Конспект Бала белән күбәләк (икенче кечкенәләр төркеме)

Алабуга муниципаль районы 17 нче «Ромашка» муниципаль бюджет мәктәпкәчә белем бирү учреждениясе

Г.Тукай «Бала белән күбәләк»

II кечкенәләр төркеме өчен интеграль шөгыль конспекты

˝Матур әдәбият˝, ˝Танып белү˝, ˝Аралашу˝, ˝Нәфис-нәфасәти˝белем бирү өлкәләре

I кв.категорияле тәрбияче:

Сәлимова Әлфинур Вагизовна

Алабуга

Максат: балаларның сөйләм телен үстерү, матур әдәбиятка мәхәббәт тәрбияләү.

˝Өйрәнү˝ белем бирү өлкәсе: балаларны бөек татар халык шагыйре Г.Тукай иҗаты белән таныштыруны дәвам итү; аның иҗатына кызыксыну уяту, табигатькә карата мәхәббәт чәчәкләргә,күбәләкләргә кошларга карата сакчыл караш тәрбияләү; аларның матурлыгын күрә белүне уяту.

˝Аралашу˝ белем бирү өлкәсе: тәрбияченең соравы буенча дөрес җавап бирергә өйрәтү. Диалогик сөйләм күнекмәләрен үстерү. Исем сыйфат кулланып гади җөмләләр төзергә өйрәтү. Балаларның тирә-юнь турындагы белемнәре арту нәтиҗәсендә аларның сүзлек запасын үстерү һәм активлаштыру.

˝Нәфис-нәфасати˝ белем бирү өлкәсе: ябыштыру күнекмәләре ныгыту, пөхтә эш күнекмәләре формалаштыру.

Үткәрү урыны: төркем бүлмәсендә.

Алдагы эш: бакчадагы әкият почмагына экскурсия, Г.Тукай әкиятләрен, шигырьләрен уку, рәсемнәр карау, дидактик уен ˝Бу кайсы шигырьдән˝, "Су анасы" җырлы- түгәрәле уен.

Җиһазлар: Г.Тукай портреты, китаплар, магнитофон, төсле кәгазьдән чәчәкләр, күбәләкләр, клей, пумала, салфетка, мендәрләр.

Алымнар: әңгәмә, портрет карау, миогимнастика, күрсәтү, сәхнәләштерү алымы, дидактик күнегүләр "Бу кайсы әсәрдән?", "Матур сүзләр".

Шөгыль барышы:

• Исәнмесез, балалар! Кәефләрегез ничек?

• Кояшлы көн кебек!

• Әйдәгез әле, хәзер кояш кебек елмаеп алыйк. Менә йөзләребез дә кояш кебек яктырып китте. Балалар, телләребез матур итеп сөйләшсен өчен аларга гимнастик ясап алыйк.

• Тел йокыдан уянды,тышка чыкты.

• Тешләрне чистартабыз.

• Тәмле әйбер ашадык.

• Футбол уйныйбыз.

• Атта киттек.

• Менә телебез гимнастика ясады,ул сөйләшергә әзер. Дөрес итеп утырдык, аркаларны терәдек. Монда карыйбыз.

• Сез бу рәсемдә кемне курәсез? (Г.Тукай рәсеме)

• Ә ул кем соң? (Язучы)

• Сез аның нинди шигырьләрен, әкиятләрен беләсез? (Балаларның җавабын тыңлау)

• Ә кайсы шигырен яттан беләбез?

• Кайсыгыз сөйләргә тели? ("Гали белән кәҗә" шигырен рольләргә бүлеп сөйләү)

• Менә бу рәсемгә карыйк әле. Кайсы шигырьдән икән? (Тәрбияче беренче куплетны әкрен генә сөйли)

• Бу рәсемдә нәрсә күрәсез?

• Кыз нәрсә белән сөйләшә?

• Ә болында нинди төстәге чәчәкләр үсә?

• Балалар, сезнең болынга барасыгыз киләме соң? (килә)

• Безгә барыр өчен матур сүзләр белергә кирәк. Матур сүзләр әйтсәк кенә, безне болынга кертерләр. (балалар матур сүзләр әйтеп баралар)

• Менә килеп җиттек. (кошлар тавышы белән музыка куела)

• Балалар тыңлагыз әле, нинди матур кошлар тавышы. Әкрен генә сөйләшегез, кошларны куркытмагыз.

• Саф һава. Чәчәкләр исе. Әйдәгез, шушы саф һаваны иснибез. (борын белән сулыйбыз).

• Болында күпме матур чәчәкләр, аллы-гөлле күбәләкләр оча. Чәчәкләрне таптамагыз, күбәләкләрне куркытмагыз. Алар тирә-юньгә ямь, матурлык биреп торалар.

• Бу бит, балалар, Г.Тукай язган "Бала белән күбәләк" шигырендәге болын.

• Хәзер бу рәсемгә карыйк әле. Монда тәртипсез малайлар килеп, чәчәкләрне өзгәннәр, күбәләкләрне куркытканнар,чәчәкләрнең сабагы гына утырып калган.

• Без хәзер сезнең белән чәчәкләрне,күбәләкләрне төсле кәгазьдән ябыштырып, балага булышыйк.

• Ябыштыру өчен безгә нәрсәләр кирәк? (клей, пумала, салфетка, клеенка, төсле кәгазьдән чәчәкләр, күбәләкләр).

• Пумаланы ничек дөрес итеп тотабыз?

• Клейны чәчәкнең кайсы ягына буйыйбыз?

• Мин менә сезгә олы күбәләк ябыштырып күрсәтәм. Күбәләкнең төссез ягын клейладым, ябыштырам, салфетка белән сөртеп куям. Хәзер сез өстәл кырыена килегез, шушы төсле чәчәкләрне буяп, сабакларга ябыштырыгыз.

• Булдырдыгыз балалар! Нинди матур чәчәкләр! Барыбер бу чәчәкләр балкып тормыйлар.Нәрсәдер җитми. Чәчәкләр үссен өчен нәрсә кирәк? (кояш)

• Менә хәзер Г.Тукай шигырендәгечә булды. Кызга да болында йөрү күңелле.

• Сезгә шөгыль ошадымы? Без нәрсәләр эшләдек? Болында үзегезне ничек тоттыгыз?

• Дөрес, болында үзеңне тәртипле, әдәпле тотарга кирәк. Болынга рәхмәт әйтеп, катыр юлга чыгыйк.

• Сау бул, яшел, чәчәкле, саф һавалы болын!

Файдаланылган әдәбият:

1. Комплексные занятие по программе "От рождения до школы^н под редакцией Н.Е.Вераксы, Т.С.Комаровой, М.А. Ва-сильевой.Вторая младшая группа./авт.-сост.Н.В.Лободина.

2. Төбәкнең мәктәпкәчә белем бирү программасы.

Р.К. Шәехова.Казан: 2012-142 б.

3. Иңматурсүз. Ата- аналарһәмбалаларбакчасытәрбиячеләреөчен хрестоматия./авт.К.В.Закирова.Казан.

4. Азрак ял итеп алыйк. Физкультминутлар,сүзлехәрәкәтлеуеннар./авт.И.Х.Муяссарова.казан Д998-6 б.

5. Г Тукай «Бала белән күбәләк» китабы.