Интелектуалды ойын Біз тапқыр баламыз

,

№19 орта мектебі

Орындағандар:

Бугенбаева Т.А

Байжумина А.Ж

Камбарова А.С

Карсахова Ж.Т

2015 жыл

«Біз тапқыр баламыз» интелектуалдық ойыны

Мақсаты: Балалардың білімге деген қызығушылығын арттыру. Жалпы оқу бағдарламасымен қатар, дүниетану және ойлау қабілетін ұштау. Сонымен қатар, ұлтымыздың тарихын, салт - дәстүрін, әдеп - ғұрпын насихаттау. Тез және дұрыс шешім қабылдауға баулу.

Құрылымы: Ойынға 6 баладан құралған 4 топ қатысады. Қатысушылардың жалпы саны - 24. Ойын 5 кезеңнен тұрады. Топтар әр кезеңнің қорытындысы бойынша сақиналармен пирамида құрайды. Барлық айналымнан кейін барынша көп ұпай жинаған топ жеңімпаз атанады.

Ойын барысы:

-Амандасу. Топтарды шақыру.

- Бүгін біз «Біз тапқыр баламыз» атты интеллектуалды ойынға қатысып отырмыз. Ойын шарты әрбір конкурсқа байланысты тапсырмаларды орындау.

-Енді әділ қазылармен танысайық. Ойынға 4 команда қатысады. «Достық», «Дарын», «Алғыр» және «Бірлік».

Құрметті ұстаздар, сайысқа қатысатын ұландар! Бүгін метеп алды даярлық оқушылары аралығында өткізгелі отырған «Біз тапқыр баламыз» ойын - сайысын көріп тамашалайсыздар. Бұл сайысқа әрбір сыныптан өздерінің ұлттық намысын топпен бірге көрсете алатын оқушылар қатысып отыр.

Шаттық шеңбері.

Балалар біздің көңіліміздің кілті біздің езуімізде. Әрдайым күліп жан жағымызға күлкі сыйлайық! Олай болса балалар күлкі сыйлайық!

Кел балалар күлейік

Күлкіменен түлейік

Қабақ шытып не керек

Көңілді болып жүрейік! жарайсыңдар

Жүргізуші: «Біз тапқыр баламыз»

Жақсы болу өзіңнен,

Жаман болу өзіңнен.

Өзіңді өзің ая да,

Өзің үйрен өзіңнен.

Жақсылық көрсең біреуден,

«мен қандаймын?» деп ойла.

Жамандық көрсең біреуден,

«мен қандаймын?» деп ойла, - дей отырып, бүгінгі «Біз тапқыр баламыз» сайысына қош келдіңіздер!

Бүгінгі ойынымыз өте ерекше. Үйткені біз командамен жұмыс істеуіміз керек.

Ережелерді естен шығармайық.

Командалар орындарына отырады. Ойын шартын тыңдайды. Біздің ойынымыз тапсырмалар мен сұрақтардан тұрады. Сұрақтарды мұқият тыңдап топпен ақылдасып жауап беру керек. Әділ қазылар алқасы бағалап отырады.

Жауап дайын болған кезде белгі береді. Жылдам жауап берген топ ұпай алады.

Ал сайысымызды бастайық.

1-ші кезең:Топтарды таныстыру

2-ші кезең:Білгенге маржан». Бейне жұмбақтар

3-ші кезең: Сұрақтар:

1. Бір жылда неше мезгіл бар?оларды ата.

2. Апта күндерін ата?

3. Призидентіміз кім?

4. Тірі табиғатқа нелер жатады?

5. Құстар нешеге бөлінеді?

6. Жабайы жануарларды ата?

7. ҚР рәміздерін ата?

8. Үй жануарларын ата?

4-ші кезең: Шарға дәл тигізу

Сұрақтар .

1. Бағдаршамда неше көз бар?

2.Бауырсақ ертегісінің кейіпкерлерін ата

3.Сандарды тура және кері сана

4.Дауысты және дауыссыз дыбыстар қандай түспен белгіленеді?

5-ші кезең «Салыстыру» (интерактивті тақтада)

Қорытынды

Барлық кезеңнен кейін ойынның жалпы есебі анықталып жеңімпаз анықталады. Жүргізуші топтарды марапаттап, жеңімпаз топтың көшбасшысына арнайы сыйлықты табыстайды Құрметті балалар, міне бүгін сендердің мынадай талапты, салт - дәстүрімізді жалғастырушысы екендеріңді көріп, сүйсініп отырмыз. Талаптарыңа нұр жаусын!- деп қорытындыланады.

«Біз тапқыр баламыз» сайысы аяқталды.