жазда қыдырады ,
Қыста тығылады. (Аю) 24-25с
Өте жақсы !
- Балалар, Түлкінің сендерге тосын сыйы бар екен. (қапшық ішінде үлгі коллажы, пішін бөлшектері) (26 слайд)
2-тапсырма: «Әрқашан дос біргеміз» жапсыру сабағына байланысты пішіндерден коллаж жасау. Үшбұрыштан-Түлкіні, шырша,Шаршыдан- үй , дөңгелектен-күнді, сопақтан-қасқырды,аюды жапсыру. «Кең»,«Тар» «Ұзын», «Қысқа» жолдарды әр аңға сәйкес етіп жапсырамыз.
- Балалар, Аю біздің қандай жолмен жүреді? «Кең», «Қысқа»
- Ал,Түлкі қандай жолмен жүріп келеді? «Тар» , «Ұзын»
Балалар ,сендер суреттен не көріп тұрсыңдар? Достықты.
Достар деген міне,осындай болу керек.Достыққа жиналайық.
- Әкел досым қолыңды,
- Татуласқан орынды.
- Өпкелесіп не керек,
- Көрсет қане соныңды.
Қорытынды.
- Ертегіде неше аң бар? Олар енді Бауырсақпен дос болды ғой , енді нешеу болды? Бауырсақ сендерге риза болып ,атасы мен әжесін де қуантып жатыр . Сендер де ата-әжелеріңді тыңдаңдар. Ақылды болып өсесіңдер.
Бауырсақтың беретін сыйлығы бар сендерге. (пішіндер тарату)
(27-слайд) Назарларыңызға рахмет!Сау болыңыздар!